Cafe Zense

营业中

休息中

位於銅鑼灣謝斐道某商廈的Cafe Zense係一家主售西式食物的樓上Cafe。餐廳內的裝修以灰黑色為主調，型格有品味，户外亦設有座位，讓人感覺悠閒舒適，仲有免費Wi-Fi可以比顧客使用食物菜式都幾多元化，飲品嘅選擇都多不勝數，價錢又合理凱撒沙律碧綠嘅沙律菜好新鮮爽脆，凱撒醬伴得均勻，份量剛好。面上加咗大量芝士粉同煙肉碎，所以食落好香口Zense雜錦拼盤小食拼盤嘅內容好豐富呀，岩哂大人細路開心share！香草蜜糖雞翼烤得好香甜，雞翼肥美厚肉！蜜糖芥末雞柳燒到外脆內軟，加左香草去燒所以特別香口！招牌薯條好酥脆呢！紐倫堡腸肥美有肉香，好味道啊！All Day Breakfast呢度既用料比一般的全日早餐特別少少，除咗有基本嘅炒蛋、茄汁焗豆、沙律菜等等，仲有芝士奶油焗薯同蒜蓉包炒蛋好嫩滑充滿着蛋汁！千層焗薯好特別，每片薯塊都有奶油香，yummy！總括而言，食物質素幾好，服務態度都唔錯，同朋友飯聚的好選擇

人愈來愈大，同朋友出街都係想傾下計，了解大家近況同互相呻下生活唔開心！當然都有分享開心事啦！係銅鑼灣食飯，最好就係食完可以去行下街！睇下野！今次試下呢間樓上cafe!坐下傾下！舒舒服服！———香煎北海道帶子墨魚汁意大利飯———第一啖食落去就覺得好鮮味,唔似其他既墨魚汁pasta咁 得個色又冇咩味或者怪味呢個好好食!有驚喜!帶子又大大粒又厚肉 口感好爽🤩製作需時，但絕對係誠意之作!———芥末籽忌廉蟹肉雜菌意大利扁麵———雜菌pasta一直都係清新嘅代表,今次啲蟹肉用上濃厚嘅雜菌汁配搭味道幾襯之餘又唔會膩!菌味濃厚，啖啖都有雜菌肉!雖然加有芥末籽 但係唔重芥末味,幾鍾意隻扁麵testure 軟硬適中!值得推介既一款pasta! ———————水牛城雞翼———————-辣辣地既雞翼配上黑醋沙律食落幾fresh!醬汁好濃厚 味道出色👍🏻鍾意濃味多汁既要試下!總結： 呢個價錢有呢個質素都合理,Cafe有室內同室外,要文青有文青 要氣氛有氣氛 ,一入到去就覺得好有heart! 呢度同朋友傾計一流👍🏻

都係衰同一個問題: 太嘈。他們的 smoothie都算好味。點了一個紅豆豆腐smoothie, 不太甜，雪打得都滑。但明知自己有攪拌機，係咪應該做d隔音呢？！來 cafe的人想詩詩文文講野都唔得。。。點了 Buffalo wings, like! 因為用了是拉差醬。少有。酸酸辣辣，有 California Cafe d style.點了蛋黃醬薯條，用原隻薯仔切，條條夠長，炸得唔油，good.再多了個蟹肉linguini, 麵質都 ok, 白箘汁唔多，所以食得唔膩。整體good.個地方是得安靜 style, 但可惜實情好嘈。希望可改善。

咖啡控的我；愛周圍探索的我，很喜愛四圍尋找咖啡店。這裡位於商廈內，有室內及戶外座位。很想在戶外感受秋風，可適滿座。室內也不錯，只是攪拌器的聲音略大。而食物方面真的很美味😍Red Bean Tofu Smoothie 😍十分美味！嚐了幾口忍不住再飲喔😜（不是我點那杯）我點的是Back Sugar Ginger Tea$48Buffalo Wings$68惹味十足😋驚喜！實在美味至極！$58真低食！Crab & Mushroom Linguine$118也不錯意粉彈牙😋整體而言，我很喜愛這裡的食物。如服務更專業真的「冇得輸」

之前見朋友吃飯post靚相出來，無論餐廳擺設及食物一看已令人❤❤眼。 我即時訂枱，也想來感受一下。 餐廳位置也十分方便，由銅鑼灣地鐵站只需行幾分鐘就到。 餐廳分為室內及戶外。 室內裝修清雅，而且每張枱之間也有一段距離，令人感覺舒適不拘緊。 戶外坐位兩旁也放滿植物，令到人份外悠閒放鬆。 星期二weekday 也full house 抹茶豆腐 smoothie第一啖飲，感覺抹茶太濃味道帶苦澀。 但再飲，又開始慢慢品嚐到豆腐淡味。 拌勻後，味道又剛剛好。鹽燒厚切牛脷燒至表面焦香，內裏仍軟綿。 把牛脷厚切，增添質感，愈食愈停不下來，一下子吃光光。香蒜煙肉辣椒蜆肉意大利粉好豐富配料黑松露雜菌薄餅鋪至滿餡料，黑松露味香濃餅底又香脆。脆焗蘋果金寶熱騰騰蘋果金寶，加上冰冷雪糕，美味甜品組合。

相約多年不見既好朋友相見，黎到呢間環境清靜簡潔既cafe傾下計！！剛好我地張台位置比較靜，最岩詳談啦！本身想叫個燒春雞，但一黎我地已經好晏先到，加上呢間既燒春雞又好好賣，所以今日雞無哂貨喇！咁唯有叫個「All day breakfast 」$128「有煙三文魚、煙肉、紐倫堡腸、香滑炒蛋、茄汁焗豆、香草炒雜菌、蒜蓉多士、千層焗薯」炒蛋超嫩滑，千層焗薯超正，厚厚又濃郁既芝士，芝士控既我超鍾意食！意式香草茄蓉大蝦魷魚扁麵$128超濃郁既茄汁甜甜帶微微酸十分開胃扁麵軟硬適中好有咬口大蝦大大隻爽口彈牙香草蜜糖雞翼$68蜜糖唔會太甜雞翼煎得嫩滑香口

好久沒有約好友見面，今晚朋友介紹這間餐廳便約來這裡聚舊。餐廳位置在銅鑼灣廣場附近，也挺隱秘的。我們預約了6點半的座位，時間尚早故人還是不多，但愈晚便愈來愈多人來，最後更滿座了。餐廳有個戶外的座位，非常有情調，現在天氣轉涼快了坐在那邊一定挺舒服，但朋友還是怕熱便坐到室內的位置。餐牌不是很複雜，每個種類都有幾樣選擇，很快我們便下好決定。這個醬汁調配很好，蕃茄味與辣味並重，雞翼也炸得更好，雞肉很嫩滑。磨菇及黑松露一點都不吝嗇，醬汁做得很好，非常好吃，而且吃多也不會膩👍🏻帆立貝燒烤過後特意留著半熟的狀態，這樣更帶出鮮甜，意大利飯也做得很正宗，非常好吃。本來已經吃飽，但是想著再坐一會聊天便點了甜點，這個與一般吃過的pancake不一樣，餅皮比較薄，上面配著朱古力醬、焦糖香蕉及雪糕，這個配搭根本不會輸，本已吃飽也大快朵頤吃著😍整體來說，這裡絕對會推薦朋友來，餐廳無論食物及環境都很優秀❤️而且這麼用心的餐廳也愈來愈少。

男朋友今日喺赤柱收工，我地就約好喺銅鑼灣食完晚飯，再去睇戲。喺銅鑼灣，來來去去都係食嗰幾間野。男朋友話有d悶，不如試下食間未去過嘅餐廳，所以黎左呢間Cafe Zense。我叫嘅係意式茄蓉煙辣腸長通粉（$108）個辣度恰到好處，食落好滋味！男朋友叫嘅係全天候早餐（$128）都幾大份，男朋友最buy入面個炒蛋，炒得又滑又香！我地仲叫左份招牌芝士薯條（$58）薯條即叫即炸，點埋芝士醬邪惡得黎又好味！飲品方面，男朋友飲嘅係青檸梳打（$40）而我就飲士多啤梨芒果沙冰（$48）喺銅鑼灣鬧市中嘅樓上cafe，好多時都好多人同好嘈吵。但呢到坐得幾舒服，staff服務都幾周到，可以同朋友靜靜地坐低飲杯野傾下計！

銅鑼灣一向都有好多樓上 cafe , 花多眼亂今次揀左cafe zense 位置位於銅鑼灣廣場後面, 一蘭個條街既商業大廈上面, 位置好好搵環境上到去餐廳勁大, 分開左: 室內同室外用餐區我地揀左室外, 好有feel 望到對面的工廠大廈, 仲有 sofa 位, 好chill 而家係秋天都有小小焗, 不過有冷風機,  所以變得好涼爽室外屬於吸煙區, 好在我地去到冇人食今次叫左: 招牌芝士薯條薯條香脆, 芝士仲係熱加, 好好味忌廉雞肉意大利飯伴火箭菜- 黑醋汁👌rissoto 米粒粒粒分明, 黑醋汁令飯冇咁heavy, 不過火箭菜略縑唔夠新鮮海膽卡邦尼依個係我期待已久既卡邦尼本新我個人好中意食海膽, mix 埋 carbonara 會點? 海膽係撈埋落意粉, 加上濃濃蛋黃同白汁, 好滿足焦糖燉蛋好creamy再加上bailey提味, 上面有脆脆焦糖唔黎食野都可以靜黎飲下野, 傾下計, 好有feel 又靜靜地

今次係朋友仔介紹黎 cafe 環境吾錯 有室外同室內成個環境都好適合傾計 同一大班人聚下飲杯野 傾下計今次叫左杯鮮奶末茶芝士薯條同埋忌廉蟹肉雜菌意粉芝士薯條沾芝士醬薯條係新鮮炸 所以好脆而且本人好鐘意粗薯條 醬亦吾會太膩而且係足一桶 之前有部分餐廳係塞左野墊高 並吾足一桶蟹肉意粉 醬汁好好食比較少有同特別份量亦好夠意粉亦有口感鮮奶抹茶 鮮奶好滑 茶味濃本身想叫多杯 哈哈 但夠鐘交枱了

今晚順路接另一半下班，食完晚飯才回家去罷!另一半曾與同事來這間樓上舖食 Tea，還說下午坐在露台位置，感覺也不錯；這晚與我來食Dinner, 看到露台外已有兩枱客人，枱上還擺放了紅酒，靜靜地傾談與對飲，讓繁忙生活暫時停下，寫意的過一晚，又是一件樂事。芥末籽忌廉蟹肉雜菌意大利扁麵$118雜菌混入忌廉煮，再加芥末籽與蟹肉，濃汁剛好掛在麵上，芥末散發微香，雜菌的味更香，扁麵煮得不好會太硬或過淋，這碟煮得剛剛適中，味道也適中，食落不會覺不夠食。巴馬火腿火箭菜比薩$148薄餅底，佈滿巴馬火腿，中間放了火箭菜，還加上點點黑醋，初時擔心會過鹹，但這款巴馬火腿並不太鹹，餅底脆脆，伴湯食更理想，我們點漏了。德式班戟伴冧酒脆糖香蕉•朱古力碎 $88沒想過班戟連煎鍋原個放入焗爐內再焗，整個煎鍋是熱騰騰的，熱辣辣加凍冰冰成強烈對比，忌廉與朱古力碎放了一會開始溶化，香蕉應該也焗過，是暖的，香草雪糕是凍的，進食時還有點點的酒香味，如餅底可以鬆化一點，就更好味！

估佢唔到，鬧市入面居然有間咁chill 既Cafe揾左好耐，位置都有啲偏僻，原來係銅鑼灣廣場二期後面。入到去見到靚到嘩一聲，座位好闊落，尤其係佢既卡位，設計行簡約風，比人一種乾淨舒服既感覺，淨係影個境都呃到唔少Like野食種類講真唔算多，但基本Pizza, pasta,dessert 同Salad都有齊，算係咁，價錢係正常範圍叫左芥末籽忌廉蟹肉雜菌扁麵，雜錦拼盤，曲奇豆腐沙冰同百利甜酒脆糖燉蛋芥末籽忌廉蟹肉雜菌扁麵擺盤有心機，雜菌同蟹肉比得好手鬆，啖啖都食到，而且忌廉sauce 冇我想像中咁膩，兩個人share,份量都足夠喎扁麵口感好彈牙，令個pasta 錦上添花雜錦拼盤當你樣樣都想試，但又冇咁大個胃或者咁厚既銀包，叫呢個啦有四款野食，比你樣樣試啲，有香草蜜糖雞翼，蜜糖芥辣雞柳串，薯條同紐倫堡腸！蜜糖雞翼外皮脆脆，而且蜜糖汁甜而不膩，食落仲好juicy薯條我自己食晒大半份，因為真係停唔到口，佢唔算好粗身，但炸到個面微脆，咬落又好軟熟，有薯蓉既口感，正宗外脆內軟，仲要份量係多到你可以淨食薯條都飽紐倫堡腸都係有蜜糖汁，甜甜鹹鹹，味道好有層次蜜糖芥辣雞柳串，蜜糖味重，搶左少少芥辣味風頭，但味

朋友推介呢間cafe，上星期我就同男朋友黎左試！一打開Cafe Zense的餐牌就好驚喜，有好多好特別的選擇我地叫左三樣野:香煎北海道帶子墨魚汁意大利飯帶子總共有三粒，size 幾大，而且都煎得好香，咬落表面真係好香脆而且好鮮甜，墨魚汁感覺唔算太濃，有助意大利飯唔會太鹹又保持鬆軟鹽燒厚切牛脷呢個小食好驚喜，因為牛脷好大塊，肉質好肥美，一咬落去真係啖啖肉，而且鹽燒所用嘅香料都好香，口感一流。㤗式冬陰公大蝦意大利麵第一次聽到有冬陰公配意大利麵，整體好特別，味道配搭得唔錯，有冬陰公嘅酸辣更加帶出意大利麵細緻口感，大蝦帶住冬陰公嘅味道更加可口。強烈推介呀！

約咗一大班人想傾吓計，但係而家好多地方都會催人交枱。所以有朋友就介紹我嚟呢間Cafe度食嘢兼吹水。為咗確保自己真係可以喺度吹水三個鐘，打去訂枱時我已經開宗明義。結果負責人就要求我哋每人有最低消費，咁就會確保我哋可以喺度吹水三個鐘不被打擾。呢度嘅食物都係有heart 去準備，但係我覺得啲飲品就可以再有進步嘅空間（例如朱古力的味道較淡）。不過醉翁之意都係為咗傾計，而呢個環境又真係令到我哋覺得好舒服。唯一嘅建議係，如果佢可以提供下午茶餐會更加理想！

工作上嘅忙碌，家庭上嘅鎖碎事，實在令人抖不過氣，所以每當星期六日我都會去尋覓美食，治療心靈，讓自己輕鬆一下，但要在這繁忙嘅都市找一間環境靚、食物質素高嘅餐廳不易，慶幸身邊朋友多，今日就在朋友嘅帶領下，來到銅鑼灣的Cafe Zense。Cafe Zense嘅環境完全無得挑剔，有室內同室外，室外嘅設計有如空中花園，多顆綠色嘅植物圍繞著，坐在藤椅上，挨著咕臣，看著微暗嘅燈光，置身這環境，即時輕鬆幾分 ; 室內完全是另一種感覺， 無論是牆身、裝飾、枱櫈、地磚都以白、灰色貫穿整個餐廳，給人一種高雅、時尚、潔淨嘅feeling，加上播放著現時流行嘅韓式樂曲， 坐在這一片綠洲，真的不想離開。Cafe嘅環境是美好的，食物嘅味道更令我喜出望外。泰式冬陰功大蝦意大利麵($108)大蝦有四隻多，鮮甜爽滑，而冬陰功與意大利麵配合原來係咁夾嘅，集合了酸、辣、甜、鮮同香，可以說是五味俱全，在這天氣稍涼時，吃這個既開胃，份內飽肚又暖身。意式香草茄蓉大蝦魷魚扁麵($128)番茄酸酸甜甜嘅味道，加上海鮮嘅香，味道可口，賣相吸引。蜂蜜鮮奶抹茶($44)濃濃既抹茶與香滑鮮奶完美地融合，滋味濃郁厚實，加上用了蜂蜜，其甜蜜嘅滋