Chalet (已結業)

今日朋友帶左我去荃灣 就係愉景新城對面的一間餐廳食晚餐，享受一下。😊這間以瑞士小木屋既風格 設計的餐廳。係門面見到已經俾佢吸引得到裝修同風格都好高級咁！😃環境暗暗地，播著音樂，給人好 relax 既感覺。可以慢慢坐下，飲杯酒，談談心。不錯喔！餐廳晚上有set dinner. 價錢中規中矩，不會好貴。今日是日餐湯有兩款：我選了煙肉忌廉湯☕配有一個餐包。口感煙煙韌韌，暖暖地。再沾一點湯，更有口味！煎法國鹅肝伴焦糖燴蘋果🍎賣相煎得好靚既鵝肝煎得剛剛好，唔會話太乾。切開食，鵝肝油流出！食落好香。再食埋蘋果蓉，酸酸甜甜，可以解到油膩感覺。半熟吞拿魚伴三文魚籽 🐟好靚的前菜！最鐘意食半熟既吞拿魚。輕輕煎過表面的吞拿魚，食落更香。而且佢個醬都幾好味，幾襯喎！幾欣賞呢個前菜。一d都唔馬虎！😀三文魚慕絲龍利柳菠菜忌廉汁起初唔係好明個構造，拎開啲配菜。就明白了原來係個龍利柳包住個三文魚 黎焗。切開去，都唔會話散。再配埋個汁一齊食。龍利柳通常都係淡味d.但加埋三文魚肉一齊食，就岩哂喇！雙倍既魚味道。兩個口感。食落好香。啲醬汁沾埋好好味。同個份量都幾大！靚靚既奶凍甜品🍮食落好重既奶味，好滑。加左dd莓醬上去，

同朋友好耐無見，係時候要聚聚! 今次佢帶咗我去呢間小木屋，入到裡面好有歐洲小木屋嘅感覺，好有情調，適合情侶嚟呢度靜靜地傾計食野。打開餐牌見到Snack有「香煎法國鵝肝伴焦糖燴蘋果」，梗係要試試! 😍 鵝肝入口有即溶嘅感覺，味道較淡，但夾埋焦糖蘋果就味道剛剛好，同朋友share一份唔會太漏，減低罪惡感! 另外仲叫左兩個set dinner，有湯、前菜、主菜及甜品。今日餐湯係南瓜湯同埋粟米湯，兩個湯都好濃，配埋暖暖地嘅麵包食好好味!前菜有「法式鵝肝醬伴無花果」，鵝肝醬味道較淡，唔會有漏嘅感覺。而「香煎半熟吞拿魚伴三文魚子」，本身唔食吞拿魚因爲嫌佢腥腥地，但蘸咗沙律醬又唔錯喎! 而主菜有「黑松露鵝肝箘意大利飯配有機大啡菇及牛肝箘泡沫」，一放上枱已經狂影相，因為好大舊泡泡，真係有牛肝箘嘅味道，而意大利飯都有香濃黑松露味，好香好creamy!仲有「美國Prime肉眼扒配芝士焗薯」，order咗medium rare，剛剛好，肉質好嫩，唔會有根，但如果醬汁另上會更好。跟餐甜品嘅Panna Cotta 同Bread Pudding 味道正常，無太大特別或驚喜。總括而言，呢度係一間高質嘅西餐廳，侍應態

厭倦了大商場的連鎖式食店，在平民區遇上這間優質西餐廳，驚喜不已。就在遠處被餐廳大大的燈牌吸引過去，果然尋到寶。餐廳的外形設計得像間小木屋，充滿西洋風格，門外別緻的裝飾絕對有加分。店內有一大水吧，像是一個獨立的漂亮酒吧，盡顯氣派。餐廳環境一流，設計優雅高級，充滿浪漫情調，是情侶約會之選。我們六時多來到，幸餐廳未算多人，不用等位，不過七時許便接近滿座，看來餐廳頗有人氣。餐牌用木造，非常特別，也呼應了餐廳的小木屋設計，很有心思。我們二人各自點選一份set dinner，大約二百元一份，但包餐湯、前菜及甜品，樣樣高質，貨真價實，絕對是物有所值。重點是親民的價錢不但有高質的食物，更有優質的服務，欣賞店員服務態度殷勤有禮，送菜速度又快，由最先的餐湯到最後的甜品整個過程每碟都是緊接送上，時間控制得宜，完全沒有要等待的時刻。另外，在寒冷的天氣下我們一坐低，店員隨即送上暖水讓我們取暖，十分周到。其中一款是日餐湯是周打蜆湯，湯料極多，除了蜆肉、薯仔等一般常見材料外，更加入不少煙肉、紅蘿蔔等蔬果，令味道非常濃郁，美味無比，好出色！餐湯還附有餐包，軟硬適中，沾著湯吃好搭。另一款餐湯是忌廉甘筍湯，香滑濃郁，質地

又來到荃灣搵食！好少專登搭車出來食晏就，所以都想揀返間環境好少少，又有返啲情調嘅餐廳慢慢食，所以book咗呢間喺愉景新城附近嘅西餐廳。book呢間餐廳嘅時候已經知室內環境唔錯，入到來燈光較dim，高枱設計，成個feel都好寫意。當日喺lunch menu度揀咗兩個set：酥炸軟殼蟹茄蓉意大利飯＆香煎秘製豬扒配薯蓉菠菜忌廉汁。先來前菜同餐湯，洋蔥湯真材實料用上大量洋蔥，因此湯頭好鮮甜，忌廉味較為薄，不過我自已幾鍾意，唔會因為忌廉味而搶咗之後嘅胃口。酥炸軟殼蟹茄蓉意大利飯煮得啱啱好，飯粒依然保持到咬口，茄蓉入晒味；軟殼蟹確實夠酥，來到時候仲熱辣辣，而且啖啖肉。香煎秘製豬扒外層煎得好香口，入面夠tender，最欣賞嘅係個菠菜忌廉汁，不論同豬扒或薯蓉都好夾，唯一一樣唔好嘅係薯蓉太少唔夠喉。最後order咗個是日甜品同black coffee完成當日午餐，是日甜品係香蕉pudding，我都係第一次食，感覺幾新鮮；咖啡夠crema，偏向重果酸，咖啡味留喺口入面都幾耐！

今晚由住荃灣既朋友帶我入黎搵食..行係青山公路旁...一直都係比馬路對岸既大型商場吸引住目光..直到佢突然停低.. 原來我地已經到達到今晚既目的地:CHALET🏚放置門口位置既Menu簡而清, 一眼就睇到晒佢地既set dinner, a la carte menu同snack menu!佢地既drink menu選擇都唔少, 因為夜少少的晚上呢度會變成酒吧...我地就快食完時都見到唔少人入黎飲野傾計呢~由門面到入到去餐廳入面..都覺得"小木屋"既感覺非常強烈其實入到去仲覺得有少少"歐洲古堡"既感覺添..~因為餐廳入面係鋪天蓋地既石磚裝修... 加上樓底好高配合木製桌椅同微黃燈光....營造左一個好高雅既氛圍😌💫我地叫左2個set dinner..所以2款前菜都試得晒^0^!!1.香煎半熟吞拿魚伴三文魚籽話說我係唔食生野既..所以食之前都驚驚地😓😓但咬左第一啖落吞拿魚度就覺得好驚豔..🤩🤩吞拿魚外層微微煎香左 但係中心既肉係超級嫩滑呀!!而且食得出係非常新鮮... 最正既係我地都覺得佢同沙律醬同埋三文魚籽係好夾呢~~2.法式鵝肝醬伴無花果呢個反而少失望... 鵝肝醬的確係好夠細膩 入口

天寒地凍要我出街食飯，要有格調d既餐廳食飯安撫一下自己就快凍死既身軀同靈魂😆係香港都凍到要帶手套🙈枱櫈以木為主調，牆身鋪上石磚，原始材料配搭出令人感覺high class 但唔會拘束既氣氛，我好鐘意☺️我地叫左北海道蟹肉意大利飯+set，個汁好香蝦味，食落似飲緊龍蝦濃湯甘，唔好問我點解蟹肉飯有蝦味，我都懷疑緊自己味覺🤣頭盤要左半熟吞拿魚伴三文魚籽，呢個超好味❣️半熟吞拿魚同平時生食吞拿魚又別有一番風味☺️餐湯係蘑菇濃湯，連麵包一齊上盤，湯仲保留有粒粒蘑菇既咬口，麵包係軟熟既（我最怕食好硬既法包類texture麵包🙈）叫左個小食，香煎鵝肝伴焦糖燴蘋果，呢個最有亮點係個野莓醬😍😍佢超有效地中和鵝肝既油膩💕歐陸芝士拼盤🙈呢個叫之前我地無睇清楚 留意返係2隻牛奶 2隻羊奶，本身我個人係唔食羊 所以羊奶都接受唔到🙈 然後牛奶芝士中有隻blue cheese 俗稱「芝士界榴連」我都係無福消受😹 最後只有一種我食到 我朋友消滅另外3種😆西班牙烤乳豬，呢個煮得同外國一模一樣，佢地可以將脂肪煮得唔難入口，變成好似啫喱甘唸住個口😁好神奇 （如果係外國食過豬手應該唔難明我講緊咩😝😝）因為天氣寒冷，我一入座店員就好

星期一既晚上，同💁🏻‍♂️去try try 西餐廳，今次嚟到OpenRice 好多人介紹既餐廳店內裝潢好靚，好舒服，由於太早到餐廳，所以5太多人，坐一會，已經7成Full,喺星期一晚嚟講，係好勁既前菜揀左tuna tataki with salmon ，擺盤好靚，平時我5食生既嘢，竟然又5錯bo周打魚湯，勁多料，包好軟，好食，用料一d都5馬虎雞翼怪又出動，依個buffalo wing 真心5錯，熱辣辣，為左佢，5介意生幾粒pimple na😂佢個blue cheese source 好香濃，芝士愛好者應該好開心，另外嗰個係辣辣地既茄醬source,調得5錯炸魚薯條，新鮮熱辣辣，Fresh!!!nothing more to say 食左2樣嘢，已經好飽了，再嚟蟹肉rissto, 賣相一流，係硬版有咬口既飯，不錯不錯Waiters 們好有禮貌，反應快，值得一讚總括而言，下次同朋友眾會，可以再come back

天氣好，諗住早啲出動，但係都要先填飽個肚先。見呢間餐廳都幾四正，set lunch 價錢又唔貴，就入去試試。環境都幾舒服，燈光又夠柔和，啲梳化都幾好坐。Set lunch 有六款可以揀。餐湯、沙律、主菜、餐飲都有齊。至貴嗰個set都只係$118。我哋揀咗【海鮮墨魚汁意大利飯】同埋【意大利雲吞配忌廉汁】。餐湯、麵包、沙律一齊上。餐湯係洋蔥忌廉湯。洋蔥煮到好軟，忌廉湯好濃好creamy，好好飲。沙律細細兜，新鮮之餘加咗少少黑醋，味道唔錯。【意大利雲吞配忌廉汁】: 雲吞內餡是肉碎，外皮煎香過。忌廉汁香夾滑。雲吞吸收咗忌廉汁，味道豐富起來，好食。【海鮮墨魚汁意大利飯】: 賣相wonderful燴飯粒粒黑珍珠咁，味道帶有鹹鹹地嘅海鮮味，真係色香味俱全。嘆埋杯咖啡就真係無得彈。埋單$194，唔使兩舊水，環境靚，食物質素又好，抵!

朋友介紹我去荃灣愉景新城對面青山公路上吃西餐這裡和商場的餐館全不相似沒有集團化⋯⋯個性也性感午餐送即磨咖啡意大利菜湯濃而不賦一個美國西冷牛扒配里昂炒薯仔塊牛肉林一小舊肥肉今早氣溫14oC🤴女朋友叫一個意大利雲吞配蟹肉忌廉汁這個雲吞屬香煎非常適合我濃得化不開的口味多芝士很香醇因應個汁做到專業😘🤗😏我很喜歡巧克力熱即磨咖啡Mocha 特別是有心機即製的手作好像見到Bubbling sweet hot coffee ☕️ 喝醉巧克力緣

 小妹帶大家去在荃灣有一間以瑞士小木屋為名的 【 Chalet 】 餐廳內靠近門口的位置，無論環境佈置都以瑞士小木屋為藍本，很有外國風情。  餐廳分兩層，地下用餐區，無論地板、牆身、天花均以木板打造 環境氣氛很浪漫，有一種在古堡吃晚餐的感覺。  無論套餐還是散點的菜式，全都印了在木框上。  生蠔 Pcs $32 生蠔不夠肥美，不過是非常新鮮，肉質爽脆，味道溫和 有三個醬汁，茄汁，檸檬，醋。  粟米忌廉湯 味道濃郁 ，好足料撈起有滿滿粟米 隨餐湯奉上的麵包也脆而不硬  香煎半熟吞拿魚伴三文魚籽 前菜也是二選一，鵝肝醬或吞拿魚 頭盤雖然份量小小的，水準都不錯吞拿魚外脆內軟 配著三文魚籽和沾一沾旁邊的蒜香醬一起吃，味道豐富很多。   北海道蟹肉意大利飯 $198 我們散點的意大利飯，再補充一下，以上個價錢是散點菜價，需加$88變為套餐。 整個飯很creamy味道濃郁 蟹膏味出 蟹肉撕碎混合入加入左忌廉烹調意大利飯 配合炸麵條作裝飾   煙燻法國白春雞配地中海汁松子仁栗子蓉 $228 採用法國黃油雞，皮脆肉嫩之餘，油份重啲，味道更加香濃 帶有少許煙燻味道的春雞肉幼滑，雞皮帶少許焦香 配以不

早前跟爸媽我三人行去食西餐叫了兩個set dinner 及一款a la carteSet dinner包括餐湯及前菜餐湯我地揀了蕃茄湯及蘑菇湯各一兩款湯都跟上一塊麵包我挺喜歡蘑菇湯，味道挺濃郁的而前菜我地都揀左各一分別係鵝肝醬伴無花果及半熟吞拿魚配三文魚籽我很喜歡食新鮮既無花果呀果醬帶出無花果既清甜，亦解鵝肝醬滯膩想唔到三文魚籽是頗新鮮的，鮮味十足微微煎過吞拿魚的外層，肉質不會過韌先來一個set dinner主菜煙熏法國白春雞配松子仁栗子蓉春雞上有一些豌豆苗作點綴把春雞大火煎封用汁，肉質細嫩松子仁及栗子蓉作配菜，味道配搭得挺好👍🏻另一款主菜，慢煮咖哩燴羊膝😍小小羶既羊味，肉經慢煮後不韌而且好淋，把咖喱汁炆入羊膝但食得多會覺得有小小滯膩呢個係單點油封鴨腿配芒果莎莎我地叫完先發覺叫左好多肉😅而呢個芒果莎莎就可以解滯啦。因為酸酸地既芒果夾住青瓜 味道幾清新！ 我甚少西餐食鴨脾，呢個鴨脾又係令人喜出望外，油封岩岩好鎖住鴨脾既肉汁甜品😍😍簡單得黎又好食既焦糖布甸面個層燒到脆脆地👍🏻👍🏻👍🏻牛奶奶凍配士多啤梨醬奶香口感尚算幼滑還有餐廳自己畫既朱古力畫，畫得幾靚嫁整體黎請呢度既晚餐我認為唔算貴，食物

自從幾個月前第一次去Chalet後 呢間精緻既酒吧/餐廳已經成為左我喺荃灣最中意既餐廳😍 佢地4-course dinner由$188至$308不等 有risotto, pasta, steak等選擇 我至今已經試左過半menu上既item喇😂Starter:Main course 1: Black truffle and porcini risotto with portobello mushroom ($188 for 4 courses) This photo doesn’t do this dish justice‼️之前睇到咁多好評諗住流流地 點知一試真係正到爆! Mushroom risotto做得好creamy同香濃 未上枱都聞到蘑菇陣香味漂緊過黎💁🏻‍♀️ Main course 2: 越南虎蝦煙燻紅椒汁意粉($198) presentation夠大方 食落又夠惹味 認真好高質! Dessert:Chalet 唔係開喺荃灣最多人識既大街度 但依然晚晚爆滿 荃灣果然係臥🐯藏🐉啊! 呢度晚市真係好旺架 所以去就最好book位啦!Taste: 👅👅👅👅Value for Mone

我久不久都會想吃點西餐，在網路上知道這裡的食物不錯，今晚就訂了枱。這裡裝修似西餐和酒吧的混合體，有些高椅高檯，又有普通檯椅。我們點了美國prime肉眼扒308元，法國春雞228元，晚餐包頭盤及甜品。洋蔥湯，芝士味好香，濃度適中又夠熱，非常好味。磨菇忌廉湯，磨菇蓉味道好濃，用來送麵包一流。頭盤要了法式鵝肝伴無花果和香煎半熟吞拿魚三文魚子。法式鵝肝伴無花果，鵝肝點一些無花果醬，味道香夾甜。香煎半熟吞拿魚三文魚子，外表煎得幾香脆，吃落似食緊生牛肉。美國prime肉眼扒，差不多有半個碟咁大塊，肉質唔靱，好有牛肉味，伴碟的汁帶點紅酒香味，又幾夾。法國春雞上枱時，甪膠蓋蓋著，打開時，一股煙薰味衝出，而雞皮非常香脆，雞肉嫩滑，味道一流。香蕉布甸，吃落充滿香蕉的味道。法國奶凍，奶味濃，沒有偏甜。食物配合環境，令人舒服享受一頓美味的晚餐。

聖誕節，一個令朋友有藉口聚埋一齊既日子，今日相約左一位朋友仔，搵左間餐廳談談心餐廳燈光暗暗的，格局比較像酒吧～我們點了兩個set dinner， 服務員很貼心的問我地係咪share食，表示可以安排主菜上菜的先後次序首先上枱既係南瓜湯，南瓜味好新鮮，但味道淡淡的～再黎就係兩碟前菜，用上型格黑色小碟子，「法式鵝肝醬伴無花果」本人對鵝肝不是很喜愛，只能說味道很濃郁，比較喜歡伴碟的無花果，很新鮮😆「香煎半熟吞拿魚伴三文魚籽」除了在「築地」，一直都覺得生吞拿魚好腥，但這個煮法又幾香幾好食，外層脆脆的內層未去到入口即溶，不過都好淋了，腥的反而係三文魚籽「法式鵝肝醬伴無花果」「香煎半熟吞拿魚伴三文魚籽」接著就到主菜啦～～先上枱的是「牛肝菌黑松露意大利飯伴有機大啡菇」，賣相挺特別的，面層的泡泡我吃不出有味道（相信只是裝飾），飯用上傳統意大利米所以帶點硬硬的，這道菜很香，味道亦適中，整體中規中矩吧「煙燻法國白春雞配地中海汁松子仁栗子蓉」，可能賣相不算討好（黑黑的），但真係好好食，肉質非常嫩滑，地中海汁（甜甜的）配埋松子同栗子蓉非常相配「煙燻法國白春雞配地中海汁松子仁栗子蓉」「牛肝菌黑松露意大利飯伴有機大