Bugis@叻沙・海南雞飯

营业中

休息中

去開荷里活,唸住見佢新開就入去試下啦...點知食完一肚氣, 未寫過食評都忍唔住要上黎share下...首先, 侍應人數好明顯不足, 由等位(新開預左等,都等左成30分鐘)點知坐底嗌餐,舉手十萬次都扮睇你唔到特別係無著制服果個呀叔呀, 唔知佢係咩職級啦, 極度無禮貌個樣好似出黎撩交打咁極度唔願意之下咁落order 啦, 好似唔願做咁等丫等, 終於黎左個海南雞飯, 凍既...可能人地一早出左,又係無人送過黎所以凍左啦除左凍,味道都好麻麻,雞唔滑,肥膏多, 唔算平, d 碗碟都唔係幾乾淨再黎個豬頸肉叻沙, 講真, 同真正既叻沙味道差好遠囉完全唔配係叻沙專門店既名, 咪一陣d 人以為叻沙原來係咁既味咁難食食晒2個主菜, 見個小食重未黎, 咪問下囉問左等於無問, 重要比black面你喂, 問下都好正常丫, 唔問一陣坐到收鋪都唔奇呀, 你地d人做野咁..."認真"...點知有無漏到又等一輪先黎個春捲, 呢個係熱既...不過味道見仁見智啦, 我就唔buy果陣中藥味食完,唸住走啦, 之後都唔會再黎架啦比錢企左係counter勁耐都無人show 你叫a, a又叫b, b又叫c 收錢玩完未呢? 無尾音地收

諗住近近地喺屋企附近同屋企人食飯，加上上次試過自取外賣嘅食物質素同水準都不俗，所以今次encore 去堂食，點知......😫發現外賣質素比堂食仲好。呢間食肆於荷里活商場開業約不足2個月，今天去點咗2個'自選一人行'餐，有小食，主食及飲品，不過啲嘢食只是暖，有啲味道偏咸，有啲則味道偏淡；服務質素亦有待加強，當full house嘅時候，人手不太夠，有漏單及送錯食物給客人等情況！可能始終仲係新，經驗係需要累積嘅，希望日後喺任何方面都有所改善，期待更多客人可享用到佢地嘅嘢食啦！加油💪🏽

星期六下午茶時段有吉位，新店開張，氣氛裝修開揚簡潔討好，即入。下午茶價錢也公道，店員有禮，唯獨4人卡位是用2張小檯摒埋，有點古怪。我叫了海鮮叻唦，大大碗很開心。湯底美味，味道濃郁有層次，麵條有兩款混合式夠傳統正宗，蝦卻出事！林身不彈牙不爽口，有少許腥味，即吾新鮮！魚旦應是買番來，同帶少許腥味，吾通雪櫃吾夠凍？新店以海南雞及叻唦做賣點，叻唦點會咁架？反而朋友個海南雞飯話OK。特飲一般般啦，下次希望要有改善啦。

今晚去鑽石山食個晚飯，見到有間星馬菜就諗住試下。兩個人去到要等位，等左大約15張就到。睇完menu，叫左個肉骨茶配白飯、炸蝦餅乾撈麵、一杯咸檸七、一杯椰汁涼粉冰、同埋榴槤波波，落單時侍應話要等4-6個字。心諗會唔會耐左少少......好在大約15分鐘就有野嚟到，首先嚟到嘅係飲品，無咩特別。跟住就到肉骨茶配白飯，真係有d失望，肉骨茶好淡，唔好味，同埋竟然係唔熱嘅，但因為有d趕時間，所以都無要求更換。不過，我地食食吓隔離兩張枱都有人發覺肉骨茶唔熱，要求更換。榴槤波波都有榴槤味，算係失望之後搵到小小希望。再嚟炸蝦餅乾撈麵，終於見到有煙出，炸蝦餅味道都可以，不過撈麵都係比較淡。下次唔會再去。

是日彿誕節，陪爸媽到鑽石山嘅「志蓮靜苑」浴彿。午膳時間就順理成章地係齋堂揾食吧！爸爸想食粉麵，惜齋堂有飯無粉麵類，我哋唯有買些齋菜、素包、齋湯等等，草草醫肚之後，再過「荷理活廣場」覓食是也！行經商場二樓，瞥見一間星洲餐廳，大家嘅視線一致地望向海南雞飯嘅廣告，駐足一會，見到餐牌內有爸爸想食嘅粉麵類，我哋毫不猶疑就走進去……三個人坐四人卡座位，倒也舒適自在。這兒有假日午餐供應，加廿几蚊就有小食、餐飲等，抵過散叫，就選兩個餐來share吧！1.魚湯龍躉頭米線$66: 米線軟熟滑溜，湯頭有鮮味！兩件龍躉魚塊夠爽滑，仲有芽菜、豆卜、魚片等餸食，唔錯吖！2.福建雞湯麵$72: 個麵係港人常吃嘅油麵，湯底完全無味，因為碟雞分開咗上囉！不過……碟雞非常嫩滑！3.鮮蝦薯絲卷$20: 套餐加廿蚊雞，抵喇！熱辣辣，脆卜卜，蝦隻十分彈牙！4.米紙脆春卷$24: 套餐加廿四蚊，好難食！春卷熱辣辣，帶點濕潤，一睇賣相都估到八成……口感的確唔香脆！5.凍清熱羅漢果水$0: 還好係套餐送的，味道非常淡，羅漢果味少得可憐！6.熱阿華田$6: 套餐加六蚊就差不多，正價完全唔抵喇！食飽飽，齊齊行商場，shopping是也！

今次終於等到位了，很餓啊！入到去，裝修幾靚，環境座位舒適。侍應態度良好，唔錯唔錯！睇下食乜先，兩個人。88蚊一人餐幾抵，有個小食，有個飯，有碗湯，有杯飲品。加12蚊多碗肉骨茶湯，散叫加多個飯，夠晒飽，夠食。我地揀左炸蝦餅，海南雞飯，熱班蘭薏米水，有碗冬瓜湯，加12蚊肉骨茶。散叫多個炸雞翼椰漿飯。炸蝦餅即炸，又熱又脆，好味！海南雞飯清香，唔會太咸。椰漿飯最好味，好香椰子味，非常值得試。薏米水同兩碗湯都幾好味。價錢合理，好味，有質數。會再幫襯

食物幾好食 幾道地但環境 侍應態度真係好差絕對唔會再光顧！加一服務費 就係零服務 比脾氣你受好似去到廉價茶餐廳/大排檔咁餐具油膩 要用茶沖過都只係勉強用得剛拎起時 仲見到上面會有食物殘渣 🤢送食物個侍應真係好唔掂 當你沒到 食物"砰"就咁超大力放檯面侍應間係透過大聲講野黎溝通都咩年代 有錢開舖 沒錢買耳機mic比侍應用？只可以話 呢間餐廳管理真係好有問題 簡直係比錢買難受 完。

荷里活新開餐廳，又點少得我去試下呢夜晚8點幾先去食，都要排一陣隊。三個人食，點左兩個88蚊一人餐（一個餐有一小食，一主菜，一飲品），跟餐加左兩個肉骨茶，再額外加左個小食。跟餐小食，串燒雞同果個炸春卷都ok 。主食海南雞飯我就覺得麻麻，個飯冇椰香味，雞肉冇鮮味，而且有點油，同新加坡嘅真正海南雞差很遠好掛住新加坡嘅海南雞飯啦，香港好難食到好食嘅海南雞飯另外主食海鮮喇沙，味道幾好，有椰香味，少少辣，而且好多海鮮，不過佢係配粗麵同米粉，增加左佢個口感，我幾欣賞佢個湯底啦豬頸肉就炸到又乾又韌，咬都咬5到啦我加左兩個湯，肉骨茶，味道有點太濃，不太喜歡，好似飲緊送飯嘅汁咁，太濃唔好味。不過原來佢個海南雞飯入面有個餐湯送，雖然只係啲冬瓜清雞湯，早知唔加咁多個肉骨茶。總括而言，我俾個好評只係因為個喇沙幾岩我口味，其他食物只係普通啦

意外的見到這店，當時這間分店新到連openrice 都未有😂。新加坡菜，環境裝修也不錯，就決定等食呢間了。佢的主打是海南雞飯、還有叻沙～當然就食呢兩樣啦，而我見大部分人也叫這兩樣！佢假日會有套餐，叫「假日一人套餐」，包一個主食，一個小食及飲品。加十零蚊可以有一碗肉骨茶。我們叫了一個套餐海鮮叻沙：不得了，個湯好香，很好味，海鮮的蝦應該都新鮮，咬落爽的。很讚！新加坡魚餅： 其實似就咁魚肉煎實佢咁🤔，越式的較好食，冇特別。薏米水：個名好似叫蜜糖班蘭薏米水，好喝！加了一碗肉骨茶我唔係好知肉骨茶應該係點，但印象係好藥材，我個人不喜歡的。今次的並不藥材，反而似普通老火湯的味道，肉味很濃，咁係好食淨唔好食呀應該🤣🤔？！海南雞飯，飯香，雞也滑，仲有碗味精冬瓜湯🙊，不差！

晚市六點開始，五點九在門外等，店員都不太主動指示排隊，有點混亂及無助。到六點坐下發現椅子有水點，旁邊的客人都要用紙巾自己清潔坐位。我已經坐下就沒有理會了，但感覺不衛生。點了海南雞飯餐，不能選擇雞胸，不太flexible。雞不算滑，無乜雞味，有點失望。但賣相不錯。薏米水都算合格的。湯無乜味，喝完感覺有點口乾。友人的太陽蛋豬扒飯，賣相可觀，但豬扒鞋口。小食炸蝦不錯，雞串又是有點鞋口。應該不會再光顧了。