CHEF STAGE de Eddy Chu (已結業)

媽咪生日想搵間餐廳可以一家人去食飯慶祝好搞笑嗰日星期六好多好多人都係去慶祝有個叔叔揸住結他唱生日歌張張枱都係咁唱食物ok服務ok我記得小朋友好鍾意食黑松露年糕而且有少少海景 同埋價錢唔算太貴

上網睇介紹 CHEF STAGE de Eddy Chu 是一間很出色的西餐廳，今次終於有朋友提出不如來幫襯一下，我聽到梗係開心到要舉腳贊成啦～嚟到餐廳環境好開陽，一入門就聽到一把很柔和的歌聲，原來有駐場歌手，佢會自彈自唱， 以英文歌曲為主，很有懷舊氣息，剛撞正客人生日， 駐場歌手會為生日主角獻唱及祝賀，窗邊還可看到維港海景，十分之不錯。先來點了【海鮮拼盤】有4隻生蠔、2隻日本磯燒鮑魚、2隻帶子、4隻鮮蝦及4件墨魚。拼盤冇跟餐廳二款特製的醬汁， 醬汁有魚泰式風味，一款是冬陰功，而另一款是檸檬薄荷汁， 當海鮮遇到兩款醬汁時， 味道會更惹味， 如果想保持鮮味， 不點醬汁亦可。鮮蝦是凍食的非常甜蝦，生蠔好creamy ，帶子配上秘製麵豉汁，令帶子味更濃郁鮮甜。 日本磯燒鮑魚是經過醃製，顏色較為深一點，但很入味，而且仲煙韌爽口。【紅咖喱蟹肉配西班牙熱脆麵包】麵包卜卜脆，好似油炸鬼一樣，一點油膩感都冇，配上紅咖喱蟹肉魚籽醬，可口美味，好食到停唔到口。值得一讚就係個紅咖哩很香而不辣，蟹肉一絲一絲，以及魚籽令口感豐富。【黑松露蘑菇湯】未飲已經聞到黑松露嘅香，而且熱非常熱，但不會燙口，湯很滑仲食到細細

朋友生日，見呢間餐廳咁多好評，決定黎呢到食生日大餐來慶祝。餐廳氣氛不錯，有個叔叔彈著結他唱歌，仲可以點歌我地三個人叫咗個海鮮拼盤、兩個5 course set dinner 和一個 main course 分享。海鮮拼盤d海鮮新鮮肥美。本人非常喜歡食生蠔，呢到d生蠔我絕對滿意。佢亦提供三款唔同嘅汁黎點海鮮，都幾特別，值得一試。然後就係餐湯同前菜。田螺連埋個殼一齊食都係第一次！脆卜卜咁成舊食好正。Main course 叫了魚、牛肉眼和燒牛脷。三碟都好大份，食完超級滿足。最鍾意個慢燒美國牛肉眼，肉質嫩又有牛味。個牛脷好厚身好多肉。最後，甜品碟上寫了祝福，店員唱著生日歌把甜品放到我們面前。食完真的飽到就快動不到了～很滿足的一餐

為左補祝紀念日 ，忙裏偷閒黎到尖沙咀馳名西餐廳 ，享受美景，佳餚和現場音樂。一生一大樂趣也。 海鮮拼盤：以秘製醬汁和新鮮取勝，生蠔又大又肥美，加上惹味青檸汁。咕 一聲食落肚好正。 帶子刺身浸在麵鼓醬內另有一番滋味。磯燒鮑魚咸咸微香好想再食。仲有墨魚仔加冬蔭功汁。 紅咖哩蟹醬配麵包麵包夠香脆，大細岩岩好，加d紅咖喱，有 d蟹肉軟綿綿。 十分推薦。黑松露年糕黑松露超香加上薄身年糕，廚師話太厚會難咬黑松露磨菇湯材料豐富5小時慢煮肉眼牛扒 呢個係4成熟。size大到老公狂話正。呢個熟度好林好咬口。 嫌佢太生可以再煮熟少少架。侍應俾左極品海鹽同芥末醬，更上一層樓黑毛豬扁意粉抄意大利粉係好難煮， 要煮到軟硬岩好，又有黑毛豬同香草既香。真係好好食。士多啤梨牛奶有士多啤梨既香，也有牛奶的香濃。 飲落稀稠岩岩好。是日甜品值得一讚係個侍應同樂手好好客。樂手幫我地慶祝，俾我地點歌。我聽到好開心同滿足。

2月又係情人節又係農歷新年，男人帶左我去位於尖沙咀的樓上餐廳食飯。入門口前已經見到一大堆不同的烹飪比賽的獎項，我就估到男人帶我去食好野(YEAH)~現場有歌手現場唱出多首輕快的情歌，令情調陪倍增。我第一次食磯煮鮑魚，原來磯煮係加入醬汁用慢火去炆，令肉質保持鮮嫩。淡淡醬汁的味道，加上口感彈牙的鮑魚，點埋自家蜜糖芥辣，真係超惹味！我們叫的係5 Course套餐，入面會有個乳酪蟹肉鮮鮮芒果沙律做前菜。沙律菜加了黑醋汁，非常開胃。加上鮮蝦及蟹肉，整體就更Fresh了。餐湯可以揀是日餐湯或黑松露蘑菇湯，如果睇得我的餐廳分享多，都應該估到我會飲黑松露蘑菇湯啦！呢個湯的蘑菇攪到小粒狀，口感就會較豐富。鍾意食雞排的男人就揀左黃油雞排配松露鮑魚。呢份雞排配左黑松露Gravy汁，黑松露的味道唔會太搶，加埋蘑菇片及鮑魚就即刻升了格(笑)自己係屋企真係好少整羊架，因為我唔識整真係驚會好羶。餐廳將羊加煎得好香口，肉質都好軟熟，味道只係少少羶，鍾意食羊的大家可以揀呢個。值得一提，餐廳的薯菜用了紅蘿蔔及紫薯蓉。紅蘿蔔煮得夠淋身，紫薯蓉亦好滑。個5 Course Meal會包一份甜品，今次的甜品係木糠布甸！真係超耐無

家姐生日, 特別搵間可以食件MEDIUM牛扒的西餐. 左挑右揀, 搵到EDDY CHU. 一於黎試下. 睇OPENRICE相, 有個CORNER可以坐到八大人, 仲係兩邊窗, 望住尖沙咀黃昏食飯, 好FEEL啊.但要比訂金預留CORNER AREA同埋, 最唔好一樣嘢, 6點BOOKING 就係要8:15交枱. 我地叫咗4款DIINNER SET X 2 , 可以大家SHARE各種主菜嘛. 湯: 黑松露蘑菇湯, 好重蘑菇味, 好足料.松露煮日本年糕: 一向唔好日本年糕, 但都試下啦, 又幾好食喎. 唔硬又唔太黏. 配松露入到味. 豬肋骨條:  餐廳好細心, 因為有年長的唔食得年糕, 佢地安排咗一份豬肋骨肉嫰啱啱離骨, 少少一條煎得甘香.橡果黑毛豬: 都OK呀, 最緊要唔鞋口嘛, 合格.雞扒松露鮑魚: UM.....有得再揀的話, 可以唔叫. $498一個雞扒SET, 實在唔化算.羊鞍: 一道水準之作, 唔可以話好驚喜. 黃昏有SPECIAL DRINK PROMOTE, 望住啲啲維港景都好開心. 夜晚仲睇到幻彩詠香江㖭喎. 重點出場: 慢煮牛肉眼:  好失望, 未切已經過五成, 食落仲

預祝情人節，梗係要食靚西餐，黎到呢間餐廳位於19樓, 坐窗口仲有靚景，8點仲睇到幻彩詠香江。海鮮拼盤，全部新鮮大隻，重點係廚師親手秘製既醬汁，有香草汁，冬陰功汁，帶子白面豉蜜糖醬，，記住食埋粒新鮮甜美既帶子。西非蠔入口creamy，配埋秘製香草汁，比起平時點檸檬汁，又提升到另一個層次！黑松露蘑菇湯，個湯有心思有功夫，每一啖都咬到菇碎。薯蓉焗田螺，呢個田螺殻睇真D，係食得架，廚師親手搓岀黎，好味味。燒牛脷配芥辣蜜糖汁，原條牛脷直上，煮得好腍，咬落牛脷中既肉汁同脂肪流岀，最最重要係個醬汁，真係好好味，點完再點。。。8成熟黑毛豬肋條，嫩滑粉紅色嘅肉質爽口，表面煎到香脆。配菜紫薯蓉都好搶鏡，食落好香紫薯味。而菠蘿就要夾住巴西葉一齊食，個種甜酸香草味一次過爆發岀黎。其實已經好飽，最後有芒果味極濃既mousse，夾住一層層朱古力蛋糕，又飽又幸福！

年幾前己經試過呢間餐廳, 記得果段時間好興慢煮, 好多店鋪都會推薦呢樣食法, 咁我記得佢連配菜都好用心煮, 但我記得份量唔大, 今次朋友選擇咗呢間, 咁我就再食一次, 因為上次份量問題, 我今次叫嘅餐我唔食慢煮, 而且叫二個都係肉同肉, 最後叫咗個美國肉眼配大蝦, 另外一個係橡果級黑毛豬.  對於海鮮拼盤嘅生蠔真係好CREAMY 鮑魚及帶子夠甜, 鮮蝦都彈牙, 而且佢有配上特別嘅醬汁, 呢個拼盤值得一讚. 前菜就係黑松露年糕, 係幾入味, 但如果湯係選擇咗黑松露蘑菇湯你真係會覺得漏, 如果改唔係年糕比較好, 個田螺都好讚㗎，個外殻好鬼脆㗎，一切唻得咁好, 加上上次食過牛味夠濃嘅慢煮牛我們更加對主菜滿有奇望, 一來到咁大碟嘅, 以份量唻計取勝, 但第一口食佢嘅黑毛豬, 我覺得太爽口, 似食豬頸肉嘅口感(可能係我唔鐘意), 但佢配菜上個蕃薯及紫薯係超正, 你就算係飽都好想食哂佢, 到個牛講真真係無牛味, 而且又乾又韌, 真係大失望如果佢個非慢煮嘅主菜都可以改善就好

今日突然想食西餐，於是就搵下尖沙咀有冇環境不錯嘅西餐，食物質素又高嘅，於是就發現到呢間，見到窗邊仲有大玻璃，雖然冇海景，但感覺好正！於是打去book，但window seat 已經full 左了，不過唔緊要就照去啦，去feel 下都好！上到去，環境真的不錯，仲有駐場歌手，一邊彈結他，一邊唱歌，座位同座位之間都有適當的距離，唔會好迫！海鮮拼盤 $498
海鮮拼盤好豐富！海鮮拼盤有冰鎮住，係好基本！第一樣試係生蠔，有重重嘅海水味，冇提供檸檬，換來是餐廳特制芫茜醬，個人覺得唔蘸更能吃到生蠔嘅鮮味！蝦又好甜，唔會好細隻！鮑魚有先用面豉醬醃好，所以是橙橙地色，估唔到味道又幾夾！仲有元貝配嘅醬，好入味，把食物嘅味道帶到另一個層次！墨魚仔的爽口，蘸了餐廳特制嘅冬陰公汁，為墨魚仔添上味道！果然物超所值！紅咖哩蟹肉配西班牙熱脆麵包 $148
超鍾意的一道菜！因為有好多蟹肉，個紅咖哩好惹味，有小小辣，唔食得辣都覺得ok！西班牙脆麵包係必食呀，因為好脆，就算沾上紅咖哩及蟹肉，都冇變得軟身，呢個汁送飯都好得！ 5小時慢燒美國牛肉眼 約四成熟 $398
食西餐一定會食牛扒，見到餐牌有個推薦嘅5小

出左尖沙咀同E先生撐枱腳，我果然冇㨂錯😆環境好開陽，氣氛仲勁正，現場有個叔叔係度彈下結他唱下歌仔，撞正慶祝生日會為壽星高歌一曲🤣而坐正窗邊仲會睇到小小海景添。海鮮拼盤有4隻生蠔、2隻鮑魚、2隻帶子、4隻鮮蝦和4件墨魚🦑非常豐富。拼盤冇跟檸檬🍋同辣汁，原因係餐廳二款特製既醬汁每種海鮮都能配上，好有驚喜。彈牙鮮甜蝦、肥美生蠔、帶子回味，而鮑魚經過醃製，非常入味😌滿足滿足吃海鮮最岩就係飲白酒，帶點果香，順口不澀。 紅咖喱蟹肉配西班牙熱脆麵包麵包非常鬆脆，煙煙銀銀，配上紅咖喱蟹肉魚籽，紅咖哩很香不辣，而蟹肉一絲一絲的，加上魚籽增加口感，非常惹味🤤燒西班牙黑毛豬肋條肉豬肋分量不少，已起骨位，食起來非常方便，煎得好香口。伴菜有菠蘿🍍酸酸甜甜減少油膩感，更有甜甜既紅蘿蔔🥕西蘭花，好睇好食好健康🤩🤩黃油雞扒配松露鮑魚有兩隻爽口鮑魚，雞排煎得岩岩好，嫩嫩滑滑，而香濃既松露醬配上雞排 非常至夾✨醬汁真係好出色。是日甜品係藍苺芝士蛋糕～味道不會過甜，岩晒我口味，滿滿朱古力香，加上酸酸甜甜既藍苺醬，眨吓眼就食晒，非常飽飽既一餐。

蟹肉沙律但冇蟹肉😰同侍應講，佢好似唔知發生咩事，拎入廚房再攞返出嚟，見到有兩三條蟹肉絲😓見到咁，唔敢再叫另一個餐！幸好駐場歌手好專業，同埋生日祝福字句都冇錯漏，叫做生日有少許驚喜！

因為生日係除夕個晚，本身諗住訂呢間可以舒舒服服咁坐係食下野，望住個維港，再成間餐廳既人一齊倒數都幾有feel，不過後尾見到個menu得set,而且有啲貴，所以都係提早黎試下先，驚比咁貴係買伏😂🙈因為臨近年尾，所以26號食都要比$200訂先，黎到見到個舖有啲細，暗暗地，每枱有個蠟燭仔幾有feel😆👍兩個人坐四人枱都幾闊落，隔離咁啱就係個駐場歌手，所以全程佢都同我地枱互動，一齊唱😝🥳食野方面，佢地幾貼心，所有碟都會預熱左先，所以啲野食影耐左，食既時候都唔怕凍左😂😂個年糕超好味，配黑松露😍啲肉就一般般，唔係話特別好，反而好中意個紫薯蓉🤩🥰個海膽面好豪邁咁比左一板海膽，但因為朋友唔中意，覺得腥，結果吃剩半板🙈食食下，冇拉拉冷氣機滴水🥺店主好好咁換曬所有野，重新上過曬啲野食👍態度好！生日仲會送個蛋糕仔，仲會唱歌你聽，不過店員佢地冇人記得訂枱講左想比驚喜😳結果要我當面提先有呢回事😶所以去之前，大家都係打電話提醒下安全啲😊

又試一間小店，之前就已經好想試。上到去因為下午茶關係，見到原來有2邊座位。沒開的一邊望到海景更靚，視野更廣闊。下次晚市來要request 坐另一邊自己叫了個百多元的下午茶餐，可惜頭盤海鮮又忘記影相（本人實在未習慣留相寫食評，希望大家體諒）用料中上鮮味，個人覺得汁味道偏淡，帶子及螺無太大的化合作用，始終蠔又是瘦了點。煎蛋3文魚，原本是order滑蛋，覺得更需要技巧煮。但朋友的煎蛋是太陽蛋，佢怕生，我就同佢換。大家下次也可留意呢個問題。蛋黃色好靚，味算濃! 3文魚好滑且甘香，好好的食材。主菜是黑毛豬湯意粉。由於上菜速度好快（可改善地方），主菜已放在枱面一段時間。我的一碟已經看到表面的意粉已乾，底部的已吸湯變肥。但出奇地食落時意粉無變冧，還幾彈牙，q彈是估不到，有驚喜湯底味不濃，而黑毛豬雖肉嫰香口，但不知是否我的一塊是切開晒，肉汁偏少，感覺有點乾。自己屋企煮過，出去食都幾次，黑毛豬我覺得可以再煮好啲。咖啡必定要試，本身唔係成日飲，但濃濃咖啡味，好香有回甘，唔係苦，推介。飲完覺得一餐好完整好滿足。總體質素是中上，用料、環境個人好鍾意，好舒適，服務人員也很有禮貌，感覺熱誠。味道是偏淡的，但呢啲個

之前來尖沙咀亞士厘道，見到此餐廳食西餐，上網看過都好吸引，今日與太太來到尖沙咀，就順便過來Chef Stage de Eddy Chu食。餐廳裝修清雅，分開兩邊廳及房，見到還有個吉他手在全埸彈唱增加浪漫氣氛，可以邊食邊欣賞。熱脆紫薯餅配乳酪鮮蝦煙三文$108有鮮蝦，煙三文魚，沙律菜及芒果粒，薯餅配乳酪。鮮蝦已經去殼，新鮮且帶鮮味。煙三文魚入口已感覺到軟腍帶濃郁的煙煙燻香味。薯餅炸到外脆內軟，很香薯味，配沙律菜及芒果粒，再加上乳酪，味道豐富。鬆露煮日本年糕$98太太話好想試嚇鬆露煮日本年糕，日本年糕切得薄薄片，帶著鬆露香味，煙煙韌韌，第一次品嚐到這麼美味的年糕。薑味米酒煮鮮蜆$118上枱散發著淡淡的酒味，都算大隻，飽滿脹隻隻都脹卜卜，鮮甜又帶爽，正呀。紅咖哩蟹肉配西班牙熱脆麵包$148紅咖哩蟹肉配西班牙熱脆麵包，蟹肉非常多及很鮮甜，西班牙熱脆麵包沾上鮮甜的紅咖哩及蟹肉，又脆又香甜。5小時慢燒美國牛肉眼(約四成熟(380- 450g)$3985小時慢燒美國牛肉眼，食西餐，少不了牛扒，這裡有一個餐廳推薦的5小時慢燒美國牛肉眼牛扒，所以我們凱會錯過。5小時慢燒美國牛肉眼扒，上枱見到非常有驚喜，

CHEF STAGE一早已經係bookmark左今晚想食好啲，一於等我拍板☺️我地兩個人叫左個5 course-set dinner包左沙律、前菜、餐湯、主菜、甜品再另外散叫左其他。乳酪蟹肉鮮蝦芒果沙律蟹肉同芒果份量都幾多下加埋乳酪配搭沙律真係夠哂開胃👍🏻松露煮日本年糕年糕煙煙韌韌😝略帶嚼勁松露醬非常濃郁，同年糕係perfect match😆仲有蔥粒同洋蔥粒提升左層次份量恰到好處，因此不會過膩🤤香港豬扒包 (黑毛豬熱脆包)睇落以為係pizza🤣烘得好香脆噃😝豬扒肉質嫩滑，加上鮮菠蘿清甜多汁中和左個油膩感。原板鮮海膽配紐西蘭聖子白汁扁意粉一整排既海膽真係好誇張！質素對得住個價錢既，擺盤有心思🥰意粉個白汁略嫌淡左少少。黃油雞扒配松露鮑魚有一隻鮑魚配上一塊雞排。雞排都好嫩滑軟腍配上松露醬，味道拿捏得好。 鮑魚雖然唔係太大隻，爽口就一定啦😝仲配有紫薯蓉，紫薯控必定會大愛是日甜品係一件朱古力蛋糕～味道不過不失大部分客人都係來慶祝生日的😜幾有氣氛😍現場有位叔叔拎住結他walk around 餐廳去唱下哥歌，尤其係慶祝生日既客人上甜品既時間。而且環境都幾靚 記住request window seat呀