Cafe Paradise (砵蘭街) (已結業)

某天晚上同朋友到太子行街路過呢間叫天堂咖啡既餐廳，見到一間白色門面既西式餐廳，門面白色好吸引，之後就決定入去食下，一入到餐廳職員就好有禮貌甘問我地幾多位，一拉開門入面都有好靚既粉藍色牆，仲有黑色舒適既梳化，都好多坐位嫁，仲有好舒服既音樂，之後我地坐低仲講解左可以加$30轉餐，叫左個美國頂級穀飼牛肩胛肉眼扒同紐西蘭牛柳，我地加左餐有餐湯同沙律，石燒既牛肩胛肉好大塊好有咬口，牛柳都幾淋，肉好厚身，伯爵茶咖啡香濃茶味，幾好飲，雲呢拿latte好香雲呢拿味。之後我地再加25蚊叫左一人一個心太軟，朱古力香濃，雪糕有雲呢拿籽超香滑，大愛。

一星期一次出街去食嘢，今次去到旺角，去搜尋意大利菜，搵到一間隱世小店。-Cafe Paradise 位置在內街，地鋪，並不是在彌敦道的主道，所以需要行入少少，太子站直出行3分鐘就到。---我今次係有目的而來，我知道這裏的牛肉好出色，而且係用石板燒。--石版燒的做法跟一般的鐵板很不同，石版燒能夠保持長久的熱度，並不是像鐵板一樣，只能夠保持數分鐘。-今次推介的是， $78的，美國頂級牛肩胛肉眼扒，性價比非常高。-落單後，大約等10分鐘，店員便送上這一份菜式。--肉眼，材料非常新鮮，肉質非常爽，而且牛肉的機理都好分明，容易切之餘，亦都非常之有肉味。--這一款牛肉，店員還會奉上兩款不同的醬汁，有蒜蓉汁，黑椒汁。-另外的一款茄汁，是用來吃薯角的。--這家店非常有心思，會提醒食客小心，避免燙傷。--如果想再食得豐富一些，可以加$30 ，把餐升級成為有沙律、湯和飲品的套餐。--飲品選了這裏的薄荷朱古力，也很不錯。薄荷味好重，喜歡口感重的人應該會很鍾意❤️。--另外我還叫了一份Paradise Vegi，是屬於全日早餐的一種，薯餅烤得非常香脆，值得一讚。

公司附近有間好多人推介嘅特色小店，不過要行15分鐘先到，所以一直未有機會試。難得今日放自己半天假，於是約埋朋友嚟親自試吓。門外餐牌係摩天輪設計，吸晴得嚟亦簡潔，最緊要係價錢非常合理。同朋友每人點一個lunch set share食，落單後好快就上餐湯，今日係羅宋湯，酸酸哋好開胃首先出場嘅係三文魚鴨胸茄茸燴意大利飯，應該加咗少少cream，所以蕃茄味以外帶點香滑，鴨胸肉切粒，可以混入飯一齊食，熟咗嘅三文魚都冇腥味。芝士忌廉汁蟹籽蟹柳長通粉上面有好多蟹籽，醬汁無論係味道定濃稠度都好出色，每條長通粉都可以掛上醬汁，唔需要太多額外食材就已經好好味lunch set 餐飲加$10就可以轉特飲，所以就試咗沙冰同朱古力，兩杯都甜度適中，呢個價錢算幾超值有咁多好評果然有佢原因，下次要再嚟試其他菜式

鬧市中嘅Cafe~因為早前book左枱所以好快有位👍一去到坐低打開menu，好surprise，因為打開餐牌有個立體旋轉木馬係中間，好靚嘅設計😍本身想試Paradise Jumbo😝因為2個女仔又唔太肚餓，留返下次再試，最後叫左個Paradise Energy， rose latte同玫瑰花茶~雖然當日侍應比較少，但上菜速度都幾快。個Paradise Energy係有杯餐飲同跟埋一件多士配果醬，我哋將花茶跟餐嗌會抵過跟杯latte😝個薯餅外脆內軟👍個玫瑰花茶係有蠟燭一邊熱住，唔會飲飲下凍左呢～😍大家下次經過呢間Cafe不防一試啊

今日同同事響太子lunch 呢間cafe 響正地鐵站附近好方便Lunch set 幾十蚊起有交易 有湯有野飲忌廉湯幾好飲幾creamy 叫左水牛城雞扒 個汁好惹味 送飯一流 雞肉都幾嫩滑 份量頗大份跟餐可以加10蚊飲特飲 叫左earl grey latte 味道ok 但如果用番有耳仔既杯裝感覺會好d

環境方面我覺得呢到幾夢幻，裝修都好新淨，主調為白色同粉藍色💕亦都幾多打卡位比客人影相留念或者呃like🤣食物賣相同擺設都唔錯👍🏼 👑三文魚黑松露海蝦闊條麵 $73啲麵好香黑松露既味道，啲汁好夠，啲蝦夠哂大隻，而且好彈牙💕三文魚整到好似一朵玫瑰花咁，影相都好靚 👑四色雞翼拼盤（8隻）$73超仲意食雞翼既我 緊係會貪心想試哂四種味既雞翼啦🤤蜜糖雞翼係最推介❤👍🏼 👑鰻魚拉絲薄餅 $108男朋友最仲意食鰻魚，呢個pizza就岩哂佢，啖啖芝士真係好滿足，仲有配搭埋鰻魚、紫菜、木魚絲既配料口感同味道更加豐富🤤

嚟過呢間餐廳幾次，係時候寫下食評。今次一樣叫咗Set Dinner： 餐湯、沙律、主菜加甜品。主菜㨂咗龍蝦汁海鮮意大利飯。另加錢咁甜品就要藍莓芝士蛋糕同薄荷朱古力熱飲。龍蝦汁海鮮意大利飯海鮮豐富，唔會得幾隻蝦仔同墨魚圈咁。龍蝦汁撈飯好好味，清甜嘅，因為好怕啲好竭嘅汁。意大利飯煮得軟硬適中。芝士蛋糕又嚟呢個甜品因為好鍾意食芝士蛋糕，唔會好膩，或者好甜。熱薄荷朱古力天氣有啲寒，飲咗佢暖哂。好滿意呢一餐，價錢適中而食品質素好好。餐廳上菜嘅時間好明顯用過心，唔會未食完就即刻上主菜或甜品。

早一個月行過諗住搵黃店，點知walkin去到，勁滿，咁無辦法啦，好食既黃店係要排下，好！今次經openrice訂位，又咁橋肺炎無咩人出街，所以順利訂到，去到唔好以為肺炎無人呀，都叫滿滿地架，好在訂左位。跟住講食物，叫左個羊膝同牛柳，兩個都水準之上，再配埋個甜品，咁就滿足哂了

今日嚟到呢間cafe可以話係鬧市中嘅綠洲，出面人來人往嘅街道同埋呢度咁恬靜嘅環境，形成強烈對比，好適合香港人黎人減減壓！Cafe paradise有lunch set同tea set揀！價錢都好宜人，我揀左黑松露野菌意大利飯、烤豬肋骨、玫瑰花茶同埋水蜜桃茶。兩個花茶都各有特色，口味幾清新嫁！如果鍾意花香味重嘅就要揀玫瑰花茶，鍾意有少少酸酸地果香嘅就要揀水蜜桃茶啦！花茶係用玻璃壼上，另外仲有個蠟燭保持溫度，冬天飲真係岩曬！而食物方面，豬肋骨醃味剛剛好，仲有配埋炸薯角食！好滿足！另外仲有沙律菜都好新鮮，配上芝麻醬，中和食得太多肉嘅油膩感。而意大利飯好重松露味。飯粒無傳統嘅意大利飯咁硬身，都尚算幾creamy，味道唔錯！

我好鍾意周圍去啲好特別既餐廳到打下卡，早兩日同男朋友去街個陣見到一些朋友，傾計講起佢地前一晚去左間好夢幻既餐廳到食野，又是黃店，聽到我都心動埋一份，今日就同埋男朋友和屋企人黎左呢間 CAFÉ PARADISE，無可否認呢到既裝修好用心，屋企人一黎到就係咁叫我幫佢地影相，好鬼開心，我同男朋友就點野食，我地叫左石燒美國頂級穀飼牛肩胛肉眼扒同三文魚黑松露海蝦闊條麵，另外叫左卡邦尼意粉比佢地，男朋友大讚個牛肩胛肉眼扒超正，我地全部人都覺得真係好好食，外形又吸引，屋企人覺得個意粉都好滿意，最重要係屋企人都食得好開心，這樣就值得一黎！

餐廳：Cafe Paradise (太子)地址：太子砵蘭街412號地舖中午學完車去左太子砵蘭街一間由基督徒老闆開嘅黃店Cafe，名叫Cafe Paradise🎠，一入到餐廳就聽到平時係教會唱嘅現代詩歌🎼，好有feel呀對上一次黎食仲未有石燒系列，今次見到有緊係要試下啦😍，石燒主打牛肉🥩，而我就揀左我最鍾意嘅羊架🐑，餐紙上仲印有「願榮光歸香港」歌詞添😎，我願榮光歸香港石燒法式羊架(2 bones) $138兩件以法式醃製過嘅羊架放左係高溫熱石上面，燒緊羊架嘅「滋滋聲」再加埋飄出黎嘅羊羶香夠哂吸引🤤，仲有唔同醬汁比你蘸，我就覺得原味已經好多汁同好香喇。原來石燒仲配埋炸薯角，另外加$30仲可以轉套餐，有埋餐湯、沙律🥗、飲品同甜品加左$10叫左個玫瑰鮮奶咖啡☕️，靚靚拉花加埋花瓣為咖啡增加左唔少美感🌹，飲落仲好香鮮奶同玫瑰香♨️；甜品方面係益力多味雪糕，好滿足呀

推介一間我好鍾意既餐廳比大家,我已經黎過利到好幾次,首先要講既係,利到既侍應好有禮貌,比我既感覺好親切,加上利到既主題勁夢幻,好有童真,而且啲野食好食,裝飾得仲好靚,仲有佢既特飲調配得好好,我今次就試左三文魚黑松露海蝦闊條麵,另外叫左四色雞翼同埋草莓乳酸特飲,個三文魚黑松露海蝦闊條麵好正,個汁好香黑松露味,四色雞翼我第一次黎已經試過,四款都好好食,所以今次再叫,但重點係我今次就叫左草莓乳酸特飲,原本已經有定心理准備應該好酸,點知竟然又唔酸仲好好飲,GOOD

出太子地鐵站常常經過這家餐廳，被那些門面擺設及公仔吸引，這次相約友人到這裡吃。入面舒服的環境，有沙發位置花心思的旋轉木馬佈置，整體味道及質素高，賣相不錯的西餐選擇。點了晚餐套餐，包是日餐湯及田園沙律。小盤沙律混合沙律麻醬，餐湯是忌廉粟米湯。主菜點了一份西西里茄茸煙肉三文魚意大利飯。整盤份量不多，但勝在意大利飯飽肚。味道以西西里茄茸為主，粒粒橙色、煙韌的飯粒，酸酸甜甜好開胃，切碎粒的三文魚及煙肉彈牙，每一口都充滿不同的材料，口感豐富。吃完主菜，套餐還附送甜品，不過看完甜品餐牌後，被那芝士蛋糕吸引著，所以加點錢轉了這片冧酒提子蛋糕。碟子也很美！芝士味不算太濃烈，甜度剛好，可能因為帶微微的酒醇香，恰好中和甜味。餐飲除了茶或咖啡外，可加錢轉特飲，這次喝了杯荔枝乳酸特飲，荔枝果味加乳酸飲很清新。

今晚入左Cafe Paradise食西餐。我地叫左兩個晚市套餐，包餐湯，沙律，主菜，甜品同飲品。是日餐湯係甘荀南瓜湯，甘荀比例上比較重，沙律都新鮮。主菜叫左香煎慢煮三文魚扒配菠蘿橙酒汁，估唔到個汁同三文魚扒都幾夾，三文魚扒都大件而且唔會煎到好乾。另外既巴黎式紅酒慢煮紐西蘭羊膝都大份，冇羊既羶味，軟身易入口。跟餐甜品係士多啤梨雪糕，多果肉，真材實料。另外加$25要心太軟，一切朱古力醬流出黎，雲尼拿雪糕有雲尼拿籽，好食~再加埋餐飲就滿足晒。

之前嚟過呢間，覺得幾好食就再嚟見到食物款式多咗好多，而且有新優惠，石燒牛肩胛肉眼，性價比超高，肉質唔韌，唔似得出面嗰啲乾身得來鞋口。卡邦尼意粉，食落幾Rich，不過略嫌唔係好夠熱！Paradise Full 係All day breakfast，你講得出嘅食物款式都有仲包一杯飲品，性價比都好高！特別想講下炒蛋好滑！凍薄荷朱古力，味道有啲淡，如果朱古力味濃啲會更加好！I will be back becoz of the steak!