Chatterbox Café (K11 Musea)

营业中

休息中

位於K11嘅Chatterbox 喺我哋嘅飯堂之一，之前朋友介紹話喺香港最好味😋嘅海南雞飯，人氣爆燈到每次經過都好多人係門口。確實係好岀名嘅海南雞飯，而又係實至名歸❤️。一定係必叫嘅選擇，座底唔使諗，麻煩兩個文華海南雞食，加$10轉雞髀😍，轉白飯🍚。營養師推介只要你轉白飯，海南雞飯係減肥都適合食㗎😙😗上碟方便都幾講究㗎，有個小木盤精緻地放左三個調味小碟，薑蓉辣醬甜豉油。文華海藍雞髀又滑又嫩，肥瘦適中，配上醬汁畫龍點睛！加錢轉左雞髀，覺得好值得。甜品方便揀咗招牌椰子雪糕，之前見食評話呢度嘅椰子雪糕好出名，決定叫最打到卡嘅甜品🤤🤤，好睇又好食IGable ！雪糕係濃厚嘅椰子味，唔太甜，配上菠蘿合桃好match ，仲有一個椰皇，入邊充滿着椰子肉，係幸福嘅味道😍。成個甜品唔肥膩，好清新好fresh !

終於試到呢間海南雞飯餐廳，之前已經知道佢好出名，次次經過都好多人排隊，今次早啲去攞位，6點前好拎位食晚飯啦。終於食到佢出名嘅海南雞飯、肉骨茶飯、香脆素春卷、辣魚餅、黑醬油炒蘿蔔糕，仲飲咗 四季柑同埋美祿恐龍🦖。海南雞飯飯香海南雞好滑就算雞胸肉都唔會好乾，配上三個傳統醬汁好好味，連埋佢有豆腐花嘅湯一齊食更加好食；肉骨茶，由於佢係星加坡傳統肉骨茶，所以胡椒味好勁連埋佢出嘅油炸鬼好脆口排骨都好好味🤤；另外春卷好脆口入邊仲熱辣辣；辣魚餅都好食嘅配埋個麵包，口感都唔錯；另外黑醬炒蘿蔔糕佢有三隻蝦配埋佢啲蝦黑醬唔會好濃味唔會太鹹。

📍#老屎忽係尖沙咀#oldszefood #老屎忽 #老屎忽食飯 #老屎忽搵食 #老屎忽都要OT #尖沙咀🐓文華海南雞飯 ($123)首先要讚下嘅係擺碟好公整🥰每舊雞都靚靚仔仔咁排。佢有3款醬汁，有甜醬油、薑蓉、辣醬，3款配落大啖啖雞肉，食落好match同埋送到飯。🍲白胡椒肉骨茶配白飯或麵線($112)當日8點去到店員話淨返最後一客 好好彩食到🙈 呢個同馬拉嘅藥材味唔同手，新加坡嘅係胡椒味為主，好彩食落都唔算好辣，唔係幾食得辣嘅人都食得到。配料有4-5舊肉骨同埋金菇豆卜，再有幾舊油條。🦐黑醬油炒鮮蝦蘿蔔糕 ($82)呢個十分之惹味 有幾隻大蝦 十分爽口 而且蘿蔔糕唔會淨係粉整 而係有粒粒蘿蔔👍🏻🥥招牌椰子雪糕 ($98)本身唔太鍾意食椰子嘅我都接受到 椰子雪糕有粒粒椰子 而且係用個椰皇裝住 椰王下面仲有冰 包保啲雪糕唔會溶 值得一提嘅係椰皇入面啲肉都食得 我哋成個拔咗出嚟食🥰 啲椰子肉仲要好甜 雪凍咗有啲似雪芭質咁👍🏻👍🏻Chatterbox Café (尖沙咀)📍尖沙咀梳士巴利道18號Victoria Dockside K11 Musea B1樓B110號舖

係K11 Musea 行完街街準備返屋企果時，朋友話不如食埋飯先返去啦，咁我地就去左依間食新加坡菜嘅餐廳食飯😊餐廳位置方便，離港鐵站只需要五分鐘路程🚇餐廳座位闊落舒適，而且以開放式設計，感覺好開揚空間感大🍽用電話落單唔使十分鐘就有得食啦，仲要係熱辣辣🔥🔥文華海南雞飯$123招牌菜點都要試吓嘅，用木盤送上又三色醬（黑醬油、薑蓉、自家製辣椒醬）、海南雞、油飯、清雞湯組成，海南雞肉質鮮嫩，雞皮咬落爽口，皮同肉中間仲有一層薄薄嘅啫喱狀雞油，配埋三色醬就有唔同層次嘅味道，而油飯唔會太油而且好香，可借就係份量有啲不足😞招牌大蝦喇沙$163碗入面嘅大蝦相當吸引，十蝦都幾大隻味道又鮮甜，而且已經剝左殼🦐，另外仲有雞蛋同豆卜，最正係個喇沙湯底好惹味，本身啲米線食晒之後都要拎嚟撈飯食🍚咖喱豬肋骨煲配白飯及香脆薄餅$122用煲仔裝住熱辣辣，每條豬肋骨都沾滿咖哩，咖喱味相當濃郁惹味，配飯同薄餅非常夾👍另外有茄子🍆同細細個薯仔🥔增加口感雞肉沙嗲（六串）$98本身味道已經夠味，肉質彈牙，再配沙嗲醬令味道再上一層整體來講，食物質素唔錯，只係份量有少少不足，而員工親切友善主動

餐廳主打精緻新加坡菜式，裝修考究，總體色調以深綠色與棕色相間，椰林樹影。最中意佢間既wallpaper，頗具東南亞風情，打卡一流。掃描QRCode即可落單，我地首先嗌左佢間招牌---文華海南雞飯Mandarin Chicken Rice,海南雞飯係餐廳招牌，水準也相當不俗，尤其係雞胸部分，口感滑嫩，雞皮有啫喱質感，配搭三款醬汁，層次豐富、口味出色。另一款主食我地嗌左海鮮炒貴刁，用料相當足，有兩顆大大粒帶子，魷魚，蝦，蟹肉，整體口味係鹹鮮，我地load左小小喼汁，風味更突出。睇推薦，我地叫左一碟鹹蛋雞翼。一客有6件，味道濃郁，表皮金黃香脆裹滿一層厚厚既鹹蛋黃，惹味！最後既甜品係椰糖斑斕蛋糕一件，總體來講，侍應態度友善，食物質素不俗，值得推薦！

我已經嚟咗呢間餐廳第五次啦，每次都一定會叫海南雞飯、美綠恐龍💓海南雞飯：鍾意點醬食又得，鍾意浸少少海南雞底下嘅汁又得，個人比較鍾意後者嘅食法，一嚟帶有少少豉油香，二來更帶出雞嘅香味，鍾意食雞髀嘅話，仲可以加$10轉雞髀🤤咖喱雞煲：咖喱雞煲應該都係用咗海南雞去整，但我覺得呢個菜式嘅重點係個汁，都幾惹味，非常適合送飯，而且咖喱煲亦有一粒粒迷你薯仔，薯仔表面少少脆，口感唔錯，但係我嚟過五次，唔係次次都係咁😂美綠恐龍：我的最愛，雖則美祿好容易整，但整得好飲都唔係間間可以做到，我覺得呢間嘅美綠恐龍真係做得好好，甜度恰當之餘，上面嘅美綠可可球同美綠粉嘅配搭非常👍🏼，基本上次次嚟到必點，當係甜品整體感覺：其實嚟過幾次，幾次嘅體驗都唔錯，唯獨是之前有一次覺得質素差咗，但最近再黎食又覺得好咗，所以之後諗起想食海南雞或者美祿恐龍，都會諗起呢間

係K11 Art Mall食飯就試得多，今日都係去K11食，不過係K11 Musea到食，餐廳位置方便，沿住尖東港鐵站J出口方向行，入到商場上一層行前少少就到👍餐廳佈置以開放式為主，外面可以一眼睇晒餐廳嘅情況，座位以卡位為主，而且可以用電話落單📱落單之後大約十分鐘就有野食啦🤤文華海南雞飯$123🐓三色醬、海南雞、油飯、清雞湯組成，海南雞肉質鮮嫩，雞皮咬落爽口，配埋三色醬就有唔同層次嘅味道，仲可以飲啖清雞湯去清一清口中嘅味道，而油飯粒粒分明，唔算太油而且好香，只係份量有啲不足😞招牌大蝦喇沙$163🦐一上枱就俾啲蝦吸引住，都算大隻味道鮮甜，仲要已經剝左殼🍤，另外仲有雞蛋同豆卜，最正係個喇沙湯底好惹味，食晒米線都要拎嚟撈飯食😂咖喱豬肋骨煲配白飯及香脆薄餅$122🥘熱辣辣，每條豬肋骨都被咖哩包住，濃濃嘅咖喱味相當惹味，拎嚟撈飯同配薄餅食一流👍另外有茄子🍆同細細粒嘅薯仔🥔增加口感白胡椒肉骨茶配白飯$112🍲係K11 Art Mall食飯就試得多，今日都係去K11食，不過係K11 Musea到食，餐廳位置方便，沿住尖東港鐵站J出口方向行，入到商場上一層行前少少就到👍香炒河粉燴牛肉$112🐮河粉夠爽

星加坡有好多美食，最為人熟悉嘅有胡椒炒蟹，喇沙…. 還有文華酒店內的chatterbox， 無人不知的海南雞飯。香港人真係好幸福，不用飛過去都可食到正宗海南雞飯。海南雞飯食過多次，今日要試吓招牌珍寳帶子喇沙。一般嘅喇沙湯底又紅又橙，呢個好特別，啡色。嚐了一口，那椰子和花生食材融合一體，非常滋味。濃香濃稠。帶子真係好大件，又厚身。中心位置還好嫰滑。芽菜，豆卜夠入味。招牌椰子雪糕賣相好吸引。雪糕內有－絲絲椰絲，好香。充滿熱帶風情。紅莓鮮菓梳打清爽的飲料，refresh。

去到K11 Musea，冇理由唔一試咁出名的新加坡文華海南雞飯 Chatterbox Cafe 🐥 海南雞飯 $123 有睇開我其他食評應該都知我好鐘意食海南雞飯😂 係海南雞飯唔係只係海南雞，因為冇咗油飯再出色嘅海南雞都變得好單調😮‍💨油飯又香雞味又有小小香茅的清新 加分雞的份量比相象中多，皮肉分離，唔會過肥，肉質好有口感好細膩，好似可以食倒隻雞曾經做過gym咁😂 佢秘製個豉油令到我有撈飯既衝動配料方面薑茸偏甜，不過如果係因為地道新加坡風味就明點解，辣汁如果辣多小小就更好。白胡椒肉骨茶 $112 朋友叫左，然後我偷偷飲左一啖湯頭同食左條骨，湯頭胡椒相當濃但又不失肉鮮味，分量多到食唔哂🤣

朋友喜歡吃海南雞飯的，關注了酒店文華出色的海車雞飯，他也介紹了這個店子，要排一個小時間新加坡美吃佳餚有海南雞飯，叻沙炒，福建蝦麵，烤魔鬼魚，魚頭咖哩，沙爹，棒棒，跟朋友到這個地方吃新加坡菜。海南雞飯來這要吃的～味道不錯～一上菜大大海南雞， 雞肉嫩滑，保持到非常之好之水準，值得一吃！店子主打每日新鮮送到香港的雞～真心肉多嫩滑！值得支持 海南雞飯是新加坡必吃美食之一，店子保有肉質的彈性，烹飪後變滑嫩順口，店內的雞皮、雞肉沾滿湯汁，在飯上淋上雞油精華，美味在入口時蔓延，非常好吃。 沙嗲豬肉在新加坡，一串串香甜可口沙嗲，到新加坡旅遊時必吃的小吃。這店子沙嗲串搭配洋蔥、大黃瓜等蔬菜吃用，由蔬菜之清甜，為肉串提出了另一股甘爽滋味，略帶辛嗆之清脆洋蔥子～增加口味層次，豬肉口感是畫龍點睛呢。豬肉串沾上醬之後，濕潤沙嗲的醬汁提升烤肉與蔬菜間味道呢，棒 肉骨茶東南亞受歡迎，尤其是馬來西亞，新加坡等。店子帶肉連骨跟中藥，當歸，玉竹，當參，杞子等，更看到八角，甘草，原個蒜頭，熬煮出來的湯水帶香味。店子的食物很有東南亞特色的在地口味，食物味道協調非常～

提起Cafe，有部份人都係諗起文青，呢度就走休閑chill嘅路線，但食星馬野，環境都好舒服，多卡位，仲有bar位！招牌海南雞飯無得輸，入味，嫩滑，可以加$10換髀，我呢set係普通，但都唔弱，真係啖啖肉，滑得黎唔會成口油，平日忍口唔食皮都破例食左豆腐湯好清，唔會太鹹朋友之後到，點左豬肋骨咖喱飯配薄餅，咖喱質感好濃厚，少少辣，椰漿味唔重，香料味較搶，而且配菜係茄子同秋葵，好健康呢！份量都多架，2個女仔食呢2set係食唔哂，多個人仲可以加碗飯都夠食非常足料好大件，一煲有5-6件，肉厚飯後甜品：椰子新地，大推！呢個味道較少見，椰子味清新唔太甜，食過太濃太假嘅椰子雪糕真係好膩，呢個唔會，配上脆脆花生，爆珠，白色嘅應該係椰肉，口感豐富-脆，滑，creamy！特別留意，如果想食甜品早d order 剔餐後送上，我地晏左叫，好多都無哂，唯有下次先食🥲 原來甜品咁受歡迎仲有其他招牌菜用app落單好方便，店員都好主動幫手，見到有老人家慢慢督機會過去問要唔要直接幫手，好好呢！呢個商場呢個價錢，抵食！

放工拖着疲累的身軀，到K11Musea 搵食。咁啱屋企人想食肉骨茶，諗起來自新加坡嘅「Chatterbox Café」招牌大蝦🦐喇沙$168濃郁的喇沙湯底絕對係精粹，椰香和蝦味融為一體。米線質地較稔身，吸了不少湯汁。大蝦已剝殼，肉質結實彈牙夠新鮮，幾塊魚片爽口彈牙，豆腐卜同樣吸滿湯汁。白胡椒肉骨茶配白飯🍚$112喜歡新加坡嘅肉骨茶，胡椒味特別重特別香，亦冇馬來西亞咁重藥材味，幾件一字骨都熬煮到好稔好入味。沾上辣椒甜醬油風味十足！配置嘅油炸鬼又香又脆。😋馬來特色香煎辣魚餅$58薄薄一塊煎魚餅竟然辣勁十足，唔怪得餐牌上面有辣椒🌶️標記😅白方包可以夾着魚餅，中和返味道，好有驚喜嘅一道小食。凍美祿恐龍$38招牌嘅特飲一定要試！濃郁嘅美祿凍飲，冰塊啱啱好飲到最後都唔會冇晒味。大量美祿球夠晒脆口，再加埋美祿粉份量十足十，應該算係飲過最美味的~

爸媽成日都想去K11 Musea食下飯，所以今晚帶咗佢地去食呢間Chatterbox Café，好彩等一陣就有位。3個人食都好夠。《 文華海南雞飯 $123 》呢度主打海南雞咁當然要食下啦！佢本身係雞胸，雞髀 (+$10) 。因為佢啲肉夠嫩所以食雞胸都無問題，啲雞肉好滑，加埋三款醬油更好味。油飯同湯夠熱。《 咖哩雞煲配白飯及香脆薄餅 $122 》有炸薯仔、茄子、秋葵同幾件大雞肉。咖哩杰身香濃帶小辣，好香好惹味！炸薯仔入面軟糯，茄子同秋葵吸汁好味，雞肉大件但肉嫩，係雞胸位置。配有白飯同兩片白脆薄餅，岩晒撈咖哩食。《 黑醬油炒鮮蝦蘿蔔糕 $82 》都幾多，黑醬油炒嘅食物特別好味，蘿蔔糕入晒味，鮮蝦大隻厚肉，有驚喜嘅小食。《 新加坡老虎啤酒 $32 》不帶苦澀味，入口清，當自己去咗轉新加坡～

尖沙咀🏘Chatterbox Cafe ❤️文華海南雞 💰133肉質較實，但唔係乾，最好味嘅係佢嘅汁，完全係精華！三種醬汁中，最好味係個辣醬！而個湯就一般般！個飯就有雞油啲香味，少少濕，但我個人偏好乾身嘅飯，所以我麻麻地個飯！但整體其實係唔錯，不過要排隊食我就唔制啦⋯⋯🤩咖喱雞煲配白飯及薄餅💰132個咖喱唔算好辣，而且味道都唔錯，啱晒怕辣嘅人食，而且個薯仔係炸完先再煮，所以口感有少少爽脆！雞肉亦唔會太乾，但唔入味！敗北嘅係佢個汁都有唔少碎骨，所以撈汁食飯嘅朋友就要小心啲進食啦！🤩椰子雪糕 跟餐+💰10個椰子雪糕堅好味！一定要加錢試下！勁香嘅椰子味！五星⭐️為最高食物：⭐️⭐️⭐️⭐️抵食：⭐️⭐️⭐️環境：⭐️⭐️⭐️⭐️服務：⭐️⭐️⭐️

朋友從台灣回來，3年沒有見面，今天就帶她到這間新加坡餐廳試一下，聽說這間餐廳在新加坡很出名的。我們點了招牌菜：文華海南雞飯 $123和 招牌大蝦喇沙 $163這裏是用QR code點餐的，下單了一會兒，文華海南雞飯就到了，超快！應該所有材料都是預先準備好，所以覺得飯和湯都不夠熱。雖然雞的賣相不錯，但朋友吃了第一口雞，就告訴我雞肉很鞋，大多是雞胸肉。到我試一口，雞肉真的很鞋而且味道很淡，十分失望！這個價錢，雞肉不是用雞髀肉，而且雞肉的肉質也不夠嫩滑，實在不值這個價錢！然後招牌大蝦喇沙賣相也是很好，但味道非常普通，還有只有3隻大蝦，但一碗的價錢是$163，也不是很大碗，實在太低性價比了。總括而言，很多新加坡餐廳都做到這個味道，而且價錢亦便宜很多，所以會選擇其他也不會再選擇這間餐廳了，試過一次就夠了。