Cafe Paradise (杏花邨) (已結業)

約左住山長水遠既朋友，所以就預約左呢間cafe，遷就下佢。由於預約左無需等位，餐廳十分寬躺，疫症時期不怕與陌生人坐很近。還有旋轉木馬及南瓜車設計的座位，都係打卡一流。二人行：1. 美國頂級榖飼牛肩胛肉眼扒2. 四色雞翼拼盤3.香矛豬扒配白咖喱汁1.其實一入門口聞到隔離枱都好香，己經決定左叫。跟左薯角，燒汁及蒜蓉汁。黎到既時候待應有輕輕提點食用方法，牛扒應該屬於3成熟左右，由於本人唔食太生，所以就煎到5成-7成。但係都唔會有老/"鞋"既感覺。而且有筋有肉，加少許肥膏，比例完美。食落有汁，肉眼肉味濃，正！抵食之選。2.包括秘制咖喱味，蒜香味，水牛城味，蜜糖味，仲會跟個薯角。除左蜜糖味，其他都係有脆漿炸既再加味，蒜香味加蒜蓉粒係面，會跌出黎，記得夾返一齊食，因為好香好濃係重點。水牛城唔係好辣個啲，食小小小辣都既都可以試下。3.雖然望落去唔係白色，不過都無講話白咖喱一定要係白色，食落好重香料味，無一般泰式咁多水份，香矛豬扒一大塊。仲有餐湯同野飲。題外話：服務非常好，待應有留意需要，會按情況換碟，加水及加枱，所以加佢分！！！另外仲有兒童餐，岩哂一家大細黎食。

今日嚟到杏花邨食飯，咁揀黃店就必須架啦！所以就嚟食cafe paradise larr😆.而家加左好多款選擇，我哋叫左個鐵板芝士黑椒雞扒飯($59)💪🏻 上枱熱好呢！芝士超級拉絲，撈好食真心正！雞扒夠厚又嫩滑🥳另外加15蚊轉combo~ 小食要左墨魚餅，幾重墨魚味！.另一個叫左石燒牛($78)🤩要小心塊石真係好熱的！牛肉都幾腍，有肉味，78蚊係抵食，仲有得配薯角食🥰🥰轉套餐有餐，湯、沙律同甜品🤩.Mango jelly 幾好食，唔太甜😻😻

Believe it or not it was my first time to come to 杏花邨 and it was because I had a lunch date here! It was around 2:45pm on Sat and there were afternoon tea sets which were cheaper than lunch sets. There were a lot of choices on their tea set menu which were so cheap. I saw quite a number of others having ordered their burger set which looked so big and appealing.That said, I wanted to try their 日式原條鳗魚飯 which was on their lunch set and ordered another mains of 鐵板和風豚肉飯 as well as a dessert of 朱古力流心

性價比幾高，人均$120食飽肚！——蟹子蟹棒忌廉意大利寬條麵($78)雖然所謂嘅蟹棒其實係蟹柳(expected)，但呢個麵好食！個汁好正好creamy😚仲要好多蟹子～唔錯唔錯！👍🏻.石燒頂級美國穀飼牛肩胛肉眼扒($78，跟餐$138）出面d石燒牛閒閒地都過百，呢個價錢認真唔錯，仲要質素都唔差！雖然塊扒未去到好淋，但都幾厚肉同肉味濃厚。薯角無敵脆。+$30跟餐仲有沙律，湯，野飲同甜品。正啦！🤣.蜜糖烤雞翼($38)有四隻！上面除咗有蜜糖味仲有d香草，唔錯～.Overall: 7.7/10Value for money: 4.4/5——Cafe Paradise📍杏花邨盛泰道100號杏花新城地下G53A號舖📍太子砵蘭街412號地舖.

之前都有食過這間café位於太子的分店，但杏花村這間店地方相對大很多，比較闊落舒服，環境裝修亦比太子分店更加吸引，以很夢幻的粉藍色作主色。門口的一大個旋轉木馬裝飾是最呃like的，有些位置更以南瓜車或是船仔作座位，很得小朋友歡心。星期日都有午餐供應，價錢還要十分平民，有餐湯主菜及餐飲，最貴的都不過$80。餐湯是蘑菇湯，略厭稀身，可以煮得杰身一點會比較好。主菜是香辣茄汁海鮮炒烏冬，份量頗大，海鮮配料不算多，但茄汁味濃，微辣，很開胃，烏冬不會太過淋身。而和風豚肉鐵板飯，賣相不錯，上枱時仍然熱騰騰，豚肉淋上和風燒汁，飯面上有木魚及紫菜，撈埋一起食，味道不錯。另外單點了秘製咖哩雞翼，4隻都只是$38，咖哩味濃，雞翼厚肉。

喺屋企hea咗排。今日同🐽仔出關啦🥳。走咗入杏花新城行outlet。行到攰攰地最岩搵間餐廳食嘢抖下。😎星期六居然有下午茶餐。價錢只係$38-$58咋。相當親民。👍🏻👍🏻🐽仔order咗迷你炸🐟漢堡包🍔。可以揀薯條🍟/salad。鍾意食香口嘢嘅🐽梗係揀🍔 配🍟啦。🤪🤪薯條食落熱辣脆口。食得出唔係炸完又炸😝。個🍔好大個。只可惜炸🐟比較細件。唔夠滿足。我就食瑞士汁🐔脾配salad。🐔脾甜甜也幾入味。size有手板甘大隻。

我一向都好鍾意呢間餐廳食飯，因為地理位置方便，在杏花新城，地鐵站一出就到。餐廳的環境亦都非常優美，有由旋轉木馬改裝而成的餐桌。餐廳亦都10分注重本地化的佈置。我今次就食咗佢嘅鐵板飯，特別揀選左嘅係原條蒲汁鰻魚燒鐵板飯，$98，鰻魚非常大條，差啲連個鐵板都裝唔落。鰻魚汁非常香，再配埋佢呢度特色嘅鐵板飯燒汁，一到落去嘅時候，連埋啲油聲一齊炸，聽覺效果都好享受。鰻魚非常滑，而且肉質鮮嫩。叫咗佢杯Earl Grey Latte，唔算太甜，幾好。之後朋友亦都食咗佢個心太軟，配埋雲呢拿雪糕，一啖心太軟，一啖雲呢拿雪糕，雙重享受。因為下午茶時間，價錢唔算貴，$48，另外再叫多咗佢杯朱古力咖啡，由於佢係用咖啡豆鮮磨，所以非常香，非常濃郁。

小食拼盤，包括有秘製咖喱雞翼、蜜糖烤雞翼、水牛城雞翼、蒜香雞翼、炸薯角、脆炸芝士三角、咖喱角、沙律；秘製咖喱雞翼，香料味道香濃，肉嫩多汁；蜜糖烤雞翼，雞身滑嫩，雞皮鎖住肉汁，味道香甜；水牛城雞翼，味道酸辣、開胃，肉質肥厚，肉汁飽滿；蒜香雞翼，雞翼配上炸蒜、香草，味道好惹味、香口，雞翼唔會炸得過火，口感酥脆；炸薯角，外香脆內軟綿，新鮮即叫即炸，配以蕃茄醬食用，味道更佳；脆炸三角芝士，口感外脆內軟，流心芝士味道咸香、濃香；咖喱角，脆口嘅炸皮，配上香辣嘅咖喱，餡料豐富；沙律，各款蔬菜爽脆、清甜，配以沙律醬食用，味道更清新。帆立貝南瓜汁海鮮意大利飯，南瓜味道香甜、濃郁、食到一絲絲嘅南瓜；意大利飯口感Creamy，飯粒軟硬適中，份量多；海鮮種類多，帆立貝肥美、鮮甜，大蝦爽口、彈牙，青口夠鮮味，文蛤肉質厚身。

星期六放假同朋友來到杏花新城 Cafe Paradise吃個lunch 之後去街，店舖最吸精之處，莫過於有木馬設計的佈置，加上店內顏色以舒服的天藍和白色格調配搭，令人有種放鬆和快樂的感覺，木馬也是打咭位。lunch set價錢抵食，而且份量足夠又好味，意想不到有驚喜的，我們點了一客美式BBQ燒排骨和厚切西冷牛扒配燒汁，各價錢＄78，包埋餐湯和餐飲，味道很不錯呢！BBQ燒排骨燒得入味非常，而且排骨好有口感，肉質軟淋，讚一個。另外，西冷牛扒雖不算好厚切，但煎得好靚仔，肉質鮮嫩，配上燒汁吃得滋味。估唔到店舖美觀加上食物質素也一致好，價錢抵食，值得支持推介，下次再來。

好耐無嚟柴灣，杏花新城最底層好多食肆，今次比呢間餐廳個旋轉木馬吸引咗。估唔到除咗裝修佈置特別，連食物都好有驚喜。Menu好多選擇，價錢亦好大眾化。揀咗個熱石法式羊架，配套餐好抵，有沙律．薯角．甜品．飲品，一次過可以試好多口味👍🏻羊架勁多汁好Juicy, 一d都唔騷，肉汁好淋...以前我唔食羊，但呢塊羊架真係令我改觀哂。比牛扒更好味👍🏻芒果沙冰口感軟綿綿的，有少少似雪糕嘅口感。甜品仲有提子味啫喱，大滿足呀👍🏻環境實在又舒適又歡樂...下次一定要帶埋小朋友嚟一齊食👍🏻

前幾日見到間餐廳有個旋轉木馬☁️原來呢間餐廳係 Cafe Paradise😍.蒲燒原條鰻魚鐵板飯🍴原條蒲燒鰻魚喺個飯上面🤩將醬汁倒落去，再將紫菜、粟米🌽木魚絲、飯攪埋一齊🍚味道唔會太濃☺️鰻魚肉質肥美，蒲燒汁亦足夠🤤.窩夫天堂一人份🧇窩夫表面淋咗朱古力醬、藍莓、士多啤梨🍓仲有一球雲呢拿雪糕🍨同朱古力雪糕🍫幾樣野夾埋一齊食好正😋.Strawberry Yakult Soda🍓士多啤梨果醬加益力多再加梳打😆真係不敗組合

餐廳員工很有活力，服務周到，味道很好，食材也很好，價格公道，生日聚餐還有特別祝福文字安排（如果能象徵性的送個一人份的小蛋糕給壽星就更好了。），下次聚會還會選擇這個餐廳。非常感謝！

朋友最近同我講佢位於杏花村的屋企有幾支酒就過期要幫手清，於是就係某個weekday放工後上去。咁當然要醫飽個肚先，我哋就選擇左這間黃色西餐食。餐廳有一個二人晚餐我認為都叫做抵食，包沙律、餐湯、小食、二道主菜、餐飲、甜品、都只係$328，起碼夠多野食。餐湯係洋蔥湯、個人認為都幾入味，凱撒沙律就比較少麵包粒。蜜糖雞翼都烤得香，又唔會太甜。主菜我哋叫左蟹籽蟹棒忌廉寛條麵，忌廉汁唔會太膩之餘又有蟹籽中和下，食落幾fresh。而慢煮油封鴨髀啲肉好淋，又唔會乾，加上醬汁甜甜地咁，食得十分滿足。甜品係啫喱，上面有cream，個人覺得比落花奶好味。

最近每天都要到柴灣排練音樂劇，趁機會發掘一下周邊美食網上看到杏花邨Cafe Paradise 裝修充滿童話感，特意來嚐嚐食物: 4/5▪️煙三文魚蜆肉天使麵天使麵份量非常多吃完超級飽！煙三文魚咸度適中，蜆肉沒有沙但味道略嫌淡。▪️蜜糖雞翼雞翼香脆惹味，但蜜糖味不太突岀。▪️玫瑰活性乳酸特飲從來沒想過玫瑰與乳酸味道如此相配非常有驚喜！是必點之選整杯飲品甜度適中，入口帶玫瑰清香，女生一定喜歡▪️紐約芝士蛋糕芝士味濃郁，口感軟滑，值得一試。

搵食在杏花村可愛巨型旋轉木馬擺設夠打卡 服務態度良好,坐位舒適 CAFE 晚餐不貴，仲有石燒牛扒，pizza, 扒餐，意粉，飯等等性價比唔錯，食物都ok平均一百蚊一位有找入座前做足CHECK體溫,有洗手液提供精選晚餐 統一$78,包餐湯,茶啡忌廉湯,略嫌味淡,如果加點粟米會味道豐富些整體對客態度都好好,抵讚先上飲品,食物即點即做,呢樣GOOD~凍檸茶,茶底夠濃~夠茶味,糖漿另上,自己加添控制甜度寶雲酥雞脾扒配薯菜夏威夷PIZZA $98襯熱食有拉絲效果,批底夠薄脆,芝士夠多有波羅片,火腿粒,不油膩,一個人可以食曬成個批另外仲有黑松露野菌,三文魚等款式~寶雲酥雞脾扒配薯菜相信應該無人會諗過係CAFE都可以食到寶雲酥雞扒即係焗得酥脆既做法雞扒上有麵包碎再焗香,食起黎脆酥有口感,雞肉嫩滑加上特製既燒汁一齊食,味道唔錯杏花邨盛泰道100號杏花新城地下G53A號舖Shop G53A, G/F, Heng Fa Paradise Mall, 100 Shing Tai Road, Heng Fa Chuen