Cafe Paradise (杏花邨) (已結業)

今天專程去杏花邨購買運動服裝，買到心頭好。行得累便决定吃些東西才離開。被這餐廳的可愛装飾吸引，而且因為价錢大眾化，便决定在此進餐。餐廳食品選擇頗多。我們選了一份68元的精選午市套餐。忌廉餐湯不過不失。夏威夷意式薄餅可口。芝士味濃，和火腿菠蘿很夾味。我們加了20元將餐飲升级為水蜜桃花茶。花茶味道清新，酸甜醒神，大大增加我們的食慾，亦有益健康。我們再叫了兩份下午茶餐。水牛城雞翼香脆惹味。迷你炸魚漢堡包鬆軟可口。什果沙律甜甜酸酸好開胃。跟餐的特飲西柚梳打也不錯。兩個下午茶餐共81元。三個餐埋單共169元，不用加一，算抵食。餐廳環境也不錯。

黎到杏花村呢個隱世唔多人既運動服裝outlet,行完搵地方醫肚，比門口既$78 肉眼扒餐吸引左，望落環境舒適就揀呢間啦。餐湯同沙律食完就送上石燒肉眼扒，待應提醒小心碰到舊石，好窩心👍🏻第一次食石燒扒，真係好忙，因為要兼顧唔可以比件肉眼扒係石太耐，太熟真係會浪費哂，以$78 呢個價錢食到200g 肉眼扒真係唔錯，加$30仲可以升級做套餐。龍脷柳金黃脆口， 嫩滑有肉汁，唔會乾爭爭，個沙律醬好好食。小薯仔好甜，連皮食都唔鞋口。扒餐升級套餐甜品做結尾

去完鞋店outlet食飯，呢度夢幻嘅淺藍色裝修仲有旋轉木馬啤啤熊好靚呀寶雲酥龍脷柳配黑松露忌廉汁配意粉餐$78-龍脷柳配上寶雲酥煮法第一次試，幾特呢比平時煎嘅更脆但又唔會影響魚嘅嫩滑，意粉硬度剛好夠乾身石燒美國頂級穀飼牛肩胛肉眼扒配薯角$78-鐵板堅熱，肉眼扒係上面煮住不斷發出滋滋聲，睇到流曬口水，食落好腍，仲可以配合個人口味點燒汁/蒜蓉汁餐湯-甜甜地小朋友的話一定喜歡朱古力paradise +$15-有個朱古力雪糕球，味道夠香濃

今日特登嚟到杏花邨行個圈，見到呢間餐廳都幾多人，應該都幾唔錯就入嚟試吓。午市套餐幾抵食，平均50幾蚊就有一份主菜加餐湯加飲品。餐湯係洋蔥湯。叫咗一客香蒜煙肉海鮮意粉，面頭嘅炸蒜有好多，食落好香口，海鮮都有蝦肉、八爪魚等，不過略嫌煮得有啲太濕。反而呢個牛肩胛肉眼排就有驚喜，只係$78就鋸到排！份量都唔少㗎，肉眼扒用鐵板上，都係自己控制生熟。套餐仲包埋炸薯條，真係超值！餐飲叫咗熱奶茶、凍檸茶。行到攰入嚟食個tea坐低抖下都得！

今日特登黎杏花村支持一下呢間黃店，Cafe Paradise😋環境幾舒服，有小小童真，位同位之前都唔會好逼，正鐵板京都豬柳飯（$78）鐵板餐「Sa」一聲，熱辣辣，配酸酸甜甜嘅京都汁，10分惹味😋豬柳大大件，肉質嫩口👍🏻荔枝梳打（+$15）好濃嘅荔枝味～杯底仲有荔枝肉🤣少甜嘅梳打水，夏日消暑佳品👍🏻南瓜汁露荀珍珠帶子燴飯（$78）呢碟算係比較清新嘅一碟燴飯，帶子肉好嫩，幾乎入口就融☺南瓜汁幫個燴飯昇華，甜甜地得黎又唔會覺得heavy，配埋爽脆嘅碎露荀，令個口感更加豐富🤓荔枝沙冰（+$15）一樣都係好重荔枝味！而且d冰打得好碎，同埋好大杯🤣好好飲

杏花邨都算多野食，不過大部分都係連鎖店，有朋友介紹我去一間好抵食既西餐cafe，一直都冇點留意，咁岩去開個邊做野就試一試🤣環境都幾靚，有南瓜車又有好多公仔，座位舒適.1. 朱古力流心冬甩配雪糕 $48見到都幾多人叫呢個餐，冬甩熱辣辣金黃色🥰切開有半融既朱古力，但我覺得朱古力餡可以再多d，同埋我以為係心太軟個款流心，同想像中有出入，不過都幾好食，朱古力味幾濃，同埋唔會好甜，另外雪糕下加左層cream，雪糕冇咁易融👍🏻

為左食真係可以周圍去，Café Paradise亦有太子分店，個人覺得杏花邨分店比較吸睛，門口貼滿好多文宣，仲有巨型旋轉木馬、熊啤啤、PEPE公仔，天藍色的裝橫充滿少女感。西餐廳黎講呢度算好多選擇，All Day Breakfast/ Main Course/ 鐵板燒/ 下午茶餐，價錢介乎$60-$100。Paradise Vegetarian $83炒蛋/薯餅/雜菌/番茄/茄汁豆/粟米/沙律/Waffle唔算好肚餓，揀左個最簡單的All Day Breakfast，不過都好多款式，炒蛋大大份，有蛋香又滑溜，每次見到薯餅都會好開心，熱上香脆滋味，配搭茄汁豆一齊食味道好夾。Waffle比較有新鮮感，微暖呈上，口感有點似麵包。所有All Day Breakfast跟餐附送細橙汁一杯，亦可以加$15轉熱Latte，差唔多平一半價錢，幾抵飲。Paradise Energy $93炒蛋/煙火腿/煙肉/漢堡扒/香腸/薯餅/雜菌/番茄/茄汁豆/沙律/Waffle呢個組合可以講係食肉獸最愛，除左必有的炒蛋、雜菌、番茄之外，亦有煙火腿及煙肉，唔會煎得又乾又老，滿有咸香。漢堡扒又係好耐無食，咸咸地有咬口，

杏花新城出名運動outlet，去行街買野前當然要醫一醫個肚仔先～一眼就睇中依間裝修以淺藍色為主調嘅Cafe Paradise☕️裝修同佈置都好有心思，午市同下午茶套餐都好抵食😱 我大約三點去到，坐滿咁濟！-💁🏻‍♀️6分厚切西冷牛扒配燒汁（午市套餐）牛扒飲質夠林，外層煎得夠香🥩拌碟有焗薯有沙律，成個餐真係十分對得住個價錢🙌🏻-💁🏻‍♀️香脆流心芝士條配雜果沙律（下午茶餐）我對芝士條有種情意結🙊 趁熱辣辣食芝士拉晒絲，無得輸🧀🧀🧀-黎Cafe當然唔少得飲品💁🏻‍♀️🍫Chocolate@Paradise 特濃朱古力+朱古力雪糕+朱古力碎，飲落滿滿朱古力香又唔會好甜👍🏻亦有唔同特調口味嘅Latte，我揀嘅🥛Earl grey Latte都好有質素🙆🏻‍♀️-唔夠喉叫多個🍮甜品心太軟☺️同樣都係濃香朱古力唔會死甜，雲呢拿雪糕🍦仲有粒粒雲呢拿籽！-

餐廳係杏花邨底層，門前貼左好多文宣，又有黃店證書，所以一定要支持下👍🏻餐廳裝修以藍白為主，路中間放左旋轉木馬，旁邊又有南瓜車，形造一個夢幻又童話既世界，岩哂一班小朋友去玩當日3點鐘去到，有午餐同下午茶揀，選擇都幾多，有扒類、意粉、薄餅、飯、甜品，價錢唔貴，最平$38仲跟一杯野飲－－－－－－1. Paradise Vegetarian $83 8.5/10叫左個all day breakfast，分別有炒蛋、茄汁豆、薯餅、烤蕃茄、窩夫、炒雜菌、粟米、田園沙律，相當豐富，首先窩夫真係好香🤤店員送上既時候已經聞到，真係新鮮即整，所以外脆內軟就一定，同埋入面好似加左少少玉桂，令味道更提升😋雜菌份量非常多，加左少少鹽同黑椒調味，食落都不錯，不過薯餅唔知係咪翻炸左幾次，雖然都係香脆可口，但唔似係第一次炸既味道2. 黑松露野菌意式薄餅 $58 8/10呢到既薄餅都係厚批，有d似麵包口感，但邊位同底部都係脆，芝士味好濃郁，仲可以做到拉絲效果🙈野菌唔係佈滿整個薄餅，而係放係薄餅中間，未必每啖都食到野菌味道，不過整體都好好食🥰

都係果句，杏花真係冇乜好食。難得有第二間黃店，點可以唔去試。🎠裝修特別，有大大個旋轉木馬擺設。🍴野食味道不過不失，服務良好。💛店內有擺文宣，學生有9折。.🔷Dinner Set for Two($218):🔸薯仔忌廉湯x2分數: (6.5/10)薯仔味唔濃，湯較淡味。.🔸田園沙律(2人份量)分數: (6.8/10)沙律菜車厘茄撈沙律醬，用黎開下胃。.🔸卡邦尼意大利粉分數: (6.8/10)奶味重，冇乜芝士味，個醬再傑啲會好食啲。.🔸黑松露雜菌意式薄餅分數: (7/10)有松露味但唔多，雜菌，芝士都多，餅底鬆軟，唔會好厚實。.🔸芒果啫喱x2分數: (7/10)細個既回憶，好香芒果味，仲有一小篤忌廉係上面。.🔸餐飲 (咖啡或茶)

今日約左個住杏花邨嘅朋友喺杏花邨商場食飯，呢個商場9成店舖都係藍色連鎖店，難得呢間係黃店，加上我朋友話佢係全個杏花邨最好食嗰間，所以今次就試下啦！一向都唔係cafe嘅fans，甚至係有啲抗拒啲內部裝修好fancy好可愛嘅cafe，因為我一直凝住佢哋啲「派對食物」會唔好食，非常意外嘅係食物質素非常之高！-「黑松露野菌意式薄餅下午茶」（$58）呢個真係超好食😍 我嘅朋友係松露粉絲，大力推薦，果然冇錯。份量好大，好多嘅芝士🧀，有拉絲呢，估應該落左唔少mozzarella，而味道則有香濃車打芝士。雖然佢收得唔貴，松露味好香好濃，真係啖啖都有嗰種獨特嘅芳香。佢有好多菇，佢係滑同有汁，食得出係新鮮菇🍄。因為我好鐘意食菇，有時都會喺屋企煮菇，但往往都狂出水😓，但佢嘅菇冇整到個pizza 濕曬😙。個pizza 本身熱嘅時候唔太乾，但係因為我地食左好耐，後期凍左就比較乾身，所以記得要陣熱食，下午茶必叫😊-「鐵板芝士奄列黑椒一口西冷飯」（$79）用一個熱辣辣嘅鐵板送上，侍應再幫我地淋上黑椒汁。唔似出面餐廳用越南米，佢係用珍珠米，粒粒飽滿，同唔會痴埋一舊，再加啲粟米，好好食👍 黑椒汁唔太辣，所以唔好辣嘅朋友

疫情緩和咗，大家都會出街行下，今日陪朋友去杏花邨運動outlet買運動衫，順便食晏。杏花新城地下全層都係食肆，選擇都好多，我哋揀咗間擺咗個旋轉木馬，大大隻熊啤啤，充滿童話氣氛嘅餐廳食晏，坐低回味一下童年嘅快樂時光🥰餐廳適合一家大小，小朋友可以坐下木馬，我哋等咗大約十分鐘先安排到座位，餐牌款式多，連兒童餐都有，價錢大眾化，我哋都係牛魔王，所以揀咗兩份都係牛嘅午餐😄石燒美國穀飼牛肩胛肉眼扒200g配薯角牛肩胛肉眼扒原塊放在熱石上，可以自己控制肉眼扒嘅熟成度👍，牛扒肉味濃郁，好腍，點埋蒜蓉汁食，好夾😋十💰30 轉套餐，有埋餐湯蕃茄湯、沙律、甜品同飲品👍6分厚切西冷扒配燒汁^意大利粉set lunch西冷扒厚切兼大塊，唔鞋口兼有肉汁，意粉份量都唔少，飲品青檸梳打，夠清新😋兩個人食牛扒餐，都係💰200左右，夠哂抵🤭

杏花新城必去西餐廳今日又到了杏花邨出沒，因為杏花新城有運動用品的outlet，最近想買新波鞋和運動服跑步，所以看看有沒有新款又有折扣的波鞋，購物過後就在常光顧的Cafe Paradise下午茶。六分厚切西冷牛扒配燒汁大大塊的西冷牛扒，六分的厚度，八成的熟度，但一切開時肉汁仍滿滿，肉質軟腍一點也不會過韌，牛味濃郁，還有跟餐附上意大利粉。日式原條鰻魚飯超長的原條鰻魚，而且厚度十足，再加上惹味的蒲燒鰻魚汁，啖啖札實的鰻魚嫩肉，以這個價錢來說十分經濟。黑朱古力沙冰、青檸蘋果梳打可以加$10的價錢升級的特飲，香濃的朱古力、甜味的忌廉，有口感的朱古力碎和沙冰，非常滿足的一杯飲品。另外就是青檸蘋果梳打，酸酸的青檸汁加上果甜的蘋果，酸酸甜甜，梳打水夠哂氣，飲得超爽！

經過見到裝修幾靚，有個旋轉木馬嘅裝修，就入左去試吓叫左個2人set ($218)有餐湯、兩個主菜、沙律同埋嘢飲同甜品前菜-田園沙律🥗份量都多，有車厘茄同生菜餐湯-忌廉洋蔥湯🥘味道唔錯，夠creamy,洋蔥條夠淋黑松露野菌意大利飯🍲黑松露味濃郁，野菌都幾多，種類都多份量正常夏威夷滋味薄餅🥧批邊唔會太厚，配料有芝士、火腿、菠蘿🍍同香草🌿，見到佢芝士有兩款，而芝士既咸香好惹味凍檸茶冰🧊小小多，個糖水自己落，可以自己控制甜度

之前在太子已經吃過一次，今次來到杏花邨，看看是否有甚麼不同之處。今日點了兩個下午茶餐，一個是水牛城雞翼配雜果沙律，另一個是芝士吉列魚柳漢堡包配炸薯條。另外我還點了一個美國頂級穀飼牛肩胛肉眼扒，加$30可以轉餐，包括湯，沙律，甜品，飲品，我覺得加$30轉餐好抵食！首先這個水牛城雞翼炸得不錯，有外脆內軟的效果，還有是熱辣辣上碟，明顯是新鮮炸的，但是醬汁依然不夠辣，可能是為了配合香港人的口味，另一個是芝士吉列魚柳漢堡包，分量也不錯，夠大，魚柳很香，我也很喜歡這裡的炸薯條，肥肥長長的，剛炸好，另人垂涎欲滴，口水流流！最後一個重點推介就是這個肉眼扒，把整塊生牛扒放在一個超級熱的石頭上送上給客人，可以看到牛扒由生慢慢變熟，自己可以決定幾成熟，喜歡不太熟的，可煎一煎就馬上上碟，還可保持牛肉內的肉汁，很juicy！非常好吃！💰78可以吃到這樣的牛扒，我覺得非常超值！