影片
港铁观塘站 A2 出口, 步行约6分钟
继续阅读
电话号码
93315808
营业时间
今日营业
12:00 - 22:00
星期一至五
12:00 - 22:00
星期六至日
全日休息
*截单时间: 21:00
以上资料只供参考，请与餐厅确认详情
相关文章
呢间观塘超人气cafe， 我由佢旧址帮衬到新址， 已经重刷咗N多次， 今次试埋呢间以Mochi做甜品主打嘅分店， 依然非常满意满足。 佢无论系主食定系甜品，一样性价比同质素超高， 难怪平日嘅晚上都full house。更加特别需要值得一提同赞扬嘅系， 只要光顾任何套餐， 就可以享用自由斟无限畅饮， 任饮餐厅提供嘅五款特饮， 分别系西柚特调、香橙茉莉茶、苹果微碳酸、鸭屎柠檬茶，以及台湾四季春， 五款特饮我都试晒， 全部味道都好好，各有特色， 甜与唔甜嘅都有。明太子忌廉虾肉三文鱼子飞鱼子紫苏炖饭($148)呢道主食系我每次帮衬呢间餐厅都必食嘅， 已经推介过畀好多朋友， 每次朋友都会话卖相唔吸引， 但最终都必定会畀佢嘅味道征服， 因为真系超超超好食， 材料好丰富，有虾肉，有三文鱼子 同飞鱼子， 明太子同忌廉味非常浓郁， 炖饭比平时意大利饭口感更湿润， 因此食落更软绵更creamy， 完全系会令你食过一啖接一啖，欲罢不能。葱蒜香蟹肉炒意粉（$148）蟹肉份量好多， 布满整碟意粉， 意粉炒得好香， 而且份量好多，好似食极都仲有咁。 平时食炒意粉好多时会好油， 食到一半就唔想食， 但佢呢碟意粉我哋食到底都唔觉得好油，但依然好入味。跟餐配餐汤、餐包及沙律（跟餐+$20）餐汤可以拣西兰花忌廉汤，或者黑松露蘑菇汤， 我哋叫左各一，两款都好好味。沙律用左黑醋， 黑醋味道偏甜，唔会太酸， 除咗沙律菜之外更有番茄仔同蓝莓， 够哂丰富够哂健康。芝士青酱大啡菇（$56）焗到热辣辣，上枱时仲滋滋声。 两只大啡菇超级肥厚多汁， 一切就有肉汁咇出嚟，咬落超Juicy。 芝士同青酱调味刚刚好，唔会掩盖大啡菇本身既菇味， 但又能成功令大啡菇变得更惹味。抹茶雪糕麻糬（+$20）呢个甜品加20蚊真系超级扺， 外型超可爱， 麻糬整到好似一块毛巾咁， 包裹住里面既雪糕。 雪糕口味亦有好多种， 例如开心果、椰子、玄米茶、抹茶、奶茶等等。麻糬米味好香，好烟韧软熟，配上雪糕令佢更滑润， 口感味道一流。伯爵茶巴斯克芝士蛋糕（+$56）伯爵茶巴斯克芝士蛋糕系餐厅嘅新品，当然要一试。 巴斯克蛋糕质地好软滑， 入口即化， 芝士味非常浓郁，令人食得好满足。 伯爵茶令到蛋糕无咁腻，香橙丝亦令蛋糕更清新，食哂成个都唔怕济。
继续阅读
观塘呢间Cafe主打意粉同麻糬，配搭住文青风嘅装修环境，营造出一种轻松悠闲嘅氛围！麻糬控真系千祈唔可以错过啊😍～✨黑松露忌廉蘑菇鸡肉炖饭黑松露忌廉嘅独特香味配搭埋口感丰富嘅蘑菇同埋鸡肉煮出来嘅炖饭，香气四溢，令人回味无穷～✨明太子忌廉虾肉三文鱼子飞鱼子紫苏意粉呢个意粉有超多明太子忌廉汁，口感劲Creamy！仲有弹牙嘅虾肉喺入面，再加入咗三文鱼子同埋飞鱼子，啖啖都系浓郁嘅海鲜风味～✨咸蛋黄黄金炸鸡炸鸡热辣辣，外脆内嫩，咬落去充满咸蛋黄嘅蛋黄香～✨开心果雪糕麻糬开心果雪糕非常幼滑，仲充满香浓嘅开心果香味！加埋表层果块烟烟韧韧嘅麻糬一齐食，系雪米糍嘅口感无误😋～✨焦糖巴斯克蛋糕巴斯克蛋糕表面有一层脆脆嘅焦糖，口感幼滑，而且啖啖都系浓厚嘅芝士味，中间部份嘅流心效果亦做得好好～✨自由斟无限畅饮有5款茶饮可以任斟任饮，今次有杂果宾治、柠檬特调、台湾四季春乌龙茶、西柚特调同埋巨峰提子茶！个人最中意柠檬特调，酸酸甜甜，清凉解渴～
继续阅读
观塘名物一直未有机会食到最近开左分店 仲推出优惠set dinner今日特登早放工去试下一入到去俾个书架吸引左简约的设计加上柔和灯光整个氛围俾到一个好舒适既感觉我几钟意餐厅有自由斟无限畅饮呢个安排免费特饮好多选择当日有 1.玫瑰荔枝特调 2.西柚特调3.香橙茉莉茶 4.台湾炭烧乌龙茶 5.鸭屎香柠檬茶个人比较喜欢香橙茉莉茶橙的清甜加上茉莉绿茶的香气果香加上茶香 清甜又清新食完主食之后又整杯炭烧乌龙茶,茶韵厚实饱满 入口有坚果同木的独特香气口感刚好冲走饱腻感另外亦都试左鸭屎香乌龙茶乌龙茶加上鸭屎味 入口微酸回甘//黑松露蘑菇汤 +$15//汤底浓郁滑顺 蘑菇既香味融合埋黑松露好香 另配牛角包牛角包嘅黄油味十足外脆内松 点埋黑松露蘑菇汤一齐食先系最正//大虾黑松露忌廉蘑菇意粉 $128//意粉好creamy好香 重点系挂汁黑松露味好够好香大虾爽口弹牙 加了洋葱作调味仲有好多杂菇 口感好丰富 //明太子忌廉虾肉三文鱼子飞鱼子紫苏炖饭 $148//呢个真系好好食 明太子控一定要试!明太子的香浓微辣既口感配搭弹牙的虾肉 再加上三文鱼子及飞鱼子加埋清新的紫苏叶 多重口感的丰富系难以形容个汁做到好creamy好香米饭软硬适中而且好入味重点系紫苏带来的清新感令整体感觉食完唔会觉得腻//炸薯条 +$58//薯条炸得够脆唔油系会愈食愈停唔到口果种//咸蛋黄黄金炸鸡(4件) +$48//炸鸡外脆内嫩咸蛋黄香味浓郁 //开心果巴斯克芝士蛋糕 +$58//芝士蛋糕入口即化开心果味好出表层仲铺满脆脆的开心果粒为呢餐画上完美的句号
继续阅读
「Cobber Noodle and Mochi」位于观塘巧明街，整条食街众多当中超级人气，平日夜晚都要等位，呢度究竟有啲咩咁出色？就系专注做意粉、炖饭和甜品，而且好抵食又好食，点一个主食就可以用优惠价钱加配甜品、小食等，真系食多啲嘢都唔会肉痛👍更加正嘅就系可以自由斟无限畅饮，只要点套餐就可以免费无限添饮五款餐厅特别设计嘅特饮，包括苹果微炭酸、柠檬特调、西柚特调、香橙茉莉茶和台湾四季乌龙茶，五款我都试晒，每款有特色而且味道唔太甜，味道清新够晒足料，坊间其他餐厅少有👍👍▪️主菜+ $20 就可以享用餐包+餐汤+ 沙律两款餐汤西兰花忌廉汤、黑松露磨菇汤，味道香浓够晒健康，牛角包香口酥脆，沙律菜够晒新鲜配上酸醋汁，够晒开胃😋▪️芝士焗肉酱意粉 $ 98黐线咁好食，用焗盘上枱热辣辣，面层是大量烧得焦香嘅拉丝芝士，肉酱香浓美味，配上被芝士和肉酱包围住嘅弹牙意粉，好味得连酱汁都清清光▪️黑松露忌廉磨菇鸡肉炖饭 $ 148Risotto 超香黑松露味道，每一啖都食到所有馅料和Creamy嘅炖饭，而且味道浓郁，配上健康食材蘑菇和鸡肉，好滋味▪️马苏里拉芝士焗薯蓉带子+ $ 78个人超钟意Mozzarella，尤其是焗完之后面层嘅焦香口感，芝士控完全难以抵挡，芝士包住超级香滑嘅薯蓉和带子，味道绝配▪️脆炸阿拉斯加鳕鱼手指配他他酱 +$ 48小食必食推介，外层香口酥脆，鳕鱼柳香滑多汁，沾上自家制嘅他他酱，超级好味▪️开果雪糕麻糬 + $ 20最钟意成只鬼嘅造型，面层系招牌麻糬，烟靭软熟，人气大热开心果雪糕，没有不好味的理由▪️焦糖巴斯克芝士蛋糕 + $ 48整晚MVP，焦糖超级香脆而且唔太甜，包住油润嘅入口即化芝士蛋糕，芝士味香浓得含在口里味道久久不散，嚟到真系一定要食
继续阅读
日前女朋友带我去左位于观塘巧明街99号地下嘅新餐厅Cobber Noodle and Mochi。店内主打文青风格，环境简洁舒适，给人一种轻松自在的感觉。墙上的装饰简单而有心思，灯光柔和，非常适合与朋友聚餐或情侣拍拖。正如餐厅个名suggest，呢度主打意粉同埋麻糬。首先梗系要试下佢地嘅招牌菜——明太子忌廉三文鱼子飞鱼子紫苏意粉。这道意粉口感滑顺，忌廉的香浓和明太子的鲜味完美融合，搭配飞鱼子和紫苏的清香，让人一试难忘。至于另一道葱蒜香蟹肉炒意粉，蟹肉鲜美，炒得恰到好处，葱蒜嘅香气更是提升左整体的味道，女朋友怕肥都话忍唔住食多几口。至于好期待嘅甜品方面，我觉得焦糖开心果牛奶麻糬值得一试。麻糬口感软糯，焦糖的香气和开心果的香脆相辅相成，令人回味无穷。而焦糖巴斯克芝士蛋糕则是另一个亮点，浓郁的芝士味道配上焦糖的甜度，食完让人心情愉悦。可惜嘅系比较细旧，唔够喉呀！顺带一提，套餐跟嘅黑松露蘑菇汤都相当出色。我欣赏佢个汤底够浓厚，松露嘅香气够突出。套餐可以自由斟出面嘅饮品。我个人最钟意杂果宾治，贪佢够清新解腻，而且唔会太甜！正！总的来说，Cobber Noodle and Mochi提供的食物质素高，服务友善，价钱也算合理，绝对值得一试！
继续阅读