Bugis@叻沙・海南雞飯

营业中

休息中

來了Bgis ,一定要試他們的皇牌，海南鷄及叻吵，正如乾隆微服出巡，要深入平民吃開的虎穴，吃出地道兼隱世美食！今次到了位於鑽石山的Hollywood plaza ,如地鼠般鑽入Bgis , 地方四四方方，以4人卡位為首，予人蠻有舒服感及喜悅感！馬上叫了兩個套餐，逐一品評，看我的皇帝舌如何試出真章！海鮮叻吵套餐: 有炸棒棒蝦兩條，好味！炸野最重要是炸粉不厚，一咬有清脆聲，也吃出蝦肉的鮮味，這個做到了！海鮮叻吵十足料，兩隻中蝦，三隻蜆，豆卜及其他配菜，最梗要是叻吵湯底，微spicy ,但十分香口，香料令我好像置身於新加坡的唐人街，好有快感，一段段住事從食物味道中找回，但好像昨日發生，不堪回首！海南雞飯: 有南乳chicken wings 做先鋒，濃濃的南乳與chicken wings 永不分開，做到南乳與鷄肉水乳交融了！海南chicken 也好味，yummy ,肉質柔軟又有淡淡鷄味，配上黃油飯，好似到了極樂了！新吃法正是一口飯包著沾滿特秘醬油的一口鷄，再一口吞進嘴裡，經過吊鍾，傳入食道，再到胃部，彷彿世界衹有我同海南鷄飯！等我！I Will be back !

本身幾期待去食佢嘅菜色，但第一次去，一家人4個人等左半個鐘，拎2人飛嘅入左5，6張枱，我地差一個no. 都入唔到座，keep住等一張枱等左半個鐘。問職員，我地等左半個鐘，可否切一個4人枱俾我地，佢竟然話一定要等4人枱，2人枱唔可以切俾我地。完全呆哂。但眼見全張得4張4人枱，我決定瀟灑咁放棄呢張等左半個鐘嘅4人枱。第二次再去試下，兩個人嘅，果然入到座。但食物都只係一般， 建議大家3個人或以上就唔好去喇，唔好浪費腳骨力。

鰻魚和配汁非常美味，新鮮！90分👍🏻（鰻魚雖然只有半條，好味不用多！）肉燥有🌶，也很不錯，送飯正！85分👍🏻蛋香，白飯也好食！90分👍🏻咖啡比預期中有驚喜，香，滑，港式口味！正！👍🏻

今日午餐同屋企人一齊去咗食呢間都算新開嘅餐廳睇佢其他食評最出名就係海南雞飯同埋喇沙所以同屋企人每樣都嗌左少少嚟食佢個餐仲配左一杯薏米水 係消腫去濕嘅嘢飲佢嘅海南雞飯同埋喇沙都係好有水準個裝修又好新淨 啲員工都好友善下次都會再食

第一次來俱LUNCH，叫左兩個餐，一個係叻沙摻摻，一個係小魚耶漿飯。叻沙摻摻賣相似樣，有蝦有魚(蛋)片，味道都似樣，不過米粉少左d，同油麵唔成比例。小魚耶漿飯有隻太陽蛋係飯上面，賣相幾好，飯亦有耶香。60幾蚊一個餐，唔算太貴，而且人在大商場，呢度似乎已經係唔錯既選擇。

去到呢度都兩點半喇！但可能係週末，所有下午茶都係三點！都餓左咁耐，無理由仲等幾個字食下午茶丫。反正麵食都有野飲。兩個人，一人叫一樣野食。老公叫左豬頸肉叻沙。超多配料。重要既芽菜份量唔小，仲有豆卜，蛋！主菜既豬頸肉都唔小，而且煎香左先放湯！湯底椰汁味豐富帶辣。好惹味👍🏼我就叫左海南雞飯。可以㨂油飯或配麵。我就㨂左白飯！由於我唔食得好多飯，就叫左侍應小飯，但黎到都超大碗！有浪費既感覺。雞滑得黎都小小啫哩狀物！配上一碗冬瓜湯，湯比較清淡。三隻醬都正！平時只點薑蓉既我，今日點得最多係中間呢隻甜甜酸酸辣辣地既汁！令雞更加好味。野飲方面，熱飲唔洗加錢，凍飲就加$6。

四月二十一日星期六午市，等位等左10分鐘，都預左，入到餐廳卡位地下好dirty, sofa坐位又有油漬，一入坐已經即落單，因囡囡坐下巳叫好肚餓，到坐左20分鐘都未見有野食，就問亞姐追下，點知原來無落單，亞姐仲問你地落左order咩？佢行去check機，走返來問我地攞張點餐紙？？？點呀？20分鐘前巳比左張order紙亞姐啦，仲講明個豬扒飯要煎熟蛋。而家連張點餐紙都吾見左，白等 30分鐘:huffy襯

趁周末有涼意又唔曬, 行吓志蓮淨苑吸收一下靈氣平靜吓忙碌既思維 。之後去隔離既鑽石山廣場醫肚, 多年無黎, 先行一圈睇吓食肆既午餐。見到呢度午餐選擇比較多, 又有飲品。點左兩份海南雞 : 一份原味, 配雞油飯 ,大大碗,雞汁香口 , 仲有冬瓜湯~一份麻辣, 配湯河 雞皮爽口,平日唔食雞皮都食左幾片。雞肉嫩滑~ 比較之下還是覺得原汁原味較好~ 麻辣遮蓋左雞肉既香味。飲品除左奶茶咖啡, 仲有羅漢果茶~ 另可加錢轉特飲~ 

荷里活呢一兩年開左好多新餐廳，除左快餐酒樓而家仲有中日韓越南火鍋燒肉都有，但今晚就試左新加坡野。佢晚餐時間七八點要響門口拎飛，但都入得幾快，等左十分鐘就有位。 夜晚有一人套，啲餐既野食都幾吸引，不過個心想食肉骨茶，雖然嗌餐有得加錢叫肉骨茶，但再加就太飽喇，所以結果我冇嗌餐嗌左肉骨茶飯。個肉骨茶味道幾濃，少少甘甜，要黎送飯，幾好味。肉骨茶入面啲排骨好鞋，真係煲湯豬肉咁，所以我冇食曬，湯入面仲有豆卜同雞旦，唔入味，就咁放上去，所以冇味。如果剩肉骨茶冇鞋肉，再多少少湯既話，我比滿分

有好一段日子無嚟過鑽石山荷里活廣場，今日有機會經過，就入嚟回憶下兼揾食。見到呢間主打食叻沙，啱曬我。食物：豬頸肉叻沙摻摻湯底好好。辣味適中，少少椰香。豆卜、芽菜都好好食。但略嫌豬頸肉分量太少。油麵撞米粉，如果可以要剩米粉就更好。沙爹雞肉串燒普通。唔香，唔夠惹味。斑蘭檸檬薏米水薏米份量足夠，但飲唔到有斑蘭。得一片檸檬……環境：公眾假期，超多人，要搭枱。無辦法。服務： 無期望，無失望。食物其實都算OK, 但1人餐賣九十幾蚊，好似有一點點 overpriced……

由於睇完戲想食個下午茶，見呢間野以新加坡食物做主題就試下啦。。。食物嚟講，唔算話真係好好味。特別啲蝦，一啲味都無。普通過普通。可能去過新加坡食過當地野，所以覺得呢間野都係買下個主題吸引人。啲野飲，真係好難飲。可能免費，所以都無特別祈望。可能下午茶時間，無咁多人，坐得都好闊絡。環境都算乾淨舒服。服務都ok啦。可能人唔多，叫到都有人應。價錢就接近午餐價，唔算有特別平。係商場食到咁既價錢都算ok啦。。ps.下午茶價。

今晚同男友趕住食個快飯，然後去睇戲，經過呢間新加坡店，見佢有位，即刻衝入去其實我係一個叻沙holic﹐每次去馬拉或者新加坡都係每日總要食一碗，所以我點咗海鮮叻沙摻摻套餐，以慰藉我思念叻沙之情摻摻係解2樣或以上嘅野撈埋，而叻沙摻摻係將米粉同油麵撈埋，雙重口感，而呢碗叻沙都算做得唔錯，用料同份量都算足，味道都ok｡男友點咗個新加坡海南雞飯套餐，另加一客南洋肉骨茶。雞個賣相唔錯，食落就一般般，唔夠滑。至於個肉骨茶，係有d藥材味，未做到肉骨茶的精粹。我地叫嘅套餐$88/人，係包一杯野飲同一款小食，計埋加一，唔算抵食。

自從去過新加坡，新加坡菜就成為咗我嘅至愛。可惜最地道嘅新加坡菜，仍然係好難喺香港食到。所以就屢敗屢試，見親新嘅新加坡餐廳都會試吓。今日嚟到荷里活廣場，見到bugis，心裏面好想食但係價錢係令我有啲卻步，要知道喺新加坡hawker centre食，幾乎係一半嘅價錢。兩個人最後點左一個餐一個散叫，前菜有酸辣鳳爪，有喇沙，飲品叫咗薏米水，另外用＄10加配咗一容肉骨茶。朋友就叫咗福建蝦湯麵。埋單$193已加一。酸辣鳳爪係出色嘅，鳳爪夠多肉，份量亦都好夠多，兩個人分享都一人食咗四舊。食落首先係酸味，辣味慢慢先滲出，食到停唔到口。至於肉骨茶，藥材味夠。本身覺得唔夠辣，後來放埋指天椒入去先覺得辣味出。肉骨茶裏面嘅肉都係得一舊，煮得夠林。美中不足係，雖然係一客啫，油炸鬼可以整細啲，或者比多幾粒囉。呢杯薏米水係我飲過最難飲嘅，薏米味唔出，好似飲水咁，仲要啲薏米一嚿嚿。有啲鋪頭嘅薏米水會落埋腐竹，但係佢咁嘅質素就算啦。最後食晒啲薏米，都冇飲杯水。喇沙算係唔錯嘅，可惜仍然都係冇餣蜆仔。算係足料嘅一碗喇沙，豆卜魚片豬頸肉雞蛋青口海蝦芽菜都有。個面係油麵夾米粉，係好典型嘅新加坡食法。個人接受到再辣啲嘅湯底，所以

叫左個午市套餐+小食。揀左豬頸肉乾拌麵, 豬頸肉太咸!!! 乾拌麵有D 似乾燒伊麵, 我地揀左扁麵, 應該用甜豉油炒的, 因為帶少少甜味, 都OK。小食叫左3串雞串燒, 雞肉滑, 有香茅味, 好食, 沙爹醬再多D就好餐飲係斑蘭檸檬意米水, 無斑蘭味, 意米味就幾濃, 但加埋D檸檬味怪怪的, 就咁意米水加糖會比較對胃口。'BTW, 呢度性價比唔算高

荷里活廣場 - Bugis@叻沙・海南雞飯, 身為店長- 服務態度極差今天 25 Feb 2018,  中午 12:44 我們三人去這間餐廳午膳，食到一肚氣，果位所謂店長,  簡直就係趕客，同倒公司米, 我們午膳到大約 14:00,  一個務態度極差店員行過來,  她一路行一路大大聲話你們已經坐左兩個鐘啦!  無停留,  無禮貌的講, 其實我們已經準備結帳,  但其中一位去洗手間未回來,最後埋單結帳時才知道,  她是店長,  結帳時間是14:05,   請問用了 1:16 (76分鐘) 午膳,   何來已經係餐廳坐左兩個鐘呢?最後果位所謂店長/劉小姐連道歉 Sorry 也沒有一句,   別府集團Beppu Group都係大集團呀! 請埋呢D倒米店長, 十分不幸囉!