火車頭越南餐室 (朗豪坊)

营业中

休息中

平時去朗豪坊都係食隔離嗰間沙律同包🙈見唔太多人 今次就黎食下越南野🇻🇳-香茅豬扒撈檬🐷 $79媽咪嗌左呢個～都有幾多塊豬扒 每一塊都好厚😋肉質幾嫩 唔鞋口🤤不過佢應該用鬆肉粉/梳打粉醃過🤔醃得over左 好大陣味😣成個粉嘅份量都幾多 好大碗🤩配菜都有好多：青瓜絲、炸蒜片、洋蔥絲、椰菜絲同埋蔥花✨撈完之後成碗野好colorful💓好香好清新 口感好豐富‼️再加埋佢啲魚露 好好味😚-鮮茄蟹肉蝦湯檬🦀🦐 $108我嗰碗啲配料好豐富😍佢有一隻炸軟殼蟹、一堆蟹肉、幾隻鮮蝦同埋龍蝦卷💓蟹肉份量一啲都唔少 堆埋左成堆喺中間‼️隻炸軟殼蟹冇分開上 所以就比啲湯浸到淋左😣不過佢都唔細隻 有幾多肉🤤啲蝦同蟹肉都好有鮮味✨個湯底係蕃茄湯🍅一啲都唔稀 做到勁傑 係好似蕃茄蓉咁🤩勁濃番茄味 仲加左半個蕃茄喺入面🥳不過個湯偏甜 一啲酸味都冇🙈我自己就麻麻 鍾意酸啲👅配菜有炸蒜片、香蔥、芫荽、芽菜苗、蝦米同埋幾舊豆卜😋啲料多到食晒碗麵都仲有淨🤣好抵食！最鍾意係佢啲檬粉 索晒啲味但係都冇淋到 仲好爽口彈牙👍🏻-香茅牛肉紙米凍卷🐮$58啲紙卷做到好薄身好晶瑩通透 好煙韌🤩仲爆晒餡😍入面唔止夾住左啲香茅牛肉 仲包左好多檬粉、

食過大坑果間都幾好，咁啱見到朗豪坊有就諗住食，點知咩都未食好嬲咁走左，坐低叫左個蜆炒絲，隔離台遲過我黎，野都黎晒食到7788我碟野都仲未到，差唔多成9個字，跟住先有條女倒杯水過黎話追緊張單，唔係爆場都咁，爆場咪等2個鐘先食得？唔會再去，就算真係要食都只去大坑果間！

和朋友在朗豪坊一起看完戲後經過這一家 — 火車頭越南餐室突然好想吃越南湯河 便決定在這裡吃晚餐火車頭招牌湯河生熟牛肉肉質鮮嫩 濃濃牛香牛丸彈牙 牛筋嫩滑 還有爽口牛栢葉湯汁加上洋蔥、香蒜和羅勒 味道鮮甜放入芽菜 再灑點青檸和辣椒仔 味道更多層次河粉幼滑 晶瑩剔透 碗上濃濃牛肉味湯汁 泰式烤雞一份半隻 上菜時香氣撲鼻吃起上來外脆內滑 雞肉多汁嫩滑烤得恰到好處 點上越式醬醋 味道濃香 推薦蒜蓉炒通菜通菜新鮮 以蒜蓉炒得好香牛油果奶昔牛油果香濃郁 奶昔香滑 健康又好喝最適合喜歡牛油果的朋友

餐廳在旺角朗豪坊 ，設計像個火車頭， 造型十分趣緻吸引。火車頭湯河$98火車頭湯河必食推介， 湯底用大量牛骨熬制， 十分鮮甜又不肥膩， 牛味突出， 河粉跟上湯一起食超索， 配料好豐富， 足夠兩人份量， 有滑溜牛肉片， 爽彈牛丸， 嚼勁牛柏葉 ， 入味蘿蔔， 大大塊、軟淋淋牛筋， 充滿骨膠原， 女士恩物。馬拉盞通菜$68通菜翠綠、爽脆， 配上鹹香 迷人的馬拉盞， 不會太鹹， 十分惹味， 拌飯一流。軟殼蟹米卷$65用大米製成的米卷， 薄身晶瑩 通透， 煙煙韌韌，富彈性， 包著炸到金黃香脆， 令人垂涎 的軟殼蟹， 配上大量爽口檬粉、 青瓜絲、 熟透香甜牛油果， 加埋特製醬汁 ，感覺健康和清新，一點也不覺油膩， 好有越式風味。蒜蓉法包四件$38法包烤得香脆可口 ， 入口充滿誘人蒜香和牛油味， 令人吮指回味。龍眼冰$38龍眼冰有大量龍眼肉在杯中， 果味馥郁， 甜度不會隨溶冰以減退 ， 好清潤，正合秋冬乾竭的喉嚨。三色椰子雪糕新地$52椰子雪糕十分滑溜，椰香味出眾， 配上黏糯豆蓉、綠色粉條和蜜甜的芒果肉， 拌勻後 一起吃， 口感豐富 ，欲罷不能， 回味的飯後甜品。總括，價錢親民，味道不錯， 十分

朗豪坊有好多餐廳選擇今日黎到foodcourt既層樓但我同朋友簡左食越南菜我地點左四樣菜式黃咖哩烤羊扒牛油果軟殼蟹紙米凍卷烤鵪鶉越式菠蘿蝦膏炒飯牛油果軟殼蟹紙米凍卷賣相好靚 有四件軟殼蟹份量好多 亦好香脆點埋特製既醬汁 好開胃烤鵪鶉唔係好多餐廳會有既菜式肉質好嫩滑 亦唔油膩外皮香口 肉亦好入味黃咖哩烤羊扒佢用鐵板上 再即刻將醬汁淋上去即刻香味撲鼻羊扒肉質好嫩 啖啖肉好香濃惹味 好滿足整體黎講價錢合理 味道很不錯係食越南菜既好選擇

女兒說朗豪坊佈置得好有聖誕氣氛，今晚同老公去行下影下相，行過4樓見到火車頭越南餐室，記之前食過好好味！今晚都好想回味一下，就和老公入座。餐廳設計都好特別，尤其是廚部，以火車頭設計，特別的吸睛，又是一打咭好位置，座位舒適，燈光柔和。食物主打越南菜。雞絲扎肉湯河，因為河粉沽清，改用檬粉，扎肉彈牙，雞絲鮮嫩，湯底濃郁鮮甜，加左一些芫茜、乾蔥、銀芽，增添美味！。香茅豬扒撈檬，豬扒厚薄適中，煎至金黃色，肉質軟嫩入味，檬粉已經調味，味帶酸。街頭米碎飯，餸菜都好豐富，有流心荷包蛋，香茅豬扒、肉餅等，飯軟硬適中，豬扒和肉餅都好入味。越南炸春卷，春卷即叫即炸，外層香脆，餡料惹味，可以配生菜和泰式酸辣醬汁食，更加好味！鹹檸七，鹹檸檬已經整碎混合七喜內，味道鹹中帶甜，冰凍解渴。

網上買了戲票，準備在朗豪坊吃完晚餐再逛一下便享受電影的世界。見到這家越南餐廳加入了一些新菜式到餐牌上，在店前踱步後決定試一試。青木瓜乾牛肉沙律地道的泰國生果青木瓜絲加入掩過的可口乾牛肉，五味四起，味蕾開胃流口水。美祿哥斯拉凍朱古力味夠濃，再灑上無敵美祿朱古力粉，冰凍大杯，竟然不會過甜。椰湯浸波士頓龍蝦菇菌椰香湯超濃縮，而且帶蝦肉香鮮，龍蝦肉爽口又彈牙，ok入味。香茅豬扒豬扒厚薄適中，做得不會干，香茅惹味令豬肉不帶丁點肉羶味，食肉獸大飽口腹。欖菜肉鬆炒飯飯粒炒得每粒企身，不油不黏膩，配上欖菜扎肉生菜，添加了一份咸香，相當飽肚。食後感：設計開揚，空氣流通，上菜亦快，價錢合理，質素不俗，服務挺好。

下班相約友人到這間餐廳，用饍後到商場購買聖誕禮物。曾在大坑嚐過這間店的湯粉，當時對蔗蝦和湯粉甚為難忘。這次來到旺角，再次點一碗湯粉和試試其它新菜式。晚上在暖黃的燈光襯托下，加添一種暖和的感覺。雜莓奶昔($43)，份量頗大。個人比較喜歡雜莓奶昔，而友人則較喜歡牛油果奶昔。兩杯奶昔皆好喝，視乎個人口味。牛油果奶昔($43)，牛油果奶昔比雜莓奶昔更軟滑，少一點甜味，牛油果味濃郁，更能嚐到水果的味道。咖喱牛腩煲($108)，咖喱中辣，當中混和着濃郁的香草味，香味在口中散發。把咖喱汁澆上白飯，更讓人垂涎欲滴。牛腩量多而軟稔，碟中也有沾滿咖喱汁、軟稔的薯仔。白飯($12)是咖喱牛腩煲的最佳配搭。白飯量多，一碗已足夠兩個人吃。上桌時即澆上汁，以免在寒冷的天氣下，飯快速變得乾硬。有濃郁的咖喱，自然少不了清淡的蔬菜。來到東南亞餐廳，少不得點一個招牌馬拉盞炒通菜($68)，新鮮的通菜炒得爽口，味道比一般的馬拉盞通菜清淡，拌濃郁的咖喱煲吃，尤為合適。友人特愛這碗順化湯檬($82)，差點把整碗湯喝下。味道以頂層的香葉為主，極為清新。肉類量多而軟稔，相信食肉獸會滿意。幼身的粉極為幼滑，仍能掛上湯底的肉香，又與肉

餐廳環境開揚，有很高的樓底。我和男朋友坐在靠窗位置，透過落地玻璃望到室外的花園，感覺悠閒。第一道菜式是香茅豬扒。一碟大約十塊。灑上乾蒜和青葱，增添顔色。夾一塊豬扒，只見兩面都煎到焦香，帶有光澤。入口食到陣陣香茅味，口感軟腍，香口惹味。之後是越式菠蘿蝦膏炒飯 。材料有大蝦、肉鬆、西芹、臘腸、葱花等。飯粒飽滿，炒至金黄。炒飯和配料一起食，滋味十足，而且帶有蝦膏的鮮味。在一旁的菠蘿，已切成小塊，方便食用。鮮甜多汁，完全不會酸，很開胃。越南酸子魚柳是男朋友點的。青、紅、黄椒和洋蔥切成細塊，與醬汁混和，賣相吸引。魚柳挺大一塊，魚肉炸至一絲絲的，足見火喉很够。魚柳有咬口，酸甜惹味。最後是馬拉盞炒通菜。通菜很爽口，咀嚼時會發出「嗦嗦」聲響。味道很香濃，但又不會過鹹，還好像有魚露的鮮味。炸蒜香脆，與通菜同吃，豐富了口感。每樣菜式份量都多，適合兩人分享。我們都捧腹而歸。

＜酸辣去骨鳳爪＞調味平衡度一流，酸辣都十分之出色，十分開胃，份量亦十足。＜越式法包＞脆脆的法式麵包，夾住越式料理常見的餡料，沾上魚露，又是一份出色的開胃前菜。＜馬拉盞炒菜＞常常遇到的都是炒得黑黑的通菜，但這裡的炒菜直到端上枱面的時候都是綠色的。＜泰式燒雞(半隻)＞外皮燒得香脆，但亦能保留肉汁,份量十分，推薦主菜之一＜香茅豬扒撈檬＞絕對不可以錯過的超經典越南粉麵，酸酸的魚露，加上熱辣辣的豬扒放在冷冷的檬粉上，絕配的組合。＜生熟牛肉湯河＞侍應會不厭其煩的提示你要將生牛肉沈在熱湯裡，確保每一位人客可以在安全的情況下享用到生牛肉湯河的美味

1.     2019年11月12日下午3點半去到，當日旺角站封左，成間店都只得2-3枱客，但個帶位男職員都要比個又迫又窄嘅位。2.     間野勁古惑，明明有下午茶餐牌， 但收埋唔放出黎，要問先有。帶位男職員仲要一臉不滿，覺得你食CHEAP野嘅表情去拎份下午茶餐牌出黎。3.     帶位男職員點餐態度都係黑口黑面，問多句個餐係點叫都勁唔耐煩，講真個市咁差仲企係高地黎SERVE客，咁唔想做生意，不如直接執左佢啦!4.     野食質素好一般，再加上帶位男職員個態度，真係唔會再黎。

同朋友喺朗豪坊shopping後,決定一於食越南菜。坐低第一件事我就order左杯牛油果奶昔, 牛油果奶昔打得細滑順口,有淡淡牛油果香味,口感清新。小食方面我哋揀咗招牌推介嘅牛油果軟殼蟹紙米凍卷,裏邊除咗包左牛油果同軟殼蟹之外仲有檬粉。仲有當然唔可以少得嘅越南炸春卷,熱辣辣新鮮炸起非常之香脆。朋友想食有湯嘅熱食,所以佢就揀咗火車頭招牌湯河。河粉除左有羅勒,乾蔥同洋蔥絲外,另外再附上一碗芽菜,辣椒同青檸自行配搭。配料嘅份量非常之多同豐富,有牛丸,生牛肉,熟牛肉同牛筋。我就選擇左我最愛嘅香茅豬扒撈檬,配上酸酸甜甜嘅醬汁既清新又開胃。

菜式太少款式，無乜選擇，切生日蛋糕要收 60 切餅費有點貴🤔食物都幾好味，不過份量比較細碟，坐位都坐得舒服😊環境都可以😬服務可以接受，食煙好方便行出平台就可以😬

依排實在忙得透不過氣，攪到胃口唔太好，想食得輕盈一點，於是去了朗豪坊的火車頭越南餐室。火車頭越南餐室的樓底好高，感覺好開揚，座位與座位之間寬度合適。餐點選擇多元化，前菜、沙律、湯、海鮮、肉類、飯麵類、菜類、甜品、特式飲料等都一應俱全。龍眼冰、薄荷青檸梳打龍眼冰內有好多龍眼肉，煮過的龍眼肉煙煙韌韌，龍眼肉保持鮮甜。龍眼加上糖水煮過後再加上龍眼糖水冰，味道好清甜、好清潤。薄荷青檸梳打好清新，帶少少甜，非常解喝。火車頭招牌湯河叫了食越南菜必叫的火車頭，內有非常鮮嫩、牛味濃郁的生熟牛肉、軟滑入味富骨膠原的牛筋、爽口入味的牛栢葉、爽口彈牙的牛丸和清甜無榨的蘿蔔，還可以按自己的喜好加上香葉、生芽菜和辣椒絲。湯底是用牛骨熬製，味道好清甜、湯底入口好有層次，配上滑雪雪米香十足的河粉，非常滋味，實在是必叫之選。咖喱牛腩煲件件牛腩都是牛坑腩，啖啖肉，入口爽軟唔韌，而且好入味。薯仔爽中帶粉，同樣好入味。精華在於味道好有層次的咖喱汁，咖喱味香濃，帶少少辣，用來配白飯或蒜茸包，非常舔舔脷。燒鵪鶉鵪鶉用不同的香料醃製，再烤，烤得外脆內嫩。鵪鶉肉質爽嫩，連骨都好入味，店員說要等15分鐘才烤好也是值得。

朗豪坊果然是美食集中地，還在考慮晚餐吃什麼之際就給火車頭越南餐室🇻🇳的餐廳裝修吸引了！餐廳主題顏色藍綠色令你覺得有少少處身越南的感覺。一坐下見到有越南海鮮套餐，即時兩眼發光🤤 因爲不用苦惱食什麼。同一般套餐無異，呢個套餐有湯、有前菜，有主食，再有好好味的馬拉盞炒菜，至於包埋餐飲就係基本嘢喇！牛油果🥑軟殼蟹米紙卷：味道不過不失，不過牛油果🥑味道好香，入口有軟殼蟹的脆口口感配合米紙的煙韌，整體是不錯的。椰湯浸波士頓龍蝦🦞 椰香和龍蝦的鮮味並存，鮮味不會給椰香搶了。龍蝦相當厚肉，值得一提的是，侍應很識得觀形察色，我正在苦惱😖如何進食龍蝦頭之際，侍應好主動走過來話桌上有提供手套，可以用手套🧤剝開食😅飲完湯就上主食蟹肉金邊粉🍝金邊粉屬於厚身和粗身少少的那一類，並不是極幼身的那種。新鮮炒好一上檯時，金邊粉條條分明，軟硬度適中，味道好香，不過蟹肉的味道並不突出，口感也是一般。不過金邊粉凍左再食，味道口感就明顯好不同，至於麵身亦因為溫度下降而變成一餅餅，所以都係趁熱食係最好。馬拉盞炒通菜係超級正味道鹹淡啱啱好，一啲都唔鹹，而且通菜仲炒到好翠綠。