火車頭越南餐室 (朗豪坊)

营业中

休息中

上星期到朗豪坊逛街，晚餐之後看看附近有什麼餐廳可以一戰，留意到這間越南菜餐廳，久未嘗試越南菜的我決定一試先點了炸春卷作小食，外皮香脆，配合內裏飽滿多汁的餡料，加上泰式辣醬，是一道開胃的小菜越式法包，餡料同樣飽滿，而且配料配合不同的蔬菜為口感帶來不同層次，麵包質地鬆軟，有驚喜馬拉盞炒通菜，味道非常濃郁驚喜，咸香味十足菠蘿炒飯，份量非常之多，而且配料非常豐富，配以蝦仁臘腸肉鬆腰果，而且炒飯炒得粒粒分明，非常驚喜

三號風球下, 胃口麻麻, 打算食越南菜開下胃口。對上幾次黎幫襯都感覺不錯, 可惜到今晚, 好印象到此為止。叫左兩碗河粉, 剛食完無耐, 休息一陣, 正想諗下飲乜之際, 侍應已經禮貌地遞上結賬單, 並連聲多謝。望向入口, 無人等位, 睇下時間, 20:17, 再睇張單, 落單時間係19:40...向職員查詢, 表示晚市有時限, 一睇18:00 以後入座, 限時90mins.結合以上資訊同感受, 我感覺到呢間餐廳, 想自我降格為快餐店, 以後唔會再主動去!

12點前去到，座位任選，坐底亦無人摧落單可以慢慢睇。可以讚系所有食物熱辣辣，服務都幾快幾周到，但冷氣吾多夠要用風扇。燒豬頸肉飯餐（$79）-豬頸燒的幾香同吾乾，比較肥美同爽口，米飯比較硬但汁醬幾好味。-蒜香牛油雞中翼好大隻，好有肉汁，但牛油同蒜香味吾夠。香茅牛肉飯餐 （$79）- 牛肉好似系水煮加汁，肉好乾，無任何香茅味，米飯比較硬但汁醬幾好味，但牛肉份量吾夠。-燒豬肉米紙捲，米紙比較厚同勒，豬肉亦無乜味，加條生韮菜花但吾敢生食。

今晚男友提議食越南菜，近近地選擇了朗豪坊的火車頭越南餐室!店面望落真的好像車卡的外型，幾有風格。餐牌價格中等，主打湯河、撈檬、叻沙及咖喱。還有甜品及越南滴漏咖啡供應。薄荷青檸梳打$ 36 調味調得不錯，像無酒精的mojito 葡萄梳打$32唔會過甜火車頭招牌湯河 $98上碟超大碗，非常足料。內有牛肉、牛丸、牛栢葉、牛𦟌同大量牛筋、羅白半生熟的牛肉片很吸引、牛𦟌厚度夠、牛筋黏口軟稔充滿骨膠原，河粉亦都爽滑。香茅牛肉米紙卷 $58米紙卷包得很紮實，附的醬汁有點似填鴨醬甜甜很開胃。咖喱牛腩 $108 牛腩份量超多，薯仔炆得好稔，醬汁夠濃稠。咖喱惹味香濃一d 都唔辣。法包 $23 用來沾咖喱食很夾。豐富足料的一頓全牛晚餐。

這晚約了老豆吃晚飯，老豆偏好泰菜、越菜，話想食咖哩牛腩，我醒起朗豪坊的火車頭，就同老豆去火車頭食晚飯！無論鐘意食湯河還是飯都照顧到！我當然選了我的最愛——原個菠蘿炒飯！然後就要滿足老爸的要求，點了他想吃的咖哩牛腩。再點了個小食，椒鹽軟殼蟹。老爸是很直接的人，好吃就說好吃，他說牛腩質素非常好，是坑腩部分，肥瘦適中！又淋又入味！咖哩不會太辣，適合大部分人口味，如果不吃飯，我建議點個多士，沾上咖哩汁應該好好吃！還有大大的薯仔！椒鹽軟殼蟹非常惹味，偏辣，好香脆，裡面軟綿不失鮮味！很特別，配上炸過的粟米片和生菜，層次更豐富！菠蘿炒飯好足料！好多肉鬆、腰果，還有幾隻超大隻的蝦，爽口到不得了，菠蘿又甜，非常適合夏日！飯粒分明！好滿足！點了鹹檸七和鹹檸蜜，解渴！爽！

向朗豪坊做完facial 外面又風大雨大，跟老公在商場入面吃個晚飯就快快回家吧！4樓food court 樓層見到有間越南餐廳，反正已經很久沒有吃越南菜，一於就決定吃我很愛的越南湯河。生熟牛肉湯河食越南菜必吃之選，半生熟的牛肉+牛腩完美配搭，牛骨湯清甜可口，牛肉鮮嫩軟滑，而牛腩爽口軟淋，真的非常美味。鮮茄蟹肉蝦湯檬橙紅色的湯底望落已經非常吸引，入口蕃茄味香濃，但金不換香味比較突出，有少少蓋過鮮茄甜味，面頭放上大大舊炸軟殻蟹，軟殼蟹外層少少脆口，蟹肉保持鮮嫩香甜，另外大蝦爽口彈牙，鮮味十足，整體來講都很不錯喔！越南炸春卷春卷炸到金黃色,用生菜包住加上少少甜酸醬，脆卜卜又滋味。牛油果軟殼蟹米紙卷米紙卷外皮QQ的，軟殼蟹份量十足，食落鮮甜，配上牛油果可以減低油膩感而且又健康。馬拉盞炒通菜馬拉盞咸香惹味，通菜新鮮爽嫩。美祿哥斯拉馬來西亞特別愛飲美祿，用上比平常多一倍的美祿冲成，面頭再堆上大量美祿粉，飲落特別香濃，最驚喜反而不算太甜，甜品剛剛好。

同朋友閒逛朗豪坊，大家都唔知想食乜，睇到火車頭越南餐廳，立馬決定試一下。兩個人坐下，朋友二話不說就直接叫了一個火車頭河粉，我依然是生牛肉檬粉，落單唔使五分鐘火車頭河粉上來了，朋友說“怎麼不熱呢？”說完自顧自的吃起來，我的生牛肉也到了，碗裡一塊蘿蔔大概有五塊牛肉，試了一下蘿蔔蘿蔔很老有筋帶苦味，至於湯和粉沒有驚喜。重點來了，朋友給我夾了三塊牛筋，我吃了第一塊的時候，就想這是什麼牛筋？怎麼這麼難嚼呢？費了九牛二虎之力才終於吃完第一塊，牛筋的口感很奇怪，感覺像食橡膠一樣的，到第二塊的時候，根本就咬不動扯不爛，我立馬放下，心裡想，這不是大陸合成的牛筋吧？香港人對食越來越不講究了嗎？難道只求溫飽了？那既然這樣還吃一百塊錢的粉幹嘛？

夏日炎炎，加上戴住個口罩焗住，都無咩胃口。午飯時間，見到呢間越南餐廳幾多人，午市套餐包小食同飲品，都好多選擇，決定試試。心大心細，最後揀咗香茅牛肉湯河（$79），小食就揀咗牛油果素米紙卷，飲品就揀咗凍士多啤梨綠茶（跟餐唔洗加錢）。等咗一陣，米紙卷就黎喇，賣相好靚，食落感覺好清新，紅蘿蔔、粉絲、菜酸酸甜甜，幾醒胃，不過牛油果就細舊咗少少...個醬汁似稀稀地既甜醬，加花生碎。跟住到湯河，份量比想像中大，牛肉都好多，而且肥瘦適中，一咬落去有陣淡淡既香茅味，不過質感略嫌「鞋口」，牛味亦欠奉。唔知生牛肉會唔會無咁鞋呢... 河粉就好滑，湯底偏淡，要加少少魚露提鮮。至於飲品，凍士多啤梨綠茶就好似一般台式飲料，味道偏甜，有幾粒迷你士多啤梨粒粒漂浮，望住都覺得熱氣全消。埋單$79再加一，喺旺角黎講算合理。

位於朗豪坊平台嘅越南野，位置方便，聽講呢間好食同有越南獨特風味，所以放工嚟試吓。頭盤先食一個大蝦柚子沙律，雖然得三隻蝦但係夠大隻爽口，成個沙律重點就係個柚子汁，好酸同埋夠哂清新開胃。因為本身我鍾意食雞翼，試吓佢個蒜香牛油雞中翼，雞翼係大隻同埋炸得好香嘅，上面有好香嘅炸蒜，入邊亦都唔會炸得太乾仲有肉汁。對雞翼好有要求嘅我都覺得好好食。火車頭招牌湯河係一定要食嘅，入邊有牛丸牛展同肥牛，真係幾足料，牛展同肥牛味道好濃，亦都同個湯底好夾，唔係出邊一般嘅越南湯河食到嘅味道。比較大碗可以兩個人share黎食。沙嗲牛肉串，牛肉串本身係好香好多汁嘅牛柳，唔會靭，點埋佢個好濃既沙嗲汁好味好好食，又唔會辣，啱哂我。最驚喜係牛油果軟殼蟹米紙卷，賣相做得好靚，入面有大大隻嘅軟殼蟹，清新嘅菜同埋青瓜，米紙又做得好薄，一啲都唔靭。重點係配嘅甜酸汁，令到成件事一啲都唔膩，推薦一試。

之前都有到過大坑的分店，論環境跟地點我會比較鍾意旺角這一間，開設於旺角朗豪坊中，十分方便，店舖就在通往八樓的長電梯側，座位不多，是空放式的，所以空間感十足，門面以傳統越南火車作佈置，幾特別。厚厚的餐牌，選擇亦不少，除了單點，還有套餐供應。小食點了芒果大蝦米紙卷及蒸粉包拼扎肉，兩條芒果大蝦米紙卷雖然配撘簡單，只是將透薄的米紙包上大蝦及甜甜的芒果，配以清爽的蔬菜及香草，沾上醬汁，夏天總是很喜歡的。而蒸粉包拼扎肉賣相很不錯，蒸粉包外皮薄而煙韌，包著的是沙葛，蘿蔔，木耳等食物，最重要是粉包淋上的蔥油及炸蒜，沾上醬汁更惹味。主菜點了個街頭碎米飯，碎米飯比白米更為細粒及硬身一點，配上香茅豬扒，肉餅，豬皮及煎蛋，配撘特別，很飽肚。而簡單的蒜蓉炒雜菜，有椰菜，西蘭花，三色椒，秋葵，車里茄等，十分健康。青檸疏打是食越南菜必飲的。

終於可以出嚟唞唞氣💪但最近好多小店又唔可以坐都好多人，又有少少迫，所以我決定去啲舒服啲嘅環境🙊最好就係大型商場所以我就去咗呢間火車頭越南餐廳環境又乾淨座位寬敞☺️我同朋友叫咗個火車頭招牌湯河好大份好多配料好多牛肉有牛柏葉同牛丸等等......😋之後再叫咗個蔗蝦大大支多多肉👍唔少得梗係要叫越南炸春卷啦脆博博味道非常之唔錯再加埋個春卷醬汁非常之好味😋😋😋最後我哋叫咗個街頭碎米飯豬扒軟林林整得非常之唔錯👍飲品方面唔使講啦一定要叫一杯菠蘿百香果沙冰🍹🍹

放工要去呢個商場到買嘢，出面熱辣辣都唔想再行出去搵食，就去四樓呢間越南餐廳，開放式坐位，坐得幾舒服，探完熱，捽埋酒精洗手液就可以入座!沙律首先出場，牙車快 ($58)，材料有鷄肉，海蜇，椰菜絲，菠蘿蜜絲等淋上酸甜醬汁，口感有爽脆椰菜及甘荀絲，又有甜美菠蘿蜜絲，偶然食到香口花生碎，感覺清新開胃另一越南菜必食係米紙卷，幾款選擇中點左呢客香茅牛肉米紙卷 ($58)，賣相吸引，每段都漲卜卜，感覺相當抵食牛肉，甘荀，青瓜及檬粉被生菜及米紙卷包住，顏色亮麗有個特色醬汁伴食，甜甜地一口咬落去，半段已經塞得個口滿滿，滋味又滿足有食當然點少得杯飲品，熱嘅日子飲杯有氣飲品確係盞，鹹檸檬七喜 ($34)同荔枝梳打 ($34)，有氣中帶點生果味，爽呀!食完沙律同小食，就到主食上場，多款湯粉/檬及飯類中，湯河濕濕地易入口啦，就要左呢碗生牛肉湯河 ($79)，芽菜金不換青檸及辣椒當然唔少得，趁湯熱就即刻加埋落去湯底係鮮甜嘅，再加入金不換落去就多一份香味; 牛肉就比想像中熟，但肉質入口唔嚡，而且份量都唔少; 河粉一貫滑口，食晒成碗都相當飽肚!今晚捨棄食開嘅鷄絲湯檬，改為呢碗叻沙湯粉絲 ($88)，原來材料都幾豐富橙

放工趁人少少去咗朗豪坊行街，晚上人流不會太密集，買東西或者吃晚飯都比較安心，昏暗嘅環境裏面見到吸引的霓虹光管，火車頭 襯托懷舊火車的裝修格調，餐牌的越南美食又很吸引，決定跟媽咪吃一餐法式越南料理。青木瓜乾牛肉 $58先來一個沙律開開胃，青木瓜爽口鮮甜，美味乾牛肉帶有一點鹹香，甜甜酸酸加上辣味，夠醒神！燒豬肉米紙卷 $58越南人氣小吃，米紙卷材料非常豐富，以薄米紙皮包住燒豬肉、蔬菜，再加上醬料一齊食用，入口口感有層次，米紙卷相當薄，感覺可以吃很多也不會胖喔！街頭碎米飯 $83我覺得個名好得意，媽咪果然有讀歷史，佢話越南戰後人們生活很艱辛，食物少而農夫會收集米粒的碎屑，所以就取名碎米飯。碎米飯擺盤都好豐富，香噴噴的香茅豬扒，脂肪夠肥美，配上肉餅、豬皮、太陽蛋、醃蘿蔔，再淋上魚露，這樣豐富美味的碎米飯真係人人愛吃。鮮茄蟹肉蝦湯檬 $108「火車頭」我所認知嘅係講緊特別牛肉粉，本來都想試吓，但係媽咪唔食牛肉，所以就轉吃另一招牌菜，鮮茄蟹肉蝦湯檬。第一眼看鮮茄湯就有一點像越式酸辣湯底，第一啖湯頭鮮甜，淡淡蟹肉香味，大蝦材料十足，湯檬口感軟滑細膩，豆腐卜吸收湯汁的精華。仲有軟殼蟹添！口感香脆鬆化，

第一次到這間餐廳吃，點了一個香茅豬排飯和檬粉。豬扒香茅味不是濃，但至少不會醃到好鹹，肉質鬆軟。汁有少許bb辣，醃菜好吃。朋友也覺得好吃。👍🏻👍🏻👍🏻👍🏻👍🏻羅漢果蜜 自己本身喜歡羅漢果味道，亦喜歡濃一點。這個濃度適合不喜歡太濃味的人，剛好入口，但飲不到蜜的味道。👍🏻👍🏻👍🏻👍🏻檸檬茶 朋友說喝到咖啡味。雖然是下午茶，但分量和價錢與某些越南餐廳的午餐差不多。環境舒適，整潔，服務態度良好。

與女友到朗豪坊逛街購物大半天是時候晚餐了，於商場四樓設有美食廣場，選擇了<火車頭越南餐室>，晚市剛好開始，有些下午茶食客還末離開。職員招呼我們內進。坐下環觀四周，厨房部分用了火車型狀作裝飾， 牆上 還掛着越南尖頂草帽，令餐室添上了越南色彩。 還有露台座位，環境真不錯！菜牌上很多菜式，小食，飲品，甜品……等選擇，而且賣相很漂亮，非常吸引！令人食慾大增！先點兩杯飲品……薄荷青檸梳打"凉浸浸"新鮮的薄荷葉和青檸令整杯飲品非常清新！椰汁紅豆冰紅豆冰濃濃椰香口感滑滑！沙嗲牛肉串比起一般餐廳的牛肉大件，以爲會"鞋"口，誰之非常鬆軟，很有口感點上沙嗲醬汁很惹味！椒塩軟殼蟹炸得很鬆脆，香口！蔗蝦蝦肉爽口，件頭大！吃過以上小食已感到有些飽意了，再加一碗~生熟牛肉湯河粉大家 Share……味道也很不錯！湯很香濃，呈粉紅色的牛肉很嫩滑，而且份量也不少！河粉滑滑的！感到這間餐室的食物很美味，我和女友都很滿意，下次來逛街都會再光顧！