Chatterbox Café (K11 Musea)

营业中

休息中

【Overall 評分】食物質素：★★★★☆環境感覺：★★★★服務質素：★★★★衛生指數：★★★★抵食指數：★★★★打卡指數：★★★☆回頭指數：★★★★🔜 想試新加坡著名嘅五星級文華海南雞飯，推薦位文華大酒店的「Chatterbox Cafe」，位於K11 Musea，環境裝修自然過得關，主打新加坡菜式，比起平時食開的中日港西式，帶黎不少驚喜及新鮮感呢～────────────────────【文華海南雞飯 $123】。貴為招牌菜同時亦係新加坡著名名菜之一。絕對值得一試。選用文華雞，肉質比一般雞結實嫩滑，有質感之餘，雞味濃郁。沿用40多年嘅食譜製。以上溫水浸泡雞肉，既能保持肉質鮮嫩，入口滑而不膩。配上粒粒分明嘅油香，飯香十足，香而不油。隨附三點醬料，分別係辣椒醬，薑蓉及醬油。雞肉蘸上醬汁，更能襯托出雞肉肉】。最後飲埋嫩豆腐雞湯 ，真係大滿足.【素菜炒飯 $103】。簡簡單單嘅素菜炒飯竟然帶黎意想不到的驚喜。米飯粒粒分明，加入菜粒及鹹菜粒炒香。味道香口，又帶點爽脆。頂層鋪咗一層酥脆腐皮。令整體嘅口感增添不少豐富感.【炸素春卷 $52】。春卷炸至金黃色，脆卜卜的。比起一般的春卷，清爽而不油

招牌雞肉喇沙湯底好濃郁而且喇沙香料味十足，米線份量都多再加埋芽菜一齊食勁索汁!雞肉應該同海南雞既一樣，嫩滑冇骨而且雞味好濃，保留到肉汁又唔會鞋口，呢個配搭好夾!新加坡炒飯有串燒又有蝦片同埋蝦仁，整體都好豐富又新鮮。串燒真係同平時食既一樣唔會偷工減料，肉質好嫩而且沙嗲醬好香。炒飯都有加雞肉一齊炒，份量多而且配料好新鮮，飯粒都係粒粒分明!Fruit Rojak呢個好其中一樣好signature既沙律，甜酸既味道配合埋唔同既蔬菜，爽脆有口感又開胃!班蘭蛋糕伴椰子雪糕呢款蛋糕都好好食，椰子雪糕好香椰子味而且仲有椰肉。班蘭蛋糕好香再加埋香蜜汁一齊食好夾又唔會太甜!

今晚本想吃消淡點， 所以就去Chatterbox食海南雞飯， 誰知看菜單時， 朋友就忽然變節， 說想吃咖哩。。。好吧， 咖哩雞煲配白飯及香脆煎餅看來也不錯啊。另外又點了参巴辣椒馬來麵配豬扒，兩個主食就應該夠了， 但朋友還想試小吃， 於是又點了馬來特色香煎辣魚餅及咸蛋雞翼。看來今晚節食計劃又泡湯了。很久沒有吃馬來特色辣魚餅了， 味道是熟悉的， 就是不夠辣。雞翼是全翼，有嚼勁，沾上鹹蛋更惹味。咖哩雞煲味道適中，香濃微辣， 雞件挻多的，肉質炆得腍軟，再薯仔是迷你小薯，過油再煮，所以煮得透但仍保留質感，配一碗米飯及兩片薄脆，完美的套餐。馬來麵辣之餘帶點甜口，都幾好味。

Chatterbox Café 超人氣海南雞飯專門店本身係新加坡都非常有名氣既餐廳係K11 開左香港分店,開左3年都仍然咁受歡迎!今次襯住派左消費券黎試下就咁雞飯已經$128 選用走地雞,肉質結實之餘脂肪少,雞味濃厚,食材原汁原味仲好講究,雞皮雞肉保持到爽滑口感,飯身選用泰國米,口感更佳配以3種雞飯醬,辣椒香油醬,點少少食更加惹味除了海南雞飯外,招牌既肉骨茶湯加推麵線版本更有飽足感之餘,食麵又飲到湯,特地為香港店而設用豬骨加白胡椒蒜頭煲了一整天,選用一字排骨加辣醬汁一字排鮮甜肉滑,仲配上一份油條浸湯食一碗湯麵,3種食法,飲湯,食麵,油條浸湯,豆卜仲索曬湯汁好好食地址 尖沙咀梳士巴利道18號Victoria Dockside K11 Musea B1樓B110號舖Shop B110, B1/F, K11 Musea, Victoria Dockside, 18 Salisbury Road, Tsim Sha Tsui#Chatterbox #ChatterboxCAFE #尖沙咀美食 

☘️前兩日同friend 去咗行K11Musea, 順便響嗰度搵食，經過Chatterbox, 之前去星加玻時食過佢嘅海南雞好正，所以決定試吓呢間過江龍響香港嘅水準😜☘️兩個人「食力」有限，所以商量後決定唔叫海南雞因為已經試過，所以最後揀咗啲濃味香口嘅菜式😜。包括咖喱雞煲，咸蛋黃雞翼，煎魚餅，參巴辣椒炒馬來面配豬排😋 最喜歡個咖喱雞煲，咖喱味濃，雞肉滑溜，仲配上茄子薯仔等蔬菜，配白飯一流！ 至於個咸蛋黃雞翼就包裹住滿滿的咸蛋黃，好香口，只略濕，如果乾身啲更好。 個人最不習慣吃這個馬來煎魚餅，因為口感不是我們一向食開的魚餅，而且相對比較咸！☘️ 望見隔離枱叫了海南雞，確實好吸引，見到雞肉好嫩滑，下次再嚟一於要叫番一份海南雞試吓至得😜

每次過到嚟尖沙咀都唔知食咩好，但自從開咗一間k11 musea之後，我同朋友假日出街就多咗一個好去處😜 呢度除咗個商場好香之外，仲有好多嘢行，點少得仲有好多高質嘅美食餐廳🤣🙏🏻每次經過依間餐廳嘅門口都發現好多人排隊等緊位，今次終於閒日唔使等位即刻入嚟食，我哋超好彩😆 聽朋友講呢間餐廳有文華既加持，所以廚師係整美食方面都有一手，我食過之後發現真係高質又好味，一流之作👍🏻😋餐廳種類好多元化，星馬嘅美食全部都盡在依度，無論係前菜、主菜定係甜品🍮都超高水準前菜方便我哋叫左鹹蛋黃雞翼四隻必食推介！唔會好油膩同埋好鹹，反而鹹蛋黃嘅調味適中，炸粉嘅厚度亦都啱啱好，可以鎖緊雞翼嘅肉汁之餘又食到超級香濃嘅鹹蛋黃味😛另外主菜必食香炒牛河燴牛肉同埋招牌雞肉喇沙，非常入味🎊😋最後嘅甜品係直程驚艷，斑斕蛋糕配椰子雪糕🍦係超超超超香嘅斑斕味，我食過最好味嘅甜品😝🙇🏻‍♀️

呢排忽然間好想食海南雞，於是諗起呢一間位於K11 Musea嘅Chatterbox Café，平時好多人排隊，今日早嚟好彩唔使等。嚟到梗係要食招牌《文華海南雞飯升級 雞髀 (+$10) $133 》因為我唔鍾意食雞胸，所以加咗$10 轉雞髀肉，已去骨，啖啖肉食得方便。雞肉都滑，但如果再嫩滑啲會更好味；而油飯香而不油膩，但我覺得還可以再濃味一啲，豆腐雞湯清甜。另外第一次嗌《 素菜炒貴刁 $103 》呢個另有海鮮版本。黑醬油味香濃，有炸腐皮舖面，腐皮外脆內軟幾好味，不過都幾油膩；河粉寬身，炒得均勻，混有菇、鮑魚菇、榨菜、椰菜、芽菜，都好豐富，兩個人share食岩岩好。《 黑醬油炒鮮蝦蘿蔔糕 $82 》呢個都係用黑醬油炒，件件蘿蔔糕都入味，有蛋、三、四隻大蝦，蝦口感爽脆。《 炸素春卷6件 $52 》熱辣辣好香脆，入面係素蔬所以唔會太油，加埋甜酸醬仲好味。埋單每人 $200 左右，食到好飽。

K11 Musea 餐廳多，但其實好多都唔平，chatterbox cafe 就算抵食了（特別係比較埋B2 food playground的話）餐廳必食係文華海南雞飯（$123）及鹹蛋雞翼（$62/4隻），真係雞全部都係雞！海南雞飯作為餐廳招牌菜，選用雞肉都幾滑，啖啖肉，加埋油飯、例湯同醬料，簡直係一個完美配搭。鹹蛋雞翼有2個size，我地叫左細份量，兩個人食四隻剛剛好，鹹蛋味都幾出，雞翼就係雞全隻，有點似日本的手羽先。星州海鮮炒貴刁（$103）即炒上碟熱辣辣，有海鮮配料例如魷魚、蝦肉等等，都幾有鑊氣。最後唔少得特色飲品，凍美祿恐龍($38)及涼粉豆漿（$38）！

男友話好耐冇返佢鄉下，好掛住星加坡美食喎。身為女友梗要照顧好佢個胃，於是帶佢試吓正宗星加坡口味嘅海南雞飯，就係位於K11 Musea Chatterbox Cafe店內環境較為簡撲，以卡位為主，自助形式點菜，減成本基乎每張枱都見到……文華海南雞飯套餐 $133識食梗要轉雞髀，只加$10 咋！套餐整盤送上，包括了海南雞髀、油飯、清鷄湯、三色醬油。夾起期待已久的海南雞髀，目測油潤的鷄皮下藏了層簿簿的啫喱，相當誘惑。先吃原味將鷄肉連皮放入口，一次過可嚐到爽滑鷄皮和細嫩鷄脾肉，美味，超幸福！再試埋加上三色醬，當然可以令鷄肉更富層次，但辣椒醬較為辛口，所以我只點了黑豉油和xx蓉已經足夠了。油飯有香茅味、好香，不算太油，只係份量少咗啲。清鷄湯一滴油都冇，付加一片嫩豆腐，味道清甜。黑醬油鮮蝦炒蘿蔔糕 $82先被大大隻鮮蝦吸引眼球，蝦隻爽甜好好味；蘿蔔糕被咸中帶甜的黑豉油包著，入口軟糯香口，還加上蛋花和香蔥令香味更突出，好味到令人停吾到口。傳統甜蝦醬蔬果花生沙律$98這款沙律完全顛覆了我對沙律的印象，完來是星加坡特色沙律，材料有花生碎、沙葛、青紅蘋果、青瓜、油炸鬼、菠蘿等，入口暖暖的，口感層次十分豐富

叫了海南雞飯，雞肉完全沒有雞味，又鞋又柴，完全唔值呢個價位。 完全失望！海南雞可能係冇加到$10轉雞髀所以肉質好鞋，但係都唔會俾多次機會佢😅。 對比起出面荃灣或者西貢或者佐敦嗰間金雞海南雞飯（42蚊）都好味過佢多多聲！男朋友叫了咖喱豬肋骨，完全覺得佢煮完啲豬肋骨就咁放上咖喱汁，啲肉完全冇咖喱味， 得個辣字， 佢話食大快活仲開心啲。 完全沒有服務，飲完啲水都唔會refill 。全個商場咁多餐廳，完全唔會想俾多次機會佢。

Chatterbox Café 尖沙咀梳士巴利道18號Victoria Dockside K11 Musea B1樓B110號舖香港酒店食一個海南雞飯, 要成HKD $300, 我普通市民真的吃不起, 要貼地的有個大眾化選擇。Chatterbox 1971年開業於新加坡文華大酒店, 獲獎無數的文華海南雞飯以招牌喇沙、特色咸蛋雞翼都是必食。$98 豬肉SATAY 6串, 爽口的翠玉瓜和洋蔥, 加埋沙嗲醬好惹味。$123 文華海南雞飯這名物, 自然要點上一份試試啦。湯及3個沾醬是海南雞, 雞肉確是嫩滑, 沾醬可咬獨或混好後再用來蘸點雞肉吃, 薑蓉, 濃厚的甜醬酒膏同辣醬,一起發揮出雞肉的味道到淋漓盡致。跟碗油飯同冬瓜粒湯加$45醬油西生菜, 加了炸蒜, 有蒜香$83 特色咸蛋黃雞翼 (6 隻) 自數年前鹹蛋黃魚皮紅極一時後,很多食物都相繼加入咸蛋黃, 雞翼肥美多肉, 咸蛋黃醬難得唔成鹹, 加了糖來平衡鹹度同風味, 甚是好吃, 一定要加點的小吃,才是不枉此行。小食、海南雞飯同喇沙都好有新加坡食到架感覺, 味道十足呈現出亞洲風味, 主食款式多, 都是港人去新加坡旅行時必食的

已經食左好多次啦 ，每次都唔會令我失望，係K11 Musea可以搵到呢個價錢又好食嘅真係唔多。佢地嘅海南雞飯真係好正💯如果食lunch set嘅話海南雞飯$113 記得要加10蚊就可以轉雞髀🍗好厚肉好juicy🤤

><友人去咗新加坡工作有時會分享食過嘅海南雞飯而餐廳都出名 喺當地酒店入面經營文華海南雞飯($123)升級雞髀(+$10)原來雞肉係經過慢煮而成難怪肉質很嫩滑 雞皮算薄唔會好多脂肪 食落啖啖肉白胡椒肉骨茶配白飯($112)白胡椒香濃但唔會刺鼻有淡淡蒜味 油條嗦湯好食豬肋排 冇咩肉臊味 同個蘸醬都夾黑醬油炒鮮蝦蘿蔔糕($82)看似濃味其實啱啱好甜甜地蘿蔔糕粒軟滑 配料都惹味雙球椰子雪糕($38)自家製雪糕 用椰子肉整成食得出好足料 仲有少少口感><><><><><><><><><Chatterbox Café尖沙咀梳士巴利道18號Victoria Dockside K11 Musea B1樓B110號舖

位於尖沙咀梳士巴利道18號Victoria Dockside K11 Musea B1樓B110號舖的Chatterbox Café，主打精緻新加坡菜。餐廳以啡色及深綠色作主調，椰林樹影，充滿阿熱帶風情。餐桌安排上，與鄰桌的距離不會太過近，私隱度充足。筆者頗為欣賞餐廳職員的服務態度，窩心又有效率。掃描二維碼（QR Code）下單後，熱騰騰的食物在十分鐘內便上桌了。文華海南雞飯 - $123（Mandarin Chicken Rice）📌The world-famous Hainanese Chicken rice - tender-boiled chicken, fragrant rice and chicken soup with homemade chilli, ginger and dark soya sauce海南雞飯是餐廳的招牌菜，水準也相當不錯。海南雞的份量慷慨而充足，會有雞脾肉和雞胸肉各一大片，可以滿足地吃一件海南雞配一口油飯。筆者相當愛吃雞胸的位置，雞胸肉質嫩滑，除了雞肉的味道，還能聞到淡淡的酒香。雞肉下的醬汁也不會過鹹，不會蓋海南雞本身的味道。。三款醬汁包括有黑醬油、

今天來到K11 musea行街，喺度唔知食咩好之際，就見到這間新加坡菜餐廳，之前又未食過這間餐廳。見佢個招牌菜係海南雞飯，咁一於點呢個。首先個油飯已經好香，個雞的肉質好嫩滑，另外果三款醬都好味，食得出呢間好有誠意。另外再叫多個海鮮喇沙湯米線。呢個都好好味，我食過啲喇沙湯粉係會連個湯都飲埋的，個湯底好香濃，我飲到芝麻花生同蝦味都好出，而且食材靚，蝦係新鮮彈牙的。加多個沙嗲豬肉串，個豬肉串一啲都唔乾，好有肉汁同鮮嫩。這間餐廳值得再來。