Catee (已結業)

約個朋友睇戲, 仲有大把時間所以慢慢食埋飯先, 商場D餐廳真係唔多選擇, 反而對面街多D餐廳更有驚喜.呢間望入去黑黑地幾浪漫, 環境幾舒服, 主要以西餐為主.個餐廳名CATEE, 唔知係咪同貓有D關係.每款主食加50蚊就可以變SET, SET里有沙律, 餐湯, 餐包, 飲品, 甜品等.類型都好多, 特別對appetizer燒原條八爪魚有興趣, 一客二人份量.真係好原條魚鬚, 有手指公咁粗, 燒得好香噴噴, 外微脆內軟熟唔韌, 而且味道濃郁唔腥, 好開胃.另外主菜要左西班牙黑毛豬扒, 雖然豬扒厚, 但肉質入口軟嫩, 一D都唔覺硬或韌, 肉味濃香, 另有芥末醬, 點左更加惹味.跟餐既餐湯係南瓜湯, 稔身夠濃, 好creamy, 南瓜味清而甜.沙律份量亦十分足, 夠新鮮.麵包都有幾款甜品雖然簡單, 但都好味, 軟熟唔會雪到硬晒, 而且唔會太甜.估唔到荃灣一個唔起眼既位置, 會有間高質西餐.

荃灣西一個住宅集中地，圍住如心廣場那邊更是排住起樓，一棟比一棟高，屏風樓的集中地。今日過去睇完樓，行左成日腳都軟，見到一間在街市附近的餐廳，入去抖一抖順便吃個晚飯。野菌忌廉湯質感濃稠，有淡淡的菜花味道，還有少許的蘑菇粒，帶有菜花的鮮甜，而且軟滑。凱撒沙律伴巴馬火腿羅馬生菜新鮮爽脆，還有麵包粒及煙肉碎，兩者都很脆口，加上微酸的沙律醬及芝士碎，味道清新開胃，巴馬火腿不算太咸，但未夠甘香。雙影帶子配黑魚子帶子鮮甜肉嫩，黑魚子香脆口感似蟹子。威靈頓三文魚落單後都等了差不多一個鐘先上枱，好彩有小食及沙律等頭盤在前面，可以邊吃邊等。三文魚用酥皮包著，外層酥皮香脆且很薄，不太油膩。三文鮮呈鮮橙色，焗得剛好，不會太生亦不會太熟，肉鮮鮮甜嫩滑，有三文魚的甘香，一個人食剛好，不會太飽滯。另外還配有少許沙律及番茄仔，非常健康。龍躉魚柳平時通常食蒸的龍躉，今次煎既都是第一次食，外皮煎得香脆，魚肉嫩滑，好有魚的鮮味，比三文魚好吃，想再encore多次。Lychee martini外觀精緻度甚高但同樣地甜度甚高，不過荔枝味濃郁，酒味比較淡，適合女士飲用。Snow ball有淡淡的檸檬味，酒味不濃，味道似雪碧，而且

從前在澳洲working holiday認識已久的朋友，從泰國過來香港玩幾天，因她住在荃灣孖辮妹酒店，為了方便她，所以到荃灣的Catee食晚飯，本身上openrice睇過，這裏有酒飲有野食，而且不會限時趕走，始終太耐無見，都會有排講。餐廳內多數是以貓畫裝飾，可能是老板是愛貓之人。幸好裏面是沒有貓的，因為我朋友怕動物。我們先點了兩杯飲品，Apple martini及Dry martini。Apple Martini味道清新而且不太甜，有淡淡的蘋果味道，還有點青蘋果的酸味，酒味不太濃烈，味道不錯。而Dry Martini的酒味比較濃，甜度極低，適合不喜飲太甜的朋友。飲酒當然要配些餐前小食。煙三文魚蟹肉波波煙三文魚味道鮮甜，有魚肉香，裏面包著蟹肉，但有點蟹殼，一啖一粒放在鐵匙上，非常精緻美觀。Hoegaarden啤酒煮蜆蜆湯有淡淡的酒香而且很鮮甜，蜆肉無沙大隻，以洋葱西芹的一起煮成，蜆肉鮮甜，肉質鮮嫩。黑松露三文魚青瓜卷三文鮮色澤比較淡，不夠鮮艷，但味道鮮甜，油脂比較少，配上青瓜一起，味道清新爽脆。裏面還包住黑松露，香氣四溢。牛油果帶子沙律沙律菜份量不多，但配料十足，有兩隻帶子及半個牛油果，

今曰有個美好的假期啊！😁👍👍晚餐邀邻居朋友特到新開張不久的荃灣楊屋道73號地下的西餐廳一一Catee 來開怀暢談暢飲的呀！👏👏😁長方形狀的餐廳，極有酒巴式的設計，浪漫氣氛濃厚，每週還有摩術師及吉他歌手供娛樂、開心給咱客人們樂開懷的呀！咱們就開懷暢飲歡享食😁👏牛油果帶子沙律 ＄88圓好靚呀！顔色鮮翠綠的，中間那2只極大的帶子，肉厚厚，吃在口中嫩嫩的，在外觀上瞧，美得真像朵朵的花儿在盛放著的呀！那樣地美兼健康的沙律！👍👏👏啤酒炒蜆 ＄68圓蜆肉肉粒夠份量，肉貭也鮮嫩甜的兼那漂香的酒香！👏雙影帶子配黑魚子 ＄108圓外觀是那樣地美，白花花，肥大肉厚厚的，一半是煎過的，那是散發岀香噴噴的香味，另半是原汁原味的，那是鮮美甜的滋味，再加上黑魚子那鹹香味，更添加惹人更感好吃非常的呀！👍烤紐西蘭羊架＄158圓羊架都是肉厚嫩嫩夠滑的，七成熟足己夠好吃的呀！有秋葵，番茄仔，有黃綠色的青瓜同青椒係度，作配菜同是不錯呀！👏👍👏大蝦冬陰公意大利飯＄158意大利飯，有啲鮮味啲大蝦，又有牛油味那濃濃的香味極為重的，烟銀美味！龍躉魚柳 ＄218圓煎得非常👍👍👍的龍躉魚块，二大块，肉如此的厚呀！而且，無魚骨的，做得是那

嚟到呢間超級有情調嘅餐廳，叫左個二人餐，不得了，食到好滿足，前菜有奇亞籽沙律！食落感覺好健康炸三文魚蛋外脆內軟，外面嘅炸粉吾會好多，一咬落去就有啖啖三文魚肉！吾會好油膩，值得試下佢旁邊仲配有酸辣醬，食落就會更加惹味Hoegaarden啤酒煮蜆水準一流！先係飲到湯底有啤酒嘅香味，仲有蜆肉嘅鮮甜！而且顯肉粒粒都好新鮮，吾會有沙嘅情況出現，絕對食得過蒜香鮮蝦意大利麵！炒得好香口，而且每條意粉都夠入味，加上食落小小辣辣地咁，都好惹味！ 意粉來講軟硬度適中，易被所有人接受嘅口味！大蝦亦都有爽口嘅效果！威靈頓三文魚外邊用咗酥皮包住，酥皮好香嘅牛油味🤤配上半生熟嘅三文魚，好夾，完全無遺和感的！而且三文魚都好肥美，吾會有腥嘅問題！配菜仲有蔬菜等，減少油膩感跟餐嘅甜品就係紅豆綠茶蛋糕，不過不失最後仲有焗棉花糖朱古力都係必叫嘅，棉花糖下面嘅就係朱古力醬，焗完後棉花糖做到拉絲嘅效果！而朱古力醬又吾會好甜，配香脆餅乾食超正的，食完都吾會好甜膩，岩岩好

鐘意周圍食嘅我倆，喺荃灣搵食，又俾我地搵到個拍拖有情調嘅地方原來店面叫Catee是因為店主都是愛貓之人，店入面嘅擺設都有不少貓貓嘅設計，連店名logo 都係有個貓貓係上面，好特別咖店員好詳細咁介紹哩度嘅主打食物，哩度出名食魚的，而且價錢亦相當吸引，一啲都唔貴，嗌多幾樣都唔怕主打食物選擇多，哩度嘅小食都有好多款可以揀，而且如果夜晚想黎飲杯嘢，哩度嘅嘢飲種類都非常多！哩度bar tender 亦會好有心機咁樣幫你per your request 咁樣調酒一黎到就嗌左杯Oreo Milkshake，creamy 得黎又唔會太膩Good drink to start the meal! 先黎一個龍蝦湯，俾足料有龍蝦肉之餘，味道非常鮮味，湯底又濃郁好正黑松露薯條炸得非常脆，每條都炸到好香口，份量又多，食極都仲有牛油果帶子沙律，帶子大大粒配埋大量嘅牛油果，配上適量嘅沙律醬，份量調配得非常好新鮮又抵食主菜來了！烤羊架$158，三舊啖啖肉嘅羊架，配上薯蓉，車厘茄，秋葵仲有特製嘅薄荷沙津醬肉質juicy有咬口！威靈頓三文魚哩個真係無得頂哩度食魚果然係有水準！面頭包住嘅酥皮，薄薄地咁樣襯埋三文魚，新鮮又大

朋友極力推薦呢間西餐廳，所以今日放工就同老公嚟試試，果然唔錯，雖然舖面唔算大，但入到去感覺好舒服，適合情侶或者三五知己來聚聚。門口睇落有D酒吧feel, 原來真係有唔少cocktails 揀，仲有Happy hour 時段，5-8pm, 紅白，啤酒，cocktails 買一送一😊老公叫咗Stella, 而我就要咗杯Pina Colada,好好味，放工飲番杯，relax..😎三種唔同口味嘅麵包，我鍾意蕃茄味第一次食咁大條八爪魚，覺得硬咗少少，但沙律新鮮好味酒係煮嘅時候已經evaporate 咗，淨番啤酒嘅少少苦味係D湯到，別有一番風味。D蜆完全冇沙餐廳送咗呢個小食俾我地，伴酒一流😎煎得非常好，表面脆脆，肉質好嫰好juicy,伴菜都好好味一樣煎得好好，7成熟，好juicy, 薯蓉好香好好味奶凍portion 俾我想像中大，我地揀咗blueberry 味，食落真係啖啖果香brownies 個人認為硬咗少少今晚食得好開心，無論環境，服務同食物質素都好滿意

雖然我日常食嘅嘢係以中式餐為主，但係有時又覺得，久唔久食餐西餐都會係唔錯嘅選擇， 亦都可以咁講，我係鍾意食西餐多過中餐。同事生日，我哋就三條OL港女去咗呢間餐廳食晚餐，我哋當中有個同事嚟呢度食過話好正，所以就揀呢間，同埋呢間餐廳嘅氣氛都好正。煙三文魚蟹肉波波 $98，睇起上嚟好得意， 就係用煙三文魚包住蟹肉整成一個波咁樣，食起上嚟口感好特別味道都好好，真係好食。燒原條八爪魚粥足 $168， 條八爪魚腳又長又厚又大條，好彩就係燒得好嫩好香，切起上嚟都好容易切，食起上嚟又唔覺得硬，食起上嚟覺得好特別好好味。Hoegaarden啤酒煮蜆 $88， 蜆好鮮味仲好有hoegaarden啤酒味，我覺得只要係鍾意飲啤酒嘅話，應該個個都會鍾意食。烤西班牙黑毛豬扒 $148， 呢個西班牙黑毛豬扒好厚切，啲肉煮得好軟淋又爽口，味道又香，相信鍾意食豬扒嘅朋友都會鍾意食，我真係覺得好好味囉。Pina Colada $88，我哋三個女仔同時都係叫Pine Colada嚟飲，其實真係有咁橋？ 定係基本上好多女仔都係鍾意飲呢個飲品呢。

在荃灣楊屋道近如心廣場對面大馬路，有一間新開張的Catee歐陸式餐廳，見到餐牌當然是提供高級西式膳食餐款為主，比佢裝修用猫的主題同飾品吸引了視線。餐湯、沙津同餐包配送，叫了蒜香鮮蝦意大利粉，以幾雙大蝦及一些蒜頭粒紅辣椒蔥菜香茅等作配料，十分香味滋味，而在熱辣嫩熟的芝士粉調味意大利粉下，整條雜錦式意粉自然食過難忘。香煎龍躉魚柳伴香蒜牛油汁，龍躉魚柳食材佢煎得好味及高質素因少西餐廳找到。士多啤梨及芒果奶昔是以士多啤梨或芒果汁炮製的香甜味奶昔，自然入口清涼質滑解渴夾爽，飲過心都甜。

今日又同閨蜜去食好西，去到呢間真係唔識讀。Catee環境一入到去幾有情調，餐廳每張檯都有水中懸浮嘅蠟燭，昏黃的燈光映照下，配上背景柔和既音樂，加上各樣裝飾，瀰漫著浪漫情調，格外有情調，岩哂情人同朋友。 威靈頓三文魚扒伴刁草忌廉汁必食-酥皮，香脆口味，包埋威靈頓三文魚扒，魚扒煎到岩岩好，唔乾，肉質保持軟，加埋酥皮，脆上脆咁真係和味。而且除了三文魚外，仲有鵝肝，所以好rich嘅味道。酥皮包住火腿、鵝肝同半熟嘅三文魚。食材高貴，足料，烹飪方法奇特。 酥皮好有奶香，三文魚嘅火候啱啱好，鍾意食魚嘅絕對要一試！三文魚同鵝肝雖然邪惡但一次半次都無所謂啦⋯⋯義大利雲吞包住菠菜蓉，再配菠菜中和芝士鹹味，色香氣無得輸。香煎海鱸 慢熱煎熟的鱸魚聞起來香氣撲鼻，鱸魚煎得脆脆的魚皮和滑嫩的魚肉，澆上香濃的龍蝦汁搭配。OREO奶昔奶昔口感濃滑稠密，帶有濃濃嘅OREO香。甜品是紅豆配綠茶MOUSSE蛋糕甜而不膩。而且一層層都幾有口感同賣相感觀都幾好老闆同埋員工服務態度都好好，幫客人收拾同加水, 員工服務友善，服務質素俾個Like吖CATEE，可以encore

放完學同朋友行左一陣荃灣，近荃灣街市楊屋道附近有間具創意新派酒吧餐廳別樹一格，如果從荃灣西鐵站步行沿途大約行十分鐘左右便到達非常方便和清晰進入餐廳門面擺設具有特色，牆上佈置有蜘蛛網、骷髏骨人、油畫吊燈做裝飾品，在暗光燈火之下充滿浪漫氣氛，寬敞面積很優靜，有幾台食客，如情侶們在這裏享受一頓晚餐是最好不過！餐牌上食物選擇種類頗多，頁子上有酒精和non酒精飲品都完全適合各不同顧客所需，非常貼心！餐內店員有禮親切，熱情款待有問必答服務不錯我點選牛油果帶子沙律，牛油果份量以一個去核抽出果肉伴邊非常新鮮，青綠沙律菜上加入少許沙律醬點絕做冷盤好理想，雪白肥美帶子透白鮮明夠滋味，質感軟綿，肉質爽彈口感一流之後脆皮豬手即將上場，香噴噴豬手表面燒焦令豬肉外皮更脆咸咸煙燻肉嫩厚肉提煉出膠原蛋白質，令全盤賣面升温豐滿潤澤非常滋味！而我朋友食到興高采烈之際一輪接住一輪，烤紐西蘭羊架跟隨自己喜好幾成熟肉架也可(視乎個人接受程度),羊架烤得半生熟肉汁慢流而且毫無雪味完全食到停不了口尾聲煙三文魚蟹肉波波係我們最愛一環，份量以四粒卷成一個個經醃制調了味重魚温，賣相不俗，保留左魚質鮮香，下次有時間一定再前來

坐落在往荃灣地鐵行過去5分鐘便行到了消費滿＄100有小食增送這餐廳內坐位很大舒服，燭光晚餐都得，浪漫氣氛都有唔少情侶你撐枱腳，三五知己飲酒談心亦好正,總之境景很好，適合慢慢坐，把酒聊天！這餐廳是新開張，荃灣平民區價錢，中環裝修格局，很高貴，實在勝價比很高，我地一定會再嚟幫襯，主要係店務員服務態度十分之nice，而且佢地 cocktail 有推廣在Facebook打卡及liked 便可以每人贈送一杯,有好多款又靚又好飲的 Cocktail 我都好想試多幾款。Chi Ma Woo $68 （黑貓有乾花柸）創新口味芝麻糊糊溝雞尾酒有點似甜品＄68但係今次係免費有Brandy ,Bailey’s,芝麻粉,Frangelico 另一柸仲未有寫在menu 更加新款的口味，紅色珠珠食落口有少少甜，好飲特別，酒精味不多，我酒量淺，飲呢款好帶子好大粒，牛油果同菜都很新鮮店主很好消費滿＄100便送小食贈送都咁大碟炸銀魚很新鮮，同埋份量好多，佐酒小食必備，好味燒原條八爪魚， 八爪魚大大條，樣子很新鮮，入口鮮甜，一啲都唔老，啖啖肉，伴碟的沙律新鮮份量又多，我好鍾意食沙律，仲有燒車厘茄子又有維他命C，抵讚！威

呢到燈光暗暗再襯上枱上既小小蠟燭，坐係黑色皮製既座椅上,與鄰枱之間的距離寛闊，成個感覺好柔和輕鬆。先黎左前菜-燒原條八魚爪足。沙律菜、小蕃茄，面頭放上蠻大條的八爪魚足。八爪魚足未切開就已經聞到陣陣誘人的燒香味，表層薄脆，肉質煙煙韌韌。我飲的杯香蕉奶昔都唔錯,香蕉味夠濃夠綿滑。龍蝦濃湯，湯名多左個-濃-字，就真係我飲過最濃郁既濃蝦湯。另外一個前菜係煙三文魚蟹肉波波,煙燻味係淡淡的, 不會分薄了三文魚本身的味道,配上蟹肉後令味道更豐富。下一味餸係-烤紐西蘭羊架，因為我好鐘意羊肉，所以呢一味係我最期待既菜色黎。七成熟的羊架肉汁豐富，一咬開，肉汁即刻擠出黎，肉汁同肉香味填滿口腔。有薄荷醬可沾，不過我個人較喜愛原汁原味。薯蓉鋪底，有蕃茄、秋葵伴碟。餐廳向我地推介左一味- 香煎龍躉魚柳，龍躉魚十分香，鮮味濃郁，魚質尚滑，而且結實，唔會一夾就散開，有香蒜牛油汁用醬味。最後當然唔少得甜品, 芒果芝士餅質感唔差,夠厚實,吾會一咬就散曬。相比之下, 朱古力味奶凍好出色,月亮形的餐碟令甜品的造型加分不少,立體感十足,影相呃LIKE一流,味道都唔錯,夠滑唔太甜。

工作過後，沒有比大吃一頓更愉快、放鬆的事。路見CATEE環境不俗，故到此一試。1. 前菜：Grilled Whole Octopus Leg with Balsamic Glaze $168& Smoked Salmon Crab Meat Ball $98非常出色的前菜系列，這些款式於一般西式餐廳均沒有，屬心思之作。其一是以三文魚及蟹肉炸成的魚丸，店員大力推薦，確是出色。另一前菜則是燒原條八爪魚，新鮮惹味，口感煙韌。2. 主菜：Grilled Australian Rib Eye Steak with Barbecue Sauce $218七成熟的肉眼扒，火喉拿搉恰當，非以鬆肉粉醃製而成的扒類，肉味濃郁，相信自己買回家烹調這塊牛扒亦需過百元。3. 主菜：Pan Fried Grouper Fillet with Garlic Butter Sauce $218來到Catee，店員大力推薦魚類主菜，說是他們的招牌菜，當然不能不試。龍躉向來屬相對貴價的魚類，市面上的菜式較少煎烹調。由於材料新鮮，其配上簡單的蒜汁及牛油，已是相當出色。一口一口拆骨起肉的龍躉直接放入口中咀嚼，可謂幸福滿溢。飽