CHEF STAGE de Eddy Chu (已結業)

同太太相識7年決定今日去食法國菜浪漫下。提前左book位，可惜留唔到窗邊位置。美中不足，可能要再早啲先可以book到。我哋兩人分別order不同餐湯，一個係蘑菇湯，另一個係咩蟹肉湯，蟹肉湯好正，味鮮兼濃。值得試。冷盤叫左8隻生蠔同少量蝦@螺。生蠔新鮮海水味重，好快俾我哋清曬8隻。main courses order左羊架同牛扒，羊架整得出色，唔會有重既羊羶味，有少許先係屬於羊味，生熟程度medium準。牛就反而唔夠油香味，肉味係重既。食曬後送甜品會幫我哋整埋7週年快樂，而且有結他伴奏送我哋一隻歌。

今日同男朋友出街，好想搵間野食係高質之餘，又有靚景睇。Chef Stage 呢度就可以一次過滿左你兩個願望🥰。食好野，睇靚景，簡直係人生一大享受。一入門口，已經見到呢間餐廳既大廚拎過好多大獎🥰，對食物質素充滿信心，果然不失所望！呢間餐廳既員工態度都好nice, 一去到就立即為我地安排座位，仲專登揀左個睇到好風景既位置比我地。首先就比大家睇下靚景相，可以望到海塝嫁！真係好靚❤️ 放假黎Chill下！我地每人揀左一個set lunch, 男朋友點左西班牙橡果級黑毛豬（$158），而我就點左淡蟹肉咖哩配鮮帶子海鮮大會（$168）。Set Lunch 本身已經包左沙津、湯、飲品同埋甜品🤩。由於我地好鍾意食海鮮，所以就想試埋佢既海鮮拼盤。我係度極力推薦大家加配，$55 就可以有海鮮拼盤同埋白酒/ 紅酒一杯，真係好抵。講下野食先，佢既海鮮拼盤十分出色，海鮮選料新鮮之餘，醬汁配答都好好，令到你只會食到海鮮既甜味而唔會覺得腥！！鮑魚，帶子，生蠔，全部都好鮮甜！🥰🥰另外都好想一讚佢個湯，係蘿蔔蓉打成既，但上面再輕輕落左層忌廉咁，飲落好香忌廉味道，但又唔會覺得飽濟！配搭一流。主菜方面，男朋友大讚黑毛豬，煎得

話說呢間係我同事大力推薦的一間餐廳話佢地既慢煮牛，同慢煮豬都做得好出色。。再睇埋好多食評都係幾正面。。所以朋友生日既時候決定一試。。點知失望到呢。。。首先呢個係慢煮牛。。好似都要三百幾蚊架！話平唔平話貴唔貴。。如果好食。。。都算。。。但係真係同好食完全拉唔上關係呀！又「鞋」又多根。。。同埋勁肥！！！！！呢個係比小朋友食既ｐａｓｔａ（海膽大人食）海膽不過不失，唔係話非常新鮮。。。至少唔臭！ｐａｓｔａ小朋友話好ｏｋ不過食左一半都無呀睇下個份量。。。牛下面係紫薯蓉。。。我地都覺得。。。麻麻！最後係另一樣失望之作。。。慢煮豬。。。平過牛好似二百幾蚊。。朋友食完呢個話超級肥。。。勁多肥豬肉。。。最後食淨半舊呀！真係唔會再比機會喇！！

呢日女朋友生日, 一早上網睇定食咩~最後BOOK左呢間CHEF STAGE de Eddy Chu~不過都FULL呀, 所以我地唯有食早D, 食6點~天都未黑呢~但個VIEW真係幾正, 2邊都望到維港海景呢!因為女朋友唔食得海鮮, 我地就叫左2個精選五道菜晚餐。乳酪鮮蝦芒果沙律呢個沙律填相靚,食落都好FRESH, 好食!芒果好甜, 仲有D蟹肉,仲有大蝦。黑松露蘑菇湯菇味好香好濃, 松露白汁免治豬及魚肉雲吞個松露白汁好香, 香到我當湯飲清左!加埋蘑菇同雲吞一齊食, 好好味!慢燒美國牛肉眼 ($558)店員同我地講, 呢個最好食係食4成熟~我地就跟佢講咁叫4成~的確係正! 好JUICY好林, 肉味都好夠! 佢仲有好多配菜, 全部都係好新鮮既蔬菜來~佢個燒汁帶少少酒味, 點個扒食都唔錯!美國牛肉眼配扒大蝦 ($568)我地有問店員, 就咁叫慢燒美國牛肉眼同呢個, 除左有蝦之外, 仲有咩分別呀?店員話呢個塊扒相對細D, 但就多2隻大蝦。但其實呢個塊扒份量都好足好大塊!當然味道同單點牛扒一樣好啦!佢都一樣有好多蔬菜做配菜~仲有2大隻燒大蝦!啖啖肉好正!最後係OPENRICE訂枱,生日仲有寫名甜品

約咗朋友去傾啲嘢，就揀間清靜而且有啲景觀嘅地方食嘢傾計，呢間西餐廳雖然座位爆滿，但係都偏向寧靜，而且亦都有專人彈結他唱歌🎤首先揀咗個海鮮拼盤，上面有蝦、鮑魚、帶子、生蠔及八爪魚肉，每款都十分新鮮，特別鮑魚經過調味口味鹹鮮，蝦肉就夠爽口。湯品方面我們選擇了冬陰公湯及黑松露蘑菇湯冬陰公湯香辣味適中，而且裏面有些海鮮，仍然保持新鮮的質感，有獨特的調味方式所以隻香辣好難在街上找到。黑松露蘑菇湯的蘑菇一粒粒十分有口感，而且黑松露味香得來清新，不會完全蓋過蘑菇的香氣。艾迪乳鴿BB乳鴿的質感非常嫩滑，而且有清新的鹹香，外皮不是香脆那種不過有很香的乳鴿油份香氣。松露煮法國原粒蘑菇喜歡吃蘑菇的就選擇了一個原粒蘑菇的小吃，用松露來煮，而且也有西式鹹肉腸，配搭起上來口味豐富得多，一定要把松露汁淋在已切開的蘑菇上，吃的時候就有更香濃的松露味。香辣蕃茄蘑菇雞肉意粉吃得有點飽了，不過還是要吃點澱粉質，就選擇了雞肉意粉，帶點香辣而且有番茄及菇片等等，意粉彈牙的質感剛剛好。如果下次再來用餐的話應該會嘗試埋甜品啦！

他和好朋友在這裡吃晚飯後，今晚說要帶我來一次。六時多到達，天仍光，看著窗外那片海景，確實令人放下一天的辛勞。他為我們選了兩個五道菜晚餐，另加我選的紅咖哩蟹肉配西班牙熱脆麵包。跟餐沙律製作認真，有各款沙律菜、青瓜粒、番茄仔、蟹肉及大蝦一隻，醬汁微辣醒胃，色彩繽紛，有助預備好心情享受美味的晚餐。紅咖哩蟹肉甫上檯即香氣四溢，咖哩因加入大量蟹肉和少量忌廉，濃郁香滑，輕易掛在脆包上，另有蟹籽增加口感，味道豐富，是令人吃不停口的前菜。兩款餐湯分別是忌廉冬陰蝦湯和黑松露蘑菇湯，黑松露蘑菇湯啖啖蘑菇香味，喝得出是大量新鮮蘑菇打碎而成的。忌廉冬陰蝦湯是泰式冬陰公湯的變奏版，口感帶點杰身，嘗到不同香料的味道，做法頗新鮮。松露白汁免治豬及魚肉雲吞：豬肉混入魚肉脂香鮮美，醬汁齒頰留香。黃油雞扒配松露鮑魚：雞扒熟度剛好，肉質嫩滑，鮑魚炆得夠淋且入味，松露醬汁同樣出色，配菜紫薯蓉甜度適中味道天然，夾雜粒粒番薯口感，大愛！黑毛豬扁意粉以小鑊奉上，確實感覺鑊氣十足，意粉煮得煙韌，是我喜歡的軟硬度，黑毛豬豬味突出且夠淋，加上羅勒令味道更有層次。甜品是朱古力eclair及歌劇院蛋糕，朱古力味香濃不會過甜，份量看似不多，但

早排有朋友喺印尼過嚟，因為嗰邊比較少有西餐食，所以梗係帶佢去一啲可以望到香港夜景嘅地方食飯，咁啱有朋友介紹呢間餐廳仲會有得聽住歌食飯添。 唔想諗咁多我就直接揀咗個二人套餐，另外都加咗個海鮮拼盤。 海鮮拼盤方面有兩隻生蠔八爪魚味噌鮑魚等等。海鮮拼盤入邊我最鍾意食嗰個鮑魚，唔算好鮮甜不過呢味道腌得好正係咪味噌嚟嘅 頭盤嘅話就揀咗芒果沙律，酸酸甜甜咁都幾開胃。湯方面係蘑菇湯，呢個超級推介有好香嘅黑松露味，口感都好豐富因為蘑菇切左超級細粒唔係剩係得湯仲有咬口。主食方面我哋就揀咗牛脷同埋牛扒，牛脷超級大舊，調味都啱啱好，不過就建議俾多啲汁啦因為份量好大嘅關係去到後期唔夠汁點。總括嚟講今次嘅體驗幾好望住好靚嘅維港跟住又可以聽住歌食飯，見到有啲情侶慶祝，同男朋友嚟食都唔錯。

一早book左6點黎到 eddy chu stage 食晚餐，我地5:45左右入座，當時黃昏感覺好悠閒，（聽講set嘅份量好大）所以決定揀左一個set加一個海膽義粉再加個海鮮拼盤，不得不提鮑魚係醃製過在經過冰鎮可謂爽脆入味，生蠔係南非壕，好大個加上特質醬汁一口食落去鮮甜creamy！👍🏻👍🏻👍🏻set包括前菜+湯+主菜+甜品 我地揀左 美國肉眼扒配大蝦.前菜係松露白汁免治豬魚肉雲吞（男朋友談不絕口）雲吞皮感覺係魚肉做的，咬下去感覺有d似魚皮餃，裡面有蝦肉係我最愛，加上蘑菇真係好特別.推薦🌟🌟🌟冬陰功湯一開始覺得西陰餐配冬陰公會好奇怪，原諒去係泰式傳統作法裡面加上忌廉整個口感好特別！真心推薦主菜 店員推薦牛排最好味係4層熟，第一次嘗試，上來時候有d帶血，好驚有好重嘅雪味，食落去腍身又juciy 大蝦肉質彈呀（size 大到誇張）裡面仲有蕃薯泥同白蘿蔔做配料 蕃薯已經好甜，廚師將牛奶混入其中食落去帶d奶香味，食到廚師的用心.海膽義粉，整板海膽撈在義粉裡面感覺好奢侈，食落去的感覺好幸福.最好配上是日甜品（3款甜品拼盤）檸檬味道蛋糕酸酸甜甜去除頭先的油膩加上一杯熱紅茶完美的晚餐，仲有人現場彈唱

環境舒適，叫左二人餐，海鮮拼盤配sauce 都好好食。二人餐都太飽，最後食唔哂個main dish!另外，可能六成牛扒太熟，下一次會叫無甘熟。仲有我自己覺得田磥一般。最後有人表演唱歌同送上生日歌都幾開心（open rice 預訂左)，生日上去食都幾好氣氛。下一次去可能試下散叫試下其他野食。

其實一直都想試呢間餐廳，趁住慶祝紀念日豪一豪去。 餐廳喺19/F，安排左近窗邊嘅座位俾我地，坐低聽到有人彈結他唱歌，氣氛一流。我地揀左特選2人晚餐$1388，先黎一個海鮮拼盤，有生蠔，鮑魚，帶子刺身，鮮蝦及花螺。生蠔係我嘅最愛，鮮蝦都好爽口，整體上拼盤嘅食物好新鮮。接住上嘅係黑松露年糕，以及法國焗田螺，年糕好似唔多match西餐，食少少都夠。至於法國焗田螺比冷盤食法更吸引。主菜我地揀左橡果級黑毛豬肉同埋慢燒美國牛肉眼。黑毛豬肉好厚身，好juicy。牛肉眼我地order左medium rare，肉質剛好，冇overcooked。每餐飯最完美就係食埋個甜品，好滿足。

早排約咗best friend去呢間餐廳慶祝，當然唔係慶祝清明節啦，而係慶祝相識5週年，好好彩揀到呢間超高質西餐廳。當晚我坐嘅位喺窗邊，一路食嘢，我背面就係射嚟射去嘅幻彩詠香江，超正，我當晚係咁啱坐中嗰張枱，如果大家有興趣，應該可以訂枱時試吓request～除咗個view正，嘢食都超正。精選五道菜套餐 $498 五道菜包咗：沙律－－乳酪蟹肉鮮蝦芒果沙律、前菜－－松露煮日本年糕、餐湯－－黑松露蘑菇湯，主菜－－燒澳洲羊鞍，以及是日甜品。沙律正常嘢，讚一讚大蝦新鮮爽口。前菜嘅日本年糕夠哂煙韌，配上味道濃郁嘅松露，食完清新嘅沙律後品嘗呢個前菜，鋪排得好好。 餐湯足料，黑松露唔會只係聞到有味，飲落都好香，而且好多菇蓉，texture好好。羊鞍order了7成熟，煮出嚟熟成程度吻合，羊肉肥瘦適中，而且無筋，簡單以黑椒調味已經好足夠。焗連殼食法國田螺 $168 第一次連殻食，好過癮，平時田螺配薯蓉，兩者都係淋身，今次加埋脆脆哋嘅殻，增加口感👍🏻原板鮮海膽配紐西蘭聖子白汁扁意粉 $198 你無睇錯，係成板嘅海膽啊🤯 本身意粉已經係用白汁煮，好creamy，再撈埋海膽嚟食，再creamy啲🤤當日套餐甜品

Easter 放幾日假，今日終於無落雨，出左尖沙咀做左個gym就搵地方食lunch，估唔到呢到lunch都係跟平時既menu，百幾蚊食到5course set lunch！😍食食下仲有人彈結他，好正好relax，唔怪得坐滿客啦。每個set都有沙律，餐包餐湯，main course ，甜品同野飲。餐湯係椰菜花湯，係第一次飲，口感不錯而且無忌廉湯咁漏，蒜蓉包好熱好好食！另外可以加$55要埋海鮮拼盤，有生蠔有鮑魚好抵食所以就叫埋啦😂生蠔最好食，尤其個汁！Main叫左黑毛豬同肉眼，份量好多，個人比較推介黑毛豬，好少食到咁juicy既豬！而side dish都好有誠意，係蕃薯蓉，超甜好好味🍠甜品擺盤好靚，環境太舒服，食完仲坐多左成個鐘😂

早兩個星期已經book定左Chef Stage想黎食，未夠七點已經坐低左，同場有幾枱食客，之後慢慢開始坐滿半間舖。不得不提餐廳有駐場歌手表演，雖然啲英文歌比較老餅，不過見佢咁努力彈住結他唱左成晚，都覺得佢幾有heart。咁岩有兩枱食客都慶祝生日，佢地有慶上生日歌食物方面我地嗌左個5 course set dinner首先有乳酪蟹肉鮮蝦芒果沙律同黑松露蘑菇湯。個湯好香同勁足料之後到松露煮日本年糕同松露蘑菇配辣肉腸。兩個菜味道差唔多，好香松露味，略嫌辣肉腸比較咸香辣雞肉意粉，個汁只係微辣，幾岩我地口味橡果級黑毛豬肉，配菜有菠蘿同蕃薯蓉。豬好夠冧，將豬同菠蘿同一時間放落口，甜甜酸酸ge味道最後仲有甜品，細細件剛剛好

看到Facebook 彈出來說生日月份有優惠, 會送寫名甜品，食評也不錯, 便訂位試試。 早兩天訂 table for 3 , 問有沒有時段限制，餐廳說沒有，煞是高興。誰知一上到餐廳, 看到面積好窄, 分左右兩邊，右手邊那邊 一條走廊位窄 meet meet 靠牆放左三張2x2 的四人枱，靠窗位置也只有四五張2x2 四人枱，已坐滿。我們被安排坐最近門口那一枱, 有門口熱氣不時攻入, 不太理想。睇下餐牌, 價錢也不便宜，第一版的二人套餐要 $1388，其他套餐由$438 至 $568 不等，價錢中上, 不算便宜。我們後來見到另一邊餐廳有兩張吉枱, 便問可不可以轉枱, 服務員話不可以, 說枱已被人訂了。有點無奈，也只好就範。 這時剛好靠窗位置有張枱有人埋單離座, 便問可不可以轉枱, 一位疑似老板個樣的服務員又話不可以，說已有人訂座。明明訂位時問過沒有時段限制，那餐廳如何知道客人何時埋單離座而留座呢？連續兩次被振, 真是火都嚟埋, 心想亞士厘道還有很多選擇，我們犯不著坐在環境峽窄的餐廳，吃著價錢不算便宜的晚餐，捱著背後時不時傳來陣陣暖風，服務態度又差的餐廳受氣 ! 便說那麼我們去別處吃，疑似

This time was a birthday dinner with friends. I arrived earlier and got some time to read through the menu. The first thing came into my eyes were a set for two at HK$1388. I considered that expensive for that location, fit-out and sides. But I looked at the other tables, the portions of main course were big, so I guess it’s acceptable. But at the end, we didn’t order the sets. We were three adults with a big kids. We chose one soup and one starter, one spaghetti and one curry with bread, and tw