Billow

营业中

休息中

十次有十次都冇人接電話、一係就留言信箱滿。山長水遠 walk in 過一次，食物環境都印象好。但係想再去又 book 唔到？咩 customer service ？生意多唔志在？應該點評分？有冇人試過電話或者網上 book 到？係咪多數 walk in?可唔可以向餐廳反映下？起碼有人接電話話我知 booking full 咗，等我唔使打十几次都冇人接，或者錄音話我知留言信箱已滿！究竟 booking system 占運作？大家係怎樣成功 book 到位？

預早上網book定位，因為都好full下，山長水遠渣車入去食呢間餐廳，好彩天氣唔錯～有免費泊車三小時，可以慢慢hea下～門口都有十幾人係到等walk-in，book左位就第二條隊入，剛剛有窗邊位，可以望住個湖景，笑！但餐廳回音大，好應聲。睇睇個menu 價錢都唔平，平均都要百幾蚊，不過一場黎到無得計較咁多，點左牛扒配椰菜絲煎蛋同beef burger 配薯角set, 包沙律飲品！沙律係火箭菜配蘋果醋，味道酸酸甜甜，好開胃。牛扒七成熟無配醬料，應該對自己的出名有信心，確實係比想像中好，有牛味煎得都剛剛好，點蛋漿食再多一個層次。但唔太鍾意配生椰菜絲，雖然撈左醬汁但都掩蓋唔到陣泥味，情願佢配Grill左既蔬菜或者飯好過，最後無食哂...唔夠飽😅Burger 就正常出品，無咩驚喜，薯角原來係薯仔切粒，調味唔夠，無咩味！食完可以去周圍睇下，感覺好chill嫁！

//Billow (大埔)大埔大埔滘紅林路2號白鷺湖互動中心地下B號舖似去左小旅行既cafe～ so chill▪️美國安格斯肉眼·椰菜絲沙律·太陽蛋 $268呢個價錢既牛扒算係不過不失 印象唔會好深刻▪️湖畔全日早餐 $198有豬肉腸 煙肉 炒蛋 大啡菇 車厘茄 吐司 以all day breakfast 黎講唔算太豐富 正常發揮😌黎呢度主要係周圍行下 感受大自然@仲見到好多小白鷺～ 係一個唔錯既體驗🤩當日座位近落地大玻璃 境色真心靚呀但一定要記得book位先黎同蚊怕水呀😊😚

.地方都真係幾隔涉, 但依然都係有好多人黎😂 的確喺香港真係好少可有咁嘅地方, 好似去咗外國咁入得黎主要都係想relax下, 食物方面大家就唔好咁高要求啦🤓.🔻🍽 Billow📌 地址: 大埔大埔滘紅林路2號白鷺湖互動中心地下B號舖.#tummysreadyattaipo #tummysreadyforhongkongstyle #tummysreadyforwestern

裝修完的大埔小白鷺餐廳一直都無黎過，難得星期日有時間，就決定入黎睇下大家都贊不絕口既餐廳有幾正! 餐廳可online booking 亦可walk in，建議先book或早些去，因為我地11.00到基本上已滿座! 最後安排了靠窗的二人高台，窗邊風景一流!🔸️湖畔全日早餐 $198 (附送田園沙律和飲品)- 肉類份量多，有煙肉火腿豬肉腸等等，煙肉不乾，大啡菇好juicy! 吐司亦選擇酸種面包，烘烤過後香脆!🔸️美國安格斯牛扒、椰菜絲沙律、太陽蛋 $268 (附送田園沙律和飲品)- 牛扒值得一贊! 牛扒輕煎鎖住肉汁，五成熟剛剛好未有血水，食落juicy肉質軟諗，牛扒份量大，可點!✅打卡好地方🔸️5星⭐評分好食指數:⭐⭐⭐⭐整體份量:⭐⭐⭐⭐性價比:⭐⭐⭐打卡度:⭐⭐⭐⭐⭐餐廳環境:⭐⭐⭐⭐⭐#food #foodie #foodporn #foodphotography #foodpics #foodstagram #foodblogger #foodstylist #foodart #foodlove #foodshare #foodphotos

意想唔到係咁差，點咗牛扒和黑鱈魚，牛扒一般般還過得去，但碟黑鱈魚就非常唔新鮮，肉質係黴既，仲有少少變質的味道，諗唔到咁既質數都可以上到枱，雖然環境優美，但對食材實在太失望，唔會再嚟😓

母親節當日特登預早 book呢間餐廳，因為佢個裝修好靚，想去打卡好耐。前前後後我都book咗四次我先真係去咗，佢哋當日只有母親節套餐湯同埋頭盤海鮮已經好多，餐包我冇食但係我同行既屋企人都話好好食。到主菜黎左，反而份量有啲少，魚更加一般，牛𤴓唔錯，不過可能係set dinner , 一早整，有少少凍左，甜品都好有heart , 寫左happy Mother’s Day , 我哋4個人有兩個甜品，本身覺得母親節係好難book，點知去到得幾枱人，仲好！有得打下卡

📍 Billow (大埔)大埔大埔滘紅林路2號白鷺湖互動中心地下B號舖Billow 是一間純白歐陸風西餐廳，可望住湖景用餐，都真係幾浪漫，餐廳環境優美，係呢到用餐，可以免費泊車3小時。我平日黎人，唔太多人😚👉 炸青衣魚柳薯條，他他醬💰128😋😋😋😋/5魚柳炸粉好薄，係新鮮上粉即粉，魚柳唔腥肉質又彈牙。薯條都係即炸起，配埋他他醬👍🏻👍🏻😋💰 泰式辣海鮮沙律💰138沙律有大蝦、青口同魷魚，海鮮都新鮮👍🏻沙律辣勁十足，好食😋😋食落係幾清新。回頭: maybe，環境真係好舒服，有遠離煩囂嘅感覺😌同埋食物質素都幾好。

每次搭火車經大埔沿線都好奇這餐廳，被外觀所吸引，好想同女兒去體驗下。經过兩星期前的booking，終於可親身試食。😘🤩我們選擇了：Spring special set menu，HKD398餐包，湯，澳洲M5牛肉眼扒，甜品龍蝦湯，湯濃👍牛肉眼扒，肉質很好，美味！👍甜品肉桂梨真是麻麻😅，如果可選擇為雪糕，小蛋糕更好。😋最後一定要推介這款:手撕牛肋肉紅酒燴意大利飯 HKD228十分有驚喜，牛肋肉相當入味。👍😍這裡環境加氣氛都令人舒服，雖然價格比較貴些，但仍然是一個難得好去處。💃

大埔超高人氣的純白歐陸渡假風餐廳🌴優雅裝潢配白鷺湖景色有遠離煩囂感覺需提前於網上訂座，分室內及戶外位置想坐這窗邊位欣賞湖景的記得訂戶外！＊可於對面的停車場免費泊車3️⃣小時不過中午用餐時間限𝟕𝟓分鐘，有點趕～感覺是以「食景」為主，食物中規中矩服務態度不錯，而且景色非常開揚舒適仿如去了旅行般，適合特別日子來慶祝▸ 美國安格斯肉眼 $𝟐𝟔𝟖配太陽蛋🍳及椰菜絲沙津🥙味道不錯，中規中矩的感覺▸ 湖畔全日早餐 $𝟏𝟗𝟖可稱上沒有任何擺盤的(・o・)」有豬肉腸、煙肉、炒蛋、吐司、大啡菇、車厘茄及吐司的組合～味道一般，而且溫度也只是微溫這收費近$𝟐𝟎𝟎價錢也過於進取了▸ 黑松露忌廉汁‧野菌扁意粉 $𝟐𝟐𝟖同樣賣相一般，正常意粉味道～

疫症期間減少外出用膳，所以每次和朋友仔相約，都份外珍惜。今次精心挑選了「Billow」，三個星期前便預約，吸引我嘅係一片無敵湖景；但天公不做美，當天下著滂沱大雨，唯有告訴自己，期待美食可以搭夠吧！當天我們四個人，點了四份set lunch，兩個：是日海鮮（鯛魚）兩個：安格斯肉眼當天的餐湯是龍蝦湯龍蝦湯來到，已經心知不妙，因為從未見過咖啡色的龍蝦湯，遠遠已經聞到它的「腥味」，「腥」至難以入口，勉強飲了兩啖；以為自己挑剔，點知朋友也說，這個湯真是不敢恭維！主菜的安格斯肉眼和鯛魚也是強差人意，對這裏的食物質素真是十分失望！最後，這裡的set lunch竟然沒有包餐茶，需要另外收費，真是匪夷所思！因為食物真係太難食，大家都係食得一半，一啲都唔飽，最終決定改地方再食過，決定餐茶也不叫了！以上純粹個人的小小分享，希望能夠幫到一啲朋友！

女友興致勃勃預約到下午用餐時段，卻又遇上無情大雨，世事無常，用餐時段又有限，就來一場與時間競賽的浪漫吧～地方環境佔進天然優勢，門面充滿外國風情，當然吸引到一眾慕名而來。座位安排在餐廳外面半室外走廊窗邊，一邊享受依山傍水的幽靜，一邊細味餐廳的出品。第一次到訪，雖然套餐應該是不錯的選擇，但二人還是決定度身定製我們的用餐體驗，點了生蠔、牛肉他他，鴨肝、煎黑鱈魚，加上一支香檳🍾。可能為了方便打卡，餐廳很快就上齊菜。幾道前菜擺盤不錯，味道發揮則稍微一般，牛肉他他略嫌不夠鮮嫩，但味道還可以，食物第一印象坦白說較為失色。相反，黑鱈魚則挽回不少分數，魚身烹調出色，在野菌、木魚碎的柔合下，umami 特別突出，應該是餐廳拿手菜之一，值得推介。如果可以調整上菜速度，整體用餐應該會更佳。外面雨落個不停，湖上泛起的水波，與香檳杯裏的細緻氣泡相映成趣，隨著氣泡消逝，意味著時候也不早了。看了下手錶，在服務生的提示下點了一份甜品，是日與時間賽跑的浪漫用餐體驗到此亦告一段落。

趁今日得閒冇嘢做又見係平日，就約埋班friend去咗呢個傳說中嘅打卡餐廳Billow食飯。餐廳唔算好大，勝在樓底高又近湖邊，如果坐窗邊位就更perfect, 本身以為有一片花海可以影相，點知原來要六月先有。講返嘢食，叫咗個傳統生牛肉他他，份量正常，擺盤幾靚，不過牛肉冇乜味。叫左魚柳薯條，魚柳係幾大條，不過炸粉太厚，條魚冇乜味，薯條比起漢堡嘅套餐特別少，甚至懷疑過佢哋係咪比少咗我哋。嘢飲叫咗杯Caramel Latte，本身以為淨係啲嘢食冇乜味，點知原來嘢飲都係冇味，要飲到好底先有啲焦糖味。總結間餐廳用嚟影相打卡係一流，食物質素有待改善。

帶埋寵物特登入去billow lunch,無諗過母親節前夕既lunch剩係得母親節嘅special menu,4-course lunch人均約$420，雖然冇諗過今餐食到咁貴，但一場入到黎，唯有照食…但食物質素對得起價錢！龍蝦湯好creamy,亦都有好多海鮮：青口、魷魚、蝦雖然層魚皮可以再煎得香脆d，但黑鱈魚配鰹魚乾配搭好特別牛係7成熟，好食甜品最有驚喜！有幾層好薄好脆嘅蘋果乾，仲有焦糖碎，配雪糕食，好夾雖然甜品係兩個人share好似有d少，但食落少少地岩岩好！唯一唔太啱自己口味嘅就係呢碟冷盤，唔太慣食咁樣既啫喱

之前見到咁多人去呢間餐廳打卡, 加上個景幾靚 一直都想去試下, 所以決定同friend book黎試試佢見到佢有個下午茶餐 但唔太吸引 同埋見openrice大家俾既評價又唔太好 所以就冇試我地嗌左個黑松露忌廉蘑菇pasta, 賣相一般 同出面普通西餐冇咩分別 但價錢係$2xx 但完全唔值呢個價 之後嗌左個煎鴨胸 經典 第一口食落去已經呆左 唔知自己食緊乜 完全冇鴨胸味 啲肉又老又硬 價錢一樣都係$2xx (ps 啲配菜都懶得講...)呀 配菜粒提子係呢一碟黎講最好食drinks方面 叫左一杯番石榴梳打 同一杯雜莓梳打 番石榴梳打冇味 同飲水冇乜分別 得小小青檸味 (叫左小冰 但朋友唔想要太多冰 所以不"翻啲冰出黎 結果"不"翻啲冰出黎 得翻半杯野飲😅)雜莓梳打就普通冇特別 算係全餐最正常既野最後叫左個黑松露croffle 普普通通 croffle同黑松露唔太夾兩個人總共食左$8xx 完全係性價比極低總結 : 黎呢間餐廳要三思而後行