Café 100 by The Ritz-Carlton (裝修中)

由於生日去天際100免費，所以就做1日旅客去睇下，上到去發覺個景色真心超靚，360度香港零死角睇曬。行左一陣，影相影到攰，於是係cafe100坐低左。餐牌上嘅都係西式甜品多，例如窩夫、法式薄餅、意大利烤餅、荷蘭小鬆餅、軟雪糕等等，以ritz carlton 既名來講價錢都算幾抵食。我們兩個人叫左個荷蘭小鬆餅配榛果朱古力醬。份量都幾足，睇落好似雞蛋仔，但食落啲鬆餅好軟熟，咬落去會食到微微嘅牛油香，個醬就係鍾意食朱古力嘅人都會鍾意，rich得嚟又唔會太heavy，配埋啲酸酸地嘅raspberry，個味道平衡得幾好。旁邊個雪糕都唔錯，好滑，個奶味幾濃，同個鬆餅一齊食，一熱一冷咁幾正。食完咁啱撞正黃昏，慢慢睇住日落先走，過左一個悠閒又開心既生日！

國際大都會天際100 五星級酒店附屬餐廳，提供國際高檔飲食服務，當然收費大家可想而知，我們都願意付出消費，但請不要期望過高，你或會由天堂跌落地獄，作為國際級飲食集團於香港的經營手法是否由良心出發？或是要徹底地打破食天堂美譽？$55收費，居然提供人工調味紙包飲品一盒！無言⋯⋯