Cafe Zense

营业中

休息中

星期三永遠都係最艱難的嘅，唯有食好嘢去慰勞下自己啦。今日兩口子黎到銅鑼灣，想搵間環境唔錯嘅餐廳靜靜地食個飯。誤打誤撞下係Openrice搵到Cafe Zence，都算有一個意外收穫。同其他cafe一樣，餐廳設計都係行優閒路線。但不同嘅係，餐廳有個大平臺，比客人用餐時多個選擇，可惜我另一半怕熱，如果唔係喺出面食都應該幾寫意。🥂Caeser Salad估唔到麵包粒是餐廳新鮮焗的，入口香脆鬆化。生菜幾新鮮並且好平均地沾滿了沙律醬。在芝士同煙肉碎嘅點綴下，令到平凡的Caesar Salad都變得非常高質！🥂白酒忌廉青口煲入面放滿都新鮮青口，大概有成20-30隻青口。白酒忌廉依個配搭唔錯，酒味唔太濃、幾易入口之餘亦都好味。份量咁多都係138蚊，實在抵食。🥂黑松露忌廉意大利粉黑松靈忌廉sauce 固然香濃味美。意粉的軟硬度適中，口感不錯。🥂Apple Crumble最愛甜品之一！依果甜品係即叫即製，所以要就返時間早少少落單。上碟果刻都已經流晒口水，不但有肉桂香，而金黃色嘅外層加埋大大球雪糕更加係十分吸引。食落口好香脆，超美味！食咗四碟好野，埋單約四舊水，非常超值！

係驚喜啊！個價錢好吸引喎🤩！個環境好舒服，銅記人來人往，搵到個relax嘅地方的確好唔錯，有室內位同戶外位，最大可以坐到八人（應該係），啱我呢啲OL仔同同事開八婆會。啲嘢食幾吸睛，如果要打卡非常ok。飲品list多選擇，同埋幾有創意。黑芝麻豆腐=芝麻糊沙冰，半creamy半冰。香草蕃茄蝦意粉個醬真係勁出色！食唔到係咩香草，但極香，而蝦中規中矩，合情合理。甜品係女人條命～前面係Rum Crème brûlée，我覺得個酒味好出，但朋友話食唔出喎～後面係德國pancake，幾有咬口～個焦糖蕉好正，好有心機，香蕉朱古力雲尼拿雪糕天生絕配，無得輸。呢個地方好正，好舒服，旺角嘅價錢有呢個feel，值！

而家西式既餐廳有好多, 可以做到好出色既好少, 呢間係我近期去過既餐廳入面, 覺得食物可以再encore既一間餐廳 芥末籽忌廉蟹肉雜菌意大利扁麵近望會見到一粒粒既芥末籽, 佢唔係一pat pat醬咁樣, 佢係炒既, 但一啲都唔油麵質幾好, 唔會太淋同太硬, 有少少爽身我好鍾意。扁麵上面有好多蟹肉, 完全冇偷工減料, 撈埋黎一齊食, 每啖都有蟹肉, 真係幾好味Zense 雜錦拼盤 (香草蜜燒雞翼 蜜糖芥辣雞柳串 招牌薯條 紐倫堡腸)呢個拼盤係估唔到咁好食啊～有驚喜！佢份量都好多, 雞翼有3隻, 表面塗左蜜糖, 然後燒過, 咸咸甜甜, 好味。雞柳串有2大條, 每條都有2大塊雞柳, 外面有蜜糖芥辣醬燒過, 入面重有少少肉汁, 唔係普通燒到乾哂果種雞柳, 同出面係唔同架～好食啲！薯條唔係好粗果種, 但十分脆～少少咸, 熱氣野係好好食的, 哈哈！紐倫堡腸有2條, 唔算好特別, 但煎到金黃色, 有心機, 唔錯德式班㦸伴冧酒脆糖香蕉 朱古力碎 食晚餐點可以唔食甜品呢～ 呢個班㦸熱辣辣, 即叫即整, 同上面雪糕&香蕉一齊食, 一冷一熱, 好過癮 呢間餐廳食物好食, 空間唔算大, 但環境幾好, 重可以坐

每次諗唔到去邊度gathering，就會book cafe zense ，雖然地方唔算大，但係六至八個朋友一齊，佢都有一個卡位容納到，環境算係幾好，鍾意食煙嘅朋友可以坐outdoor seat，呢度嘅食選擇到足夠，有意粉有pizza有小食，整體嘅味道都好正。嘢飲方面嘅選擇就眾多，有沙冰，有大量唔同款嘅咖啡，又有tea pot等等，仲可以滿足到鍾意飲酒嘅朋友，有手工啤，有紅、白酒。最重要係佢唔限時，完全係吹水嘅好地方。

在銅鑼灣這個既繁華又擠迫的鬧市山，要找一間可以久坐的餐廳並不容易。cafe zense 內的裝潢高級，光線柔和，又帶點文青氣息而且沙發上還放上了不少的靠墊，讓我們可以放鬆心情，好好享受與友人共度晚餐的時光。食物和飲品種類也不少！店員的服務很好很親切！我們一共點了兩碟主菜和兩杯飲品。第一道主菜是忌廉雞肉意大利飯半火箭菜黑醋醬。黑醋醬的酸味刺激食慾，而忌廉和意大利飯則能增加飽肚感，配搭令人倍感新鮮。另一道菜則是煙三文魚蒔蘿檸檬忌廉意大利扁面。忌廉汁減淡了煙三文魚的咸味，令到整碟菜的鹹淡適中，使我們都吃不停口。最後我們點了青檸梳打和曲奇朱古力沙冰。一杯不會太酸，可以解膩，清爽！另一杯亦不會太漏，甜度合適，都很好喝。

銅鑼灣有很多樓上cafe, 任何主題都有, 但有時總嫌地方細, 也比較嘈吵, 剛巧朋友介紹Cafe Zense, 環境清幽寧靜, 並有一個很適合談心的戶外露台, 很適合情侣和閨蜜約會. ​這天跟我約會的當然離不開小女兒, 一踏進店內, 感受到那股閒靜, 我已千叮萬囑女兒不要大聲喧嘩, 怕影響到其他客人. 幸好這天小女心情好, 一直也很合作. ​室內的設計有北歐的簡約風情, 每枱也點綴着鮮花, 氣氛優雅​戶外空間大, 配上昏黃燈光, 感覺很relax和有情調, 如天氣涼一點跟友人在這裡喝喝酒, 風花雪月, 確實是很享受的事.​空間感也充足, 絕不焗促​牆邊種了不少花草, 綠化設計讓人有更放鬆的心情.​到樓上Cafe, 飲野是重點吧! 先點幾杯飲品~Tofu Smoothies 幾特別, 點了一杯抹茶豆腐 ($52)一試. 口感和賣相似沙冰, 並不是很綿軟的質地, 卻是帶點沙沙的口感, 抹茶加上豆腐, 配搭清新, 最重要是不太甜, 清涼解渴, 更帶點麥芽的味道, 相當回味.​白桃梳打 ($42) 梳打夠解渴, 美中不足是帶點藥水味, 但幸好不算太甜, 攪勻了淡淡地透心涼也不錯.​桂花茶 -

個人推介指數分8(10分為滿分)- 在香港, 很多人在市區想找個寧靜的地方好好享受, 好像是很奢侈的事. 樓上CAFE 可能是一個好選擇, 但要找一所地方又舒服, 食物質數又高的準是不容易, 有時只能靠彩數. 這所店子不論環境和食物也有很高的水準, 最重要的是平日人流不萛多, 又沒有時限, 你和你的飯腳可以很自在的享受美食. 是晚和太太出外拍拖, 本人一早問了友人, 介紹了一所坐落在銅纙灣的樓上CAFE, 友人保証今晚我可以好好享受寧靜.這裡的位置很宽敞, 坐位也很舒服, 室外的環境更是有情調, 只可惜是晚實在太熱, 如果在冬日來這裡, 坐在外邊, 很是浪漫. 今晚太太說有點肚餓, 我們就發揮吃貨本領, 好好大刷一餐, 以答謝太太平日照顧小囡的辛勞.先來的是兩柸味道非常捧的沙冰, 前者是綠茶加豆腐, 味道有點像維他奶, 中間滲出點點綠茶的甘味. 飯罷會有點飽肚.後者是清新的熱情果芒果味沙冰, 每一口也有新鮮開胃的香味, 芒果和熱情果實是絶配,完全能夠增加食慾.有這麼好的環境, 當然是慢慢品嚐美食啦, 首先吃點小食, 再和太太談談情.這個招牌芝士薯條其實是為我而設, 作為芝士控, 拿着香

在銅鑼灣繁華既心臟地帶可以享受到用餐寧靜既餐廳係極之罕有，CAFE ZENSE 係其中之一。這間餐廳設有室外用餐，透風設備相當足夠，即使在炎熱既夏天都唔會覺得侷促。我地選了室內位置，店主刻意將燈光調暗，播放治癒既Jazz 音樂，整個氛圍好舒適。當晚點了芥末籽忌廉蟹肉雜菌意大利麵，煙三文魚雜菜沙律，蜜糖醬燒雞翼。我地花左唔短既時間最後先選擇到以上三樣，因為餐牌上無論食品或者飲品。都實在有太多選擇。先講芥末籽忌廉蟹肉雜菌意大利扁麵，以往從未試過芥末籽既我，今次出奇地有驚喜。磨碎了既蟹肉加上粒粒芥末籽大大豐富左我既口感，而且忌廉汁香濃，每條扁麵完全被醬汁滲透，但食完一整碟都冇好滯胃既感覺。至於煙三文魚雜菜沙律，亮點在於夾雜酸甜味既自家製日式沙律醬，配上新鮮沙律菜完全係開胃之選。而呢個蜜糖醬燒雞翼係我至愛，佢既特別之處係每隻雞翼都做到外脆內淋既水準，香甜既蜜糖完全透過金黃既表皮滲透入雞肉裡面，極之入味！！最後不得不讚呢個甜品－焗榛子朱古力牛角酥布甸。呢個甜品完全符合色香味既優點。賣相吸引，侍應拎上黎時已聞到牛角包香味，一咬落去完全達到多層口感表面十分鬆脆，牛油味好香，裡面既布甸好有海綿既感覺，

CWB雖然有好多餐廳，不過就唔係間間都好食，而且想搵間清靜少少既餐廳都唔係甘易。呢間Café Zense係樓上舖，所以空間大D，坐得舒服D，而且人又無甘多，想同朋友坐下傾耐D都無問題。Buffalo Wings $68先黎食個小食先，水牛城雞翼個靈魂當然係個醬到，呢到既醬辣味都幾重，但唔會死辣，係好惹味好香果種，喜歡重口味既朋友一定會鍾意。Penne with Chorizo & Mushroom in Tomato Sauce $108好怕D意粉汁太稀掛唔到上意粉到，呢到就無呢個問題，D茄汁掛哂係長通粉上面，加埋少少辣肉腸既香辣吊下味，味道就豐富，同多D層次喇。Zense Breakfast Combo $128Big breakfast看似簡單，但要整得好食其實一D都唔易。呢到既big breakfast真係超有heart，個法包係岩岩烘好，脆到不得了，而個bacon係煎到無哂油，勁crispy，個焗薯係一層層薯仔，加埋Cream甘焗，雖然細細件，但其賽都好花心思，而家睇番都好想上去再食。Sesame Tofu $52Smoothie係好飲，但都好唔健康，所以呢到有個健康D既選擇，

朋友相約一同前往銅鑼灣行街睇戲食飯， 行街睇戲睇上半段已經做完，當然就去到食飯時間， 今次食飯完全由朋友安排， 朋友一早已經訂好曬位， 如果唔係一早訂定位， 喺咁熱嘅天氣就要坐室外。ZENSE 雜錦拼盤，香草蜜燒雞翼，蜜糖芥辣雞柳，招牌薯條，紐倫堡腸。 佢只係啱啱好夠兩個人食， 因為每樣個份量都比較少，但係就可以每種唔同食物都試一試，令我覺得最難忘嘅就係芥辣雞柳，芥辣味少少辣但係又帶有蜜糖嘅香口，味道都幾複雜。西班牙海鮮飯， 全晚嘅重點， 海鮮足料， 味道甜甜酸酸， 又帶點鹹味， 喺香港嚟講都叫做幾出色，但係最大問題一個飯都係二人份量， 如果大食嘅， 可能要叫多啲。價錢上面唔算特別貴， 算係正常水平， 如果唔係太肚餓，又想舒舒服服咁搵個地方，都會考慮再來。

CWB 樓上西餐廳，入大廈時條街有d暗。上到嚟用黑色、木、雲石design，有室外同室內座位擇！田園沙律加配煙三文魚日式麻醬做汁，幾驚喜，好熟悉既感覺！我地以為係黑醋依類西餐比較常用既汁！沙律菜種類多既，大大份量咁！煙三文魚玫瑰花形狀，唔係太煙，但都接受到，係扣少少分啦。整體感覺健康，幾好，接下來食creamy野岩哂！一清一油d都無問題！芥末籽忌廉蟹肉雜菌意大利扁麵洋蔥粒、芥末籽同蟹肉痴住意大利扁麵。雜菌都好痴忌廉，無草青味既！芥末籽香而不辣嫁，幾特別。有洋蔥帶歸，忌廉都唔會太油。意大利扁麵就不過不失，但份量ok！香煎北海道帶子墨魚汁意大利飯北海道帶子有d厚度嫁，有d生生地嫩d！好滿墨汁，成口都係黑色，哈哈。依個都飯量多，夠飽嫁！舊叉電插toilet key，幾得意。

餐廳而木及黑色為主，夠型格又舒適，有室內和室外。室內望到小吧枱，餐廳內有卡位又有cushion坐得舒服。白酒蒔蘿忌廉藍青口 $138青口大大隻，好creamy,肉味鮮甜！冬蔭公大蝦意粉$108，有幾隻大蝦，彈牙爽口，醬汁微辣。海鹽燒牛舌$78，超驚喜，大過塊牛排，而且肉質結實，用黑椒調味燒，好惹味夠香口。紅豆豆腐沙冰$52，口感軟綿綿，味道十足十紅豆雪條帶點豆腐豆香。露台還有幾張枱，環境都好chill 。

最近朋友推介我去一間咖啡店食嘢，地點唔算太就腳，不過都係銅鑼灣區，所以都唔遠得去邊。係商業大廈裏面，地方唔算難搵，基本上一出lift就會搵到間餐廳。啲價錢都算適中，我真係估唔到呢間咖啡店啲嘢咁好食，一定要試吓！（推介×10,000）芥末籽忌廉蟹肉雜菌意大利扁面$118最正嘅就係芥末籽、忌廉、蟹肉同埋雜菌全部都好平均咁分布喺個面度，所以驟眼睇以為佢乜都冇，其實已經落足料。所以每一口都有好香嘅芥末忌廉同埋唔少蟹肉喺裏面，同時間扁面質感大少少煙韌，有口感。黑松露雜菌pizza$138Pizza又係超級正！本身見到其他Pizza係三文魚同埋今晚火腿都驚中伏，所以就揀黑松露應該正常啲，黑松露味道平均分配而且表面啲芝士味道香濃，又不會搶去黑松露的風頭，最重要的是餅底不會焦，薄薄一層餅非常香脆質感超卓。招牌芝士薯條$58招牌芝士薯條芝士同薯條分開，用唔用任君選擇，個芝士味好濃郁香十足，配搭雪條食都咪話唔飽肚。薰衣草花茶$58食咗咁多味道濃嘅嘢，飲番個薰衣草花茶，本身以為佢都會係落茶包，因為我見其他鋪頭都類似落茶包。佢呢個薰衣草味好濃郁係因為佢真係用咗好多薰衣草茶葉，因為太濃郁可能會苦澀，都好貼心咁預

呢間cafe d位唔會坐到好迫，都幾舒服，佢仲有露天位置可以俾食煙既客人坐，都做得幾周到🤗🤗海膽溫泉蛋忌廉意大利麵，呢個味道一般，不過個意粉煮得幾爽口，溫泉蛋時間岩岩好唔會熟得濟👍🏻👍🏻👍🏻水牛城雞翼，好惹味，個汁超正，辣辣地，不過咸左少少，可能濃味啦🤪芥末蜜糖雞柳串燒，個味超正，燒得個皮好脆好香口，但入面又好juicy好嫩滑，有少少黑椒令到有dd辣，再加埋蜜糖真係可以encore👍🏻👍🏻👍🏻一杯係凍薄荷朱古力，一杯係本地生啤，飲落好香花果味，好岩女仔飲，幾特別，可以一試，不錯👍🏻

呢間cafe好高質，講緊嘅係好好食嘅食物，真是超乎了cafe的水準值得一提。 不過服務就爭少少啦！我們先點了一份香草蜜燒雞翼$68， 外皮燒得乾身，內裏的雞肉非常嫩滑，味道甜甜地，不會太鹹。另外點了一份海膽溫泉蛋意大利麵$148， 幾乎是每一條義大利麵條都沾了海膽汁，每一口都吃到海膽味，對於海膽控來說是一個 不錯的用餐經歷。飲品方面點了一杯曲奇豆腐$52，平時飲到嘅奶昔好重牛奶味，但係呢間飲到的是豆腐，味非常嫩滑，有口感，不過曲奇味就爭少少唔算好濃。最後食咗一份德式班Cake伴冧酒脆糖香蕉，朱古力碎$88 ，班戟嘅皮煎得好薄加上原條香蕉、忌廉和雪糕， 帶一點點淡淡的冧酒味，為晚飯畫上一個完美的句號。