Bugis@叻沙・海南雞飯

营业中

休息中

之前同朋友係荷里活百老匯睇完戲 行過商場見呢一間好似都幾吸引 就入咗去試下佢嘅午餐 餐廳嘅環境都幾靚 坐得幾舒服 我叫咗份野菜叻沙摻摻 叻沙湯味幾濃郁 椰子味好香😋 又唔算太油因為係摻摻 所以佢嘅麵底係油麵同粉絲兩溝 我就唔係太鍾意粉絲作為麵底 粉絲唔太吸收到叻沙嘅香味 不過整體都唔錯嘅佢嘅餸菜有豆卜 茹 青豆角 生菜 同埋半隻蛋 份量都好足 味道唔錯另外我朋友叫咗個印尼炒飯 佢有蝦片 煎蛋 蝦同肉串燒作為配菜🤤 講返個飯先 炒得幾唔錯 唔會太油 味道都好濃郁 蝦同肉串燒整得幾好 同醬汁味道好夾 蝦既味道都好鮮甜😋 午餐仲會包埋飲品 叫咗個薏米水 清清地幾唔錯 好配作為食完濃味嘅嘢食嘅飲品😋整體嚟講係幾好嘅 不過就冇咩突出嘅地方啦 不過都可以一試👍🏻

喺鑽石山睇完戲，拎住去商場內指定餐廳食飯，可以有九折優惠，咁啱行過見到呢間馬來西亞菜餐廳，就入去試下，點知令人大失所望！當晚星期六，七點食飯時間，都幾多人，等左半個鐘先有位。餐廳有唔少套餐，不過人人都食套餐，唔通個個都想食套餐咩？肉骨茶一嚟，我地大跌眼鏡，說好的肉同骨呢？為左品嚐肉骨茶，我地虛耗左人生的30分鐘，點左價值60蚊傳說中嘅肉骨茶，聲稱有二人份量，啲水就有三至四人份量，不過啲肉同骨就只得畫面所見，2、3舊咁大把！個湯啲味仲要好怪，好咸，無平時肉骨茶嘅味道！呢樣嘢嚟左之後，我地對之後嗰啲都好驚！巴東牛肉飯，58蚊食落牛肉味無乜，椰香味較濃，咸，肉量較多海南雞半隻，118幾滑，有雞味，唔怪得個個都叫，果然招牌菜係唔衰得參峇四大天王，58蚊睇餐牌有四款不同的菜，其中有荳芽，餐牌上只係寫內容，但無講整法，諗住叫嚟食清清地，健康啲，點知一上嚟見到樣就心知不妙，根本同魚香茄子煲無分別，仲要無荳芽，勁、勁、勁咸，勁、勁、勁油，食完唔知會唔會返屋企個廁所出唔到嚟嗰晚食三百幾蚊，貴就唔貴，不過同想像中有出入，係得隻雞好食啲，其他都麻麻。最後埋單，個服務員見到我舉手，竟然扮睇唔到，難道我有這麼渺

是日睇完電影先到有吃飯推廣就係憑票飛吃飯有9折擇左呢間吃海南雞當然繁忙時間仍然都係要等半個小時先至有得入座來到海南雞鋪好肯定要叫反隻雞吃海南雞都算多肉我個人覺得稍微有點過油同行朋友想吃巴東牛肉飯因為我之前未吃過巴東牛肉沒辦法作出比法只是覺得好重口味我好中意吃肉骨茶吃過好幾間真係未吃過甘差的肉骨茶lo講到明2人份量的一黎到成個鍋得2.3舊肉只係湯汁多飲落去同飲水係無分別一d肉骨茶味都無最過份係呢個參峇四十天王相同事實完全唔同洗目錄張相睇落係好清淡，好淺色一上黎。。。。芽菜變金針菇都算。。。變左辣又勁重口味以後真係唔會再反轉頭

睇佢門面靚靚估唔到會咁難食，叫左兩個一人套餐，我食豬扒椰漿飯，個豬扒又乾又硬，好差，完全食唔落，男友人食海南雞飯，都好一般，個餐有串燒同春卷，還可以，仲有杯薏米水，好難飲，無下次。

星馬菜..............試一試.....不用等位..........有lunch set.........!海南雞飯餐....肉質不錯..........不喜歡吃飯的......可點麵....................！跟餐飲品.............羅漢果水............檸檬薏米水........不錯.......另外點了南乳雞翼...................入味......！

來到鑽石山荷里活廣場，想吃肉骨茶，於是選擇了Bugis。肉骨茶配白飯有藥材味，但不是很濃，味道都OK ,湯料份量一般。福建蝦湯麵湯底只是一般的湯，不是用蝦淆出來的湯。配料有一隻蝦、魚片、豆卜等。如果可以增加蝦的份量會比較好。晚飯時間比較人多，但侍應態度也不錯，上菜也快，環境也可以。

呢間喺荷里活新開，星期五晚等位都唔算耐。呢度既1人餐，$88，有小食、主食、同飲品。選了海鮮laksa，湯底幾濃，有兩隻蝦，兩隻蜆，魚片，芽菜，豆卜同半隻蛋，都幾豐富。加$12有小肉骨茶，幾濃，但唔係我喜愛的新加坡口味，沒有胡椒味的，最終加了辣椒，先覺有d feel 肉骨都係1線骨，但有點鞋小食，魚餅，一般。串燒雞肉，好好味，又厚肉，沙嗲味道好，又有花生粒。免費飲品有叫冷/熱羅漢果茶，或檸檬薏米水，正！最後加左個生菜，健康的，沒有油，好大份量，我諗有成個生菜，都算係咁。整體都好味，可番之選。

星期日中午來左試這間新加坡餐廳，入到去裝修好有新加坡&馬來西亞特色，環境坐得都ok舒服！坐低睇下menus 發現有中午套餐，我同男朋友一人叫'海南雞飯'，一人叫海鮮叻沙麵；附餐仲送飲品，有檸檬薏米水同羅漢果水揀！等了一陣啲嘢食來到，發現製作得很有誠意，沒有很求其的感覺；海鮮喇沙麵很足料，海南雞飯啲雞無骨的，啲雞肉又嫩口，飯就ok, 很用心製作味道剛剛好；飲品又幾大杯喎，我比較喜歡檸檬薏米水，又係好足料！埋單百幾蚊～同男友講下次這間可以再試多幾次👍🏻

去開荷理活見到有間 馬來西亞菜見到佢既裝修非常之有趣,就決定入去一試。由於太肚餓, 一坐低就一口氣叫左咖喱牛腩加薄餅，馬拉盞炒通菜同蒸粉卷; 工三樣菜之中. 咖喱牛腩加薄餅最有驚喜, 唔止嗅落好香咖喱味而且, 食都唔會好油而且仲有好多牛腩, 鍾意食牛既朋友一定要試,不過, 呢到環境比較嘈, 枱同枱之間嘅位置都比較迫, 如果想傾計嘅朋友呢道就未必太適合啦~~

就咁睇間餐廳既門面係完全估唔到食泰國野⋯⋯呢間應該算係新式既泰國餐廳。晚餐1個set有1個主菜同1款小食，主菜我揀左海南雞飯，D雞一半係雞胸肉，一半係比較滑身既肉，我覺得有少少失望，諗住呢個價錢可以有雞脾既位置，而且D雞無咩雞味餐湯係冬瓜湯，但係無咩味！小食我叫左魚餅，煎得幾香口，但係竟然有骨朋友主菜就叫左個喇吵米線，碗米線好香喇吵味，而且都有幾多餸，比起我個海南雞飯吸引好多！佢小食叫左南乳雞翼，又係炸得好香口，都幾夠南乳味！以我自己黎講，呢間餐廳就未必有第二次，因為價錢同味道都唔太成正比（埋單仲要加一），不過如果想搵間餐廳同朋友坐底，一路食一路傾計，呢間都算係一個唔錯既選擇既～

去開荷李活睇戲，順便醫下肚啦。自己本身對星馬菜都頗有好感，見到就行入去睇下啦，叫左一個肉骨茶湯麵（$58）同埋海南雞湯叻沙（$88），埋單有加一。我自己就食肉骨茶湯麵，麵底唔錯，爽口彈牙，有隻全蛋加兩大舊肉，仲有三舊豆卜，都算夠份量。略嫌肉骨茶湯底唔夠清唔夠濃，餐廳冇另外提供調味料，補救都補唔到。朋友食海南雞叻沙，雞肉嫩滑，但叻沙湯底太濃太油膩，蓋過曬雞味，雞件唔算多，價錢方面唔太抵食。要讚既係環境唔錯。

一個人睇完醫生，黎到荷里活商場搵食，雖然一個人食，但都唔求其，好肚餓都要揀間要等位叫號碼既😂！.呢間未食過，只係我想食米飯，就揀呢間！.叫左個一人餐，小食揀左沙嗲雞肉串，主菜揀海南雞飯，飲品揀檸檬薏米水！.沙嗲雞肉串: 沙嗲醬好香，雞肉唔似燒，似炸🤔，入口好熱，見碟上好多油，所以覺得似炸！.海南雞飯: 中湯係冬瓜湯，夠熱，味道ok! 油飯都有雞油味，米飯軟硬適中。 雞肉都幾滑，無骨係基本野，但伴菜既 甘筍味道口感有啲怪，只有酸酸地怪味 同林林地既口感。.熱檸檬薏米水：見到餐牌話係班蘭味所以就叫，嚟到只係一杯普通嘅檸檬冬瓜薏米水，但味道可以！.

今日行開荷里活廣場又唔知食乜，就是但求其啦。呢間有海南雞，有叻沙，有肉骨茶。見幾多種類，所以就試一試。首先黎個肉骨茶，湯有濃濃嘅藥材味，味道係唔錯的。有隻蛋，3件骨，3粒豆卜。普普通通，唔會話一試難忘。我地仲加錢換咗碟豬頸肉，豬頸肉唔錯，不過都係唔特別，但小朋友好鍾意食。叻沙摻摻。呢個係下午茶份量，湯底好香椰香味，少少辣辣地，係油麵加米粉黎嘅。我覺呢個好特別，唔錯。一碗休下午茶岩岩好。印尼炒飯。有兩片蝦片，一串串燒，一隻煎蛋。炒飯甜甜地，小朋友友食到唔停。不過飲品就麻麻地，飲咖啡奶茶要加錢，唔駛加錢嘅得羅漢果茶同薏米水......小朋友邊岩飲......班蘭薏米水又無班蘭味，小朋友話好似飲緊洗米水一樣......

久違的新加坡風味，今晚終於可於新開的Bugis 品嚐。由於不是太肚餓，我倆只點了一份一人套餐、加油酥餅及肉骨茶。一人套餐$88，提供小食、主食及飲品，價格尚算合理。小食不會因一人份量而減少。蝦餅質地有點像魚膠，入口卻聞到蝦味，略嫌不夠彈牙。海鮮叻沙材料豐富，有兩大隻蝦、蛤蚧、魚片頭、半隻蛋及豆卜。湯底表面雖是滿佈紅油，但沒有想像中那麼辣，算是小辣程度，椰香味香濃。沿用新加坡“摻摻”的特色，選用油麵及米粉為麵底。肉骨茶 （一人餐可以$12加配）屬藥材味，而不是黑椒味的類別。隨碟奉上的油條只有兩小件，又沒有散點油條，有點可惜。油酥餅$38有八塊，柔軟又不會油膩，餐牌上建議沾上砂糖，甜甜的，份外滋味。整體而言，食物質素合乎水準，有南洋風味，但又不會收費過高。

以前要在鑽石山食叻沙一定要去土司工坊,最近多了一個選擇了。今次同星加坡友人來,大家都點了個叻沙。叻沙很快就上台,一來到當然飲下啖湯先啦,味道唔錯只是不夠熱, 同埋湯較為小左小小,黎度既叻沙係米粉加油麵的同向當地食到既一樣。我問友人好吃嗎,她說都幾好,好食過土司工坊。整體味道,服務及收費都幾好。下次不用排隊就必定會再來。