Cobber Noodle and Mochi

营业中

休息中

官塘新開優質西餐，Cobber全新姊妹店，主打多款意大利粉及麻糬甜品。燉飯帶有濃郁的日式明太子，好creamy，蝦肉爽口彈牙，燉飯吸收鮮美奶油湯汁，入口潤滑。意粉用上和風醬汁，甜度適中，口感Al dente，帆立貝大大粒，好厚肉，味道鮮甜。三文魚煎得外脆內軟，通粉口感彈牙煙靱，加秘製醬汁拌勻，十分惹味。焦糖開心果x 煙韌牛奶麻糬完美配合Perfect Match。麻糬口感軟糯，沾滿開心果碎一起吃，味道層次豐富。

有夜與朋友共8人進餐由於人數多，都要等吓。 從等候過程開始觀察，服務很好，會向再下一批準備入座客人講解實際情況，例如有兩枱已經用完餐相信就快可以入座，而不是簡單一句等等就算。食物方面，以意粉risotto等為主力，款式較現代，例如明太子之類其他國家材料。 因為當日人多，試了好多款，醬汁調味很到位，不是說咸甜辣嘅到位，而是該款材料本身味道的presentation. 係明顯食得到要有嘅味道。risotto好難得係偏意式，少少硬芯，而唔係大多數港式林透。基本上全部發揮得好好。 當晚有自助飲品優惠，幾款果茶都很香很清新而不淡。整體服務很貼心，喺近年想搵間有正常人做樓面都難嘅時勢，不但有禮貌，仲好貼心。臨走想喺門外影大合照，店員兄好細心幫手影相，而且係識構圖🤣推薦推薦

喺觀塘經過見到呢間試業中既餐廳都有好多人排隊就嚟試吓晚餐星期五八點左右嚟到都要等大概15分鐘先入座門口廣告見到招牌大多數係甜品：巴斯克蛋糕同埋Mochi雪糕本身見招牌都好似係甜品對主菜冇乜期望 叫咗個藜麥雞肉沙律同埋明太子意粉 點知兩個都好好食 有驚喜甜品當然叫咗招牌巴斯克蛋糕同埋抹茶Mochi雪糕巴斯克蛋糕係流心 再加焦糖脆面 好好食但Mochi雪糕個人就覺得比較似雪米糍 冇乜特別整體都不錯 尤其主菜好有驚喜令我覺得可以下次再嚟試埋其他主菜

今日朋友帶左我去咗間新開超新氣小店，餐廳主打意粉同麻糬。去到小店裡面已爆滿，小店簡約文青裝修，我哋等左大約十分鐘就可以入座。呢度自助落單，食物種類選擇都有好多，主菜加20蚊，就有餐湯、餐包同沙律，另外加20蚊亦可以食到甜品，價錢合理，幾抵食。由於餐小店新開張，外面飲品係任飲，而飲品種類都有5款，有四季春烏龍茶、香橙綠茶同蘋果味碳酸等，而我最鐘意就係西柚特調，無澀味之餘仲甜甜地，另外檸檬特調都幾好，有檸檬味但又唔會酸。餐湯有南瓜湯同黑松露蘑菇湯，兩款餐湯口感細滑，濃稠適中，餐包係牛角包，食落輕脆，沙律菜新鮮爽口，剩係前菜都好有質素。煙三文魚慕絲撻：三文魚味道濃厚，撻外皮香脆，作為一個鹹點，唔錯喎。鹹蛋黃黃金炸雞：雞炸得金黃鬆脆，外層沾滿鹹蛋蓉，鹹鹹香香，幾好味。和風灸帆立貝意粉：帆立貝有三大隻，煎得好香，意粉軟硬適中，充滿橄欖油同牛油嘅香味，幾好。牛油果藜麥沙律：賣相吸引，顏色夠曬colorful，配料新鮮，有牛角包、沙律菜、牛油果、水蜜桃、蕃茄仔同藜麥，份量好多，旁邊仲配左日式醬汁，甜甜酸酸，高纖低脂，啱曬平日食唔夠菜嘅上班一族。抹茶雪糕麻糬：抹茶雪糕味道濃，麻糬夠大塊，口感煙韌，整體

這家店好有文青氛圍，一整幅墻都是書，明亮寬敞，最抵食是多款飲品自助任飲，西柚汁、橘子汁、葡萄汁和檸檬汁，清新解渴，任君選擇！### 煙三文魚慕斯撻好精緻的開胃小食，外皮酥脆，輕咬就碎，內裡的粉紅色三文魚慕斯綿滑細膩，慕斯的清新與煙燻的香氣相互交融，帶來一種獨特的味覺體驗！### 馬蘇里拉芝士焗薯蓉帶子好幾塊厚身的帶子，薯蓉的口感綿密，搭配上馬蘇里拉芝士，讓整道菜充滿了奶香，薯蓉的香氣與芝士的滑順交融在一起，讓人不禁想要再多吃幾口！### Cobber Noodles不到一百元的意粉都好高質，果然是招牌！蝦肉鮮嫩，彈牙的意粉充分吸收了香濃的醬汁，好creamy，帶有辣味，刺激著味蕾，也提升了層次感！### 蜜糖芥末炸雞炸雞表面塗滿了蜜糖芥末，好誘人！蜜糖的香甜與芥末的刺激，這個搭配都好有創意兼好味！這裡有多款甜品，我和朋友都是甜品控，忍不住點了三款蛋糕一飽口福！### 焦糖巴斯克芝士蛋糕的表面有一層透明的脆焦糖很甜蜜，第二層的芝士綿密滑順，焦糖的焦香與芝士的醇厚交織，令人忍不住想要一口接一口！### 開心果巴斯克芝士蛋糕上邊佈滿了開心果，香脆之餘還沾了一層糖衣，更具備了豐富的口感層次，讓

最近觀塘新開了一間餐廳，雖然還在試業階段，但已經吸引了大批食客，晚市時段滿座！餐廳裝潢簡約時尚，以木系和書本為主調，營造出舒適放鬆的用餐氛圍。雖然座位不算多，但勝在空間感十足，不會讓人感到侷促。飲品免費，例如橙汁綠茶、茶包、西柚梳打等。⭐️鹹蛋黃黃金炸雞 外皮酥脆，內裡 juicy，鹹蛋黃香氣撲鼻，令人食指大動。⭐️明太子忌廉蝦肉三文魚子飛魚子紫蘇意粉 濃郁的明太子忌廉醬汁包裹著每一根意粉，口感 creamy 而不膩，搭配鮮甜的蝦肉、鹹香的三文魚子和飛魚子，層次豐富，令人回味無窮。⭐️黑松露忌廉蘑菇雞肉燉飯 燉飯充滿濃郁的黑松露香氣，蘑菇和雞肉份量十足，口感嫩滑，每一口都讓人感到滿足。主菜可加配套餐，包括餐包、餐湯和沙律。是日餐湯是南瓜忌廉濃湯和黑松露湯，香甜濃郁，暖胃又開胃。沙律則選用小蕃茄、藍莓和沙律菜，新鮮爽脆，健康又解膩。麵包是牛角包，入口酥脆。⭐️玄米茶雪糕麻糬玄米茶香氣獨特，雪糕口感綿密，搭配煙韌的麻糬，口感豐富。⭐️焦糖巴斯克芝士蛋糕焦糖香氣濃郁，芝士蛋糕口感細膩，入口即化，令人驚艷。

新開業🌟鹹蛋黃黃金炸雞小食揀咗鹹蛋黃炸雞，超香鹹蛋黃味，外脆內軟，雞肉炸得啱啱好，仲好多汁香煎白酒忌廉汁挪威三文魚配煙燻薯蓉煮食揀咗香煎三文魚，上面有好特別嘅迴香頭，仲有白酒忌廉汁，全部嘢都好夾，三文魚整得啱啱好，唔會過熟。仲有好特別嘅煙燻薯蓉，口感都好香滑。明太子忌廉蝦肉三文魚子飛魚子紫蘇燉飯明太子飯勁好食，超多汁又Creamy，仲有好多彈牙嘅蝦粒，配埋三文魚子，食唔停口。原本見到好大碟，但實在好食到可以食晒！套餐加配我地揀咗加配餐包+餐湯，餐包係牛角包🥐 餐湯有得揀黑松露磨菇湯同埋南瓜忌廉濃湯🍲 好濃郁+$20 玄米茶雪糕麻糬特色麻糬一定要試吓，玄米茶味嘅雪糕都好特別，清清地。麻糬好煙靭，又啱晒打卡。+$68 焦糖巴斯克蛋糕呢個一定要叫嚟食，放咗啲焦糖喺面再燒香咗，脆卜卜，蛋糕唔會太甜。餐廳嘅飲品係任飲，每日有幾款飲品☕️ 無糖茶，特色飲品

Cobber Noodle and Mochi//以前已經和朋友嘗試過Cobber Noodle的其他分店 近來得知有新分店開張時決定一定要去潮聖一下😋蔥蒜香蟹肉炒意粉 ($148)牛角包＋黑松露蘑菇湯 (+15)蟹肉份量多！得！過！份！不單止每一口都充滿了蟹肉 吃到最後所剩的居然不是意粉而是蟹肉🦀😍肉質雖不能媲美新鮮蟹肉 但是仍富蟹香 肉質絲毫不會乾柴 而且有供辣度選擇 滿足不吃辣的人也可以一嘗這意粉 辣辣的蒜香味令人一口接一口 性格比很高💯🥹黑松露蘑菇湯 很濃黑松露香 亦有粒垃蘑菇 偏重口味 沾著牛角包吃剛剛好✌🏼明太子忌廉蝦肉三文魚子飛魚子紫蘇意粉牛角包＋南瓜忌廉濃湯 (+15)明太子忌廉汁很濃厚 蝦肉三文魚子和飛魚子的分量也十分慷慨 意粉掛着明太子汁每一口也能吃到所有配料 調味剛好 不會過鹹 讓人一口接一口💯南瓜忌廉湯汁則較清新 有淡淡南瓜的香明太子薯條($68)薯條是新鮮炸起的💯上菜時出晒煙 超脆口 配上面頭的明太子醬 無可挑剔😍薯條份量很足 多得我和友人都吃不光 額外也提供了一小兜醬給我們備用 讓我們瘋狂點上明太子醬😝鹹蛋黃黃金炸雞（4件）（$48）熱辣辣的炸雞 外層炸得很

新開業嘅🌟Cobber Noodle and Mochi🌟位於觀塘，文青風📚嘅木系裝修，加埋闊落嘅座位，感覺都幾輕鬆舒服🥰！新張期內有個超級優惠💥，就係特飲放題免費🍹！有幫襯主食類嘅就會送，是晚一共有五款特飲自助斟🍊🌹🍇🍋🫖，nice！🥑牛油果藜麥沙律 $92以牛油果為主軸嘅沙律，新鮮美味又夠健康！🍝蔥蒜香蟹肉炒意粉 $148一啲都唔誇張，蟹肉多過意粉！整體口感偏濕潤，辣度可自選！🥗Set 餐包＋餐湯＋沙律 $20餐包係迷你牛角包，酥軟美味，配搭埋香甜嘅南瓜忌廉濃湯，十分美味！另一款餐湯係黑松露蘑菇湯，菇香四溢！沙律份量足，而且幾Fresh，幾個組合真係超值！🍗蜜糖芥茉炸雞＋$38｜鹹蛋黃黃金炸雞＋$48惠顧主食可以用優惠加配小食同埋甜品！無骨炸雞有兩款口味，入面嘅雞肉都幾Juicy！🍨玄米茶雪糕麻糬＋$20一片麻糬放喺雪糕之上，麻糬口感軟糯中帶一點煙靭，perfect！係店家嘅signature餐點，可配搭多款雪糕口味！🍰開心果巴斯克芝士蛋糕＋$58由外到內都充滿住香郁嘅開心果味，勁Nutty，好正！

觀塘一間新開嘅Cafe小店，環境舒服，午市仲有飲品喺自助區任飲。午餐揀了芝士焗肉醬意粉，加配餐包及湯。牛角包🥐外脆內軟，配埋黑松露蘑菇湯，湯底濃郁，有黑松露香味，飲落好暖胃！意粉煮得啱啱好，肉醬香濃，芝士焗到金黃色，拉絲效果一流，食落好惹味！加配嘅松露薯條🍟好香脆。另一個午餐叫咗香脆雞扒撈通粉，炸雞扒香脆，肉質嫩滑，撈通粉凍食好似沙律咁！呢個就揀咗餐包配沙律🥗牛角包外脆內軟，沙律新鮮爽脆，配埋一齊食，好開胃！甜品試咗玄米茶雪糕麻糬拿破崙，雪糕玄米茶味好濃郁，麻糬煙韌，拿破崙酥脆，整體配搭好有心思，食落好滿足！

Cobber又開新分店，趁未係好多人就同朋友嚟食，每人最低消費一個主菜/藜麥沙律，另外仲有免費嘅飲品吧任飲🍹選擇都好多，今日就見到有西柚特調、巨峰提子伯爵紅茶、檸檬特飲等，另外仲有茶包供應主菜+$15 仲有餐包同餐湯🫶🏻超級抵！牛角包焗得好酥軟，黑松露蘑菇湯超級足料！只係需要加$15嚟講真心係超值✨Cobber Noodle $98自家製嘅辣蕃茄忌廉，加上超級掛汁嘅意粉🥹酸酸甜甜再帶少少辣勁，好開胃🤤另外仲有六隻彈牙嘅大蝦，個人覺得性價比好高👍🏻✨蔥蒜香蟹肉炒意粉 $148賣相好吸引嘅蟹肉意粉，蒜味好香，加上超級多嘅蟹肉，好澎湃好滿足🫶🏻✨鹹蛋黃黃金炸雞 +$48💯初嘗其他分店冇嘅鹹蛋黃黃金炸雞，超級有驚喜😋新鮮出爐嘅炸雞好Juicy，鹹蛋黃味好香，唔會太油亦都唔會太粉，莎莎嘅口感，令人忍唔住食完一嚿又一嚿👀✨玄米茶雪糕麻糬拿破崙 +$68新分店限定嘅麻糬甜品，淡淡清香嘅玄米茶雪糕配上薄薄一層煙靭嘅麻糬，就咁食都幾好食😋試埋佢嘅拿破崙，咬落真係好鬆脆，三樣夾埋一齊食好口感好有層次👍🏻✨開心果巴斯克芝士蛋糕 +$58巴斯克芝士蛋糕都好有驚喜！值得一提嘅係開心果碎比想像中更加脆😮✨蛋糕嘅開

位於觀塘的Cobber Noodle and Mochi是一家充滿創意的餐廳，專注於提供獨特的意粉和精緻的日式料理。餐廳的環境舒適，適合與家人或朋友聚餐，讓人一進門便感受到溫馨的氛圍。老婆點的明太子忌廉蝦肉三文魚子飛魚子紫蘇意粉，色香味俱全，濃郁的明太子醬汁與新鮮的食材完美融合，搭配餐包、黑松露蘑菇湯和沙律，讓整體用餐體驗更加豐富。抹茶雪糕麻糬作為甜品，清新的抹茶香氣令人陶醉，麻糬的口感更是增添了層次感。而我則選擇了和風火炙帆立貝意粉，意粉的口感滑順，帆立貝的鮮甜與和風醬汁的搭配相得益彰。餐包、黑松露蘑菇湯和沙律讓這頓餐更加均衡。焦糖巴斯克芝士蛋糕的濃郁口感令我回味無窮，而馬蘇里拉芝士焗薯蓉帶子則為這頓美食畫上完美的句號。Cobber Noodle and Mochi不僅提供美味佳餚，更是一個讓人放鬆心情的地方，值得一再造訪。

一向喺觀塘已經好熱門嘅Cobber最近開咗主打Mochi嘅分店！新開張仲有飲品吧任飲，有西柚特調、玫瑰荔枝特調、檸檬特調、香橙綠茶、炭燒烏龍茶等，豬太郎最Like西柚特調，酸酸甜甜又解渴！.➜明太子忌廉蝦肉三文魚子飛魚子紫蘇意粉Cobber嘅大熱菜式之一，滿滿嘅魚子＋淡淡嘅粉紅色夠晒Igable！明太子忌廉醬汁帶有濃郁奶香味，蝦肉爽口彈牙，有齊晒三文魚子同飛魚子令到意粉口感好豐富！.➜墨魚汁墨魚燉飯令豬太郎超驚喜嘅燉飯，雖然會食到黑忟忟，但真係好好食！燉飯吸滿海鮮嘅鮮甜味，墨魚爽口唔會韌，份量仲好夠飽𠻹！.跟餐加多 $15 就可以有埋牛角包仔同餐湯，同朋友都揀咗香甜嘅南瓜湯，豬太郎就鍾意邊食牛角包，一邊沾湯食！.➜焦糖開心果牛奶麻糬新店主打Mochi，又點可以唔叫份嚟食！開心果香氣濃郁，將麻糬沾滿焦糖開心果之後，食落好似多咗層脆皮咁，又脆又軟糯，好特別。.➜玄米茶雪糕麻糬拿破崙玄米茶雪糕茶香濃郁，甜度啱啱好。個麻糬好似件被仔咁鋪喺雪糕上面，連埋拿破崙酥皮一齊咬就有齊晒軟糯、酥脆嘅口感！.#msmessypig_food 

觀塘區好似有超過一間Cobber，呢間嘅前身唔知係咪同世貿大樓。不過無論如何，呢頭開咗新嘅西餐廳，對附近返工嘅打工仔女又多咗個lunch選擇Cobber Noodles (辣番茄忌廉大蝦意粉) (套餐$98起) ★★★★✰呢個菜式名有店鋪名稱，相信係呢間舖嘅招牌菜。食落有番茄香味、辣味適中，有淡淡忌廉味但又唔會太膩，大蝦就正常雪藏蝦水平。整體絕對係水準以上，不過感覺係難度較低嘅菜式，喺屋企都可以煮到差唔多質素。芝士焗肉醬意粉 (套餐$98起) ★★★★✰芝士同意粉份量都好generous！相信即使一般成年男性都會食得幾飽，極香濃芝士味，肉醬由唔會太肥膩，中意肉醬嘅話應該會幾中意呢道肉醬意粉。玄米茶雪糕麻糬 (跟餐好似係+$20) ★★★✰✰Cobber系列餐廳就係每間舖有自己嘅招牌甜品，而餐廳名就係甜品名。呢個麻糬雪糕雖然雪糕幾好食，但我覺得加塊煙韌嘅皮上去無昇華到，食落去感覺好似係皮同雪糕分開咁。值得一提嘅係呢個價錢有包埋任斟嘅飲品吧(好似係新舖先有嘅優惠)，食物質素中上，我覺得算好抵食；而且雖然啲枱擺得有啲逼，但整體都算乾淨企理坐得舒服，店員都十分友善。

原來Cobber and noodle最近起觀塘開咗新line，主打食Mochi～呢度嘅飲品係任飲㗎，有好多好refresh嘅飲品，我試咗一個西柚特調，幾重西柚味，甜甜地酸酸地咁好開胃！想解解膩嘅可以試吓無糖烏龍茶～晚餐又唔同嘅主食選擇，可以另外加錢轉set蔥蒜香蟹肉炒意粉，可以自己選辣度，賣相非常吸睛，而且蟹肉嘅份量好驚人，性價比好高，食每一啖嘅意粉都有蟹肉，而且意粉煙韌掛汁！另外加咗$20轉set有牛角包，黑松露蘑菇湯同埋沙律～非常豐富^^墨魚汁墨魚燉飯每一粒米都比黑色嘅墨魚汁包圍住，燉飯充滿鮮味，味道濃郁，墨魚嘅份量好多！最後梗係要試吓佢嘅mochi玄米茶雪糕麻糬拿破崙賣相非常討好，上下既兩塊拿破崙甜甜地好酥脆，而mochi皮好煙韌，入面包住好濃好creamy嘅玄米茶雪糕，三重口感一次get哂🫶🏻開心果巴斯克芝士蛋糕開心果味非常濃郁，身為開心果控嘅我表示10分滿意！😍