Bondi (已結業)

荔枝角億利工廈實在是美食集中地,單單一樓的選擇已教人眼花撩亂,一早已打算更上一層樓作下午茶地點,那天忽然有美相伴,這個週末行程更加美滿。一出電梯已見到這家黑色西餐廳,外表是蠻夠時尚有點型格。當一推開那扇大門,餐廳裡卻是不一樣的感覺,以淺色為主色的用餐區簡潔明亮,加上日光從偌大的玻璃窗透入,給人的感覺是舒適悠閒的,只是那張鐵造椅子拉動時總發出磨擦聲音較為吵耳。沒有多餘裝飾的餐桌上只有這杯小乾花為淺色色調的餐廳加添色彩,不時還飄出陣陣自然香氣,加上播放著Joanna Wang的磁性歌聲,午後的Bondi也是一個下午茶好地方。 在咖啡選擇中一看到PICCOLO($25)已不用多想,小小一杯的咖啡飄出可人咖啡香,還有著一種烤焗氣味,有趣。有著簡單心型拉花的奶泡打得綿密細滑,咖啡比例較牛奶多,濃度是合我心意的,濃郁的咖啡初時較甘苦,習慣後反而啖出其咖啡香氣,不用加糖風味更佳。美人的熱朱古力有著點點朱古力粉花紋,比單純熱朱古力多點美感,是咖啡以外的不錯選擇。 甜品餐牌裡大字標明所有雪糕用上優質移動豬雪糕,對我們而言是不能抗拒的誘惑,結果兩人也在肚飽情況下點了一份布朗尼($30)再加$20 配一球移

今天難得相約同事午餐,來到最就腳的荔枝角搵食~去了評分較高的CAFE椰菜花湯浸的包包幾好食~但沙律一早已加了油醋, 很多油~吃了幾口停了下來~芒果汁大蝦沙律, 原本想食清D, 唔知點解佢要加粗鹽, 又勁多欖檻油~攪到好怪味蜜糖介未豬扒幾好食, 唔會太靭, 幾軟~呢個海鮮意粉最好~ 女仔分量夠食~

一行五人到荔枝角吃午餐，為兩位9月份生日的朋友預賀。店內環境幾舒服有夠光猛, 點了5個set lunch 另加4個甜品才840元左右，請埋壽星也不用300元實在很抵。 Set lunch 包括沙律、餐湯、麵包、主菜及coffee，甜品另加30元。出品唔錯，Flat White俾我想像中濃，我要多加奶才不覺太苦因為我習慣不加糖的。整體感覺很好，可以再來，真係要多些發掘一下工業區的餐廳先得。

不記得在那兒看到這間Bondi cafe, 開頭覺得很驚喜, 這一區有這樣的一間餐廳在工廠大廈內, 於是一行3人懷著可一試美食的念頭試試看, 當天一早在網上預約, 但不太清楚入口在那裏, 於是中午打去問一下, 職員回覆說會有職員稍後與我確認booking, 叫我到時再問....好吧! 等下吧....結果到5:30pm都沒有人打唻confirm....於是自己再打去...到了餐廳, 一看餐牌內的價錢, 真的想起身走....但係算吧, 先試試看....結果真的失望而回....價錢昂貴, 整餐晚飯, 較為安慰的只有最後的甜品.....我們一行3人不會再到這間餐廳了...

要花些時間才找到這餐廳, 不過佢都好近地鐵站。工廠大厦當然冇乜裝修，可能大家要有心理準備，但一見到間餐廳心情便平伏了。其實該層很多鋪位已變成辨工室或賣花的地方了，所以環境都好企理和乾淨。

為咗慶祝我們中學同學小聚會，專登book 番上次呢間cafe ，亦因為經過上次散叫食得唔多款， 今次學精咗， 一於叫佢地個Dinner set，有湯又有甜品。講番食物啲味道，可以拍得住大酒店水準，海鮮新鮮，口感味道到位。 傔且可以俾一大夥人聚會既地方，呢間cafe 真係勝任有餘，我喜歡佢格調氣氛。總好過個啲某某café，總係要求多多仲要食物質素次等！我地book 咗七點，但係阿pong佢地例牌早到，幸好我亦唔差。於是我地同服務員講我們有點餓，可以點住先，然後先上沙律同飲品同湯。我自上次飲完個周打魚湯，回味不已，於是今次亦都一樣叫咗黎飲，即使跟餐有湯都想伕番碗。最初望落去個湯稠稠地，不過好鬼香。唔飲都唔知個湯每樣材料味道可以咁夾！有紅籮白洋蔥豆苗，仲有青口，飲入口好cream，飲得出有紅籮白洋蔥個啲香味，仲有清清地豆苗味，好好飲！埋單個時服務員一樣咁態度友善，我地最後位位二百二蚊，值得！其他枱客人由頭到尾都細聲講細聲笑，全場最大聲既係我地，搞到真係有少少唔係咁好意思。坐咗三個鐘店員都冇黑面，亦係我們覺得抵去的原因，以後有咩人搞聚會我都會考慮book番 呢度。

在這遍林立著茶餐廳的地區想找到一些正宗一點的西餐廳實在不太易, 於是唯有從一些不知是不是叫作”活化工廈”的西餐廳著手. 這天, 便和同事們來到這裡吃lunch. 這兒的menu很簡單, 全部是lunch set, 包括沙律、餐湯、主菜和餐飲, 當中只有主菜可供選擇. 我們5人的選擇有蘆筍香草汁意粉 + 日本帶子及香燒羊架配薄荷乳酪汁, 小人另加了一客Thick Cut Chips呢^v^沙律菜新鮮爽口, 但作為沙律汁的Balsamic Vinegar味道不夠突出, 而且檻欖的比例偏多了一點.是日餐湯乃紅蘿蔔忌廉湯. 老實說, 比對茶餐廳的當然要好, 但也不是特別高級, 只是濃郁一些及加了兩粒croutons而已, 小人呷了兩口便算了.同事叫的蘆筍香草汁意粉 + 日本帶子, 小人沒試, 但看他們都有吃剩的樣子來看, 似乎頗一般囉……而小人叫的香燒羊架配薄荷乳酪汁是叫了五成熟的, 味道、熟成程度和汁的味道都OK, 但問題是五成熟的羊架為何是切不開的?? 結果小人不單不能使用刀叉, 更要手口並用, 很費力的扯開一”舊”三條骨的羊架!! 在收費如斯高級的西餐廳裡竟然要如此吃法, 實在令人費解?

炎炎夏日行下街真係熱到爆炸, 我同我女朋友2個為食人,仲有位best fd!!今次經我朋友介紹,黎到工業村呢度既café食野.睇佢外在環境簡單撲實,裡面感覺卻分外浪漫.先order左碟越式汁既煙三文魚,食入口成個口都有種煙熏味,汁個味道帶小小酸甜,好醒胃.之後又叫左每人1個周打魚湯,好cream亦好濃郁,我女朋友最愛!!再之後再叫左個海鮮扁意粉,好有驚喜,麵條彈牙爽身仲帶小小咸,好味,match!!食完意粉,已經飽左半,跟住上甜品Tiramesu,試左啖之後就俾左女朋友食,佢酒味淡香但唔會過火, 但就非常之濕潤,好味.呢度浪漫同有feel,下次會飛左best fd再同女朋友黎多次!!!

Happy Friday搵食，搵到去荔枝角，皆因朋友極力推薦，一試無妨，於是早幾日訂了台。地鐵站一分鐘路程，十分方便。餐廳門外是當然是工廈格局，裡面是另一世界，佈置簡單舒適，加上柔和燈光，最適合朋友小聚聊天。我們四人點了三個餐以及小食：餐的冷盤製作認真，有略煎過帶子、煙三文魚和風乾火腿，配上少量配菜和適量調味，為頭盤吊足胃口。帶子菠菜麵：第一道上的主菜，餓鬼出閘，攝影師朋友也顧不了拍照。帶子大粒，入口即溶；不知是否因為橄欖油的關係，個人覺得菠菜麵味道有點古怪，麵質比較韌，不過朋友們都讚不絕口。燒豬骨：豬骨肉稍乾，但是燒汁相當惹味，極度搶分，不錯。三文魚扒(FISH OF THE DAY)：主菜之中這個最好食，皮脆肉嫩，可以保留魚汁；配以薯仔、脆肉瓜和茄子，賣相味道俱佳，感受到製作的誠意。可以大份一點嗎？白酒青口(小食)：不懂白酒，只覺得濃淡剛剛好，有蒜和香草，與肥美的青口簡直是絕配，簡單的菜色有複雜的味道，迅速被KO，到此必試。炸粗薯條：熱辣辣上台，比一般粗薯條還要粗一點，份量十足，少少鹽味，少少香料，送酒一流。甜品是焦糖燉蛋：焦糖面不夠熱不夠脆，口感麻麻，特別的地方是有芋頭蓉墊底，味

今日其實是來吃午餐的，但沒甚麼意慾對"性價比"低的無特式午飯花時間寫食評。為甚麼寫咖啡呢？據說店主曾在澳洲習沖咖啡多年，所以試試其Flat White。温度: 剛剛足夠，這個溫度入口適中而且不會因太熱令香氣減少。容量: 太大杯，記憶中flat white 是約180mL 一杯香味: Flat white 應以double shot light roasted bean 嚟沖，味道香而不苦澀，這裏算是某程度上合格了。在匆忙的中午喝一杯合格的咖啡再在職場衝刺還是不錯的。

琴日朋友有事搵我,約我出黎傾,呢度cafe朋友揀得真好!!環境好舒服,食物亦好好味!!我自從讀書時期黎開呢頭之後,已經好耐無去長沙灣呢頭la!!!琴日呢間野俾我感覺意料之外!傾野之餘都免不了需要食d野既,雖然嗰刻時間仲早.不過我地都叫左下面呢兩款,少少地食住先,因為仲要番屋企食飯.呢兩款真係我琴晚城晚都係度回味!!!煙三文魚食落唔會好乾身,口感雖然無新鮮三文魚咁滑,不過重點係佢隻煙燻味嘛我知道打算點既時候都唔知道係邊款魚黎嫁,咁樣做既感覺真係好得意丫!!無令我地失望,三文魚個味道甘香,煎得外脆內軟,好味丫!!!

男朋友見我星期六去接完我放工之後, 帶我黎呢間好浪漫既西餐廳撐枱腳.我同男朋友1致決定叫set B 2人餐, set B主要原因係見佢有parma ham,咁樣我地就唔需要另外再叫嘛,perfect! 水牛芝士跟parma ham,齋食parma ham頗咸的,但連埋水牛芝士就會變得剛剛好.主菜我地選擇左西冷牛扒.選擇左6成熟, 保住到肉汁好juicy, 個汁1樣好好味,d牛肉幾重肉味.另1樣我地選擇左肉 醬意粉,味道普普通通,不過肉醬略甜同埋意粉幾彈身既,味道尚可.甜品係焦糖布甸, 焦糖略略厚左d,但係幾脆,底層有蛋香,不埋焦糖一齊食就啱好!

已經唔係第一次去Bondi，每次都係午後時間去多。一來可以慢慢飲杯咖啡，二來這個地點對我來說晚上很難專情來吃個飯。Bondi在荔枝角地鐵站很近，位於一幢舊式工廈之中。其實不是介紹，一世都不會無端端走上來，更不要說吃飯了 不過這裡的而且確是個值得介紹的地方。午餐不算貴，每人大約＄100至＄150左右。先點了兩個意粉：海鮮白酒意粉 ﹣ 沒什麼好挑剔了。意粉煮得剛剛好，我最討厭那些煮得太稔的意粉了，這裡絕對沒有這個情況，軟硬適中 (相信己特別調教到最令香港人接受偏向稔一點的啦！) 大蝦雖然不算很有蝦味，卻出奇的爽口。青口也不錯。什菌黑松露螺絲粉 ﹣ 平時出去點什麼黑松露的東西，就要找個放大鏡才看到的黑松露，Bondi一點都不吝啬。他們把這碟一放到桌上，隔離桌的幾位少婦已經在說很香看過來了。這個螺絲粉有改善空間，包括汁煮得太稀和太鹹，但整體已經很不錯了。飲品方面，簡單叫了一杯熱latte，比較穩陣。始終不是一間專門做咖啡的，我不敢向難度挑戰。咖啡不過不失，算是不錯了！

第一次經OPENRICE的TABLE MAP網上BOOK台的~雖說是生日飯, 但我們兩要求不高, 只是想去一些平時不多去的區份, 試試些多人推介的。我未去過澳洲, 未食過澳菜, 所以都冇咩期望, 純粹當食西餐。可能係工廠區, 所以不難BOOK位 (我早4天BOOK的), 去到的時候, 餐廳都8成滿了, 地方不大, 可是空間十足, 我們都好喜歡!上網填BOOKING時, 可以寫要求, 我說希望甜品改為心太軟, 因為不見得MENU有, 但不路都沒有收到BONDI打電話來CONFIRM, 心想沒有都沒所謂, 可是他們真的給我弄了個心太軟....哈哈! 我可以話睇住佢地焗...可能當中有D問, 搞左好耐, 我老公又唔知咩事, 等得好唔耐煩...ANYWAY, 我覺得係BONDI對客人既一份誠意! 就這一點, 我已經好滿足! 多謝你地!我們叫SET DINNER, 再多加一份SALAD.菜都幾FRESH, 我鍾意佢加strawberry!我唔太鍾意食Parma ham, 總覺得味道好怪! 但BONDI個Parma ham 又OK喎! 配埋個mozzarelle cheese, 我都食左2份。依個

很少寫食評,但習慣上網搵資料作參考,上網見食評不錯,一試,結果,失望而回!和友人去試食,第一次幫襯.環境舒適寧靜,是個談天好地方,這點無容置疑.我們點了兩客套餐:頭盤不錯,應該說只有頭盤的質素最好,有炸雲吞、巴拿ham和帶子.湯:番茄湯,味淡主菜兩款:1. 燒羊架,友人叫了七成,感覺像全熟,肉很「鞋」口;2. 我點了帶子銀魚柳意粉,這個很難失準,一般般,不過上菜時的食物不熱,加上冷氣大,不一會兒食物已變冷,彷彿在吃冷麵.甜品,我們加了錢轉cake,選了香蕉orel cake.既吃不到香蕉的香,也嚐不到忌簾的滑,失望最後是咖啡(散叫,套餐不包的),食客說它的咖啡不可不喝,我特意一試,以為可以補番數,加少許印象分.我叫了Long Black,誰料咖啡苦澀,勉強加了奶仍難入口,浪費金錢.唯一可以欣賞的是餐廳的洗手間乾淨,侍應有禮.可自擕紅酒而不收開瓶費,不錯.慶幸我有coupon,有七五折,每人埋單250元,慳番百幾蚊,否則每人三百幾蚊,真係想叫佢回水.總括而言,我唔會再幫襯