Cocolo Tokyo Cake Factory (利東街) (已結業)

呢排做嘢真係好忙，４月終於有少少時間出嚟港島食下呢間甜品！呢間舖頭係位於利東街地下商場，佢地係主打新鮮空運到港嘅甜品，都係日本製作！可以彌補下無得去日本旅遊嘅心情~~首先推薦佢地主打嘅青森蘋果批，當日見有啲批都賣得七七八八！真係要快手去買，蘋果批外皮好脆，蘋果餡配搭埋吉士醬真係好夾，食起上嚟口感鬆脆得嚟味道既豐富又平衡。另外亦都叫多咗件蛋糕，叫咗件焦糖堅果奶油蛋糕，味道唔錯，唔會太甜，口感配搭上堅果食起上嚟好豐富，而且價錢實惠，整體嚟講價得一試！