Bove x Modos (已結業)

九龍灣開左BOVE, 所有食物都係即叫即做, 睇住個MENU 樣樣都想試  最後試左呢個流心蜂蜜雞蛋仔. 一拎上手熱辣辣, 好鬼香. 雞蛋仔表面好脆口, 裡面有流心蜂蜜, 嘩~一咬落去D蜂蜜度, 有卜一聲既感覺,非常美味. 又唔會太甜, 仲要粒粒都有蜂蜜. 真心覺得好味!!

雖然「摩豆」之前在開飯食店選舉裡面，未能取得任何裝項，但是食店選擇這玩意，不是對所有食肆食店，都會有正面的影響，君不見有些食店，因為區區一個開飯的編輯推薦，而隨時面臨被業主加租，最後結業收場。所以有些食店，發展擴張步伐都會比一般食店來得小心，甚至多開一間分店，也要小心翼翼，甚至找間賣其他種類小食的店舖合租經營，在其他地方另開新分店。之前在旺角開小食店，賣創意雞蛋仔和格仔餅的小食店「摩豆」，就是這一類食店的最佳例子之一。之前我在旺角光顧摩豆「Modos」時，當時的確是很喜歡「金莎榛子朱古力格仔餅」的榛子甜味。今次「摩豆」選擇了，跟另外一間賣「梳乎厘班㦸」的小食店「Bove」，在牛頭角淘大商場合作經營一間新食店，食店名稱就叫做「Bove & Modos」。其他這兩間食店合作開新店，我是有點擔心他們是否真的能成功合作，經營到一間業務正常，食店反應都正常的食店。因為我曾經試過一個人來到「淘大商場」，「Bove & Modos」卻竟然沒人開舖營業。結果我要行開找其他節目，等到下午兩點三點，才見到「摩豆」那邊的店員回來，打開店門開始營業。當時我問「Bove & Modos」店員，店員卻說製造「梳乎

最近呢D梳乎里PANCAKE好多人都講, 葵涌廣場呀, K-11呀, 希慎呀到到都有但其實食甜品食到百幾蚊一份都幾貴, 所以K-11同希慎都唔係我杯茶~ 今次行過淘大見到呢間新開既梳乎里PANCAKE,再望一望個價錢, 唔洗諗呀! 即刻試!叫左個限定口味, EARL GREY 梳乎里PANCAKE人多幾多, 要等20分鐘左右,鋪頭入面得好少位, 唯有出去行兩個圈再返黎拎.終於有啦! 急不及待 是但影左張相即食!哇 勁香EARL GREY味, 唔會好假, 入口即溶, 超正! 佢一盒仲有2件, 食完超飽, 如果係想飯後食既話..咁你前面果餐就要食少D LU

知道葵廣人氣梳乎厘班㦸店喺九龍灣開左分店後一直都好想試一試，奈何次次黎到都幾多人，最近見佢開始冇咩人，終於都有機會食，但幫襯一次就知點解人潮會消失得咁快。首先，收銀處個女店員既服務態度已經足以令人胃口大減，佢全程黑口黑面冇笑容其實都可以接受，最唔舒服係佢好冇禮貌，我落order後佢用好倔既語氣冇尾音地問左我一句，但因為佢好細聲又lur住咁講，我聽得唔清楚所以禮貌地請佢重複一次，點知佢又同樣地細聲lur住咁問我，唯一唔同既係今次係更加不耐煩，但我真係仍然聽唔明佢講乜，就只好再問多一次，最後佢當然都係態度欠佳咁重複一次，終於勉強估到(無錯係估！)佢係想問我要Bailey忌廉定木糠忌廉，真唔明點解咁簡單一句都可以糾纏咁耐，已經唔係要求你要好有禮貌咁問我，乜咬字清晰咁問嗰幾個字真係咁難咩？但我諗我已得罪左佢(利申我全程都忍氣吞聲，冇表現不滿)，親手遞錢畀佢後，佢找錢時係隨手掉啲錢落旁邊張枱畀我......之後等左接近半小時，我點既金莎朱古力梳乎厘班㦸終於整好。諗住美食可令我消一消氣，點知係徹底失望。個班㦸真係好一般，唔稱得上好味，質感太水太濕，濕度好似佔左9成咁，令口感欠佳。內裡個醬亦冇咩金莎

原味梳乎厘班戟❤× 金莎朱古力醬🍫×Oreo忌廉 $36 個pancake都算幾厚身蛋味濃郁💛口感好綿密濕潤😆唔係食空氣嘅感覺😍軟綿綿嘅pancake💗、流心金莎餡, 再加埋Oreo 忌廉❤真係好正🌟不過覺得個pancake好甜😅, 食完好口渴😅 2個人share一個pancake都夠啦😋又係一個高質嘅pancake💙💚💛❤💜下次去再試下其他款式先👍睇下keep唔keep到之前嘅水準☺

同朋友0係淘大食完飯, 見到開左間新野, 一睇..原來係BOVE!!! 食完飯正好想食返個甜品, 於是同友人走入去八下.BOVE 雖然唔係好大, 只有幾張高櫈, 但格調幾好. Menu就掛左0係牆上. 嘩~ 雞蛋仔都有好多隻味, 例如肉鬆蝦乾雞蛋仔, 土鳳梨酥雞蛋仔都好特別, 暫時出面未見過, 不過我地份人比較保守, 揀左伯爵雞蛋仔, 哈哈~! 伯爵雞蛋仔賣相好吸引, 熱辣辣的, 一拎到手已經聞到好香既伯爵茶味, 咬落去外面好脆口, 內裡軟淋淋的, 仲食到好香既伯爵茶味, 好好味~ 

第一次寫食評就俾咗佢。。。路經呢間野,朋友被佢個伯爵茶pancake吸引住,我就膽粗粗叫個抹茶pancake啦~ 真係是伏定是福,一試便知有沒有！收銀姐姐面黑氣場都未有令朋友對伯爵茶嘅熱誠退卻,好勇敢地落order！黑面姐用好專業嘅冇尾音夾冇禮貌語氣掉咗一句:要等25分鐘！65(蚊)! 喔~哦！ 我地要俾65蚊！俾俾俾！坐低咗就望吓餐廳環境,地方細細得幾個位,枱上面仲係放住上手嘅垃圾。。。黑面姐掛住吹水都唔願清理吓好多時候,喺香港食抹茶甜品實在係賭大細,而等待時間就好似產房門口啲老豆咁。。。終於出世喇！吖唔係！係有得食！一入口,蜜糖味死甜已蓋過哂淡過乜嘅抹茶味,唔知係太多蜜糖定係本身個pancake 濕氣重,去到最底係水汪汪。。。我到底食緊乜？最最最錯係加咗一舊有香蕉油嘅忌廉！！！一陣假到想嘔嘅香蕉味撞埋去抹茶加蜜糖就出哂事啦！！！！！都唔記得問問朋友仔個伯爵茶如何。。。平時遇到啲奇人或怪異食物都未必想寫食評,但呢單野真係好有衝動令我寫第一次食評！

早在社交平台看過此小店的介紹,於是這天也到此一嚐。班戟味道和配料看起來也挺不錯,不過,因為期間限定四字,我們點了伯爵茶梳乎厘班戟($35) (女生都是這樣吧XD)等了20分鐘左右,終於可以吃了!輕柔鬆軟，有彈彈的感覺, 完全是在吃梳乎厘的感覺。而且有著濃郁芳香的伯爵茶味。不同於原味, 伯爵茶pancake是不設加內饀的,而配有的忌廉只有甜味，也不幼滑，吃了一塊感覺已有點悶和膩如果可以改善一下配料該會更好。不過三十五元有此水準，也算是相當不俗的。

今晚同墨丸米 蠢蠢欲動試pancake店舖面積不大，只有bar枱同幾張櫈，好彩我地去到剛好有位，可以坐响度品嘗！而且又不用排隊買飛，Lucky我買完就陸陸續續多人了。我地今日試抹茶味梳乎厘班戟，再加8蚊要朱古力金沙餡，埋單38蚊！因係即叫即整，所以要比耐性等。抹茶梳乎厘班戟 加金沙餡出爐熱辣辣，好香抹茶味，賣相吸引我地影完－輪相，重保持到熱度同靚樣，唔會謝哂皮份量有兩大個，剛好同墨丸米－人一個我地一齊急不及待吃第一口後，異口同聲齊叫好味班戟熱辣辣，口感好軟綿綿，好似咬了一口雲朵般，而且有好香濃抹茶味，不會苦澀至於朱古力金沙餡同抹茶異常合配，不會過甜，好味情度不停地－口－口以三秒九食哂同墨丸米滿足地食完後，大家商量下次試辣朱古力餡，哈哈哈

終於喺屋企附近有得食梳乎厘pancake la🎉🎉🎉開頭諗住食朱古力味點知...見到期間限定🤣🤣🤣（不能抗拒le 4個字）隻隻都好想食🤦🏻‍♀️最後揀咗黑芝麻店員話要等25分鐘唯有行吓先啦...20分鐘後返到店面，搵到位後即刻叫到我個no.✌🏻新鮮熱辣，切開入面仲有煙咖🤤🤤🤤軟綿綿好好味😋😋😋佢唔會一食入口就消失咗，有嘢可以咬吓芝麻味香，但唔會太濃太甜😋😋😋我已經打算去多幾次食哂咁多隻味啦😍😍😍比起其他「名店」，le度價錢合理好多同埋CP值真係高的👍🏻👍🏻👍🏻

今晚唔想煮飯 去左九龍灣 淘大搵食 搵搵下竟然變左食甜點做晚餐 。 門口裝修不錯，好有格調，於是膽粗粗去試下，叫左兩樣野：芝士雞蛋仔 同埋 其間限定 梳乎里 竹炭味 🤤🤤 諗住唔好食都可以呃下like😬🎃環境唔錯，乾淨有格調，Menu大大塊掛係牆上，有好多新穎既雞蛋仔 夾餅 口味芝士控既我當然要試下芝士味既雞蛋仔好快出品，芝士味濃，芝士仲有少少燒焦味，之前未食過芝士味既雞蛋仔，無得比較，但個人感覺味道很不錯😋 。晚餐食一樣野又點夠填飽我個胃 ，於是叫埋呢個期間限定既班戟。味道一般，無乜流心，太甜，有d失望。

呢兩間食店都唔陌生Bove就係葵廣出名食梳乎厘班戟Modos就出名有好多唔同味的雞蛋仔同夾餅出奇地係九龍灣淘大開左間crossover!不過唔好以為crossover等於combine兩間的食物係冇梳乎厘雞蛋仔的所謂crossover真係只代表同一間鋪買到bove的班戟亦買到modos的雞蛋仔 完。宇治抹茶梳乎厘班戟 | $30九龍東的朋友表示好高興唔使去到葵廣咁遠都有得試bove三種味選擇 當然要試我至愛的抹茶啦即叫即做所以要等20-25分鐘(結果等左30分鐘)熱辣辣 快快影完相就即刻食第一啖係有抹茶味 但之後繼續食就只有蜜糖味🙄d蜜糖唔係淋係面頭而係滲入係班戟裡面搞到變左蜜糖味班戟 都幾甜唔知係咪煮得唔夠耐 下面好多水好溶唔挺身 好似變左食蜜糖蛋白咁無論味道定班戟本身都好一般😐班蘭雞蛋仔 | $19Modos係好多地方都有分店但一直冇食過個人對於雞蛋仔係有份執著唔鐘意試其他味 淨係鐘意最傳統的原味但見有咁多特別味 身為foodie的我係應該試一試既好鐘意食班蘭蛋糕的我見到班蘭味係興奮左一下但食落就有點失望 只食到甜味 冇班蘭味裡面係綠色但好唔自然 好似加左色素咁味道都唔係咁好 而雞

淘大商場近幾年致力將戶外行人道打造成食街，喺九龍灣番工既我幾乎每間餐廳都試過好多次。上月發現以前間熱狗店變左Bove x Modos crossover店！兩者分別喺美食集中地葵廣同旺角闖出名堂，以梳乎厘班戟、特式雞蛋仔吸引年青人排隊幫襯。今日難得一個人都冇，我依個死老鬼更係要食個飯後甜品😛店內有立食area，裝潢走日本簡約風，比已有Bove / Modos店「豪華」少少。所謂既crossover，原來只係兩者原有既product喺依度都有得賣，並唔係有新創作。之前已經試過 Modos 積及橙朱古力味同蜂蜜味雞蛋仔，今次就試試Bove班戟啦。失望地發現因爲仲係試業中，班戟只有原味供應，惟有配金莎朱古力topping加Baileys cream補償下。原味梳乎厘班戟 $28 + 金莎朱古力 + Baileys cream $8 - 蛋香係我食過幾間梳乎厘班戟入面(西環Little Dot / 油麻地am.pm / 荃灣Aroma dessert cafe) 最重既！口感勁綿密，完全唔會有食空氣既感覺。軟綿綿既班戟、流心金莎餡、粒粒花生碎加埋一齊令口感好豐富！Baileys cream將整

好消息好消息！Bove終於開咗淘大店喇(Bove x Modos)，唔使下下去到葵廣老遠鋪頭雖小，座位不多，但係都算係幾闊落、座位就以高腳凳為主(小妹覺得如果坐得耐就辛苦啲)今次本來嗌咗金莎朱古力，不過佢就俾咗抹茶士多啤梨我(Menu好似直情係冇呢樣野😂)不過唔緊要啦！都係抱住試新野嘅心態(**Bove x Modos係即叫即整的，因為製作需時所以唔好催單呀！)梳乎厘個賣相幾得人鐘意，而且因為係即叫即整嘅關係所以入口䁔粒粒咁而外皮軟綿綿，抹茶唔算好濃烈，所謂嘅流心餡料真係”流”嘅，不過嫌餡料太少，而且士多啤梨味唔多。反而令我比較驚喜嘅係，唔好睇佢大大粒以為食完會好飽，小妹覺得食完都唔覺太膩(或者形容為好飽)回頭食嘅機會有6成啦

‼️淘大都開左bove‼️梳乎厘斑戟配金莎朱古力醬 $28 + $8上次去葵廣見到太多人無食到 今次點都要試下啦🤤🥞好完整好靚 仲幾厚身😍質感唔錯 軟綿綿 做到梳乎厘嘅感覺☁️🍫醬略甜 搶左蛋香 不過不失👌🏻我相信唔加餡料會啱我多d 真係添左啲🙈呢到嘅pancake比一般平啲 不過質素睇齊啵👍🏻呢到仲有modes嘅雞蛋仔架 個人心水伯爵茶味雞蛋仔💕即叫即做 需要耐心等候喔比葵廣好嘅 就係佢有企位 唔會逼👍🏻 不錯