BRICK LANE Deli (已結業)

新店開張，和老婆試食我叫了一個all day breakfast, 老婆叫了一個意粉All day breakfast 幾分鐘內送到，味道無什特別，不過特別細份意粉等了半個鐘也未到，問了waiter才知道整間餐廳只有一個爐頭，所以意粉一般要等半小時或以上，所以奉勸大家叫意粉前要先三思

食物質素還可以， egg benedict's 麵包鬆軟，調味適中，雞蛋流心。雞翼得4隻，調味不錯，但就是一般煎雞翼不突出，太貴，不值四十幾元。松露薯條，係幼薯條配1小杯松露醬。松露味淡，薯條夠脆。飲品質素差，咖啡無咖啡味，奶茶無奶無茶味。飲凍飲唔甜，問佢加糖水，店員竟然重覆3次無糖水得白糖。。。自己直接走去問廚房又俾到我。其實員工態度還好，只是不夠專業。帶位無系統，會帶到有人的位上。點菜會聽錯落錯，系統的號碼無餐牌有偏差。店員有禮貌但不親切。

因為之前食過金鐘店嘅all day breakfast, 覺得佢大份夾好食。本來以為沙田店的都有同樣質素，可惜大失所望。我叫的是豐盛全日早餐，上枱時已心覺不妙，碟野賣相仲衰過今朝樓下茶記份早餐。心諗即使賣相不佳但味道可能有驚喜，可惜只是有驚無喜。1.方包得四分一塊無烘底，上枱時已被旁邊炒蛋浸濕發漲。2.硬身炒蛋，老麥水平，完全唔係scramble egg。3.條腸普通，尚可接受。4.半塊火腿，好乾好硬。5.雞扒仲乾過塊火腿，而且完全無味，好似食緊紙皮。6.最後旁邊果幾粒茄汁焗豆，真係畫龍點睛，令成碟野變成以前大學canteen 果d頹飯一樣，唔同的是呢碟頹飯加杯凍檸茶要$115，不知所謂。