Cafe Zense

营业中

休息中

前陣子都好喜歡吃中菜，今次就介紹一間位於銅鑼灣既西餐廳啦！😀餐廳主要走簡約白色風，餐桌上又擺放蘭花，環境優雅😍餐廳有分室外室內，今次我們就坐在室內，坐位之間都很寬敞，感覺舒服😚🐶ZENSE 雜錦拼盤(香草密燒雞翼、蜜糖芥辣雞柳串、招牌薯條、紐倫堡腸)$138先講份量，呢個拼盤都幾大，最鐘意就係個招牌薯條，粗薯條炸得夠乾身香脆紐倫堡腸煎得好香身，好惹味，雞翼和雞柳肉汁豐富，最值得讚是成個拼盤即點即炸，所有食材都熱辣辣好新鮮🤩🤩🐶意式香草茄蓉大蝦魷魚扁麵 ($128)呢個扁麵煮得好好，先講個汁夠晒入味，大蝦同魷魚都好新鮮扁麵煮得剛剛好，味道濃郁，好味😚😚朋友生日特意點了個🐶Apple Crumble ($58) ，餐廳很用心，沒想到會在甜品上插上靚靚生日牌呢款甜品真係超讚！一份量好驚喜，係我食過咁多次最大份的Apple Crumble即叫即製，熱辣辣香噴噴上枱，新鮮焗起的蘋果粒和麵包碎粒超香脆又入味😋😋加上個雲呢拿雪糕伴吃，好有層次，好好味！👍🏻👍🏻👍🏻

今日和J食lunch, 我和她都想靜靜地傾吓計，結果她帶左我來Cafe Zense, 頗喜歡這裏的環境，座位算多，但很舒服，坐在透光的大玻璃旁食lunch, 心情特別開朗！Set Lunch價錢由$108-$138, 包精選餐湯，沙律，主菜，Coffee or Tea, 其他飲品跟餐可以半價優惠!和風芝麻手撕雞沙律~沙律菜再加上嫩滑的手撕雞，配埋酸酸甜甜的沙律汁，好開胃！南瓜湯~南瓜湯南瓜味香濃，加上少許蕃芫荽更清新可口！烤慢煮豬柳伴千層茄子/紅酒汁$138~ 豬柳因為用慢煮嘅方式，所以肉質好鬆軟，還keep住肉汁，一D都唔嚡！ 薯蓉薯味和牛油味香濃，好滑好綿！千層茄子內加芝士一起焗，配紅酒汁，好惹味！松露芝士忌廉汁野菌通心粉$108~除了有芝士，松露和野菌的香味，蒜味亦非常濃郁！醬汁非常creamy滑溜，個人認為配通心粉比意粉更勝一籌，因為口感會比較light, 一點也沒有膩的感覺，好正！熱情果芒果沙冰$48(跟餐半價)~充滿熱情果和芒果的香甜味，酸酸甜甜，冰冰涼涼，在這炎熱的夏日加添了一分涼意！玫瑰花茶$58(跟餐半價)~香濃的玫瑰花香，再加上甜蜜蜜的蜜糖，令人心花怒放，心情特別

好耐無去cafe撐下抬腳了🤥見呢日有off就帶👦🏻去食Cafe ZenseWeekday lunch menu成日都會轉👍🏻唔怕食到悶————————————————————1️⃣龍蝦汁燴海鮮配法包 $138 lunch set (4/5)賣相好靚👍🏻龍蝦汁好夠味，唔會苦。海鮮種類有魷魚，青口，三文魚扒！三文魚扒就乾左少少，魷魚好新鮮🦑法包得兩小片，烘得好脆💕-2️⃣海膽溫泉蛋意大利麵 $148 （4.5/5)海膽份量中規中矩，味道鮮甜🤩撈埋意粉黎食的話係每啖都食到海膽鮮味👍🏻👦🏻好鐘意食温泉蛋，撈埋黎食一流，令到口嘅更smooth同食到啖啖蛋黃味。麵質偏硬，不過係👦🏻鐘意嘅口感👍🏻-3️⃣朱古力心太軟 $78 (4.5/5)食得出係自家製，唔係現成買返黎🍫所以唔會有雪藏味～一切開就流好多朱古力餡出黎😍係朱古力控最愛!雖然只係雀巢雪糕不過都覺得好正😏

今日lunch帶同事黎Zense食飯，確實幾鍾意佢個環境，靜靜地可以舒服坐和傾計，好期待秋天可以坐出室外。餐牌同上次不同，今日叫左「烤慢煮豬扒拌千層茄子」（$138），前菜揀左餐湯，配多士好味！主菜賣相得！豬扒一點都唔韌，腍身可口，而千層茄子都好好味，第一次聽/食呢個，其實有點似千層麵的做法，有茄子、芝士咁分層但又融埋一齊，我鍾意呀！薯蓉都做得滑，不過整體份量偏少，我咁大食既人就只能剛好六七成飽。同事叫左「松露芝士忌廉汁野菌通心粉」（$118）有好香的松露味，加埋芝士、洋蔥等，食左一啖都覺得好味！至於「吉列魚柳蜜糖芥末醬漢堡」（$118）都唔錯，估唔到塊魚柳可以外脆內軟，個burger幾好，仲有脆薯條真係好炸！我們都有叫特飲，我飲左熱玫瑰薑蜜，都好正！玫瑰和薑味都好出又夾到，蜜糖另上自己落，味道好good!同意叫花茶係成壺上，真係可以慢慢嘆....就好lu（唔洗做咩！）

星期六嘅中午去咗間Cafe chill 下環境好舒服 感覺相當不錯我哋兩個人就叫咗以下食物呢度星期六都有set lunch, set lunch 包沙律或者湯 主菜 同埋飲品可以半價換購Set lunch我哋到咗 慢煮豬柳配千層茄子 $138松露芝士忌廉汁野菌配通粉 $118再加多個小食 招牌芝士薯條 $58沙律係雞絲麻醬沙律 清新好吃湯是忌廉紫薯湯 紫薯味都頗突出 算係幾好飲薯條每一條都好粗好大條 似乎係手切薯條 配上芝士醬 芝士醬我以為會放喺薯條面 所以一開始上碟有少少失望 但係食落去都感覺唔錯 芝士味都濃郁豬柳略嫌有少許難切 但是茄子係超級好食 非常入味松露芝士忌廉味道突出 配上通心粉一啖一口 野菌落得夠多 非常滿足特飲我哋自己半價加咗 芝麻豆腐 同埋金莎朱古力 勁大杯 好足料！

每個星期日我都會尋找港九新界嘅咖啡室，懶洋洋咁度過一個下午，今日就去咗位於銅鑼灣嘅Cafe Zense。餐廳分為室外同室內。室內傢俬主要係雲石枱同一排梳化，甚至提供cushion，令人舒服到差啲訓着。牆身用上白色，而且加咗獨特嘅pattern，令整體環境唔會太死板，更添生氣。枱上面有盆栽，外面露台甚至有大大小小既植物，充滿青草氣息。我同朋友各叫一個Holiday Lunch Set，Lunch Set包括餐湯同沙律。餐湯係紫薯忌廉湯，質感比較稀身，紫薯味唔會太重，甜甜地非常可口，旁邊仲有一小片蒜香麵包。至於沙律係華都夫沙律，材料包括果仁、蘋果、奇妙醬等等。另外我哋叫咗忌廉煮青口，粗略估計青口有二三十隻，隻隻都幾肥美，肉質唔韌，假如忌廉汁更加creamy就完美。泰式冬陰公海鮮扁麵既海鮮包括魷魚、蜆同大蝦，可謂相當豐富，而且都幾新鮮。扁麵軟硬程度啱啱好，而且吸收曬冬陰公既精華，所以真係香辣兼備。香煎𩶘魚賣相幾吸引，味道亦冇令人失望，肉質幾細嫩，另外無咩骨。旁邊嘅蘑菇醬亦出色。星期日當然唔飲咖啡，所以叫咗石板街朱古力， 頂層嘅棉花糖同cream令飲品更加邪惡。朋友就叫咗玉桂蘋果茶，偏向清甜，

只有我同一個女仔friend 食晚餐既份量都幾適中既餐廳。朋友本身話比較鐘意海膽，所以大家都滿意呢個意粉同溫泉玉子溝埋一齊既汁，甚至我地點左既薯條本身係配芝士醬都少點，反而用左個意粉d 海膽汁黎點薯條係幾有新意同味道唔錯同冇咁heavy.本身想點既飲品係紫薯latte,但當日售磬就揀左個玫瑰薑蜜都係唔错，因為個飲品真係唔係太甜 最後甜品叫左Apple crumble 同雪糕，個apple crumble 既鬆脆程度同蘋果肉既份量都唔吝嗇呀成晚晚餐除左因為室內多人而變左想揀張靚枱都唔容易，但係侍應既服務好好，我都唔好意思無數次換枱,但依然員工都係對我同朋友十分有耐性架，謝謝您們為第一次來既訪客咁有耐心。

在大概半年前，我和男朋友在銅鑼灣找到了一間樓上cafe ，環境優雅，食物質素好，印象十分深刻，所以今日再次光臨😚我們大概晚上七點正到達餐廳。由於下雨的關係，户外的座位要暫時關閉。除了室外休閑的環境外，餐廳室內的環境也值得一讚！室內採用簡潔時尚風，以白色為主，中間也加入了一些中式元素如蘭花，使環境增添優雅。下單不久後，菜式陸續送上。男友點了一個帶子墨魚汁意大利飯😍意大利飯充滿墨汁的鮮味，米飯煮得剛好，十分有咬口。帶子也十分厚身多汁！我點了一個牛肝菌黑松露意大利麵。牛肝菌的份量多，配合黑松露一起吃十分惹味！另外，我們點了一杯白酒和一個焦糖燉蛋。燉蛋的份量十分大，絕對夠兩人吃。

今日約左朋友係銅鑼灣傾啲野，咁就諗住揀間有氣氛嘅餐廳去傾啦。Cafe Zense餐廳既氣氛不俗，有室外露台嘅位置，秋天嘅天氣坐應該幾舒服。另外，店員亦都好快遞上餐牌俾我哋，服務都算唔錯。我哋叫咗一個ZENSE雜錦拼盤，一個脆炸魷魚圈，一個泰式冬陰公大蝦意大利麵 同埋一個芥末籽忌廉蟹肉雜菌意大利扁面。ZENSE雜錦拼盤份量都幾大，入面有招牌薯條，香草蜜燒雞翼，蜜糖芥末雞柳串，仲有紐倫堡腸同埋沙律。雞翼同雞柳燒得幾脆，入面肉汁豐富，十分好吃。紐倫堡腸一啲都唔乾身，另外薯條炸得幾脆，唔錯。脆炸魷魚圈做得十分出色，魷魚圈炸得非常鬆脆，魷魚咬落亦都彈牙。個人就好鐘意佢個是拉差蛋黃醬(Sirracha Mayonnaise)，醬汁食落帶少少辣，除左同炸物好夾之外，亦都特別醒胃。主食方面，個人好喜歡佢個芥末籽忌廉蟹肉雜菌意大利扁面。餐廳先把芥末籽打碎，再混入醬汁當中，令意粉食落更有口感。醬汁既濃度亦都控制得很好，唔會好稀，可以成功依附係每條意大利面既表面。另外，意大利面既硬度亦都控制得唔錯，意大利面咬落有口感，亦唔會有過硬同埋未熟既情況出現。泰式冬陰公大蝦意大利面好香冬陰公味，辣得來都仲可以接受，大

今日陪好姊妹去銅鑼灣試裙, 搞掂唒就去左Cafe Zense醫肚, 之前黎食過一次, D野食幾好味, 環境唔錯坐得舒服, 出面有個露天小花園, 天氣冇咁熱可以選擇坐出去。時間尚早仲有得叫set lunch, 首先黎嘅係忌廉湯, 好濃好creamy好有質感; 跟住就係主菜香煎北海道帶子墨魚汁意大利飯, 同埋黑松露野菌忌廉意大利麵, 保持一貫水準, 食材新鮮, 帶子超厚大隻慢火煎帶少少微熏, 墨魚汁意大利飯粒粒都吸收唒墨魚汁精華, 飯嘅硬度啱啱好; 而黑松露野菌忌廉意大利麵, 未食已經聞到好香黑松露味, 唔怪之得啦, 餐廳真係好大方呀每啖都平均分佈著黑松露, 造福我地嘅味蕾。最後飲埋杯冰鎮mocha, 為今餐畫上完滿句號。

今日去左銅鑼灣食飯，一早book定女朋友最愛既cafe。知道佢番工好大壓力，特登接佢放工之後去輕鬆一下。銅鑼灣區，竟然有個悠閒小角落。上到餐廳，完全係另一個感覺。cafe好悠閒好舒服，我地叫左芥末籽醬忌廉蟹肉龍大利粉。忌廉汁濃厚唔會好膩，入口滿滿蟹肉絲好足料，意粉好彈牙煮得剛剛好！另外叫左厚燒牛脷，牛脷入口爽嫩，加上黑椒調味好惹味。曲奇豆腐smoothie，入口滿滿豆香好滿足，加上Oreo味，入口香濃甜度唔高！

番足全日工 收工一定要食好野慰勞自己 今晚就揀銅鑼灣樓上cafe 呢間都有唔少好評 我地先點Zense雜錦拼盤($138) 四款小食包括在內分別係香草蜜燒雞翼 蜜糖芥辣雞柳串 招牌薯條 紐倫堡腸中size雞翼外皮微煎帶香甜 非常惹味 紐倫堡腸有咬口 雞柳串肉質嫩滑唔乾身 薯條炸得挺身又脆香 之黎叫咗兩款主食 第一款係香煎北海道帶子墨魚汁意大利飯($148)亮黑色意大飯混合帶有光澤嘅墨汁 格外鮮味 三粒大大北海道帶子 表層煎香至金黃色 中間軟腍鮮甜 一口飯一口帶子 係最滿足嘅食法 第二款係海膽溫泉蛋意大利麵($148)海膽與意大利麵融合即時變得濃稠creamy 加上溫泉蛋流心蛋漿 除咗橙黃色視覺效果外 口感更加豐盈細密 意大利麵香滑而無飽滯感 值得一試飲品我地揀黑糖豆腐沙冰($52)以及紫薯鮮奶($44)前者濃郁黑糖香帶重豆味豆腐 製成沙冰非常有驚喜 兩者互補及中和 味道啱啱好 沙冰慢慢溶可以慢慢飲後者天然紫薯味無死甜 配合香滑鮮奶 溫和口感隨杯附送拉花效果 真正睇得又飲得 估唔到銅鑼灣樓上都有咁高質cafe 又可以坐戶外位傾下計 呢間值得推介以及回頭

星期日隨便喺openrice搵cafe食 揀左Cafe Zense walk in 座位好闊落 仲好新淨 配合雲石枱 梳化仲有cushion 好悠閒舒服 出面仲有室外空間 環境唔錯飲品叫左芝麻豆腐 豆腐冰咁 好香芝麻味 好特別煙三文魚蒔蘿檸檬忌廉意大利扁麵好creamy 煙三文魚好強煙薰味 食落唔會太膩 不過檸檬味重啲就更好Zense雜錦拼盤份量大 賣相100分 有雞翼 薯條 雞串同腸 薯條同雞翼非常脆 好易入口 但雞翼 雞串同腸都有蜜糖 食落又有啲膩 如果加入其他調味會食得無咁大負擔因為可能食物少膩 以上份量可以食飽2個大人了 不過可以肯定嘅係 我同男朋友會再幫襯

今日去到上樓cafe 食 lunch，吾係朋友介紹，都吾知謝斐道有間咁悠閒既餐廳。有室外室內，仲有落地玻璃。吾係好多枱，同朋友黎傾計，獨自一個人黎發呆都好適合。😆午餐有多款選擇，大約百幾蚊，有湯/沙律，主菜同飲品。價錢合理。什菌湯真材實料，好香菇味。安格斯牛肉煙肉芝士漢堡配招牌薯條椰菜絲沙律賣相好得，牛肉好 juicy，好有牛味，仲配有煙肉，芝士，洋蔥，生菜，perfect。薯條一睇就知炸得又脆又乾身。香煎三文魚柳伴普羅斯旺燉菜三文魚煎得嫩滑，伴菜好清新。zense 有好多特式飲品，午餐只需半價就可以轉特飲。曲奇朱古力沙冰超大杯，透心涼，有濃郁朱古力味。夏威夷榛子咖啡好香既咖啡，為午餐作完美既總結。😙

Lunch Set 配 soup of the day / 燒雞西柚沙律 + 咖啡 / 茶白酒忌廉蜆肉藍青口意大利麵 ($118)個汁好滑 有淡淡既白酒味 亦有好多餸呀 d蜆肉同青口食極都仲有 😋 加左香草都令到個意粉多左份清新，重料得黎又唔會太heavy，真係非常之好食🤗-蟹肉味增意大利飯伴脆炸軟殼蟹 ($128)通常d餐廳既Risotto份量都好細 但呢個Risotto都幾大份呢！risotto 入面仲有好多菇😍😍 配搭住軟殼蟹十分之新穎，估唔到兩樣野放埋一齊又幾夾☺-Lunch set 仲可以以半價升級野飲架！雪糕咖啡 (原價$48)夏日炎炎飲咖啡又好似太熱，溝埋個雪糕球就岩岩好，d雲呢拿味慢慢滲入去，非常好飲！不過如果杯咖啡可以落少d糖就好lu 😝-金莎朱古力 (原價$52)呢杯金莎朱古力非常足料，上面仲有層好好味既cream😍 飲落去仲要慢慢帶出金莎既味道，值得一試！