Cafe Paradise (砵蘭街) (已結業)

Cafe Paradise於幾年前曾幫襯過長沙灣個間，記得食晚餐係幾唔錯既。無意間今日經過太子見到呢間同名嘅餐廳，好奇喺咪分店，睇睇門面，又見到擺放咗旋轉木馬，幾肯定真喺同一間店。餐牌都無睇，就直沖入去：兩位啊唔該！太子店內環境比長沙灣個間店細小小咁啦，但店舖嘅裝修都一樣保持時尚風格。我同姐妹兩人共叫咗兩個午餐，一個係BB蘆筍牛肝菌醬野菌意大利粉 ($58)，另一個係紐西蘭1級西冷牛扒餐 ($85) 可跟飯 / 意粉 / 薯菜。所有午市套餐各包一碗餐湯 (餐湯每日都唔同，需自行問一問) ，當日餐湯係南瓜湯，南瓜湯顏色亮麗，又甜又香滑。另外套餐更有包一杯是日特飲 (每日都唔同，需自行問一問) ，當日是日特飲係藍莓梳打，味道飲落去唔會太酸充滿天然清新果香 。BB蘆筍牛肝菌醬野菌意大利粉：牛肝菌係咩黎嫁？蘑菇黎嫁朋友！ 因貌似牛肝所以叫牛肝菌姐。配上蘆筍忌廉汁會變得奶油狀，係濃郁與清新既結合，令牛肝菌的香味更突出。紐西蘭1級西冷牛扒餐：採用最優質的紐西蘭牛肉，肉質鮮嫩，味道清香且肉汁豐富。總括一下：全部嘅份量都足夠食得飽，價錢方面唔貴，而且服務員每位都好細心。

最近和朋友來到太子站附近覓食，之前見到網上好多人都推介話呢間西餐廳品質唔錯，所以就同朋友嚟咗呢間食晚飯_呢度除咗有set dinner之外仲可以散叫~我哋就叫咗一個香蒜芝士焗龍蝦拼頂級牛小排（半份） $258晚餐包了沙律🥗、南瓜忌廉湯、主食、飲品和雪糕龍蝦肉非常彈牙，配上濃濃的芝士，食落去更加惹味，牛小排肉質鬆軟，食落去亦頗有肉味最後配上綿滑的薯蓉，食落去超級滿足😚_香辣蜆肉炒意粉 $69這個是單點，蜆肉沒有沙，炒意粉食得出頗有鑊氣_飲品方面呢度亦都有非常多嘅選擇，除咗一般咖啡奶茶之外，這裏亦有沙冰梳打，而我哋跟餐亦都叫咗一壺水蜜桃花茶，飲落去酸酸甜甜頗為開胃，同朋友都非常鍾意，下次嚟到太子不妨黎試吓

今日放工就約左朋友係旺角行街，之後就去太子砵蘭街到食西餐，上次見到依間餐廳已經想去食，但實在太多人排隊，加上我趕時間，就冇去食到去到餐廳都要等左一陣先有位，因為已經全部滿座，雖然店舖裏面有太多人，但入到裏面坐落都舒服，唔會話太迫，食物上枱時間都唔會話等得太來，而且會上左湯(甘筍南瓜湯，南瓜味道夠香濃，口感香滑)，沙律(沙律配上蕃茄仔，粟米，味道清新)，先再上主菜，時間剛剛好香蒜芝士焗龍蝦拼頂級牛肩胛扒(半份$258)一上枱賣相已經好吸引，龍蝦好大一隻，滿滿都是彈牙蝦肉，用芝土焗更能帶出龍蝦鮮美，而且仲有膏，牛扒肉質嫩滑，牛肉味重香辣蜆肉炒意粉$68蜆肉鮮甜，冇沙，意粉炒得黎又唔會太乾身，口感食落柔軟，辣辣地好開胃

最近當然要支持黃店/小店🥰有些店舖外面大排長龍 依間也不例外從朋友口中得知 這店的Signature Dish係香脆豬手但我比較想試其他食物 如下😂。🥩牛肩胛肉眼扒 200g $78🥩最近香港開咗好多熱石牛😌但係部份牛的肉質較參差 呢一間的牛肩胛肉眼扒係幾有口感的🤤。牛肩胛 就係 板腱牛排🤔咁樣講其實都唔多明白簡單來說一頭牛只能取出少量的板腱🥩牛排中間有一條透明的嫩嫩的牛筋煎完之後 食起來係勁彈口 🤤我就最鐘意「厚切」口感勁好 牛味勁重。🍛龍蝦汁海鮮燴意大利飯 $95🍛每個人對於意大利飯的嗜好都不同🙃我就比較偏愛食較硬身的🍚依間的意大利飯就無吸取過量的龍蝦汁 海鮮的份量都還算可以 夠飽肚😆

唔知每個人心中既天堂會係點架呢？或者有人會覺得玩樂就係，亦有人會覺得美食係，無論點都好，只要令到受者覺得快樂，我相信就係心中最大最美麗既天堂，今次👦🏻👧🏻搵到既天堂位於太子，交通都幾方便，門口放住一個旋轉木馬模型，店舖入面亦都有唔同既擺設，風格都幾統一，店舖入面會不停播放住基督教既詩歌，感覺都幾和諧。蟹籽蟹棒忌廉意大利闊條麵眾所周知，👦🏻係闊條麵上癮者，每次見到就好想好想嗌，咁當然佢都無令人失望，大量既蟹籽配埋香濃忌廉同煮得剛好既麵條，真係令👦🏻好難忘😳黑松露薯條呢道菜幾乎檯檯都有嗌，薯條既份量好足夠、亦好夠長，食得好過癮，一邊點茄汁一邊點黑松露醬，好滿足🤤石燒牛肩胛肉眼扒呢個都係一大驚喜，食過幾間石燒牛質素都未如理想，呢間抵食之餘肉質又夠淋，而且仲要附贈薯角，呢個價錢真心愛❤️每次都會透過以下6大方面評分(滿分:30分)味道 : 4 / 5環境 : 3.75 / 5外觀 : 3.75 / 5價錢 : 3.75 / 5服務 : 3.75 / 5 回頭率 : 4 / 5總分 :23 / 30性價比：好食既餐廳就會係👦🏻👧🏻既天堂，加上價錢、服務方面都值得一食再食，下一次約左朋友再挑戰🤤

太子砵蘭街一帶附近都有挺多的cafe餐廳，今日跟朋友來吃午餐聊聊天。一至五設有主餐牌及午市餐牌。最後點了蟹籽蟹棒意大利寬條麵及煙三文魚蜆肉天使麵各一碟及飲品--Earl Grey Latte(熱)及薄荷朱古力(凍)各一杯。蟹籽蟹棒意大利寬條麵醬汁是white cream suace，蟹籽份量滿滿的，拌意大利麵吃卻出奇地夾，很不錯喔。煙三文魚蜆肉天使麵醬汁亦是white cream suace，煙三文魚及蜆肉給的多，味道比上一碟的蟹籽蟹棒意大利寬條麵咸，麵條煮得剛好。麵食類做得不錯。至於飲品方面，友人點的薄荷朱古力(凍)很不錯！味道很濃郁。

今日放假出去花墟，花園街一帶行下買新年野，喺 shopping 行到 動前先醫飽個肚先，於是打開電話 search 搵下搵下就搵到cafe paradise，我地唔想人多嘅地方食，呢間就唔錯，地鐵站出口附近到左餐廳正直lunch hour，我地等一等，用等嘅時間睇睇 menu，分秒必爭😅今次我地揀兩個唔同餐，老婆要 all day 餐 - paradise jumbo，而我就揀午餐 - 美式 BB 豬柳肉Order 後先飲個餐湯同多士暖暖肚先等左一陣後我地嘅美食上檯 la，先係我嘅 BB 豬，未食已經聞到香味，到食落口就仲好味，再加埋個汁，仲滋味，而且我係跟飯，所以食完之後好飽肚 🙂🙂而我太太嘅 jumbo 餐到了，好大碟，塊扒唔細架，有肉味，仲有炒滑蛋好味，薯餅脆香唔燶，再加埋茄汁更加好味 😀我地餐飲 order 左青蘋果梳打同熱榛子牛奶，兩杯同樣好好飲食完飽飽我地休息一陣就開始出發去 shopping，下次經過呢一帶會再黎食

朋友喺太子區返工，今日约佢一齊吃lunch，佢話同事講開Cafe paradise呢間嘢幾抵吃，又好近地鐵，方便我揾到，因為離地鐵D出口只是1分鐘時間。我同朋友嗌咗两個餐，一齊share吃，雖然張二人枱細咗啲，比較逼，但都好開心，石燒牛肩胛肉眼扒200g買78蚊，加30蚊成為套餐，有齊餐湯，沙律，嘢飲同埋甜品，好喜歡用石燒方法，可以自己控制生熟程度，大大讚。蟹棒鴨胸南瓜汁燴意大利飯，唔係好大碟，但好味，南瓜汁的甜度襯埋粒粒分明的意大利飯粒食得好滋味。餐湯，是日特飲蘋果蘇打亦好平均。

好耐之前聽過朋友講café paradise d all day breakfast好正，一直都好想試但未有機會 (因為黎親都勁多人排隊但又冇得book位)，近派得知原來是黃店，所以就算多人排隊都堅持要去徵罰一下💪🏻淨係all day breakfast都有4款選擇，我地呢d大胃王緊係揀最勁量嘅jumbo，貪佢有齊西冷牛扒、炒蛋、煙火腿、煙三文魚、煙肉、直布羅陀腸、茄汁豆、薯餅、烤蕃茄、炒雜菌、粟米、田園沙律、多士配果醬～Paradise Jumbo $123好鍾意佢個士多啤利醬，食得出係真材實料，唔似超市嗰d cheap雞假味醬咁，味道唔會過酸或過甜，用黎搽包一流❤炒蛋同薯餅我都好欣賞，前者嫰滑後者香脆。唔想食all day breakfast可以lunch set，有9款選擇，每款都係$60~80左右，包是日餐湯同特飲。法式紅酒燴牛肋條配飯 $72牛肋條炆得好腍滑，完全唔韌，個紅酒汁都好香濃好惹味，裡面仲有大大舊甘荀索曬d汁好正😋

Nice location, nice atmosphere & decoration in the restaurant & the service is good. My favourite:chocolate molten Lava cake⭐️⭐️⭐️⭐️ That was just a pure perfection with the delicious vanilla ice-cream. The oozing warm chocolate was not sweet but mixed with ice cream was delectable.Main course:Fried chicken with salads and French fries⭐️⭐️⭐️⭐️The chicken meat was fragrant and the salads was fresh. I was full of this meal.

聽聞餐廳幾抵食又有較多牛扒選擇，進入餐廳時已聞到獨有氣味及滋滋聲的石板燒。All Day Breakfast – Paradise Full材料新鮮，份量也剛好，炒蛋嫩滑，漢堡扒下的炒雜菌也有清淡的調味。多士加上果醬都好味，還有一杯橙汁，整體不錯。橙汁是指定飲品，想轉其他飲品時欠缺選擇，有點失望!牛肩胛肉眼扒 石板本身很熱，所以肉眼扒的油脂向四方八面彈出，記得在進食前為衣物做點保護。石板的熱度令肉眼扒快熟，加上自己吃得慢，還是先切開一塊塊，處理好喜愛的生熟度後再放在碟上以避免過熟。肉眼扒有根，咬得不太爽。燒汁有兩款，但比較淡。薯角外脆內軟。值得一讚的是石板熱度非常持久!兩份主食令餐桌滿滿，餐桌與隔鄰餐桌之間的空間甚少，石燒菜式亦受歡迎，坐後不久已覺餐廳空氣較侷促及很嘈雜，用餐舒適感偏低!

花園街逛街，行到餓底，見砵蘭街412號門前的旋轉木馬模型很精緻美觀，吸引我駐足觀賞，打卡一流。見餐廳裝修簡約，座位寬闊，餐廳播著流行歌曲，令人心情輕鬆愉快。我點左至愛石燒法式羊架$138有二件， 熱烘烘，香噴噴，羊肉🐑味香肉質腍，真美味，配薯條🍟，香脆可口。法式紅酒燴牛肋條配飯$72，牛肋條夠腍又入味，真好吃😋伴碟有沙律🥗蔬菜🥬很新鮮又清甜，加入胡麻醬更好吃，午市套餐有甘筍南瓜🎃湯和奶茶☕️都不錯。原來不收加一，確抵食。

太子有家西式餐廳，白色窗框設計，感覺像走入歐洲小屋，餐廳牆上貼滿客人慶祝生日的照片，旋轉木馬擺設增添歡樂氣氛。餐廳提供 set dinner，包括有各式意大利粉或意大利飯，我今晚則選擇巴黎式紅酒慢煮紐西蘭羊膝，餐湯雞茸粟米湯，濃稠帶胡椒香，而前菜田園沙律配芝麻醬亦新鮮爽脆。稍等十多分鐘，店員端上紅酒紐西蘭羊膝，羊肉入味，雖然慢煮但不會過腍，肉質保持彈性，羊肉味道香而不羶，薯蓉香滑，點睛之作是配上燒菠蘿，消除肉膩而帶出清甜感。晚餐配咖啡或茶，加 $15可以點選 menu 內的特飲，包括特色咖啡、朱古力、沙冰或梳打等，而加 $25 可選花茶。是日甜品是紫薯雪糕，啖啖紫薯香而不甜不膩，最後一杯熱檸水，感覺真舒服又滿足。離開時才剛過7時，已見有人排隊，目測鄰檯的意粉、前菜 薯條及buffalo wings 好吸引，而且還有近期 hit 爆的石燒牛扒，下次再約多三五知己來聚聚吧。

今日用左apps book枱食飯去到先知叫咗套餐 單點就唔可以有優惠其實真係第一次聽😂😂本身講咗話叫左下午茶lunch就冇優惠點知原來單點升級到套餐其他都冇優惠其實落單有責任再提我地多一次之前食過幾次都覺得幾好食但服務態度真係麻麻地上一次已經計錯價錢 落錯單唔知點解老奉覺得我哋啲客會知道佢點樣計一句唔好意思都冇一句原來誤會咗就算仲要坐喺度傾計唔理啲客叫咗好多次先應後尾先發現甜品都冇上俾我哋錢就照收 態度依舊唔會再有下次 不了

今日我收工約左朋友兩個人想傾下計，心情唔好最想有甜品餐廳，我哋上網搵到一間餐廳有心太軟甜品，地點好方便，係地鐵站附近，入到見到簡單裝修，好快安排到我哋坐下，同朋友見到有dinner set ,但係我哋想見到散叫，我哋叫左兩個意粉，一個小食，兩杯野飲，當然要叫心太軟, 酥軟殼蟹龍蝦汁天使麵 （$98） 軟殼蟹食落去脆 黑松露野菌意大利飯 （$75） 黑松露汁好香，黑松露意大利肉餡雲吞 （$62） 好少地食西餐有雲吞，見到份量不少 都有10粒左右 野飲方面叫左兩杯熱焦糖鮮奶，榛子鮮奶 ，兩杯都好飲，最期待既甜品黎 叫左心太軟 心太軟 流心 好喜歡 推介