Contrast

营业中

休息中

終於去左試黎間位於長沙灣嘅cafe🤣 cafe 係轉角位，成間餐廳都有自然光入，感覺幾舒服！見個個去都試竹炭waffle 我同友人見到好大份反而冇試到😅/雞蛋布丁配house espresso $58/一提起contrast 又點可以唔食佢個pudding，高身甜品杯好吸睛，令一個咁普通嘅布丁都可以望落好典雅😂 布丁好滑，加埋espresso，balance 返布丁嘅甜味！/黑芝麻乳酪芝士蛋糕 $42/黑芝麻味到唔算濃，比yoghurt 味搶左，要就咁食底層先食得出芝麻味，但係因為有yoghurt 所以唔會好膩！/番茄牛油果竹炭多士 $58/多士好脆口，牛油果莎莎醬味道好清新，不過都係覺得普通左d🤔/Matcha latte $42/拉花幾靚🥰matcha 味道濃郁！同埋都幾大杯👍🏻整體黎講可能因為因為見好多人去食我期望都幾高🙈食完就覺得普通，不過不失，下次有機會去試埋佢個waffle！

深水埗及長沙灣一帶新開不少打卡Cafe，這間Cafe裝潢簡約，主調以黑、白兩色，落地玻璃設計，採光度高。供應精品咖啡，輕食、意粉、漢堡和自家製特色甜品等，賣相吸引又高質！👍🏻👍🏻👍🏻【白味噌南瓜野菌扁意粉】⭐⭐⭐🍝意粉幾有咬口，南瓜煮得好軟稔，意粉掛到汁都幾好食👍🏻【雞蛋布甸配House Espresso】⭐⭐⭐⭐成為網紅的打卡食物幾乎每枱都點，除了賣相好看，味道也是高水準！先吃一口原味，🍮布丁濃郁蛋香味配上濃香厚忌廉，口感非常滑溜，再淋上Espresso☕後咖啡的微微苦澀令布甸增添了層次，能品嚐多重口感！建議不要一次過淋曬Espresso，倒一半份量就剛剛好，否則會太苦澀。【竹炭糯米窩夫配自家製牛奶雪條】⭐⭐⭐⭐第一次食窩夫有原條雪條🤣窩夫外脆內軟加入了糯米和竹炭製成比普通窩夫更為煙靭，配上鮮甜淡忌廉和莓味果醬🍓一同吃，滋味十足😋。

假日大約十二點半到黎到 已經好長龍 大概十幾二十人等緊 當日天氣比較熱 店員好貼心咁提供手提風扇仔俾排緊隊既顧客 值得一讚！由於店鋪比較大 等左十五鐘度就有位了店內裝修以黑白為主 一整排落地大玻璃窗令室內光線充足牛肉漢堡配牛油果角 $96黑色既漢堡包再配上黑白雲石餐碟 賣相吸引 漢堡扒厚身 未煮至全熟 所以唔會太老太乾 咬落去有少少肉汁 配上蕃茄 生菜 大啡菇 芝士等 令成個漢堡層次更豐富 牛油果fans唔好錯過佢既炸牛油果角 剛好熟透既牛油果 沾上脆漿 炸至外脆內脆 淡淡牛油果香配上千島醬更加好味💚Matcha Latte $42抹茶濃郁 但部分抹茶粉未夠細滑 所以口感稍為不夠順滑 墨魚汁扁意粉伴蟹籽 $78

Union🌎🎈Contrast/Contrast has the inner meaning of being unison. Hope it can apply to every part of our world./雞蛋布甸配House Espresso ($58)House blend Affogato Pudding 🍮布甸好滑 騰騰震咁 上面仲有堆忌廉慢慢淋上house espresso好正 ☕️Espresso味好濃 配合布甸既甜味岩岩好 😌糯米窩夫配自家製牛奶雪條 ($96)Glutinous Rice Waffle with Home-made Ice Lolly 🍭雪條食落冇咩甜味 反而牛奶味好濃好突出 🍼 窩夫脆脆地內軟 但個人覺得外層可以再脆口啲 可能唔識欣賞糯米窩夫既特別🤪 淋上佢地既醬汁同紅莓汁都幾開胃😋白味噌南瓜扁意粉($72) Mushrooms and Pumpkin Linguini in White Miso Sauce 🍝好少見白味噌味既意粉 食落比想像中香同夾 加埋煮到腍同入味既南瓜 好食喎🥳

Cafe開到成行成市，大多數都座落於一些唔起眼的位置，但並無阻年輕人捐窿捐隙去找尋打卡的地方。我經常行經附近食lunch, 今日見裡面唔係太多人就即管一試。Cafe裝修得不錯，有一行座位在咖啡檯前，可以欣賞咖啡師認真地沖調每一杯咖啡。我點了一客黑松露蟹肉炒蛋黑炭多士，蛋大概七成熟，黑松露味亦足夠，炒得不錯，但蟹肉就食唔出。喜歡黑炭多士的厚度，口感不是脆，但卻有一種硬度適中的感覺，非常喜歡。配上一杯Americano最好不過，咖啡濃而不澀，不錯👍🏼Cashier位置還有一張做型可愛的icon貼紙，記住攞張留念😊

呢間嘅巴斯克乳酪芝士蛋糕同布甸都好多人食 🍰但今次小編想試下呢個店嘅招牌窩夫：-1️⃣「Contrast糯米窩夫配自家製牛奶雪條🧇($96)」-黑色嘅外表好型好吸睛！👀 糯米窩夫食落比普通窩夫更為煙靭，佢個莓醬酸甜開胃唔會過甜，仲可以搭配士多啤梨同紅桑子一齊食🍒🍓坦白講比一起果醬個個更勝一籌🤣牛奶雪條奶味香濃，美中不足係個忌廉較膩🙈🥛-「Glutinous rice waffle with homemade ice lolly ($96)」

見到fb post介紹呢間cafe 決定黎打下卡已經係平日黎 估唔到晏晝都幾多人 要排隊同朋友嗌左竹炭糯米窩夫配自家製牛奶雪條同咖啡巴克斯芝士蛋糕 牛奶雪條奶香味好重 食落去係100%純牛奶既味而個竹炭糯米窩夫 外皮唔夠脆 食落一般般 但個plating好有心思 真係好啱打卡Cheesecake比想像中細份 咖啡味同cheesecake幾夾 甜得黎有少少苦苦地

試左呢間人氣 店um.. 好多人排，未 lunch time 11點去排，排左半個中入面 decoration 幾靚可惜味道麻麻食左正餐 all day brunch 同墨魚汁粉個墨汁吾太暈，有啲位too salty 有啲位冇all day brunch normal ，條大肉腸好食既 juicy 既，然後就沒有然後鳥 甜品 signature 布甸好好食另外芝麻芝士 cake normal, 同芝麻個部份食變淡，就咁食白色部份有味啲飲 flat white coco淡左啲環境都還好係去到見到有兩壺水而冇得飲因為問完都係話冇哂杯。。。可能洗吾切掛。。。上菜快既。。try the pudding rmb

今日難得同女朋友一齊放假，諗住同佢搵一間港女Cafe等佢開心吓。上網搵到長沙灣有一間主打黑白主題嘅餐廳，食物水準睇落都唔錯，二話不說諗住去食個branch。我哋係平日兩點倒去度，都要排大概半個鐘隊先有位，如果大家朋友要來嘅時候注意啦。首先第一個印象就係定價唔貴。全黑既多士好有自家嘅特色，配合雲石圖案嘅底碟，打卡一流。竹炭多士食落其實同普通多士冇乜大分別，牛油果以及蕃茄莎莎都好新鮮。牛肉漢堡料比得好足，大量嘅沙律菜加埋蕃茄，芝士以及厚厚既牛肉漢堡扒，如果係女士細食d分分鐘食唔曬。牛油果角都幾出色新奇，清新得黎無平時薯條咁重嘅飽滯感。

Menu 既食物選擇唔多, 主食都係以竹炭麵包同埋Pasta為主🍝 飲品方面都係平日cafe會有既款式☕️ 仲有最signature既甜品🍮 蕃茄莎莎牛油果竹炭多士🥑($58)多士攞黎做早餐就最適合不過, 話明係竹炭多士, 當然係黑色嫁啦😌 多士烘得好脆, 上面舖左啲牛油果片同埋蕃茄莎莎醬, 成個combination 都好fresh, 不過就普通左啲全日早餐🥣 ($92)All day breakfast 都冇咩特別, 有個幾綿滑既炒蛋🍳 竹炭多士🍞 微微燒過既蕃茄🍅 腸仔, 牛油果🥑 同埋少量沙律菜🥗 係一個幾健康既all day breakfast 牛油果漢堡配牛油果角🍔($96)呢度既麵包類食物基本上都係竹炭, 所以漢堡包既包都係黑色的🤣 漢堡都幾多層, 漢堡扒既牛味超濃, 再配埋啲沙律菜, 新鮮蕃茄同埋少量既磨菇, 感覺都幾清新, 唔會有油膩感👍🏽 牛油果角炸到好似啲fish fingers 咁, 完全唔似食緊牛油果😂 連平日唔食牛油果既朋友都讚好雞蛋布甸配House Expresso🍮($58)布甸係一樣冇得輸既甜品, 又靚又好食😋 布丁面頭本身有啲light cream淋左

話說第一次見呢間店時佢未開業，望到轉角位分開一半嘅Contrast 店名而留意到，嗰陣冇諗到依家日日咁多人排隊😂 我都俾佢嘅裝修同甜品吸引到黎排埋一份💕 呢次試咗意粉、甜品同咖啡😬 未食午餐比較餓就食個正餐先😛 白味噌南瓜野菌扁意粉 $72 用味增做西式意粉嘅底係幾特別嘅👍🏻 用南瓜同野菌都比較穩陣嘅配搭，啲意粉掛都唔少汁都幾好食👀然後係我嚟呢度最想食嘅雞蛋布甸配HouseEspresso $58😍好鍾意佢用呢個香滑嘅布甸配上濃郁咖啡香味嘅espresso，加埋簡約風嘅餐具，打卡一流😬 眼闊肚窄咁叫埋Contrast糯米窩夫配自家製牛奶雪糕 $90 食完上面兩樣嘢其實已經好夠飽，估唔到呢個咁大碟，個窩夫整得好夠外脆內軟👍🏻 配上成條牛奶雪條好吸睛🍼 生果配搭就用普通啲嘅香蕉，但份量比得好足🍌🍌🍌Latte $38嘅拉花都幾靚，就算凍#Mocha $42都用上靚啲嘅杯，打卡上全面照顧到😂 去嘅時候已經係平日下午，但仲係要排隊，為咗快少少入照搭枱，但食嘅時候係咁細嘅枱對面坐住兩個大男人，成程enjoy度係即刻都減少勁多😅 我覺得甜品都幾好食嘅，但唔駛排隊同搭枱先再去😗

見到好多人都話星期六，日等位等到傻，因為唔想排太耐,於是揀咗平日下午茶時間先黎Contrast ！三點令左右到，唔算好長人龍，排左廿令分鐘有位，成間cafe由店面到店入面裝修都已經值得大家黎試一次！如果冇限用餐時間，真係可以坐喺度兩三個鐘！ 我自己本身對cafe 食物質素要求唔係好高，正常入到口，俾你打到卡已經合格，但係Contrast 我地試咗三款野食，綜合係合格有餘蟹肉炒蛋竹炭多士 （7/10）賣相幾好，蛋係滑，但為咗炒滑，加太多嘢入蛋漿，令到炒蛋冇蛋味，下面多士亦唔脆身扣分牛肉漢堡配蕃薯條（7.5/10）漢堡夠 juice ,夠厚，亦都配合到自身配菜，可惜又係個包，如果可以輕輕烘下就加分😁 因為當日牛油果沽清，換咗配上炸蕃薯條，🤨陰謀論會唔會係成本控制，配牛油果角每日只係得十份八份？因為我見食評好多人都係因為牛油果沽清而改配蕃薯條，始終牛油果成本高好多！希望下次去會試到炸牛油果角😉 雖然蕃薯條都炸得唔差，終鐘炸牛油果角少地方試到，如果配蕃薯條$96係偏貴 雞蛋布甸配House Espresso (8.5/10)雞蛋布甸算滑，夠蛋味，甜度適中，加上配espresso 可以有唔同層

雞蛋布丁配House Espresso🍮 $58呢個甜品相信係十枱有九枱黎食既原因🤩首先佢用高腳杯載住 布丁上面加咗啲cream作點綴令到個賣相好好睇🥳而味道方面一食落就好有蛋香同焦糖既甜點 配埋cream食口感好綿滑好輕盈當加咗espresso後咖啡味頗為濃郁 但食落係偏苦澀 中和返布丁既甜度 減少咗個甜膩感 提醒大家唔好一次過落哂espresso唔係就會令苦澀味撞咗布丁既甜味😵整體黎講個喇感好輕盈加上一甜一苦既組合令到成個布丁有唔同既層次 確實別具特色 可以一試🥰評分: 9/10🌟白味噌南瓜野菌扁意粉 $72賣相都幾靚 而且用雲石紋既碟都幾有藝術感✨眼睇落份量唔算多 但一食落就知原來係捲得太好令人以為好少🥵南瓜整得好淋而且食落又甜 本身覺得咁整會唔好食 點知好食到清哂啲南瓜🤣至於意粉就煮得偏硬身 好有咬口 不過本來expect扁意粉會再淋身少少 但都可接受而且食落都好creamy同少少南瓜帶黎既甜味整體都算係唔錯 整得一試評分: 8/10🌟小編認為呢間店心cafe無論環境同食物質素都唔錯 不過就要早少少去 平日二三點去到都要等到等位 可見佢既熱門程度不過當日小編被安排坐近廚房既大枱

3點幾後到排第三個，天氣好鬼熱，店員會派風扇仔比我地攞住吹下風咁等，真係好好，咁樣等都冇咁躁。等唔算太耐就入到去啦。.👍🏻🔥雞蛋布甸配house espresso （$58）作為焦糖布甸🍮控必會叫喱個試下。一食落，焦糖個甜做得好，捉到果個焦味，色都捉得好。個布甸超smooth，唔會燉蛋嘅口感咁鞋同實，偏向creamy啲。加左espresso，味道就多左個層次，會先有甘苦後黎返個布甸嘅甜，係幾夾。.👍🏻墨魚汁扁意粉配蟹籽（$78）入面有洋蔥、墨魚、菇。好少食墨汁意粉係覺咁好食，唔係得個鹹，都幾豐富嘅味道。會想再黎食～

近日疫情緩和 ，各行各業也漸漸復甦，而當初最為影響的餐飲業，也悄悄地復甦起來。疫情之因，令不少人對外出用膳卻步，可以令客人放心的話，相信衛生整潔是最能令食客吃得安心。最近，不少新興的咖啡店開張，趁着疫情放緩，難得放假都想去大飽口福，可是這次卻令我失望而回。 咖啡店外觀和長沙灣周邊的建築物確實大相逕庭，長沙灣一直給我的感覺都是中菜快餐為主，這間咖啡店確實令我帶着期望而去。 當天到達時，店舖座位接近八成滿，因此店員安排我坐在門口吧枱的位置，本想看着窗外的風景享受美食，但坐下時看到枱上有上一位客人遺留下來的食物殘渣，心情卻是影響了不少，衛生情況的確可以頗有進步的空間。本想食物的質素可挽回不少分數，可惜事與願違。黑松露蟹肉炒蛋竹炭多士-本來黑松露、蟹肉 、加上竹炭多士應該是一個不錯的配搭，可惜的是，多士不香不脆不熱，連主角都失分，可惜。- 其次，炒蛋油味太重，餐廳可在這方面多加注意全日早餐 $92 - 相反地，這個全日早餐反而給我驚喜，於要用色香味去評價，先在色方面得分。 整體賣相不俗，味道尚可，可惜的是，也是在竹炭多士失分。 - 眾所周知All day breakfast 源