Burgeroom (Fashion Walk)

营业中

休息中

Until recently, I’ve found out apart from Shake Shack who makes amazing Burger in Causeway Bay, there is also another little haven where it allows you to custom make (kind of) your own desired burger. The little place is located in Fashion Walk Food Street, near Kingston Street in Causeway Bay. The name of the little haven is call Burger Room. We ordered 2 burgers and Curly fries and Honey Mustard Chicken WingsThe fries arrived first, and the taste was on point! Finely season and not too salty. 

今日又去咗銅鑼灣呢間漢堡包好出名嘅舖頭食夜晚 之前都嚟過幾次漢堡包真係幾好食有啲印象所以就翻轉頭再試牛油果醬芝士雞柳漢堡$98 +80軟殼蟹牛油果同芝士真係絕配因為之前嚟幾次都係食牛想試吓其他嘢今次就叫咗雞柳但係有心多多想試埋個軟殼蟹一於加埋佢雞同芝士牛油果好夾 軟殼蟹就炸到卜卜脆 呢個價錢嘅漢堡包果然係唔同啲今次想試吓佢哋嘅小食所以就叫咗 馬蘇里拉芝士條$55呢個價錢有五條條條多拉絲㗎 啱晒我呢啲芝士迷爆谷雞配蜜糖燒烤醬$55由於比較想食雞所以就叫呢個爆谷雞 食落去好香口一粒粒每一舊都係肉唔使咬骨 今次仲加咗$25叫咗個芝士醬係咁點😋 總括嚟講覺得呢度嘅漢堡包質素真係唔錯如果想食返對得住高少少價錢嘅高質素漢堡包都可以嚟呢度試吓而且呢度嘅環境都唔錯仲可以選擇坐喺室外tim推薦大家嚟試吓

今日晏晝想食burger, 同事就提議左去食burgeroom! 見到咁多好評，好期待！醬汁要自己拎～ 一睇餐牌就見到有好多款式，牛、雞、豬、鴨、同埋其他海鮮嘅漢堡都有供應！同事揀左大啡菇芝士牛肉漢堡～ 個漢堡好大隻呀！已經幫你切好咗一半～ 方便食一拎起就發現佢好多汁超級juicy! 啲肉汁多到滴隻手度 個漢堡包係大到唔可以一啖食晒所有餡 大啡菇煎得好香，漢堡肉汁夠多，質地彈牙，係熟咗少少姐，不過都好有牛肉嘅香味 正！我揀左墨西哥辣椒芝士牛肉漢堡，唔同嘅位就係多咗啲墨西哥辣椒～ 同埋加咗$30有lunch combo! 所以有薯條同埋一杯熱飲我哋就揀咗杯rose cappuccino ~ 有好香玫瑰味同埋咖啡味，唔會太甜，好飲我哋仲叫咗個牛油果芝士薯條牛油果味唔算好出，不過份量都幾多，同埋芝士醬一齊食好夾

Came here for my friends birthday party. I got the classic burger and the mozzarella sticks. The burger is absolutely delicious. I love the meat patty, it is soooooo juicy and tender. The mozzarella sticks was soooo cheesy I love it. The price is reasonable when eating such yummy food. There is also no service charge. Side note: if you have to store a cake in their fridge, you have to pay $100.

今日Lunch 同前同事一行四人去食邪惡的burger。多人一齊食的好處就係可以叫多D小食share。.先上小食，第一個係鱈魚手指配他他醬。鱈魚味濃，魚的肉質結實，沒有雪藏味。剛炸起熱辣辣配上凍的他他醬，好味又有味蕾衝擊。.第二個小食，香辣單骨雞翼配蜜糖芥末醬。雞翼炸得超脆，肉很滑很juicy。醬有很淡的芥末味，適合我這些不能吃很濃芥末的人。.第三個小食，是牛油果醬芝士薯條。薯條脆，牛油果味香並滲出淡淡的黑松露香味。再強調，個醬係堅好味。但在我個人而言，薯條配蕃汁或濃濃的芝士永遠都是絕配。.最後終於上主角，burger! 我點了牛油果醬芝士牛肉漢堡！上菜的時候忍唔住，嘩左一下，好大件！.打開個burger，漢堡扒仍然流出肉汁！吃一口，包外皮鬆脆，配上牛油果的fresh和十分juicy、肉味香濃的漢堡扒，簡直是天衣無逢的burger! 一邊咬burger，肉汁和醬會流到手𥚃，此時此刻，真的想個口大一點點！結果，食完係飽到晚上八點都唔覺得肚餓！

我諗唔少朋友都有食過Burgeroom，咁我今次簡單啲介紹啦，先講food street其實有如一個小酒吧街，有indoor同outdoor，平時天晴嘅時候同朋友坐出去飲酒感覺都幾chill嘅，可惜今日天公不做美，落大雨！坐喺室內張枱都幾細，但係仍然都放得落三個人嘅食物同飲品，室內冇話特別有裝潢。首先介紹嘅係avocado French fries，咁上餐嘅時候都係熱辣辣嘅薯條，而且薯條厚切，非常適合鍾意食薯仔嘅朋友，但係個人鍾意食薄身脆卜卜嘅薯條，所以薯條未必咁啱我口味，牛油果同蕃茄他他其實係剛好分開，而且牛油溶未算切得好細，明顯有牛油果粒喺上面，而他他數量亦好少，但係視覺效果就做得唔錯啦。可以一讚嘅係佢有一浸好厚嘅芝士，對於一個芝士嘅愛好者真係不得不食！然後要介紹嘅係Portobello burger，唔係每一個人都鍾意食菇，但個人就好鍾意食豐富肉汁Portobello，今次就冇食漢堡包皮，但係我都聞到佢其實幾香嘅，但不得不讚嘅係佢塊漢堡係做得幾香同厚切，咬上去嘅肉汁，但係成個漢堡切得太大份，所以一般而言都食到好污糟，而且蔬菜嘅數量就比較少，好似啖啖肉一樣，我覺得每個人口味都唔同，

第一次食BURGEROOM , 環境同食物都好滿意👍🏻第一個烤大菇牛肉漢堡一上菜被驚訝到，牛肉同大菇都好厚牛肉調味剛好，有少少筋，很多肉汁，個人覺得口感不錯大菇一咬落口也很多汁漢堡也有加類似千島醬，令整個漢堡不會覺得乾 第二個烤大菇魚柳漢堡魚柳炸得很脆，但個人認為沒什麼魚味大菇也得多汁加入了沙律醬很夾第三個爆谷雞粒個人認為沒什麼太特別雞粒不會炸得太乾，但粉漿少厚餐廳要自助倒水和拿醬汁環境很整潔

今日陪媽咪行sogo thankful week順便送母親節禮物加食飯難得媽媽都有興致於是就帶佢嚟食burger room最先嚟嘅係小食我就麻麻哋芝士嘅不過媽媽喜歡 質素都唔錯嘅奇異果汁 有少少太杰味道正正常常不過不失如果加d冰 一嚟等佢凍d 二嚟又無咁杰就更好到媽媽最鍾意嘅大啡菇好好味 好juicy 恰到好處好驚話岀太多水 佢就唔會喇到重頭戲 double鵝肝好好味 一人一舊好過癮咁嘅份量真係要2個人share食反而主角個牛就普通d個包又烘得唔夠香但鵝肝真係好好食😋

-‘𝐖𝐡𝐚𝐭’𝐬 𝐲𝐨𝐮𝐫 𝐟𝐚𝐯𝐨𝐫𝐢𝐭𝐞 𝐁𝐮𝐫𝐠𝐞𝐫 𝐣𝐨𝐢𝐧𝐭?’ 《𝐛𝐮𝐫𝐠𝐞𝐫 𝐫𝐨𝐨𝐦🍔》百德新街📍•𝐇𝐨𝐧𝐞𝐲 𝐌𝐮𝐬𝐭𝐚𝐫𝐝 𝐏𝐨𝐫𝐭𝐨𝐛𝐞𝐥𝐥𝐨 𝐁𝐚𝐜𝐨𝐧 𝐁𝐮𝐫𝐠𝐞𝐫 🍔 （$𝟏𝟏𝟎）煙肉微微燒焦、漢堡厚身、略嫌乾身醬汁方面沒有吃到honey mustart的味道反而很重的牛油味、漢堡整體太乾身。•𝐀𝐥𝐥 𝐃𝐚𝐲 𝐁𝐫𝐞𝐚𝐤𝐟𝐚𝐬𝐭🥗（$𝟗𝟖）算大份、喜歡有大啡菇的All Day、小有地用了薯餅粒、Croissant 很酥脆很香牛油味、overall不錯。

好耐冇食過漢堡包，一係唔食，一食就要食好d。餐廳環境都ok, 似酒吧，一於試下。黎到見到漢堡包好多唔同款，有牛肉、雞鴨、海鮮等不同夾餡。一於試試密糖芥末大烤菇煙肉牛肉漢堡，聽個名都夠勁。成個包好大，漢堡牛肉超厚，食落有些少牛根打碎混雜，質感幾好，亦有煎香密糖芥末甜中帶酸，開胃。大烤菇的菇味濃，非常juicy夾雜埋煙肉、生菜、蕃茄，非常豐富。麵包亦塗了牛肉更香。另外叫了牛油果醬芝士薯條。芝士焗熔，流質，芝士味濃郁。牛油果醬吃下去卻好像沒什味道。牛油果醬亦混雜了蕃茄蓉，比較酸。估計此配搭是想中和芝士的濃味，但似乎不湊效...食完整碟薯條會覺得較鹹。薯條亦足料，但部份炸得不太好。整體只屬一般。餐廳不設加一服務費，須自行於櫃台點餐，但其實也相當方便沒問題。送一張卡，吸夠十個印先會送$75價值之漢堡。餐牌：環境：

好耐之前黎食過 今日再次黎到Burger Room !! 叫左兩份Burger 一個係 Cheese and Bacon Burger 一個係Avocado Cheese Burger 兩份都大大份 牛肉Juicy夠厚身 咬落去真係超級滿足架！ 特別想讚一讚牛油果個醬 食落有滿滿既牛油果香 無草腥味 十分清新！ 另外都叫左兩個小食 味道正常不錯 環境方面 有室內同室外 室外坐得幾舒服 有好多人都黎飲返杯啤 幾chill幾 有機會一定會再黎 >.<

Burgeroom📍銅鑼灣Friday Burger CHEATDAY‼️餐廳位於fashion walk食街，有outdoor & indoor area。由以前係加路連山道既小店，食到而家有兩間大分店，水準依然保持🥳1️⃣ 鵝肝牛肉漢堡 $168店內最Signature既burger非佢莫屬 🍔 厚切鵝肝煎到表面微焦，鵝肝油出曬黎好香☺️漢堡超級厚身，仲可以咁juicy同軟熟，真係唔易👍🏻👍🏻整體味道好夾，但會偏油膩，女仔可以兩個人share再試其他burger喔🙂2️⃣ 大烤菇鱈魚柳漢堡 $110 相對起beef burger，fish burger必然比較失色，始終紅肉同burger係夾d！大烤菇好juicy🥳 魚柳都算厚肉，不過始終係炸，都會偏油喔！Lunch time 加$30可以有combo，多d薯條同杯homemade tea🤩入餐廳前要量體溫，意識唔錯🤒️但餐廳toilet維修，要去翻fashion walk商場洗手，比較麻煩😕

今日同細妹出銅鑼灣買生日禮物俾表妹，餓餓地想食啲嘢，呀妹話想食burger 經過名店坊就去Burgeroom la! 最愛Snapple嘅蜜桃茶，仲有芝士旋風薯條，好香脆又夠多芝士，超正呀！叫左兩個Classic Burger 加芝士。個包鬆軟有烘過，唔會軟林林濕petpet，生菜蕃茄新鮮爽脆好鮮甜。主角牛肉又厚又多汁。加埋醬汁恰度好處，唔會流曬出嚟，食到呢咁hea😂一個人食一個包真係有啲飽for 下午茶。 耐唔耐一次唔緊要啦，好滿足！

我自己其實平時唔算係好鍾意食肉，但係有時候心血來潮都會好想食下burger。一直都聽朋友講呢間好出名，所以今日特登就黎試吓啦環境⭐️⭐️⭐️⭐️呢度嘅環境設計好似外國嘅酒吧，不過因為疫情期間，所以其實都唔算太多人。環境上其實都算坐得幾舒服，雖然店舖唔算大，但係位置唔迫。食物⭐️⭐️⭐️⭐️今次叫咗一個軟殼蟹漢堡同埋一個鵝肝牛肉漢堡，我哋都有加到一個牛油果醬薯條。我只能夠講如果係兩個女仔食嘅話千祈千祈唔好叫三樣嘢呀！！因為真係會食到超飽！！一上食物個burger好厚，好足料。軟殼蟹咬落外脆內軟，中間亦都有肉汁，唔會話炸到好乾！鵝肚同牛肉都好新鮮！食完超滿足，難怪咁多人推薦！

一直覺得係銅鑼灣呢個area食飯都會有D貴但行到泥發現呢間都幾吸引而且價錢合理揀咗一大輪最後決定叫一個包share再加小食呢度係自己岀去落單，然後再由職員送上我哋被安排坐呢度其實都幾寫意，傾下計又有得望下街景不過如果有人企係岀面排隊再望住我哋食嘢都會幾尷尬下😂朋友叫咗杯蜜桃冰茶我就叫咗杯荔枝冰茶黑松露芝士薯條唔知係咪D芝士味太濃蓋過咗黑松露D味好似唔太食得岀黑松露味香辣單骨雞翼配蜜糖芥末醬單骨呢個位加分，因為方便進食，唔洗擘到個口超大😂😂😂炸得好脆而且入面都唔乾身，芥末味可以再重D主角係雙鵝肝牛肉漢堡加大烤菇成個漢堡厚到無可能一啖食晒，所以全部嘢都要分開品嘗😂呢塊鵝肝勁厚，勁邪惡又煮得生熟適宜，令人齒頰留香大烤菇好多汁本身諗住再叫多個Fish Fingers，好彩我哋好理智因後最後係連呢度都食唔晒下次泥要再試過！