Chalet (已結業)

今晚約左個好耐無見既朋友食飯，荃灣大家都方便，又諗住果頭多野食，一於就出荃灣食飯！果然唔會失望，行行下見到間望落尼高級既餐廳，一於就入去試下喇！一入到去，燈光暗暗地，氣氛有d浪漫，而最入面有吧櫈，有好多酒水選擇餐廳入面既枱櫈有分平常高度既高，而靠梳化都係高枱高櫈一睇餐牌就知依間餐廳行高檔路線~朋友口痕嗌隻生蠔食下，雖然一隻生蠔，但配既醬都無偷工減料架，配埋d醬食，更加登出鮮味前菜可以揀煙三文魚或帶子我就揀左煎帶子既，的外表煎到脆脆的，入面就保持軟身，唔錯唔錯餐湯都好濃郁既野菜味，感覺入面有好多材料煮出尼依到好多唔同種類既酒，好多客人都會嗌返一兩枝，聽到staff向隔離枱介紹一d酒，不過我同朋我都唔點飲酒水牛城雞翼，通常食個既水牛城雞翼d醬汁已經淋晒係面，而依個雞翼係既醬就另上，除左有隻辣醬，唔算太辣又幾開胃，另外又配左藍莓芝士醬，同雞翼味道都好夾！雞翼都炸得好脆唔怕太油，不過熟返少少就好d北海道蟹肉意大利飯，d蟹鮮味溶入左個飯入面，不過我食開清淡既就會覺得味道咸左d，如果食開濃味既朋友就會好岩口味！忌廉香檳汁海鮮長通粉依個汁係非常抵讚，同出面既忌廉汁好唔同，特別d，而海鮮都多，有蝦青口

個環境好有FEEL，浪漫之選French Fried with cheese香脆鬆軟，配上芝士及 bbq風味及紫菜口味，回味無窮。報紙吸油紙好特別。Smoke Salmon Carpaccio煙燻三文魚配搭新鮮洋蔥非常好味， 新鮮洋蔥帶有辛辣。Pan fried scallop with saffr帶子好大粒，外層香煎咗，味道鮮甜。Marocco harissa yellow chi雞胸肉帶有pizza辣雞的味道好惹味。飯粒好特別，口感好似魚子醬 ，略帶酸甜味道，愈食愈開胃。Seafood spaghetti with champ蝦大而彈牙，魷魚爽口。意粉加埋cream都算係絕配。Dessert賣相吸引（盤上有精美的蝴蝶圖案），奶味濃郁，布甸香滑。

幾次經過chalet，都被其木屋店面所吸引。今天終於有機會試試，木屋裝潢、古舊石牆，甚具歐洲風情，予人置身異地旅行的感覺。餐廳兼有吧檯，適合摸杯底談談心。Daily soup 有雜菜湯、蘑菇忌廉湯。前者有濃濃的蕃茄味，加上清新的雜菜濃郁帶點清新。蘑菇忌廉湯則較為厚稠creamy，菌味強烈。前菜分別有煙三文魚薄片，咸度適中，有強烈腌熏的三文魚香，肉質實淨，呈實橘色，沒有過份人工的鮮橙色。加上洋蔥碎粒，風味強烈的appetizer。香煎帶子配紅花汁，帶子外表煎的微焦，內裡軟腍而帶有肉汁，保住了鮮味，不會overcooked。加上洋蔥、紅花汁、香草碎，令其鮮味更突出，外觀優雅。美國prime西冷牛扒配焗甜薯，西冷牛扒不大，但勝在厚身，5成熟，內裡肉汁鎖住，一切開肉汁四溢，這款西冷脂肪度不高，牛味較為強烈，喜歡牛味重於脂肪的要試試。甜薯為紫薯，非常粉甜。摩洛哥香辣醬雞胸配中東米，香辣醬辣味不重，有強烈、獨特的的香料辣味（摩洛哥式？），中東米質感有趣，黏黏粉粉的一團，很特別的體驗。黑啤黑麥味濃烈，喜歡焦糖燉蛋，表面脆脆微焦，內裡甚為香醇。整體用餐環境舒適，服務有禮細心，食物精緻，很不錯呢。

見呢間餐廳咁多正評，特登同老公黎試下。結果有啲失望。2個人點左1.一個dinner set，包括 -南瓜湯 -香煎帶子配紅花汁 -有機南瓜意大利飯配黑醋汁 -Panna Cotta2.西班牙黑毛豬鞍配蘋果蓉，雜莓汁南瓜湯一般，稍稀，南瓜味不夠香濃，有點不足料的感覺。香煎帶子配紅花汁賣相不錯，帶子爽脆，可惜欠鮮味。有機南瓜意大利飯配黑醋汁係全晚最好味一碟。南瓜蓉配上香濃芝士，與黑醋汁的微酸味配搭得宜，意大利飯亦做到軟硬有緻。西班牙黑毛豬鞍配蘋果蓉，雜莓汁令人失望。西班牙黑毛豬之所以味美，在其肉味香濃，油份肥而不膩，肉汁甜美。可惜Chalet的這道菜煮得過熟，令豬鞍偏硬，肉汁亦流失。醬汁雖不過不失的，但重點黑毛豬失色了，醬汁只能說沒更敗筆。而份量方面，以這價錢，份量是偏少。Panna Cotta 太甜，奶香較弱。這一次，令我有點懷疑食評的真確性。

最近有間大型傢私店係荃灣開幕了，小妹當然要去朝聖一下囉～就在左逛逛右逛逛期間，發現對面馬路有一家小木屋造型的店！目測是間餐廳！於是在沒有任何收穫下，迅速逃離傢俬店現場！果然如小妹所料，是一家餐廳！而且是一所裝修十分有味道的西餐廳！現場裝修深深吸引著小妹，不自意已推門進去！被安排落座後，小妹一直還在被現場裝修吸引著，不禁令人一看再看！侍應放下餐牌時，再一次令小妹驚訝！驚訝的是連餐牌也極具特色！是木製餐牌！從裝修到餐牌，都能夠感受到餐廳的熱誠，並不是得過且過！是對客人一種尊重！點了兩份Set Lunch，一份是大蝦茄蓉意大利飯，另一份是秘製豬扒！Set lunch包括了餐湯沙律跟餐包，賣相十分精緻！餐湯是現打的蘑菇湯，濃郁的蘑菇味，同時也能細嚼着到一點點的蘑菇肉！餐包有一點點像法包，外脆內軟，但卻不如法包的硬！光是這餐湯跟餐包，已叫小妹對這餐廳留下深刻的印象！絕對！絕對！絕對！要再來！大蝦茄蓉意大利飯，份量剛剛好，配上大蝦，賣相相當吸引！自問對茄汁沒有太多好感的小妹，不得不說這茄蓉真的不錯，是濃郁的蕃茄甜香味，但絕對不是那一種標其立異的酸！大蝦亦十分脆，而且只有三隻，略嫌太少了。秘製豬扒配

呢間餐廳除左地方大之外, 裝修都感覺得好舒服, 桌與桌之間空間夠大,唔會同其他客人太過逼, 唯地方有點偏,比較難發現餐廳!西班牙既豬, 豬身比較厚, 但係食落有點爽口既味道, 味道都係爽甜, 格離有d比較特別醬汁, 有小小似之前食既墨西哥醬,只係味道差不多而已. 不過美中不足既係我覺得配菜過少,如果加返小小薯容之類會更出色!帶子係前菜黎, 呢到帶子整得相當好食,美感上都落足功夫和心思. 作為前菜黎講份量岩岩好, 唔會過多,味道清清甜甜. 湯係洋蔥cream 湯,格離有個包,我唔太知個正確食法, 但係我用黎點小小湯底食,味道也是很不錯,包底比較硬身小小, 但相當脆.整體服務,環境都不錯!

餐廳名字Chalet有瑞士山中的牧人小屋；瑞士的農舍；小屋既意思當然餐廳既裝修都係跟住呢個理念設計小編最喜歡一望入餐廳呢個bar枱設計摩登兼且有情調餐廳晚餐既選擇好多 有大約14款可供選擇北海道蟹肉意大利飯 $198小編今次係同妹妹食飯妹妹係一個意大利飯愛好者再加上海鮮意大利飯呢個組合姊妹二人都好快就可以決定要點選呢個上菜時候 見到意大利飯係悉心裝飾過單看外表已經加哂分大廚將蟹肉撕碎混合入加入左忌廉烹調既意大利飯口感creamy同充滿濃濃既蟹味加入左香草既意大利飯味道更香更可口西班牙黑毛豬鞍配蘋果蓉$228西班牙黑毛豬鞍肉質比較柔嫩煮熟左既西毛豬豬鞍更散發出陣陣油香 唔會有膻味蘋果蓉同豬鞍扒好襯豬鞍扒加入酸酸甜甜的蘋果蓉不但令味道更有層次蘋果蓉中和豬鞍扒的肥膩感 而且酸酸甜甜既味道更加可以增強食慾此外 如果重口味人士覺得豬鞍扒唔夠濃味 可以點下呢個燒烤汁不過小編覺得唔點汁先可以食出原汁原味！總括黎講 小編覺得餐廳既格調同食物質素都不錯 係一個適合情侶用餐既好地方

朋友今日約 o左我去荃灣晚餐chalet 小木屋 ge 裝修好 exotic好似離開 o左鬧市o甘~餐廳有 d bar 位 gao黎飲下o野食餐飯都幾有情調呢有 set dinner 同 a la carte menua la carte 都可以選擇加錢轉 setDaily Soup 揀 o左蘑菇湯有香濃 ge 蘑菇味又夠晒creamy餐包好特別, 口感酥脆內軟配湯一齊食好好味前菜係香煎帶子配紅花汁帶子好肥厚~外面煎香 o左而入面都係好嫩滑 主菜係香煎龍利柳配香檳汁份量都幾多, 有兩大塊魚柳呢好 juicy 好嫩 ge 魚肉!而且外皮煎得好香, 食落更惹味西班牙黑毛豬鞍配焦糖燴蘋果&雜莓汁煎得恰到好處!雖然係厚切 ge 黑毛豬鞍不過肉質軟淋而且肉味好濃配點微酸 ge 焦糖燴蘋果一齊食味道就更加清新~ 甜品係 panna cotta個 panna cotta 好有奶香, 口感幼滑細膩餐廳好有心 o甘畫o左佢地招牌 ge 小木屋係隔離畫得勁靚 ar!!!另外值得一讚係服務好好又細心上菜係一道菜接一道菜上唔會一次過上o西可以慢慢品嚐每一道菜式~

10月大型連鎖傢俱店喺荃灣開張，行得攰攰地可以經商場的天場通往對面的福來邨開餐，來了一間以歐洲小木屋為設計的西餐廳，內部全以木或皮來做，餐桌的木枱上都包著皮作枱墊，裝飾一絲不苟。晚餐套餐由一百多至三百元不等，餐湯有南瓜湯/磨菇湯選擇，我的磨菇湯內有不少磨菇蓉，磨菇味濃。前菜是煙三文魚/ 帶子，一樣一個自制了煙三文魚帶子。帶子只是稍微煎香了外皮，內裡保持幼嫩。主菜點了忌廉香檳汁海鮮長通粉 ($178)，有帶子、蝦、青口、尤魚，雖然只是長通粉的配料，但海鮮全都大大隻，蝦大得要用刀叉來食，蝦肉爽口。朋友一向少吃青口，因為平日經常覺得有怪味，但他都話喜歡這裡的青口。忌廉汁有淡淡奶味，每條長通粉內都滲入了醬汁。西冷牛扒配焗甜薯 ($298)，牛扒燒有網紋，很香很濃的牛味，但最特別的是焗甜薯，特別用上紫薯，焗過後蒸發了水分，紫薯變得更甜。

外遊半個多月沒吃西餐，幸得友人帶我來Chalet用餐，一解思西餐之愁。餐廳位於愉景新城旁的大街上，位置很容易找到！餐廳的門面裝潢較為平實，裡面竟然是豐富心思設計的歐洲兩層小木屋，予我們舒適溫暖的感覺，有適合多人聚會的木製大餐桌，也有閨蜜，情侶可用的小雅座。餐廳內還有個很有格調的調酒區，非常吸睛！我們這晚各自點了一個dinner set, 有餐湯，前菜，主食，和甜品。這晚的餐湯有紅湯雜菜湯和白湯煙肉忌廉湯，兩款都用料充足，味道香濃！附上的餐包外脆內鬆軟，有層次的口感，很有驚喜！前菜我們選了煙三文魚薄片和香煎帶子配紅花汁。煙三文魚薄片有三數片，肉質算鮮嫩，附有少量新鮮沙律菜。香煎帶子配紅花汁上枱時散發著誘人的香味，很吸引！帶子口感香滑，感覺紅花汁味道較清淡，沒搶去帶子的原味。其中一個主食我們選了忌廉香檳汁海鮮長通粉，濃稠的忌廉香檳汁刺激味蕾，海鮮用料也很豐富，帶子，大蝦，青口令我們很滿足，長通粉的煙韌度剛好，有彈牙的口感。美國Prime西冷牛扒配焗甜薯(8oz) 是令我們最滿意的，我們點了七成熟度的，牛扒的肉汁量不錯，肉脂適中使肉質很香滑!香焗甜薯的軟心口感作配菜也很有驚喜！我們選了奶凍和

荃灣都好有格調！我地試試。。Chalet!門面好正好酒吧好有feel！Menu都好有風格！來前菜。。煙三文魚薄片！食！薄薄一片，涼涼地，美味！旁邊沙律菜點晴之選！另一道。。香煎帶子配紅花汁！好靚呢！帶子煎得香~外脆內軟！點上紅花汁，酸酸甜甜好惹味！哈哈！來主菜了~香煎龍利柳配香檳汁！龍利柳卷著一球球上，好特別！切點試試喇~好淋好入味！出面都脆脆地~上面的露筍不止點綴得漂亮！仲真係好好味！食埋車厘茄，酸酸地又有特別精製的味道！另一主菜。。法國煙燻鴨胸配紅酒汁甜薯蓉！上法好特別。。是要keep住d煙呢！開蓋了。。wow~精精亮亮！食啖先~鴨胸沉著紅酒汁，味道一流！又不失香味！下面甜薯蓉煮得淋淋，和鴨胸和紅酒汁都好配合！還有配菜豆角都好美味！食飽飽就上甜品喇~是忌廉泡芙！仲有餐廳名呢~好有心思！一啖一個，好滋味呀！完美的完成這餐~

找個朋友談談心聊聊天，這間餐廳是個不錯的選舉。如果同情侶來既話女仔都應該會好中意(眼看都有好多情侶黎食飯、慶祝生日等)，一早卜左位所以唔駛等位。入到去環境都幾好，坐椅舒服服務員有禮，不過同隔離枱既距離有d近，間接拉近人與人之間的關係嗎？haha入座後用了約15min點餐，同時職員也很細心留意住我地有冇需要幫助或介紹一些餐單。相當貼心，同朋友傾左一個鍾頭"不知不覺足足一個鍾" 原來大家都肚仔餓，但眼看自己張桌仲未有主題都幾無奈～ 係度都介紹下d前菜先前菜方面我覺得都幾好食幾好飲。個湯如果鍾意食材料既人會非常喜歡。飲落係有別於一般的餐湯。苦等一小時後食物終於送來，送上西冷牛排7成熟。真心覺得好正，肉咬落完全唔難咬又冇冰鮮味賣相吸引，值得一讚。然後增加增加氣氛，就叫左杯雞尾酒share飲。「士多啤梨公園」我覺得就見人見智，我覺得好飲友人覺得一般之後就到我既黑松露薯蓉+羊架。我覺得有可以改善之處最後係到又食又傾左1.5H 食埋個甜品就為今日作為一個總結。總括而言我係推薦大家試下，情侶、一班朋友、餐廳內到處可見，可想而知間野都本身有吸引力啦

本身約咗下星期先食生日飯，點知朋友突然要話改期今日食，搞到我要即刻上OpenRice睇吓有乜好食先！近近地去荃灣呢間試吓先！生日一定要開支酒吧！原來開一支酒仲要送半打生蠔！之後我哋叫咗個拼盤，有兩隻生蠔加兩隻蝦再加翡翠螺！啲生蠔好平，就算叫都係百幾蚊半打，依家唔使錢就有半打啦，所以味道都還可以啦，但啲蝦係「梅」的，d翡翠螺入邊全部都係沙，非常非常之難食！我哋再叫咗個set dinner!個帶子好味嘅！嗰魚都可以！不過真係冇下次，除左食物吾好之外，我地未食完野，幾次都想收走食物！

難得星期五跟老友約了一同到荃灣Shopping吃個晚餐，友人工作地點在荃灣，知道這一家餐廳的佈置以小木屋為主題，帶我去朝聖一下。在外面可以看到小木屋的屋頂，可愛。門外放著田園味十足的腳踏車坐在高腳椅坐位的我們，另外還有普通四人坐。不得不說他們的皮坐位蠻好坐的。晚餐Set dinner / 散叫餐點+$88可以跟餐餐湯:羅宋湯不錯的清新之選磨菇湯真材實料把磨菇打成，濃郁香氣十足。餐湯附上的麵包烤得酥脆而內軟的口感，搭配餐湯不錯。前菜香煎帶子配紅花汁稍為煎一下下的帶子，吃下去是半熟口感。配上了蕃紅花汁有去腥提鮮的作用，而且有淡淡的清香。主菜香煎龍利柳配香檳汁$188份量很大的魚柳，魚身肉厚且有兩大件。火候控制得宜，魚柳入口鬆化且嫩滑。西班牙黑毛豬胺配蘋果蓉雜莓汁$228從側面可以看到豬胺份量之大且厚，切下去可以看到絲絲的肉汁仍保持在內。而且肉質入口扎實有口感不會死實。沾上點點的雜莓醬可以減少油膩感。甜品意式奶凍吃一口十分香滑，而且奶味香濃。泡芙忌廉充滿了泡芙之內，一口滿足。餐廳價錢不算很便宜，可是座位舒適而且食物份量很大，值得再試。

小木屋西餐，環境好郊外感但帶情調！入到嚟感覺好舒服，又帶空間感！Dinner set: Daily soup + Appetizers + Main Course + Dessert椰菜花煙肉湯配勁新鮮熱騰騰既法包？點湯一流，因為個湯味道岩岩好，唔會太濃太咸。椰菜花味好清好濃，煙肉味唔覺，點燃下清淡既湯。煙三文魚薄片 Smoke Salmon Carpaccio，上枱連碟都是冷凍的，岩係遲遲未走的夏天食。少少帶Oliver oil的沙津菜配又煙又咸咸地既三文魚，煙三文魚上仲有少許紫洋蔥同小橄欖，味道不錯，開一下胃。美國Prime西冷牛扒配焗甜薯 (8oz) US Prime Sirloin with Baked Sweet Potato，牛肉本身重味，做主菜一流！用石紙包住甜薯煙肉同豆角。甜薯紫薯甜甜地，都好中和牛既重味。牛肉濃同林既，汁帶少少酸，好微，好清肥肉感。汁其實唔落都好味，因為有黑椒吊味！另外甜品遲點講，哈哈。先食多個主食先，傳統法式油封鴨腿配芒果莎莎 French Duck Leg Confit with Mango Salsa好食 推薦！配菜係豆角同薯角，正，香草香脆。鴨