Contrast

营业中

休息中

髒髒Tiramisu窩夫 (HK$102)．4件咖啡窩夫，上面鋪滿Vahlrona純朱古力粉，淋上咖啡酒糖漿一齊食，咖啡味滿分💯。另外有很多配料與窩夫一齊食 — Mascarpone忌廉芝士、自家製牛奶雪條、蜂巢脆餅、朱古力消化餅乾．這個份量似2人份，同朋友一齊食就覺得份量啱啱好😄羅勒煙三文魚忌廉芝士竹炭多士 (HK$78)．竹炭多士烤熱得外皮香脆．除咗煙三文魚和忌廉芝士，仲有隻煎蛋喎！Latte (HK$38)．奶泡溫度適中和泡泡幼細，拉出靚靚海馬圖案，咖啡幾好飲㗎👌🏻Flat White (HK$43, 轉Oat Milk +HK$5)．呢杯嗰拉花圖案真係不太易明，不過呢個角度影相，我估係咬住支樹枝嘅雀仔🕊，似嗎？Dirty (HK$40)．細細杯，但質素幾好，牛奶夠冰凍撞熱熱espresso，隻玻璃杯好靚呀～

位於長沙灣的黑白主題cafe，甜點非常出色門外黑白對比裝潢十分搶眼，經常大排長龍竹炭糯米窩夫配自家製牛奶雪條$102黑色的窩夫由糯米粉加上竹炭粉製，口感特別煙韌，配上乳酪忌廉令整個口感提升，香滑的牛奶和酸酸的士多啤梨、紅莓伴碟，最後還有自家製牛奶雪條，冰火交融層次非常豐富！雞蛋布甸配House Espresso $60布甸非常軟滑，原味可嚐到香濃的蛋味和焦糖的甜味，面頭的忌廉可中和微微的苦澀味而不會太膩，也可以按照自己的喜好加入Espressomenu上的款式挺多，除了咖啡、甜品還有西式餐點（意粉、多士、漢堡等）牆上貼有茶餐廳的常用術語，推廣本地文化店內的佈置擺設很有心思，環境開揚，很適合情侶或朋友相聚

Contrast 牛肉漢堡配番薯條🍔🍟 $102咬下去能吃到肉汁🤩配上番茄🍅和生菜🥬，令吃起來不那麼膩。番薯條看起來有種炸過頭或第二次炸的感覺🤨那個醬非常好吃，但我說不出是甚麼味道😅黑松露蟹肉炒蛋竹炭多士🦀🥚🍞 $64炒蛋很滑，但沒有黑松露的地方就沒甚麼味道😅竹炭糯米窩夫🧇 $102點餐後，這個是第一個被端上來的😂最神奇的是，等到吃完主食後，那個牛奶雪條竟然還保持原形，沒有融化😱竹炭本身是沒甚麼味道的，淋上煉奶和拌上忌廉再吃，味道就像是芝士奶蓋一樣，口感則有糯米糍那種富有嚼勁的感覺。本來是想吃髒髒Tiramisu糯米窩夫的，可惜售罄了😭下次我會再光顧的😠地址：長沙灣福榮街512-518號依時大廈地舖

呢間長沙灣出名嘅cafe上年已經嚟過上年排到就辛苦好多又要等一個鐘又要好熱真係流曬大汗老闆已經貼心到借把風扇畀 排隊客人過嚟荔枝角呢邊霧眉十二點到好彩啲人仲未起身所以唔使排隊黑松露炒蛋 蟹肉 多士 黑松露 蟹肉 份量多， 老闆絕對唔孤寒蛋份量非常之多， 成座山咁多士都非常之脆食到未夠一半都已經飽飽地雞蛋布甸名副其實招牌好香滑淋上咖啡喺每一啖食到雞蛋布丁嘅雞蛋香嘅時候同時可以食到咖啡香味好滿足Latte拉奶好精緻 ，咖啡好香，入口順滑餐廳限時70分鐘，採取自助形式，餐具同水都係自助先到收銀處買飛，之後會有人送餐

見好多人讚呢間cafe，去開長沙灣，又見唔洗等位就試下。第一次黎，試左House Expresso Basque Cheesecake with Caramel Coffee Sause俾到surprise我！！蛋糕質地軟滑細緻，咖啡味好特出，加埋嗰sause仲好味～ 芝士既鹹香，咖啡既甘苦，焦糖既甜，好有層次，值得一試👍🏻Soy Milk Latte 雖然做唔到拉花，咖啡係偏nutty，但咖啡同奶都balance，不過不失。

今日試下長沙灣嘅Cafe，覺得超正黑松露蟹肉炒蛋竹炭多士 （$64）炒蛋好滑好香，蟹肉同黑松露分量都唔少，竹炭多士濃濃嘅麵粉香， 配埋一起食口感豐富墨魚汁扁意粉伴蟹籽（$78）食完個嘴黑媽媽，但好食既。意粉質地彈牙又掛汁， 墨魚汁同蟹籽為意粉帶來鮮味，仲有幾個墨魚圈作爲配料，幾爽口，令到成個意粉更加豐富竹炭糯米窩夫（$102）配雜莓、乳酪忌廉、乾燥紅梅、手工紅莓醬、自家製牛奶雪條自家制雪條係雲呢拿味加牛奶味，味道香滑，口感creamy。窩夫烤得外脆內軟，入面加左糯米，令口感更加煙韌同豐富。雜莓有d酸，可以開胃解膩。窩夫配紅梅醬、雪條、乳酪cream一起食，好味又滿足Latte Cold （$42）：味道濃醇，奶味重，帶咖啡的香味，幾好飲Matcha Latte Cold （$46）:抹茶味濃又唔會苦，奶味重，都好飲

🎖飽肚人龍Cafe ☺️.講左好多年，終於黎到食😍😍😍近排老人家同🐡🐡都細食左，又知呢度既野食都足料，我地就冇做大嘥鬼😁叫左一個主食、一個甜品同一杯野飲❤️都已經覺得好飽☺️.濃杰墨魚汁意粉🤤creamy程度完全fit 到我口味，$78黎講有呢個份量，都算係cafe 界黎講既足料👍🏻$102窩夫🧇厚實同一大堆cream 都好飽肚😝但係就冇想像中咁香濃朱古力味😂條雪條同啲cream 既味又好似🤣🤣打卡度同飽肚度都高😁個人認為可以再多啲朱古力就好🥰.唔駛排長龍既話，我地都會再黎😝但就應該唔會再特別叫咖啡飲🙈以唔專業又按我哋個人口味而言，我哋覺得咖啡普通，反而想試下隔離街另一間涼茶咖啡😜.#fatfat4ever_長沙灣 #唔熱氣推介 #fatfat4ever

長沙灣的Contrast一直都好想試，但每次看到長長的人龍都決定下次先。趁著跟朋友慶生，終於排隊試下，一試難忘。我倆都認為半小時的等待很值得，那滿足感彌補了等待的疲累。.未試過，一定要試下！重量級窩夫，一個女仔KO整整4件真係好叻😂 糯米窩夫外脆內煙韌，紅桑莓汁的酸味跟窩夫十分夾，剛好中和窩夫的飽肚感。牛奶雪條入口即溶，非常creamy。. 甜品豆腐玫瑰芝士蛋糕亦很出色，玫瑰味和豆腐同樣濃郁，口感軟滑，推介給所有喜愛豆腐味道蛋糕的朋友。.🌚 竹炭糯米窩夫 $98🧇 髒髒Tiramisu糯米窩夫 $102🍈 巴馬火腿哈密瓜配蜜糖芥末沙律 $85🍰 豆腐玫瑰芝士蛋糕 $45

☕️人氣高質cafe💛一間簡約以黑白為主嘅cafe，都幾高人氣～好好彩我係平日lunch食唔洗等好耐，大約10分鐘（只可以walk in）〰️〰️〰️〰️〰️〰️〰️〰️〰️〰️〰️〰️〰️〰️〰️🦀️黑松露蟹肉炒蛋竹炭多士 $64以滑蛋為主，再加蟹肉同黑松露，份量都幾多，味道唔錯，可以再濃味少少🤪多士可以再脆少少 🦑墨魚汁扁意粉拌蟹籽 $78鹹鹹地蒜香味嘅意粉，每條意粉都鎖住墨魚汁👍🏻蟹籽份量都唔少，同埋有魷魚圈，令到整體口感更豐富～🧇竹炭糯米窩夫配自家製牛奶雪條 $96窩夫都幾大舊，適合兩個人share，而且外脆內軟～配埋cream同雪糕好滿足🥰士多啤梨就酸酸甜甜，一齊食就唔洗驚膩〰️〰️〰️〰️〰️〰️〰️〰️〰️〰️〰️〰️〰️〰️〰️整體質素真係唔錯，份量都足夠，對得住個價錢✨餐廳：Contrast地址：長沙灣福榮街512-518號依時大廈地舖

呢一間黑白型格風Cafe嘅竹炭窩夫🧇想嚟打卡好耐🖤🤍窩夫好特別 佢用咗糯米嚟做 所以食落比平時嘅更加煙韌！旁邊仲有個自家製嘅牛奶雪條 超級香滑 而且奶味重好濃 再加埋牛奶忌廉同野莓 真係好豐富！

朋友推介既cafe環境：有大玻璃透光，柔和光線幾舒服，廁所係隔離既巷仔，衛生程度中上👍。用餐時間：雖然只有70分鐘，不過上菜速度快，整體食得唔算趕，用正常速度食岩岩好🤣。食物：首先食多士先既，賣相滿分，三文魚同菜量都十分充足，要彈既係就算有忌廉芝士同蛋汁都係好乾，真係好乾… 。之後食意粉，又係打卡able，不過可能野食一次過上碟，放涼左啦，食完多士再食意粉，一放入口就覺得好油好漏，杰撻撻張住哂，愈食愈滯😔。最後既甜品有驚喜！布甸唔會死甜，配埋expresso = 完美🥰 非專業咖啡評價：expresso微帶酸，開胃啲既感覺(?) 食下食下就唔小心食哂。飲品黎講係失望既，身為一個唔飲咖啡既人，去親cafe只會飲latte，表面深綠色以為好濃？其實飲落無咩茶味，奶味都唔太出。另一杯係Americano，朋友表示似溝多左水，退步之作👎🏻。結論：想食甜品就gogogo!

呢間contrast我已經bookmark左好耐😍見到好多人推薦，但係一路好似都好多人排隊，所以就一路都冇去試到。今次平日12點幾去到，唔洗排隊就入得，但係食完出黎見到條人龍開始長了，好彩食得早。 1️⃣墨魚汁扁意粉拌蟹籽（$78） 黑卒卒既意粉賣相已經夠曬吸引🤤食落亦都冇失望！蟹籽鋪滿面，食落啖啖蟹籽～意粉煮得啱啱好，掛汁又帶咬口。墨汁平均沾滿曬每一條意粉，帶鮮味同鹹香。仲有幾個墨魚圈，整體好正好好食～  2⃣️竹炭糯米窩夫（$108）窩夫配料非常豐富，可以搭配唔同既食法😌首先全黑色既窩夫真係第一次見，感覺好特別，食落係幾煙韌既。可以配埋佢啲草莓、紅桑子一齊食，配上佢地淋左上窩夫既紅莓醬，酸酸地幾開胃。另一亦都可以倒上佢地提供既淡奶，或者點中間既cream食。中間既cream好特別🤩佢唔係普通奶味既cream，而係乳酪cream，食落一啲都唔會膩唔會油，配埋窩夫食好正～佢仲有條自家製牛奶雪條，同想像中既牛奶雪條好唔同，呢個雪條唔係好融，食落係比較似cream既質地，帶少少奶香味，同埋窩夫一齊食又係另一種體驗☺️呢款窩夫推薦啊。

呢一間長沙灣嘅Cafe 長期都大排長龍 嗰日我就同朋友嚟咗食嘢💕當然要試佢哋嘅招牌窩夫 揀咗Tiramisu嗰款味道窩夫係咖啡味 食落外脆內鬆軟 旁邊仲有mascarpone cheese 仲可以自己倒啲咖啡酒糖漿落去 好有tiramisu嘅感覺🥰

呢一間Cafe除咗黑白型格風啱打卡🖤🤍佢哋個窩夫都好出名！佢地嘅窩夫係糯米窩夫🧇食落外脆內煙韌 而且旁邊仲會有一條自家製嘅牛奶雪條🥛成份窩夫好大份 暖笠笠熱辣辣嘅窩夫 再加埋個牛奶雪條一齊食 正！

成日係IG 見到人地介紹佢地個雪條窩夫🧇 一直都好想試下😆 咁岩過開長沙灣有野做😊 就順便去試下🥰 星期六12:30 左右到已經要排隊😱 好彩我有人排住先😆 所以等左10分鐘就入得❤️香辣卡邦尼大蝦扁意粉🍝 ($82)扁意粉軟硬適中🥰 香辣味同卡邦尼好夾👍🏻 而且大蝦夠爽口❤️ 配埋煙肉既油香🥓 勁惹味😋竹炭糯米窩夫🧇 ($102)窩夫賣相真係好吸引😍 窩夫因為加入左糯米粉，所以烤得外脆內軟👍🏻 口感煙韌❤️ 雪條好重牛奶味🥛 配埋啲士多啤梨🍓同紅桑子，加埋個yogurt cream一齊食🥰 酸酸甜甜，好好食😋 Combo☕️ ($50)Combo 其實即係一杯Latte 同一杯Espresso☕️ 可以俾貪心既你試曬兩種口味😆 Latte既拉花好靚😍 而咖啡味道係比較fruity🍇