Cocolo Tokyo Cake Factory (利東街) (已結業)

甜品係點亮生活不可少嘅食物。今日嚟到灣仔呢間日本甜品店。第一樣要品嚐嘅當然係主打嘅日本正送青森蘋果批。蘋果批面層有少許糖漿，批皮入口非常鬆脆。入面有大量四方粒蘋果，蘋果好鮮甜，絕對係天然嘅味道。仲有少少應該係吉士嘅醬。第二樣係草莓軟芝士蛋糕，蛋糕係慕絲狀，底層係薄薄的海綿蛋糕。軟芝中間仲有草莓微粒，好足料。第三樣係紅茶奶油蛋糕。呢款蛋糕同奶油大概一半一半，各自發揮自己嘅味道，好清楚感受到紅茶嘅香味。三款甜品都好好味，而且價錢非常相宜，一定會再幫襯

Cocolo Tokyo Cake Factory，餐廳位於利東街商埸B1，商埸出口直達地鐵站，交通非常方便。餐廳以售賣甜品咖啡為主，裝飾簡約，餐廳以外賣為主，但店舖都有少量立食枱面可以供顧客進食，更提供位置及設備供顧客手機充電，值得一讚。餐廳主打日本直送青森蘋果批，外層多層酥皮，略帶點煙韌口感，蘋果批內層有蘋果肉，味道適中，不會過甜，超大力推介。除蘋果批外，餐廳仍有其他味道批選擇。喜歡蛋糕的亦可以選擇餐廳一件式切餅，口味非常多，個人推介草莓芝士蛋糕，蛋糕超級軟，草莓芝士口感偏軟身，味道偏酸，好食

之前係西貢食過一個好好食既青森蘋果批，今日行過灣仔囍帖街，竟然俾我見到呢間甜品鋪開左分店，即時忍唔住衝左入去！雖然鋪頭細細，但都有５款批同近１０款蛋糕，心大心細之下，我決定今次要試下新野食 — 檸檬芝士批同埋梳乎厘芝士蛋糕！🍋檸檬芝士批檸檬芝士批拎上手微熱，個批皮好鬆酥脆，酥皮係見到一層層，滲出淡淡牛油香~入面係香濃芝士加上檸檬果醬，本身都驚芝士加酥皮會好滯，但因為有檸檬果醬酸酸甜甜中和返，成件事好夾，一D都唔膩！🧀梳乎厘芝士蛋糕平時多數都係食baked cheesecake，好濃芝士味，今次試呢個梳乎厘芝士蛋糕，有芝士味之餘，好似梳乎厘咁有空氣感，一件毫無負擔既芝士蛋糕～而加市區都有分店，唔洗專登入西貢買，可以成日都食到，好方便！

好耐冇食過d正正日本甜品，收工經過呢開蘋果批專門店真係忍唔住😂不過食過apple pie la所以今次食新野就揀左檸檬芝士批($35)😋 大大件抵食！拎番屋企輕輕再整番熱食真係好正，個酥皮好鬆化又唔油，食落層次分明，入面嘅檸檬cream cheese酸酸地所以非常開胃一d都唔會漏👍🏻👍🏻另外再要左件tiramisu($25)❤️❤️ 估唔到又幾好食，咖啡味香濃而且d cream very soft! 成件蛋糕好夠濕潤，朱古力味又好夠，值得一試呀😇😇

俾我發現咗一間利東街嘅高質餅店！依間餅店叫做清心蘋果批，位於利東街嘅地庫裏面，今日同朋友行過，第一次行去利東街，原來開咗咁多高質嘅食店，於是今日過嚟一於試吓啦，估唔到又真係幾好味喎😋首先呢度嘅餐廳好乾淨，我冇嘢都好有善，加上呢度嘅甜品種類都好多，又唔同嘅批類同埋cake我就叫咗一個檸檬批檸檬批有意外嘅驚喜，成個都焗到好鬆脆，裏邊仲有好多檸檬蓉🍋另外一個係榛子摩卡蛋糕🍰榛子摩卡蛋糕都好濃嘅榛子味道，而且唔會太甜同埋唔會太肥膩，就算我減緊肥，食完都冇罪惡感推介各位朋友過嚟啊！因為依度嘅甜品真係有別於其他嘅餅店，睇得出店主整得好用心，而且每一樣甜品都好好食，健康得來仲要顧及到味覺嘅感受😛💕

今日同朋友過咗去灣仔都行利東街，原來利東街開咗咁多高質嘅小食店，咁啱行到落地庫到，我見到而家裝修好靚好文青既青森蘋果批，之前聽朋友講話好好味，於是今日過嚟試吓😋 食完之後真心推介俾咁多位！首先我叫咗一個蘋果批，另外叫咗一個焦糖堅果奶油蛋糕🍰首先講吓個蘋果批，同普通嘅餅店真係有分別，質素高好多！蘋果批嘅酥皮焗到好香，而且仲有勁多層，口感非常豐富🤩 食到中間嗰層，仲有啲蘋果蓉，真係真材實料㗎😛另外個蛋糕都好入味，又唔會太甜，而且感覺上好健康，非常推介各位過嚟食呀！所以各位朋友如果過到嚟行利東街，千祈唔好走寶，過嚟買蘋果批食，無論做早餐定係做甜品，抑或係做消夜，都係一個完美嘅選擇，健康得離又好食😋

利東街一向都好多特別嘅美食，特別係女仔最愛嘅甜品！今日咁岩行完灣仔，趁返屋企之前就想買啲甜品孝敬下屋企人！🍡青森蘋果批 HK$33第一啖咬落好鬆脆，上面有層薄薄嘅果漿，舔落去仲甜甜地！而中間有層好厚嘅蘋果醬，仲有一粒粒嘅蘋果粒，味道甜甜地，終於明白點解清心蘋果批咁受人歡迎！🍡Tiramisu HK$25蛋糕細細件，最啱我呢啲貪心想一次過食幾種口味嘅人！一開始以為佢好似一般Tiramisu都係用cream做主導，中間只會有一層嘅海綿蛋糕，其餘部份則被cream cheese包圍！但呢個蛋糕特別之處係由三層海綿蛋糕組成！蛋糕好Creamy，咖啡味濃，又唔會因為太過多cream cheese感覺到好膩！

係星期四☺️ 快到weekend了🔥 今日個飯有d唔飽😅 就買咗件甜品開心吓🔥🥳上2張靚仔圖先😂鋪頭喺利東街嘅地下商場, 通往灣仔地鐵站. 好易搵. 門口都佈置咗好明顯嘅海報, 一望入去就知係賣cake☺️每一個cake都數量有限, 黎到當然要買佢最出名嘅蘋果批($33) 啦🍎🥧 同時買多個純朱古力蛋糕($25) 同人分享🔥十分貼心嘅包裝比客人外賣👍🏻 (因為我自己係拎返公司食, 所以覺得食客-friendly)趁個蘋果批仲熱, 返到去即刻食咗先🥳 一打開已經聞到青森蘋果嗰陣同一般蘋果唔同嘅香味😍 第一口咬落去, 好脆呀😍 睇上面圖都知勁脆😂 有唔同layers. 食到偏中間位有青森蘋果粒同埋汁爆出黎, 大滿足☺️純朱古力蛋糕都唔錯, 但冇蘋果批咁驚艷, 香滑嘅朱古力味, 食落唔會太甜太膩👌🏻.Overall: 蘋果批超水準, 值得一試呀👍🏻

同事說他最近吃了個很好吃的蘋果批，叫我可以去試試，反正就在公司附近。既然被人撩了，那麼肯定要去試試看！青森蘋果批（33元）來到才發現這個原來是日本直送的，看樣子應該是我之前在日本吃過的那一個。現在去不了日本，正好可以吃這個解一解鄉愁！價錢也不貴！我拿到回家才吃，但蘋果批竟然還是非常鬆脆，酥皮的牛油味挺香的，內裡的蘋果煮得非常軟爛，入口即化的感覺，蘋果味也很香，整個吃起來真的很不錯！而且還有優惠，買五件送一件！香橙鮮芝士蛋糕（38元）這個看到挺特別的，就順便買來試試！這個味道有陣陣的橙味，橙片都已經非常軟爛了，吃起來橙香十足，而下面的鮮芝士更是吃起來入口即化，非常軟滑，配合起來意外的搭，挺不錯的！

去到銅鑼灣咁啱行入商場見到呢一間店，主打批類甜，店入面亦有其他不同款式嘅蛋糕，不過就份量都細件。 今次同朋友二人試咗甜薯批及蘋果批，用嘅都係日本嘅材料製。 青森蘋果不嬲食落去都係清甜，爽口，製作蘋果批 味道都係一樣好清甜。但係食完喉嚨好似有一種食後感唔知點樣形容😂 係喉嚨怪怪地 ，但係如果落玉桂粉又遮住咗蘋果嘅味道，所以我諗呢個可能係店內想保持原汁原味嘅原因。兩種批都好鬆脆，同材料好搭配，而且價錢都唔太貴。個人比較喜歡甜薯，甜薯軟綿綿嘅感覺。

之前去過數次日本旅行一直也沒有吃過蘋果批，更不用說現在全球不能旅遊呢。這日本品牌所有蛋糕和蘋果批都是經由日本當地製作，再空運到港，可以於香港吃到日本當地的原味道，更幸好的是公司附近便有，他日請客買餅絕對是其中一項選擇。店內面積雖少，但都留有堂食的空間，剛好有兩人雅座，還有不同型號的免費充電線。青森蘋果批 - $33蘋果托批外皮入口酥脆，帶牛油香。裡面的蘋果採用日本青森縣的，蘋果餡甜而不膩，充滿清新水份夠濕潤，留有咬口，不會太腍太爛，還拌隨著一絲絲的吉士達奶油，甜得天然不假。梳乎厘芝士蛋糕 - $25這種日式的芝士蛋糕，口感比歐美的忌廉芝士香味更加厚重濃郁，質感更紮實香甜，入口有種鬆軟輕盈、柔滑細膩的感覺，好輕巧好滑溜。

我今日喺銅鑼灣約左朋友食飯趁有時間就去左利東街買出名嘅蘋果批呢度係日本直送青森蘋果批青森出名蘋果所以佢地嘅蘋果批一定要食我買左一個蘋果批$33同一個士多啤梨蒙布朗$28店員話可以用氣炸鍋、烤箱去將佢翻熱焗爐嘅話就170度焗2分鐘我因為外賣拎走所以返到屋企會用焗爐整返熱佢蘋果批酥皮很酥脆牛油香濃吃起來有一陣陣香濃的牛油味令人食指大動加上蘋果一粒粒酸酸甜甜的配上吉士醬開胃得黎又有滿足感至於士多啤梨蒙布朗就士多啤梨🍓味道清新香甜士多啤梨味的忌廉醬擠成一條仲圍著蛋糕🍰食起黎好似食緊士多啤梨🍓咁好新鮮有口感又有咬口佢仲有其他口味蒙布朗第一次食覺得好得意下次想試其他味🧡🧡🧡📍 Cocolo Tokyo Cake Factory (利東街) (灣仔)灣仔皇后大道東200號利東街地庫1樓B36號舖

天氣熱焫焫☀️係尖沙咀搭船過灣仔碼頭海濱行下，之後再去利東街。係地鐵站上利東街嘅下面有個商場😍見到呢間賣青森蘋果批好出名嘅蛋糕店，之前喺西貢食過佢哋嘅蘋果批覺得好好味，見到呢間鋪有其他唔同款嘅批，於是就入去試吓檸檬忌廉芝士批（$35 ）酥皮好多層，唔油又好酥脆，入面既檸檬酸甜味再加上忌廉芝士既creamy❣️好清新疏乎厘芝士蛋糕（$25）好鬆化軟熟，真係做到疏乎厘嘅空氣感，但係又唔會過於空氣，係海綿蛋糕既質感🥞蛋味香 芝士味輕薄，食哂成件都唔會覺得膩小插曲 💫 上左巴士後有隻小蜜蜂🐝停左係我部電話上面行來行去 勁耐先肯走🙈 唔知係咪因為食個酥皮檸檬批時跌咗啲碎喺個電話面度😂d味吸引左佢來

今日去開灣仔個頭做野，經過就順便行吓利東街，之前一直都只係行吓條街，今日偶然發現原來下面仲有basement個層！然後見到一間日式甜品店好似唔錯就決定食個下午茶先😙間舖好多選擇，左邊係pie,右邊係cake，港女有選擇困難症，最後決定兩邊都各一，叫左檸檬忌廉芝士批同紅茶奶油蛋糕🍰間舖有少量座位堂食但我唔想等，所以直接叫外賣，店員好細心問我蛋糕要唔要叉，值得加分💯返到屋企首先食咗紅茶奶油蛋糕，面頭嘅奶油打得好細滑，下面一層層嘅紅茶蛋糕好軟身而且茶味香濃，唔會太甜，成個味道好balanced👍🏻再食檸檬忌廉芝士批，仲係熱辣辣嘅，外皮好鬆脆，但咬落唔會好易散開，入面嘅忌廉芝士唔會好油，再配上略酸嘅檸檬非常清新，$35呢個價錢有呢個質素真心覺得好抵食😋大家下次有機會經過囍帖街都可以去basement試吓呢間性價比高嘅日式甜品店🇯🇵

今日去灣仔開會，開完會3點3見有d肚餓就行去喜帖街覓食，見到一間舖面簡單設計賣青森蘋果批同各式各樣嘅批，cake同埋飲品。話晒今年無得去旅行，好掛住日本嘅野食，就二話不說入左去叫左一個青森蘋果批同埋一件純朱古力蛋糕🍰。佢地嘅賣好吸引，蘋果批唔會好似快餐店果個樣，又唔會俾玉桂味搶晒d蘋果味，相反蘋果批新鮮熱辣，食到好清甜嘅味道，真係啖啖都係日本嘅味道🥰而純朱古力蛋糕都好好食，cream同蛋糕比例好好，唔會太多cream👍🏻欣賞👍🏻濃濃嘅朱古味真係好好食😋