Burger Joys (士丹利街) (已結業)

今日去開中環，經過哩間burger joys，所以去試試。我叫左個芝士漢堡餐，飲品跟啤酒（因為我本人麻麻地飲汽水），不過外賣啤酒係冇蓋，所以我即時飲，順便等外賣。放工時間都多人叫外賣，我等左大約十五分鐘先有。首先要讚下個包，淨係食個包已經覺得超好味！包本身有好香牛油味，而且好鬆軟，有啲似食緊厚身pancake。牛肉都算厚身，但唔會好實，廚師煎得唔會過熟，食嘅時候有口感兼且有好重牛味。包𥚃面仲有啲配菜：紫洋葱丶生菜，蕃茄丶酸瓜丶芝士。薯條唔係連鎖店咁，炸好先落鹽，而係本身條薯條已經有咸味，不過外賣嘅薯條的確爭啲，我諗即炸即食會好啲！下次會再試其他食物。