Boholic

营业中

休息中

今日食既呢間係位於長沙灣既café. 門口位已經有花花打卡位，好多人等緊野食既時候都坐係度打卡呢度既特色主食之一就係all day breakfast，可能你會以為度度既all day breakfast都差唔多，但其實質素都幾大分別，我最鐘意呢個就係呢個蛋同牛角包，牛角包勁香口小食拼盤炸蝦，炸魷魚，炸雞翼呢三個都好好味，最鐘意一定係個炸蝦，入面仲係勁嫩滑一定一定要食既甜品我地揀左既係芒果海鹽芝士奶蓋麻糬牛角窩夫配榔椰子雪糕呢個味道係咸咸甜甜的，勁特別，而個牛角窩夫係勁香口，值得一試

性價比高舒服🤨！staff友善服務好！但平時一般建議訂位，當日係母親節，所以早到都唔可以入去，要喺出邊等候。90分鐘限時一般都夠時間食下傾下計，食物味道都唔錯👍🏿

餐廳真係好有特色嘅，專為女生打卡而設計嘅。餐廳充滿著earth tone色調，令人彷彿置身於chill 既氛圍小食拼盤，裡面有炸魷魚、脆香雞翼同炸蝦。炸魷魚外脆內嫩，每一口都帶有香脆嘅口感，咬落去嘅時候聽到「嘩啦啦」嘅聲音，脆香雞翼，外皮炸得金黃酥脆，入口之後迅速傳遞嚟嘅香氣真係令人食指大動。炸蝦就更加唔使講啦，個個都好鮮甜彈牙，每一隻都好像係新鮮出爐咁！All day Breakfast，啲食材真係多，香草腸、扒茄香、烤鮮菠蘿、牛角包、大啡菇、太陽蛋、煙三文魚同澳洲沙律菜，全部都係令人垂涎欲滴。香草腸肉質鮮嫩，帶有微微的香草香氣。扒茄香嘅味道鮮甜，同烤鮮菠蘿一齊食，酸甜配得恰到好處。牛角包香氣四溢，彈牙嘅口感令人無法抗拒。太陽蛋煮得剛剛好，蛋黃流心，與煙三文魚一齊食，味道更加豐富。最後，澳洲沙律菜帶嚟一份清新嘅口感，平衡咗整體早餐嘅豐富味道。芒果海鹽芝士奶蓋麻糬牛角窩夫配椰子雪糕，聽落就好有驚喜嘅感覺。芒果海鹽芝士奶蓋嘅麻糬外脆內軟，咬落去時甜中帶鹹，鹹中帶甜，令人回味無窮。配上椰子雪糕，冰涼滑順，同麻糬嘅口感形成完美對比，真係一絕！

帆立貝意粉賣點當然係帆立貝嘅口感！大大嚿之餘，仲好夠鹹味，感覺上好新鮮好好食！意粉嘅汁好Juicy，食過返尋味！份量亦都好多，足夠可以兩個人一齊share！鵝肝紫菜飯估唔到夠鵝肝咁大塊！配合側邊嘅泡菜，竟然毫無違和感，仲可以食到好獨特嘅風格。當然少不了側邊嘅紫菜，令到白飯添上獨有嘅味道。榛子朱古力窩夫除咗好美味嘅香蕉之外，最好味當然係榛子味嘅口感。上邊好甜嘅一浸糖，配合下便嘅窩夫簡直係好嘅配搭。熱情果嘅飲料，色彩繽紛，打卡一流。水果味好濃，甜味又唔會太重。

餐廳主打多國菜，有多個打卡位，食物賣相精緻，配搭特別。🫕《冬日暖意》三重特濃芝士火鍋 $188第一次食鹹點配芝士火鍋，牛舌粒同麵包粒勁好食😋，成個火鍋賣相幾精緻，打卡一流📸。🍝香濃蟹膏手捲意粉配香焗明太子手拆蟹肉 $218濃郁嘅醬汁沾滿每一條手捲長意粉，食到好濃嘅蟹膏味。意粉上面仲有一大舊蟹肉。🧇芒果海鹽芝士奶蓋麻糬牛角窩夫配椰子雪糕 $108窩夫有三款，我揀咗呢款個名睇落最豐富嘅。上枱賣相好吸引，椰子雪糕好濃椰子味，個窩夫上面有一層麻糬，口感煙靭，最正嘅係個窩夫，係似牛角包嘅窩夫，勁脆又好香牛油味。✏️有加一服務費📍 Boholic (長沙灣)長沙灣福華街561號君凱豪庭地舖及1樓📍 沒有分店

琴日去左間打卡餐廳成間鋪頭裝修都好靚好chill坐得好舒服⭕️ 三重特濃芝士火鍋 ($188)第一次試咁濃郁嘅芝士火鍋🫕輕輕㗳咗一啖 有啲酒香味配料都有好多款: 蝦仁🍤西蘭花🥦多士 牛舌 車厘茄 薯仔🥔不同款式食到好滿足😌最後仲清哂成兜芝士🧀🤭⭕️ 香濃蟹膏新鮮手捲意大利麵配香焗明太子手拆蟹肉 ($218)有驚喜嘅main course😍手拆蟹肉有誠意 一定要撈埋落啲粉度一齊食先得☝🏻蟹肉味出 份量夠想特別highlight個sauce真係好好味🤤配埋手捲麵就可以等啲汁攝哂入去每條粉度 啖啖都好入味juicy🫶🏻⭕️ 榛子朱古力香蕉麻糬牛角窩夫 ($88)興左一排嘅croffle都係第一次食用牛角包🥐夾成waffle 令到成個事唔會過甜又食到牛角包果種酥脆👍🏻今次揀左香蕉🍌朱古力🍫味道當然好夾 賣相都十分打卡able📸

間中聽過朋友講荔枝角有間高質裝修又靚嘅cafe平日夜晚黎到都好多客，可見人氣旺盛呀🫣一入門口已經有兩個打卡位樓上同樓梯位嘅設計都幾靚好有feel可以打卡👍🏻-Menu款式多多，仲有set dinner添✨冬日暖意 - 三重特濃芝士火鍋 $188好精緻嘅擺盤，碗碟好靚之餘好迷你超打卡able分別有五款牛舌粒軟淋好香，而且唔鹹👍🏻蝦肉新鮮幾爽口西蘭花配埋芝士點埋食更好味番茄仔都好新鮮唔酸！薯仔有少少黑椒調味而且連皮食都好香最特別就係麵包粒！綠色嗰款好香斑斕味點完芝士食麵包嘅甜味更加出到黎，冇諗過又幾夾！就咁食的話外層都脆脆地入面麵包鬆軟👍🏻芝士火鍋整體食完都唔會漏，而且仲有少少芝士粒可以食到👍🏻👍🏻-香濃蟹膏手捲意粉配香焗明太子手拆蟹肉 $218呢款意粉外型特別從來都未見過😻煙韌得黎好掛汁蟹膏味好濃郁而且蟹肉份量都超多🤤撈埋一齊食超正👍🏻鐘意食蟹嘅十分推薦👍🏻-榛子朱古力香蕉麻糬牛角窩夫 $88榛子味同朱古力味香蕉本身就好夾一上太不論朱古力味定窩夫味都已經好香窩夫🧇好鬆脆，而且上面仲有麻糬超好食好滿足😚仲有其他配料嘅窩夫/疏乎厘pancake都好吸引🤩下次黎一定再食

已經第2次幫襯，原先去另一間可以帶狗狗的餐廳，點知爆滿…好彩想起Boholic…環境一流，甜品絕對好味外觀靚絕。雖然狗狗🐶只能安排在戶外用餐，但我哋都樂意陪伴🐶下午茶食班戟剛有半價優惠，聽聞假期係無的，最好訂餐時了解清楚。

波西米亞風cafe，到處有乾花裝飾，入去就覺得好舒服，花香味好清新，少女感好足，蟹膏手作意大利麵配明太子蟹肉，手作意大利面口感好好，煙韌得黎唔覺得硬，越嚼越香，醬汁都比較多，面上舖住蟹膏、蟹肉，可能我真係好中意食海鮮、食蟹，見到有拆好既蟹肉就無曬抵抗；其他就係比較正常d餐食，薯條、炸品都比較似包裝預製品，焦糖蛋捲配海鹽雪糕都有d驚喜，教堂蛋捲出面甜脆、内裏鬆軟，好味~

每逢星期日，都搵家附近的餐廳搵好嘢食。#長沙灣 有間波希米亞風嘅餐廳，環境好正！餐廳有兩層，主要打卡位喺地下，六點幾嚟到都坐滿，仲有幾枱慶祝生日。芝士火鍋🫕香港有芝士火鍋供應嘅餐廳唔多，見到今次有秋冬推介，就叫咗嚟試吓！火鍋內的芝士融化得恰到好處，濃郁的奶酪香氣配合海鮮和蔬菜，每一口都充滿了濃郁的芝士風味。蟹肉意粉🍝新鮮的蟹肉為主要成分，配上鮮嫩的意大利麵條和濃郁的蟹肉醬汁。每一口都充滿了海鮮的鮮甜味道，醬汁的濃稠度剛剛好，這個意粉很特別很好味。開心果疏乎厘pancake 疏乎厘pancake喺依度嘅招牌菜！這款甜點給了我一個美味的驚喜。蓬鬆的疏乎厘pancake上灑滿了香脆的開心果，每一口都帶來豐富的口感。它的外觀也非常迷人，睇見就覺得好豐富。📍Boholic長沙灣福華街561號君凱豪庭地舖及1樓

想同朋友一齊食飯打個靚卡, 揀選了位於長沙灣一間打卡able西餐廳，這間餐廳充滿了波希米亞風情, 去到覺得環境好靚, 即刻影左幾張相, 哈哈! 我地點左呢度既招牌菜之一芝士火鍋 ($188), 湯底係三重特濃芝士, 芝士味香氣四溢, 配料包括有新鮮爽口西蘭花、外酥內軟斑斕多士、鮮嫩厚牛舌、新鮮彈牙鮮蝦、薯仔和車厘茄。香濃蟹膏手捲意粉配香焗明太子手拆蟹肉 ($218)呢種意粉出面比較小有, 佢係比較長身的, 唔同長短咁捲埋, 意粉軟硬適中, 店員介紹要將蟹蓋入面既蟹肉, 混合埋意粉一齊食, 配合埋明太子和意粉掛汁, 小小微辣, 味道多層次, 幾特別~*芒果海鹽芝士奶蓋麻糬牛角窩夫配椰子雪糕 (108) ~ 製作需時十五分鐘麻糬牛角窩夫外層酥脆內裡軟綿綿的, 香甜的芒果和海鹽芝士奶蓋, 形成對比, 但食落又好夾, 搭埋椰子雪糕, 多層口感。整體用餐愉快, 餐廳的服務員態度很好, 下次再黎試下其他款式既食物先~

最近我同朋友去咗長沙灣MCL附近既打咭餐廳，餐廳行波希米亞風有好多打咭位可以影相。#手捲意大利麵配明太子手拆蟹肉 ($218) – 意粉係手製㗎未食之前以為係長通粉咁樣，但原來條條都唔同長短咁捲埋😂😂幾好食個汁係偏海鮮風味。蟹蓋成個都塞滿曬蟹肉同明太子，店員話撈埋落個意粉會更好食。 撈完之後會多咗明太子鮮味同少少既辣膩感。令到個意粉多咗層次仲好味咗，蟹肉既份量亦都係好多#三重特濃芝士火鍋 ($188) - 濃郁既芝士湯底配上蝦仁、西蘭花、薯仔、牛舌、多士。芝士好香唔會好膩。#榛子朱古力香蕉麻糬牛角窩夫 ($88) – 最尾梗係要食埋個甜品先得，牛角窩夫好香中間有加到麻糬，令個口感更加煙韌，再配埋好多既榛子朱古力同埋香蕉朱古力，即刻好滿足

平時經過Boholic 都好想試，見佢做緊梳乎厘半價優惠就同男友食完飯去左食佢既梳乎厘班戟。 我地食完飯大約九點去到，都差唔多last order，所以都冇得叫主食，好彩我地係為左食甜品而黎。 咁遲去就有好處，因為冇乜人。所以可以周圍影相。我同男友叫左開心果奶蓋梳乎厘班戟(原價138）等左大約15-20分鐘，開心果奶蓋梳乎厘班戟個蛋味好香，好鬆軟。好鐘意食！唯一麻麻就係覺得開心果味唔係好出，要食到開心果粒先有啲開心果味。不過半價都幾抵食。下次會再試佢既原味。

波希米亞風嘅打卡餐廳！而食物同樣做到水準MAYONNAISE PLUM SAUCE/ U.S. PREMIUM PORK PLUM STEAK秘製蘇梅蛋黃醬燒焗美國特級豬梅扒 $118豬油份好重，所以香得黎唔會好難咬，肉質keep到水份，個醬亦都幾夾，可以解到膩CHILI CON CARNE /CHEESE PENNE傳統美式辣肉醬配香濃芝士長通粉 $88食落唔會有特別大驚喜，長通粉會係比較硬身嘅質地MARUKYU KOYAMAEN STRAWBERRY MOCHI CROFFLE丸久小山園抹茶士多啤梨麻糬牛角窩夫 $88呢個甜品幾滿意！抹茶味重、香、濃；麻糬有咬口夠軟糯，但個人覺得有啲太甜；牛角窩夫亦都香脆

終於有機會到這間長沙灣人氣打卡cafe 。先吃邪惡三重芝士特濃火鍋，還是第一次吃芝士火鍋，配料有斑斕芝麻蛋糕、牛舌，鮮蝦，薯仔、蕃茄，拉絲芝士味道非常濃郁，不過不能吃太多。再來蘋果金寶火灸焦糖蛋卷配海鹽雪糕，蛋捲外表甜脆，但內裡鬆化，配上焦糖脆脆的海鹽雪糕，so sweet…