Burger Joys (君悅居)

营业中

休息中

不知道是否心情特別好，跟好友吃過晚飯後仍然有種意猶未盡的感覺，所以我們不約而同地都選擇到”Burger Joys” 吃一頓邪惡的宵夜。薯條炸得香脆可口，薯香味濃，一點也不油膩，美味得令我們吃過不停!芝士牛肉漢堡這漢堡包的餡料非常豐富，內裏不只有牛肉漢堡，還有紅洋蔥、蕃茄、生菜和芝士。此外，漢堡包的麵包鬆軟得來又富有牛油香，牛油香之中又滲透出少許的香甜味，這種香甜味跟牛肉味濃郁的牛肉漢堡非常匹配，再配上芝士的鹹香就已經美味不已! 而紅洋蔥、蕃茄和生菜則整個漢堡包帶來清新爽脆的口感，所以這個漢堡包吃上去都不會有膩滯的感覺，實在出色!可樂吃得這麼邪惡的宵夜，當然要配一罐冰凍的可樂來暢快一下! 邊吃着漢堡包和薯條，邊喝着可樂，感覺特別良好!雖然這一頓宵夜實在非常邪惡，但是這種美味實在難以抵擋，加上這裏的服務又相當不錯，所以我們都特別感到開心暢快!

逢星期四晚上六點後就有$3雞翼！😋雖然呢間餐廳最出名係佢嘅漢堡👍🏻但係因為星期四呢個優惠都唔少人嚟食！每次六點後都大排長龍所以想食就早啲嚟啦🤦🏻‍♀️雞翼算幾大隻！醬汁味濃，特別係buffalo wings🤤超級好食而朋友就比較喜歡Honey garlic😂 食過其他餐廳嘅雞翼會太多醬汁好似浸梗係醬汁入面咁🥴佢嘅醬汁就剛剛好唔會太濕又唔會太乾身👍🏻

今日行過灣仔洛克道，突然好想食burger 於是同朋友入咗去Burger Joys ，我見網上評價都好高而店名以burger 名名漢堡包一定係用心做。望下個餐牌先，漢堡包種類都幾多選擇，除咗主打嘅牛肉漢堡之外，仲有魚柳漢堡、雞肉漢堡亦有照顧到素食者更有雜菌蘑菇芝士漢堡，個包本身都材料都幾豐富，想再加配料，煙肉丶芝士丶蛋丶黑松露⋯都可以加配，另加錢仲可以轉套餐包薯條同飲品。我見個包都幾大都驚食唔曬，所以我散叫咗個雜菌蘑菇芝士漢堡，加杯紅莓汁。即叫即整，等咗一陣個包終於到，雜菌蘑菇整到成件漢堡扒咁，個包烤到脆脆，中間包住生菜丶蕃茄同溶咗嘅芝士🤤yummy。今日冇叫薯條，下次再黎我一定要試下甜薯條同buffalo wings 先。

好少去灣仔呢一區..今日約咗朋友喺灣仔睇醫生～所以之後都要去搵嘢食😋～見到呢間漢堡包店有好多好評，就去試吓啦！👍🏻😼果然冇令我失望！👍🏻我地叫咗個芝士牛肉漢堡🍔，蒜香雞翼🍗，牛肉漢堡🍔，黑松露薯條🍟，椰子水🥥～芝士牛肉漢堡好足料！食落完全好夠料，好多汁，漢堡嘅肉汁再加埋佢既醬料，好香既牛味～同埋一定要推介黑松露薯條～佢嘅黑松露好香🙋🏻‍♀️雖然價錢只係$58，但絕對唔馬虎，兩個人食都食唔晒～蒜香雞翼都好香，不過食完就成個口都係蒜味😅哈哈哈～總括來講係唔錯既，個環境好啱同朋友嚟坐低傾吓計..👍🏻

Burger Joys 在西營盤地鐵站行大約5分鐘就到⧖ 1. 芝士牛肉漢堡 ($108)芝士牛肉漢堡鮮味濃郁，煎得香口，配搭上一層層的芝士，確是傳統美式漢堡。⧖ 2. 牛肉漢堡 (另加煙肉) ($98+12)煙肉非常新鮮，肥瘦適中，不會因過瘦而煎得太乾太硬。漢堡配煙肉口感不錯，散發各自肉質的鮮味。⧖ 3. 黑松露薯條 ($58)薯條炸得金香脆口，黑松露份量非常充足，松露的香氣再加上薯條的香脆感從口腔中滲出，喜愛黑松露的一定要試。⧖ 4. 啡牛 (雪糕特飲) ($48)啡牛 (Root Beer) 味道甜甜，帶點特別的味道，在香港不是太常見，再加上一球雪糕後，就化作甜點了。 ⧖ 5. 紅莓汁 ($38)紅莓汁格外新鮮，飲到紅莓絕對的鮮甜！漢堡連同酸酸甜甜的紅莓汁就最好不過。

公司響金鐘，行落黎灣仔10分鐘都唔洗，所以今日就過左黎食burger Single burger 🍔 最傳統嘅牛肉漢堡，就咁睇都已經見倒個漢堡好厚，入面好多配料塊牛肉漢堡好多汁而且仲好重牛味芝士牛肉漢堡，同普通牛肉漢堡入面嘅材料差唔多，但係就多左芝士感覺上芝士牛肉漢堡好似更加juicy，再加埋啲岩岩溶嘅芝士真係好滿足松露薯條，最鐘意就係松露果陣味，啲薯條炸到好乾身，而啲松露比得一啲都唔吝嗇，幾乎每條薯條都食倒松露蒜香雞翼，面頭有一層厚厚嘅蜜糖，食落甜甜地但係又帶有陣陣蒜香順帶一提，玩電話玩到冇電，店內有很借叉電

週末在灣仔上完製餅workshop後，就到附近的Burger Joys吃下午茶。小店面積不大，像酒吧的格局，假如人多時會坐得比較擠。餐牌選擇的種類不多，都是以漢堡和炸物小吃為主。兩塊麵包、一塊漢堡扒、些許醬汁，已足夠組合出無盡美味組合，這天就豪邁地吃一頓美式漢堡，來呼應放假無拘無束的好心情。牛肉漢堡 $98點了最傳統的基本款漢堡，夾著各種爽脆生菜、新鮮番茄片、酸瓜和牛肉漢堡包，層層疊起後確實是一口無法掌握呢！麵包烘焙出外層輕脆的口感，內裡鬆軟有彈性。漢堡扒稍嫌煎得比較乾，不過口感扎實爽彈，煮至約七成熟，中間略帶粉紅色，牛味濃郁。雞肉漢堡 $88比起牛肉漢堡，我更愛這款厚肉得來又嫩滑多汁的雞肉漢堡，而且雞皮燒得夠香脆。無骨雞扒啖啖肉，配合生菜的鮮脆和清爽帶甜的芥末醬，增添了整體的融合感。雞扒一口咬下肉汁飽滿，燒得夠乾爽，沒有油膩感。經典水牛雞翼 $58雞翼酸酸辣辣，非常開胃，而且辣度絕對不輕，一入口辣味在口腔中縈繞不散。薯堡 $38炸成金黃色的薯寶，一顆一口剛剛好的大小，熱辣辣又脆卜卜。裡面包裹著刨成小顆粒的薯仔，綿軟之餘留有咬口，薯味夠濃郁。薯條 $38美中不足的是這裡沒有供應我最愛的

朋友仔介紹Burger Joys，終於揾到機會試Cheese Burger❣️芝士牛肉漢堡🍔burger size岩岩好，唔細唔大，包裝設計亦方便。麵包軟熟，牛肉漢堡juicy有牛味，仲有蕃茄生菜生洋蔥芝士加埋個沙律醬汁，幾滿足HKD108Melt Cheese Fries芝士薯條🧀🍟幼身薯條配芝士醬，芝士醬份量唔多，薯條屬一般貨色HKD48Southern Fried Chicken Nuggets美式炸雞配芝士醬🐥炸雞加左cajun粉帶辣味，不過雞炸到又乾又硬，粉厚雞肉薄到睇唔到…食左2舊就唔想再食……極度失望HKD58Burger JoysWan Chai更多美食分享歡迎follow IG: fafafoodie

跟朋友來這裡吃漢堡包 沒想到一間酒吧的漢堡包如此吸引 比有平有貴的連鎖店都要好吃包皮香軟中間的牛肉 香口多汁 味道不會太濃十分好吃 奶昔香滑 奶味香濃 質地較多厚身 是肥仔之選

今日去接朋友放工，行行下見到有呢間叫Burger Joys既餐廳好似幾正就入左去食，黎呢間餐廳既人好似都幾多會飲下野，所以我地都叫左杯Orea Milkshake 同coconut water，杯Milkshake 好好飲，上面比左好多cream，下面Milkshake 有好濃既vanilla味 ，加埋d orea碎係入面好match~ 我地叫左兩個burgers share 食，佢上個陣係成個上冇切開，所以如果想share食可以叫佢地切開比你，食左個hot pick cheese burger先，入面有滿滿既芝士，生菜，蕃茄，洋蔥，酸瓜同牛肉漢堡排，個包好鬆軟，d牛好juicy，成個包好有層次,好重味,啱哂重口味既我丫 另外個Fish Burger 就多d口感，因為塊魚柳係炸架，勁香脆，一路食仲一路滴汁，一d都唔會dry 最後梗係配埋漢堡必點既薯條，叫左黑松露薯條，佢個d黑松露係真係原粒黑松露上比你唔係黑松露醬黎，望落高級好多☺ 佢d薯條量都唔少，兩個人share食都得 呢間Burger Joys係條好多酒吧既街度，入面有播足球比賽，中意睇波又想飲杯野食個包，呢度真係唔錯既選擇 埋單

每個星期日，早餐都唔夠飽，一放學見附近有間burger Joy，過咗lunch Time又唔算好多人，諗都唔使諗，今次就揀佢喇！.#雜菌蘑菇芝士漢堡 $88明明肚餓但又唔想食肉，揀咗個素burger。估唔到佢哋嘅蘑菇原來係炸嘅！係勁脆勁香，有啲覺得自己唔係食緊菇嘅感覺～蕃茄同生菜都好新鮮，一啖咬落去勁滿足，有蘑菇加持嘅芝士微微溶化，為香脆嘅磨菇調味。提外話，有隔油紙包住嘅burger，食嘅時候可以放心成個拎起！.#黑松露薯條 $58話到明肚餓，點可以唔嗌埋薯條。強熱推薦黑松露薯條！拎出嚟夠香不得止，黑松露仲係on top加上去，唔係粉、都唔係另外點黑松露沙律醬！本來即叫即炸已經夠抵讚，面頭嘅黑松露碎為佢再度加分～～～攪到豬太郎食唔停口呀！.#椰青水 $28食到咁熱氣，飲返啖椰青水中和下先喇～Follow ➡️Msmessypig_food

今日返灣仔，好耐冇食漢堡就去食下素漢堡，喺灣仔酒吧林立嘅地方，依間漢堡嘅壽命都稱得上耐。朋友點嘅芝士牛肉漢堡，餡料豐富，牛肉多汁又厚身，芝士夠奶香又帶有鹹香，配搭漢堡嚟講就一百分。炸雜菇漢堡一樣咁好食，碎菇炸成漢堡，外脆內軟，味道豐富之餘又夠香酥，餡料一樣都豐富。我哋仲點咗辣粉薯條，幼身薯條炸得香脆，乾身嘅調味料，香辣味濃又唔會滯。水牛城雞翼甜酸辣味都有，不過依度嘅就偏酸，醬汁厚身，雞翼大大隻有肉地，配上蔬菜棒解膩。每人嗌咗杯橙汁，清爽又冇乜負擔，嗌少冰就啱啱好。

之前已光顧過西環分店的burger joys，是高質漢堡店，今次嚟到灣仔也不能錯過。我和朋友點了一個芝士漢堡和三款小食。漢堡肉汁豐富，麵包外脆內軟，加上豐富配料，正。水牛城雞翼非常惹味，辣度適中，加上旁邊的蔬菜條，吃完雞翼再吃蔬菜，即時清新了許多。洋蔥圈，分量不少，物有所值，炸得香脆，佐酒一流。而炸雞是即點即炸，粉漿很薄，外層已灑上黑椒鹽等味粉，味道很足夠，雞肉仍很juicy。最有驚喜是奶昔，點了忌廉和曲奇口味，賣相已非常吸引。奶昔上頭有一層厚厚的忌廉和曲奇餅，奶昔非常幼滑，甜度很合適，一杯的份量已經令人有點飽肚，如果是細胃人士，可以與朋友share。

大年初一晚上路過灣仔，剛好晚飯時間，就在灣仔搵地方解決。諗住農曆新年，都冇咩地方有開，茶記，快餐，酒樓又可能加2加3亂咁嚟，都係去食鬼佬野啦。正有有間漢堡店新開，點知去到電車路，咦，你鬼佬開的餐廳學咩人新年關門呢!？! 再上網睇，酒吧街附近都有間漢堡店，就多試試啦。行到去，店面好細，入面大幾得廿個位左右，門口再加2張企位枱，好彩年初一唔多人，得10個8個客。點了個雙層芝堡，黑松露薯條。睇睇下原來仲可以轉套餐添，一於加多杯啤酒。因為即叫即做，佢地仲有好多外賣，都要等上好一會才做好。漢堡肉汁多，煎得好香，加埋芝士，真係啖啖都好滿足黑松露薯條就比較一般，香係香，不過我都係喜歡薯條配茄汁的簡單配搭。埋單$188，新年都叫有個好意頭

有d日子，辛苦返完一日工，总会想食d comfort food 开心下，奖励下自己！而美式burger and fries 一定系我comfort food 既第一位  系湾仔住既朋友介绍食这间，我几钟意成个感觉，虽然nearby好多酒吧，但我觉得渠比较啱倾计，渠有pub 既感觉，但唔太嘈！虽然好多电视，但冇开声！        叫左2个包，靓仔老外好细心，主动问要唔要切一半。 btw...我坐个位望到kitchen ,佢个melted cheese fries 系真系melted cheese ah!! 而唔系芝士酱酱鸡肉汉堡- 好好食呀，炸鸡但keep 到juicy 牛肉汉堡- 生熟度刚刚好！之前食过buffalo Wings ，所以今次试crispy garlic wings!! 有惊喜！推荐！佢个皮好脆！