CHEF STAGE de Eddy Chu (已結業)

今晚幾位朋友相約小聚, 隨意選了這餐廳, 本身都想試這餐廳一段日子, 自然欣附會。我們點了一個4人餐, 整體味道不錯。 食物水物對得起價格, 惟獨最後給侍應趕走這一部分令全晚蒙上污點。訂枱朋友被告知8點45分交枱, fine。但侍應8點半前指著手錶說我們遲了多交枱, 他們的客人在出面等了很久。。。結果最後15分鐘我盡快埋單結帳, 我們也是呆了但也不再爭論什麼。 本餐不是fine dining 但位位亦要600多塊結帳. 我們却像連x園餐廳都不會發生這些事的情況下給趕出去。 說實在, 同類的餐廳差不多道在tst 多的是, 所以亦不會再光顧。

真係嬲到要開個ac寫comment.這依間餐廳我已光顧了幾次，覺得食物不錯環境都OK(雖然坐位比較窄但香港地好多餐廳都係咁，都唔係大問題)但這今次真的食到一肚氣!我地book左6:30pm ，佢地話食到8:30pm要交枱，依層冇問題食到8點已經叫我地埋單，都冇問題，因為以為佢地只係想埋單先但埋完單就催我地走話出面仲有客等緊，我地之前都試過book 8點半，早左到餐廳都係到等到夠鐘先有得入座到8:10 佢地又再催我地走，但我地嗌左支酒仲未飲晒，而且佢地話可以食到8點半，實在冇理由8點開始就係咁催我地走最後我地唯有快快飲埋就走，一直比人催都冇意思如果佢地想做快餐既話就唔應該應承客人可以食兩個鐘今次之後我地都決定唔再去依間餐廳，無謂貼錢買難受!

約咗好耐冇見嘅閨蜜出嚟聚吓，所以想去坐得舒服食物又有質素嘅餐廳，上網呢到環境開揚，光線也很好，而且個特餐好吸引，有海鮮拼盤同埋白酒，價錢唔貴！於是決定嚟試吓！我哋茶餐、特餐每樣叫了一套Share食😆白酒味道清新，容易入口，而且和海鮮非常配搭，連平時少飲酒既閨蜜都覺得好飲！海鮮拼盤：日本帶子刺身、鮮蝦、生蠔、鮮花螺片、聖子刺身樣樣都好新鮮，尤其日本帶子配埋嘅秘製醬汁！正！牛油多士配炒滑蛋+ 煙三文魚牛油多士配炒滑蛋+火腿粒不得不讚呢度嘅滑蛋真係做得非常之出色！好滑好有蛋香！牛油多士亦都非常鬆脆💓燒黑毛豬湯意粉個黑毛豬半肥瘦，燒到脆皮而且口感香滑多汁😍我同閨蜜都讚口不絕！意粉好有彈性， 湯底都好好味！香草雞扒意粉雞扒香嫩多汁，皮脂較少，大大件好足料，通粉分量比意粉多😜最後點埋杯餐飲，同閨蜜悠閒地慢慢傾下計就度過咗一個好開心嘅下午💕

星期日朋友想食好啲所以就BOOK左呢間餐廳食TEA，其實成日係尖沙咀食野，都會SKIP左呢條街, 原來上個樓梯就係另一個世界, 好似發現左新大陸咁。搵左陣係邊到，原來17-19號係唔等於18號..哈哈終於上到去, 一出到去, 哇, 原來個景咁開揚真係估你唔到喎。同埋有個live band咁即場獻唱，即刻心情都唔同咗！侍應安排左我地坐窗邊, 可惜落雨,出面灰灰暗暗咁, 天氣好坐係到HEA都好開心我地叫左一個茶餐一個特餐, 個名好似好普通,但特餐有海鮮拼盤, 唔係普通既特餐咁簡單~帶子好新鮮, 聖子刺身勁爽, 仲有好鮮甜既生蠔炒蛋勁勁勁勁好食, 超滑!! 仲有蒜香法包好脆口,加埋一啖過係最正既!然後各叫左個黑毛豬湯意粉同埋香草雞扒意粉,佢個意粉...唔係普通既意粉..係扁意粉...有時好怕食到茶記既意粉見到係扁意粉即刻加曬分, 唔會好易斷, 係有心既黑毛豬好爽口, 切既SIZE都好好又有入味~朋友大讚香草雞扒, 我又試左一舊仔,係煎得幾香口下~又唔會乾~整體都係好出色~ 連埋景~ 抵曬。

香港人對用餐食物要求越黎越高，做生意要迎合顧客要求出盡法寶，而家租金人工都高企，要吃到一頓平靚正嘅食物就要多留意。最近約朋友下午茶聚舊，佢介紹去阿士厘道一間商厦高層西餐試，上到去正門唔係好顯眼，入到店内完全唔同，環境巳殺食，開揚遠景，無敵維港，個景夜晚一定浪漫死服務員安排坐於窗邊，慢慢嘆，放下menu，有兩個set tea,一於試晒，原來呢度老闆廚藝了得，曾經獲獎添，真係厲害，可以試到，真的期待茶餐比較簡單，價錢平宜些$68，不過個餐上到枱又確實不簡單，賣相精緻，獨特風格擺切，蒜香牛油法包熱且脆，三文魚新鮮且滑吃落有口感，太陽蛋好似雙眼咁精伶，吉列魚柳面脆金黃肉滑鲜甜，意粉幼長，再配合一杯意大利即磨咖啡，係咪平靚正呢跟住到個特餐，價錢貴差不多一倍$128，但係上到枱就好似係法國餐廳用餐咁，高級食材，別樹一格，一杯通透白酒配上海鲜拼盤(生蠔,鲜花螺,日本帶子,鲜蝦,聖子刺身)，香燒黑毛豬，雙蛋搭火腿通粉，對住靚景，悠閒享受，已值回下次必定再黎試埋個夜景set，期待期待，無介紹錯。

輪到老公同我慶祝生日了, 我今次放手比佢揾餐聽...又唔錯bor!!今次我扮健康揀左香燒多寶魚, 老公就食黑毛豬每人加多50幾蚊要多個海鮮頭盤, 樣樣都好味, 新鮮, 睇落好似得好少咁, 一人份量每樣野得一舊, 但係ok的, 因為個正餐大份丫麻餐送既沙律, 都唔馬虎的, 有幾塊parma ham我碟燒魚, 好大條魚>.< 食完好鬼飽了已經, d魚肉冇煮得過熟, 仲滑的, 好多肉同場仲有吉他手, 佢專登過黎彈生日歌同fly me to the moon比我地聽呢, 幾有feel

上網見到呢間餐廳，見到啲人推薦，一望到個餐牌已經心心眼😍😍因為個下午茶實在超級抵食呀！即刻俾佢吸引左過嚟！我同朋友一人叫咗一個常餐一個特餐，特餐貴$60 ，多一碟海鮮。無論係常餐定特餐都好抵呀😍碟海鮮有好多種類，有生蠔，蝦，蚌，同埋帶子，仲有兩個醬汁！綠色嗰個汁好開胃，酸酸地辣辣地咁，而另外嗰個就係麵豉味😂我自己鍾意綠色嗰個汁多啲，好似同啲海鮮夾啲😂啲海鮮全部都好新鮮，生蠔超級大隻勁肥美，大只有大大粒，啲蚌仲好爽口添🤣蛋有得揀或者炒蛋，我鍾意食炒蛋多啲，因為真係炒得好滑！肉方面就有火腿同埋煙三文魚揀，火腿好好食呀！而且仲要平時好少食到咁樣嘅火腿，相比之下，雖然煙三文魚都好好食，但係就成日食到冇乜新鮮感😂主菜方面有得揀要黑毛豬、雞扒、定抑或吉列魚柳。我哋叫咗一個黑毛豬同一個雞扒。黑毛豬真係好好好好好好食😍😍雖然浸左落啲湯度，但咬落仲有啖啖肉汁，而且一啲都唔肥，十級推薦啊🤤🤤！！

Chef Stage de Eddy Chu 是一間我回頭幫襯率幾高又有品質保証的西餐廳, 但我還真是頭一次在茶市時間來到。鬼叫今日的日程真的太滿了, 辛苦死了, 午餐都未食。餓腸轆轆, 一於找間好的餐廳去奬勵一下自己, 於是同同行來了這餐廳, 好開揚的店面, 坐得舒服又不太嘈雜, 是抖抖腳的好地方。太餓了, 我點了個特餐而朋友早有準備食了個勁大早餐故只點了一個茶餐。細看兩者的差別就是我多了一個海鮮拼盤, 但一看內含的食材就真的值了。 海絴盤包了一隻味濃的蠔﹑一隻實肉彈牙﹒鮮味的紅蝦﹑一大大粒浸在特調的日本味噌蜜糖汁的刺生Grade的帶子, 鮮甜味足令人連汁都不錯過。 一粒東蔭功汁的東風螺, 以為咁嗆的汁會蓋哂了螺鮮, 事實郤相反, 兩者配在一起, 鮮味倍增。最有還有足足四片的蟶了刺生, 爽口鮮味, 沾沾那微辣香草汁，真的好食都停不了。雖是下午茶但無論是蒜蓉法包, 還是那蛋都是交足貨, 前者是熱脆剛出爐，後者炒蛋鮮﹑滑, 太陽蛋橙紅橙紅的好討喜, 好新鮮蛋味濃厚。煙三魚, 友人說不死咸好鮮, 我的火腿厚切, 肉質嫩滑多汁, 又有咬口, 蜜糖味淡淡的反而帶出火腿的咸香, 好味。我們交換了

老公為咗要同我慶祝返咗呢份工 2 周年，所以同我再來呢度，話要慶祝一下吧~以為來到呢度，次次都經已天黑，但呢次比平時早咗少少來到，可以更清楚望到美麗的維港景色，真係好正好正~冬陰西班牙煙豬腩沙律大大碟的沙律，有沙律菜和多種不同的蔬果，食落很爽鮮開胃。而煙豬腩响沙律裡面，只係少少肥至半肥，食落十分香口。紅咖喱肉配熱脆麵包以為紅咖喱肉好辣？原來唔係，只是有少少，用作提升整道菜式的香味。加上煮汁非常 creamy，以熱脆包點上一齊食，非常滋味。松露煮日本年糕煮到好似一碗湯咁，原來是日本年糕浸响入面，食落索咗不少以松露煮成的湯，食落的味道好香，又唔會好黏牙，唔會好似一般的年糕味道咁單調。黑松露蘑菇湯這個湯是每次來到必飲的，因為蘑菇粒打得大小不一，撈埋面頭白色 cream 後飲用，突出口感的層次。米酒煮活蜆上枱時已經聞到超香的米酒味，蜆肉除了索咗不少米酒香，仲有好香葱味，最緊要係食落無咩沙，所以食得好放心，食完一隻又一隻。燒西班牙黑毛豬「豬頸肉」先食一口菠蘿清清味蕾，再沿著紋理切開豬頸肉，肉質煙煙韌韌，帶微微的黑椒香。蒜香牛肉扁意粉無諗過牛肉可以用來煮意粉，味道好 juicy，而意粉口感很彈牙，

地理位置唔錯，近尖沙咀站，環境超好，好岩同三五知己傾計，大快人心，由於位於高層，個環境夠開揚，就算今日落大雨，透哂自然光，坐落去心情都好舒適。黎依度食野嘅人都唔算少，睇黎餐廳原本都已經吸引倒一定嘅Fans。今次就試下佢個茶餐同特餐！好快就黎左個野飲，我地叫左個奶茶同意大利咖啡，最方便嘅係，甜同奶度都可以自己調教，啱晒我地又要多奶又要少甜嘅麻煩友😂。服務方面，侍應好細心，收碟，倒水都好快手，仲幾有禮貌。野食方面，整體係高質食物，食得出食材全部都幾新鮮，絕對唔係用啲差嘅材料。最特別要講嘅係，隻蝦係可以放心食，我睇過蝦腸，係無黑色，非常乾淨。另外，火腿係以磚嘅形式上碟，食落啖啖肉，必食之選。黑毛豬，肥瘦適中，而且廚師調味嘅咸度啱啱好，食落口感亦唔錯。海鮮拼盤方面，唔同海鮮都有提供唔同嘅醬汁，醬汁配搭非常合適，可以保留先味鮮之餘，仲可以食倒另一番嘅風味。最令人回味嘅係，下午同朋友摸住酒杯底傾計，真係大快人心。

又去尖沙咀行街街， 行到下午見餓餓地，就上咗去 chef stage 食個下午茶。 呢度嘅環境幾好，對出就係維多利亞港，地理環境夠高， 隱約見到海景。 加上落弟加上落地玻璃，令餐廳環境非常光猛，感覺舒服。 下午茶餐分別有68蚊和128蚊的選擇，128蚊的選擇是多了一個海鮮拼盤。朋友和我各點了一份。 海鮮拼盤很好吃，值得一讚。 生蠔雖然細細隻但係蠔味十足，味道唔腥。花海螺有口感，夠彈牙。。還有日本帶子、鮮蝦同埋聖子刺身，聖子爽口鮮甜。 蒜香牛油法包配煙三文魚煎雙蛋；牛油蒜蓉法包配火腿炒蛋，好味道！ 香煎黑毛豬意粉：黑毛豬的外皮煎得微脆，爽口彈牙，一啲都唔韌，調味唔錯。 朋友食嘅係吉列魚柳通粉，一般餐廳食到嘅都係雪藏魚柳，但係呢度好唔同，真係完整魚柳連皮。 湯粉加上口感爽口的生菜，係幾好食嘅。最後以兩杯檸茶、檸水作為完結。呢個價錢，加上環境真係冇得頂，下午茶一定要再來。

之前都有黎食個lunch ，覺得呢度嘅氣氛幾好。 夜晚仲有歌手彈住結他唱民歌， 香港已經冇乜呢一類嘅餐廳啦😮 今晚就嚟食晚餐，撐下枱腳😅黑松露磨菇湯， 湯裏面粒粒嘅蘑菇 ，清淡嘅菇味，滑滑嘅口感，大蝦沙律蝦嘅size一啲都唔細，分量都好多， 蝦肉新鮮爽口😋沙律裏面仲有粒粒嘅士多啤梨珠，咬落去士多啤梨汁會唧出嚟，好得意好好味👍香港豬扒包(黑毛豬脆包)，麵包又香又脆🤩用黑毛豬肉，選料上盛👍黑毛豬肉肉質特別細嫩，油脂豐富，帶有嚼勁，配上蜜糖芥末汁，Yummy Yummy😋😋😋燒牛脷配芥末醬，牛脷肥大肉厚的，質地軟熟，既有油香，牛味亦重，口感也軟腍😍配菜選用羽衣甘藍，罕有嘅配搭，有益，好味紫薯蓉香甜男友蛋黃油雞扒配鮑魚👍雞扒配上鮑魚成道菜矜貴得多😍隔離枱有人生日，歌手揸住結他行過去為佢哋唱上生日歌，氣氛一流超正👍🍻

今日同女友人相約在尖沙咀行街睇戲食飯我個朋友對食嘢非常有要求 無論喺環境方面 食物質素同服務 佢都要最好嘅佢之前嚟過19樓呢間西餐廳用餐 讚不絕口 話要帶我嚟試下喎搭𨋢上到19樓 一望無際嘅景色 令我讚嘆不已仲可以欣賞到維港的景色 望住藍天白雲用餐別有一番風味我哋分別叫咗個茶餐$68同特餐$128特餐入面包括咗個海鮮拼盤 有刺身食用嘅帶子 生蠔 凍蝦 及 貝類刺身， 相當豐盛生蠔極新鮮 肉質爽口 蠔味濃 海水味重厚切刺身食用帶子 肉質鮮嫩軟綿綿 厚切嘅方式 填滿整個口腔 大滿足另外加咗35蚊 叫咗杯白酒白酒配海鮮 美景配美食另外茶餐同特餐都會包括 一份炒蛋和蒜蓉包配煙三文魚/火腿湯意粉或湯通粉 配 香燒黑毛豬/ 香草雞扒/吉列魚柳蒜蓉包真係頂瓜瓜 焗到脆卜卜 蒜蓉牛油味非常香呢個炒蛋係世界級好味 生熟程度掌握得好好 仲有蛋汁 又滑又香煙三文魚又鹹又先 火腿粒有咬口香燒黑毛豬 醃得好入味 爽口又彈牙 口感似豬頸肉 但係豬味更濃郁 中間仲有肉汁㗎吉列魚柳大過塊手板 外面嘅麵包糠炸得脆卜卜 中間魚肉嫩滑 一條骨都冇啖啖肉 配上芥辣醬味道更鮮味難怪女友人介紹我嚟呢度啦 佢咁奄尖都話好可想然知

等埋男人收工，想食個late lunchOpenrice search見到呢度好似幾好坐，個tea又多嘢食你知啦，同男人食tea一定唔係嗰種afternoon tea，細細件😂上到19樓，個景都幾開揚！望到海添！Tea set有2款，各一，可以試曬先上咗個海鮮拼盤食落有驚喜！好新鮮！連平時懶得食蝦嘅我都覺得隻蝦好爽同鮮甜隻蠔一d腥味都冇，配埋個汁好夾!一隻略嫌唔夠喉😋雖然得一隻螺，都有獨特嘅用具比埋你用，好細心好似帶子咁，又特登有個汁配埋欣賞！好鍾意呢個汁，似泰式酸辣，同海鮮好夾見加35蚊可以配杯紅/白酒就叫咗一杯紅酒配海鮮食望住咁開揚嘅景，感覺好chill之後到熟食黎一碟就煎雙蛋配煙三文魚賣相討好，蛋黃嘅顏色好靚！蒜蓉包香脆!!另外叫咗炒蛋配火腿火腿唔係平時食嗰d薄ee一塊係肉粒咁，好有口感炒蛋都好好食囉！好有蛋香！中間又好滑！叫咗雞扒通粉，雞扒塊皮煎到脆卜卜，好香，外脆內軟略嫌湯有d油另外嘅係黑毛豬意粉佢用嘅唔係普通圓身嘅意粉，係有少少扁煮得軟硬度啱啱好黑毛豬食落肉味重，有食牛嘅感覺！有咬口，但唔係硬，又幾好食！走嘅時候先見到燈條，見幾靚就影下埋單200頭，又食蠔又飲埋酒，仲有靚景

今日有事要到尖沙咀那邊，估唔到幹好事都好晏了。眼見又肚餓，又喺亞士厘道附近，就上呢間餐廳食Tea啦。到達後，看到好多有關紀律部隊嘅牌坊喺廚窗櫃上，諗緊店員前身是否紀律部隊人員之一呢。再行入啲就見店內嘅餐桌不多。幸好上到去後都有位，不需要等太久，很快就有店員帶我進店內食東西。坐了一會兒，之前約的朋友都到了。既然齊人後，就通知店員上菜。沒想到一間樓上食店都能夠煮出咁出色嘅菜式。首先店員為我哋帶上白酒，第一次茶餐時候喝酒，不過幾特別，酒嘅味道都不錯，唔太烈，易入口。再來送上海鮮拼盤，海鮮很新鮮，生蠔鮮甜。接著送上雙蛋配火腿及雙蛋配煙三文魚（炒雙蛋）。火腿不是簿片，而是一口一淡肉，食落很香。雙蛋亦鮮甜，炒蛋亦滑。至於煙三文魚很香不腥。再來送上香草雞扒通粉及香燒黑毛豬意粉。湯底很清，配上燒及煎的肉，食落不肥膩。香菜雞扒很有肉味，亦沒有雪味，再帶點香草味。而香燒黑毛豬啖啖肉，口感很好，再帶點燒烤過的脆皮，食落有啲香口。最後覺得茶餐有一定的價錢，但物有所值。食出廚師的心意，以及服務不錯。