Chatterbox Café (K11 Musea)

营业中

休息中

呢日同屋企人去左K11 Musea行街，呢個商場幾好行，而且有好多好正既餐廳，我地今日搵左一間餐廳食新加坡菜！黎食新加坡菜當然要食海南雞飯啦，呢度既海南雞飯望落去好正宗，啲雞勁嫩滑，而且完全唔肥，配埋啲特製醬料真係超好食！另外仲點左白胡椒肉骨茶配白飯，冬天食呢就菜真係好岩啊，夠哂暖胃！肉骨茶好足料，入面有好多豬骨，正！我地仲點左個馬來特色炸豆腐，豆腐外脆內嫩，好味道！飲品方面，點左美祿恐龍，非常香濃！仲有refreshing既新鮮椰青！

呢日收工約咗男朋友去買啲嘢，途經K11 Musea ，真係好多新餐廳進駐！咁岩見到呢間有新加坡海南雞名店，竟然唔使排隊，咁就梗係要試吓啦！由於限聚嘅關係，只可以兩人一檯，所以都坐得非常鬆動舒服。我哋各自叫咗主菜、小食、飲品，人均大約$200左右，喺呢個位置來講價錢合理。既然一場嚟到，點可以唔試吓呢度最出名嘅文華海南雞飯呢？分別有雞胸及雞腿嘅位置，雞腿肉相當嫩滑，雞胸都OK，但味道較淡，需要配合黑醬油及辣醬伴食。但油飯相當唔錯，飯粒都係粒粒分明，滿滿雞油香味，味道適中！附上嘅雞湯有豆腐及生菜絲，味道清爽。而海鮮炒貴刁就好足料，鋪滿大蝦同埋炸過嘅脆脆，加埋醬油同菜脯粒等炒過，真係非常惹味！小食就叫咗呢個香煎辣魚餅，同黑醬油炒鮮蝦蘿蔔糕。魚餅的確同馬來西亞食到嘅魚餅味道一樣，非常正宗，唔同嘅係呢度就冇用香蕉葉包住嚟燒，反而配上小片嘅麵包伴食，味道估唔到又幾夾。黑醬油炒鮮蝦蘿蔔糕，鮮蝦好大粒，而且爽口彈牙，蘿蔔糕同平時我哋香港食開嘅蘿蔔糕有啲唔同，並沒有平時嘅臘腸蝦米冬菇等，單純係蘿蔔製成嘅蘿蔔糕，不過用黑醬油炒完，味道都好香濃，唔錯。不過份量都幾大，差唔多接近一份主食嘅份量，可能多啲人sha

今日就叫左個文華海南雞飯，有湯又有野飲，正！海南雞飯既重點梗係雞同油飯啦，但其實個人而言都幾重視的醬汁架^^，首先講下啲雞先，冇骨又夠嫩滑，亦都唔算好肥好流，雞皮雞肉都好平均。至於個油飯呢，真係正啦，飯粒軟硬適中，真係食多碗都得呀！頭先講到個人都重視啲醬汁，有齊3款汁，而且又好味，有辣有唔辣，任均選擇，撈晒又得，唔點醬亦得，得左。誠意推介～

$128 文華海南雞飯 (+$10轉雞髀)海南雞飯的雞份量不少 ，沒有加錢亦有半份雞髀及半份雞胸，雞十分肥，然而雞胸明顯比較乾及不夠味道；醬料是普通的蔥薑泥、黑醬甜鼓油與辣椒醬；雞湯有配豆腐。本來抱有很大奇望結果沒有驚喜。$128 新加坡炒飯整體份量非常多，滿滿的蝦肉、雞肉、四季豆、紅蔥頭配上粒粒分明的炒飯；太陽蛋剛好，有點蛋汁又不至於太熟；有兩串有極甜沙嗲醬雞肉串；蝦🦐有滿滿馬拉風味參巴辣椒醬汁（小心非常辣）。午市套餐包括了熱飲，本來天氣轉冷想點熱飲，職員溫馨提示熱飲就吃不了恐龍的波波了！現時很少地方有這選擇，值得一試！朋友的咖啡配上煉奶，濃香咖啡和美祿十分相襯，下次會試。+$10 凍美祿恐龍+$10 凍美祿咖啡

**Chatterbox Café來自新加坡文華大酒店，被譽為海南雞飯始祖，當然要試試它們的招牌海南雞飯，嘗遍香港的海南雞飯，便宜的貴的都試過，價錢真的不能決定質素。雞軟滑、肥瘦適中，油飯的油米分佈平均，也算是做得出色的。今次也點了它們的招牌喇沙，喇沙是用米線做底，大蝦夠大隻而且爽口彈牙，不錯！最令我深刻的是其中一道新加玻小菜 - 咸蛋雞翼，本來餐單上6隻份量，但兩個人的話可以考慮點4隻，因為雞翼也挺大隻，而且混上咸蛋也挺飽肚的，真的很好吃。可惜的是，當天美祿刨冰賣光了，不然一定點個甜品試一下，最後喝了一個美祿恐龍補償一下想吃甜的心情吧。

K11 Musea其實有好多正餐廳今次就試下每次行過都見到好多人等位既Chatterbox Cafe今日時間比較早, 所以等一陣就有位呢度最出名既當然係文華海南雞飯, 咁當然就要試試係無骨架, 仲好滑添, 個油飯都好香, 仲會配埋碗清湯的確係有水準除左海南雞之外, 喇沙都係必食之一佢地主打係雞肉喇沙, 本身以為會係雞柳點知原來係無骨雞件, 味道拍得住海南雞呀吸收左喇沙湯既精華更加好味佢地既喇沙湯底都好出色, 味道夠濃, 岩哂重口味我甜品我地叫左個招牌既椰子冰, 係用原個椰皇裝住椰子雪糕好香, 食到個底仲有椰絲添, 好精緻既一款甜品餐廳仲有供應好多特式飲品呢款豆槳紅豆涼粉冰都幾正, 有大大粒紅豆, 仲有涼粉一次滿足哂2個願望!!

呢度最出名就係食雞🐓所以同朋友各自每人叫一份海南雞喇沙麵，一杯moca，一杯美祿恐龍🦖開得係K11 musea咁靚既商場，價錢當然都唔會平啦，我地都預左只要有質素就冇問題! 個雞係幾滑幾有雞味，但份量就唔太多，湯底同出面其他鋪比都係唔夠出色🤥 至於配料更係失色！豆卜係硬身的🥺雞蛋雖然係全隻，不過個人麻係地全熟的雞蛋，如果轉糖心蛋應該更佳🙃 總結呢間餐廳有待改善，商場除了佢仲有大把選揀，暫時唔會再去⋯

好幾年前去星加坡旅行，去過當地文華酒店chatterbox，對於佢個海南雞飯我嘅印象唔深刻，反而好鍾意食佢個喇沙。今日行經K11 Musea，本來想食間牛油果餐廳行嚟行去都搵唔到，見到佢又唔使排隊，所以就入咗去食，回味下星加坡嘅味道。兩份豆漿味都唔錯，唔會太甜，幾有特色，而且豆漿同涼粉嘅味道算好夾。諗諗吓自己都可以係屋企整相比起海南雞飯，我自己比較喜歡Chatterbox嘅喇沙，雖然美中不足係佢嘅喇沙冇落螄蚶，但味道濃郁，極度足料。有三隻帶子，起碼係日本帶子最少3S大小，帶子生熟剛好，但鮮味不足。湯底好味到我全部都飲晒。之前響新加坡都冇食過佢哋嘅鹹蛋雞翼， $78一碟雞翼聽落有啲貴，但佢足足有六隻，仲要size一啲都唔細，其實唔係貴過快餐廳好多，而且調味都做得幾好。佢嘅座位都相對舒適，價錢有少少貴啦，不過行開嚟呢頭都可以試吓。

嘩！去到門口勁多人排緊隊，不過要一嚐新加坡文華海南雞飯，排下隊都冇所謂啦～很喜歡綠化的裝橫，很多綠色植物，感覺很舒適，果然是來自新加坡這個綠化度很高的城市。來這裏吃飯，基本上都是慕名而來的，所以必點他的文華海南雞飯（$118）,加$10可以轉雞髀，要不然便是半胸半髀，我沒有另外加錢，感覺其實沒有特別需要加錢，因為無論是雞胸或是雞髀，雞肉肉質都很滑，沒有多餘脂肪，雞肉和雞皮之間有一層透明啫喱狀的膠原蛋白，完全沒有骨或者碎骨，是正宗的靚海南雞飯。油飯和雞湯都很香，好吃。雞，今晚全部食雞，也點了咖哩雞煲配白飯（$118），這個抵吃，很大的一煲咖哩雞，很多咖哩，很多雞，很多蔬菜，咖哩是馬來西亞咖哩，中辣，香料味重，香濃而又易入口。要特別讚賞那兩大片蝦片，雖然是配角，但又薄身又香脆，蝦味濃。椰子雪糕($98)是餐廳的招牌甜品，標榜自家製椰子雪糕，椰子味非常香濃，有很重的椰奶味，還配上紅毛丹和核桃，椰子內有一層厚厚的椰子肉可吃。餐廳也有一些比較特別的飲料，最後還是點了親民養生的熱檸檬薏米水，薏米水很濃，檸檬味卻比較淡。

第一次去K11 Musea ，室內裝修一流，逛逛前早點醫肚，見到門口推介文華海南雞，係新加坡好出名，故不防一試，雞真的好滑好嫩，太多客人都係食呢樣，如要雞髀加多$10，再試下蘿蔔糕～不過太林一般般

今次係下午菜時間入座，所以食到佢平左少少既下午茶set. 其實都係抽幾個主餐牌既菜，平少少再加飲品咁，選擇唔算多。🐣海南雞飯我係加10蚊轉左脾，都應該轉既。雞又唔算好出色，不過雞皮下既肥膏分佈岩岩好，係好食既，但又唔算係超出色果種。返面佢個雞飯仲好味，充滿雞油香但又唔會膩，即係令人想要添飯果隻，唔使餸都好好味果隻。🐣咸蛋雞翼好多咸蛋，好香又唔會太咸，雞肉入面都有咸蛋香，幾有特色，反正外面都唔容易食到。👎👎海鮮炒貴刁唔好以為睇照啲色水好靚或者好多海鮮，實際係得個樣。啲貴刁無味又一舊舊，得一隻帶子，都大大粒，食落又係完係無味，最奇怪係啲臘腸，食落好「林」又好「梅」，仲衰過茶餐廳果啲。🥰🥰另外者職員服務好好，做野都好快手有心。🥰🥰另另外佢杯豆腐雪糕紅豆冰同茶餐包既organic tea都幾好飲

Seems like only the chicken rice is closest to what you get to the ‘original’ chatterbox chicken rice in Singapore. The otah can be improved and the cha kway teow is just a nice version of Hong Kong style kway teow, not the Singapore style at all. Nice environment though since it is inside the K11 Musea

今天去k11 musea ，見到文華海南雞，亦不算太多人排隊，等候時間約15分鐘，很快店員便安排我們入座我們兩人被安排四人格，感覺很寬敞舒適我們選了海南雞飯，新加坡炒飯及涷咖啡 1.文華海南雞飯油飯夠香，海南雞好嫩滑，感覺剛好因不會太油，附有三種醬料，三款都可以，附送的湯有淡淡香味，蘿蔔亦入味，非常值得一試2.新加玻炒飯炒飯不油膩，亦不會太乾身，有帶少少辣味，份量夠兩人食3.涷咖啡這個涷咖啡一般，可能選玫瑰咖啡或牛奶咖啡較好

去過新加坡🇸🇬既人一定聽過或者食過既餐廳🍲文華海南雞飯（$118)(🍚7/10) 賣相唔錯，配搭三種醬料醬料不算特別，雞既份量都幾多同完全去骨，雞肉比普遍香港海南雞飯尚算嫩滑但真係比較貴，始終唔及新加坡食既雞咁彈牙同有雞味！跟餐既油飯都幾香唔太油膩粒粒分明但都係新加坡好味d。🍚白胡椒肉骨茶配白飯($108)(🍚7/10)白胡椒湯肉骨茶係香港比較少見，香港多數都係以藥膳湯為主。白胡椒湯夠哂熱飲落都有胡椒味但層次不多，肉質都淋但比較似煲完湯既瘦肉味道好淡，似係另外煮好再放入去，同新加坡湯底回味無窮啖啖肥瘦均勻又Juicy入味有段距離，但豆卜油炸鬼配胡椒湯就加分！🍗特色咸蛋雞翼(6隻)($78) )(🍚6/10) 咸蛋雞翼望落同食落都比較乾身，鹹蛋味好香但雞肉比較少，而且有種偏咸同少少油膩既感覺，開頭食既時候覺得幾惹味，當食多一兩隻會開始有滯既感覺。🍨招牌椰子雪糕($88) (🍚7.5/10) 推介❗️將椰子放係刨冰上面再加上好大球雪糕，另外配搭核桃係側邊，賣相吸引而且所有野都好夾！雪糕有好香既椰子味而且有粒粒果肉口感滿分又吾太甜，食完個底都有幾多果肉而且鮮甜，最出色係個串龍眼菠蘿🍍，味道好驚

講到呢到既海南雞飯咁出名，一於又試下佢啦。睇相都睇得出，雞係幾滑既，但係雞皮就溶溶爛爛咁唔爽口。飯係普通油飯，仲有碗消湯。如果用性價比黎睇就會覺得唔係好值呢個價錢，有啲茶餐廳都有呢個質素。