Bellevue Bar and Grill (已結業)

今次黎到旺角呢間西餐，佈置裝修都非常好，而且疫情下既防疫措施都食得幾十足，疫情下黎chill下，中和一下會屋企食左咁多餐，都真係幾唔錯，大家放鬆心情，先捱得過嫁嗎。環境方面，一入到去就見到唔少柔和既燈光，整體感覺都唔錯，而且見到唔少關係愛情既佈置，如畫，同另一半/老婆黎就岩曬情調浪費喇。咁入座都有探熱，用酒精搓手，同埋職員都有戴到口罩既，所以都幾放心。食物方面，餐包好好食，夠曬熱辣辣同脆口，麵包味都幾重，入口好開胃。牛扒係本人最愛，夠曬大塊，滿足感一流，而且生熟程度掌握得都唔錯，有曬火喉，炭火味好足，配埋紅酒好夾。豬肋骨就十分之嫩口，d肉同分一拉就分開，證明煮得夠曬耐，比足心機，所以都算幾入味。整體唔錯，可以一試。

If you go there for the view, no point to pick this place if you go for dinner. Too dark to see anything.If you go there for the 50% off or buy one get one deal, not worth either as you only allowed to choose from the main course section which only contain pasta and beef. And you need to order drinks at reg price too.If you go there for good food, ham is just the same as the packed ones from supermarket. Portion is handsome tho. Beef is fairly average. The buns are quite sad looking. The only ok

男朋友神神秘秘話有一間西餐廳要帶我去享受美酒佳餚，一去到門口就知男朋友嘅選擇冇錯啦疫情關係，呢間餐廳規定每個食客入去之前一定要量度體溫，同埋用酒精搓手，講真，呢啲措施真係會令人食得安心餐廳嘅環境真係好浪漫，周圍嘅裝飾都好低調，華而實在好適合慶祝特別日子呢一坐低，侍應就問我地飲啲咩，tap water就太普通了，叫咗sparkling water 試試佢餐包都係個啲啦，值得一讚嘅係包係熱架！熱嘅包配牛油係一流叫咗蘑菇帶子粟米粒risotto，risotto飯粒入口軟熟重頭戲就係呢份牛扒啦！叫咗5成熟，淡淡肉汁一啖牛肉，一啖配菜，就覺得好正而且份量都好足夠！5成熟最忌就係切開之後有啲血汁流出嚟咁，幸好呢到嘅廚師控制得好好小食方面就叫咗個薯條 食落去又唔太覺好熱氣喎加埋呢個醬，無得彈，極力推介大家肚有位置就叫呢個小食最後又點少得甜品，我就叫咗心太軟配雪雹，我朋友就叫咗柚子布丁，兩款我都試過，比較之下就覺得柚子布甸好特別最後就黎到大家最關心嘅價錢，total 963蚊，不過依間餐廳嘅食物質素同埋環境服務，絕對對得住呢個價錢，情侶兩個人食都值得嘅，最緊要大家食得開心，有一個美好嘅回憶

疲情稍作緩和， 但仍然有唔少人home office ，雖然我公司冇home office 措施，每日都要如常返工放工，但都盡量減少外出用餐改為外賣多，但好友生日，點都要請佢食餐飯，今次就去左呢間位於旺角，裝修浪漫嘅西餐廳，個景都唔錯， 冇辦法，女人始終都係鍾意啲靚裝修， 尤其是好似呢一間咁嘅型格裝橫。去到侍應幫我哋量完體溫，畀咗消毒洗手液我哋之後再帶位， 防疫措施做足，，我哋兩人叫了一個set，再散叫一個主食。Set dinner 前菜叫咗烤燈籠椒魷魚沙律， 個魷魚好鮮嫩， 啱啱好熟又帶點焦香， 感覺幾得意。 主菜係美國西冷5成熟， 西冷比起肉眼脂肪較少，容易煮得過實，所以火喉要控制得好，呢間餐廳做得唔錯。 甜品係蜜柑慕絲蛋糕， 擺盤靚 ，甜度剛剛好 ，但因為係兩人分食， 唔夠喉，如果單獨一個人食，份量就剛剛好。另外一個煮菜叫咗煎帶子甜栗意大利飯， 意大利飯每一粒米棉密有口感，包裹着栗子， 口味濃郁，配有蟹肉絲再加上煎到剛好嘅帶子， 所有野都配合得宜。食完飯之後多坐一陣便走， 大家都希望疫情過去之後可以好好再聚 ， 下次可以食啲多個四個人的熱鬧飯局。

平時好少食啲高級餐廳，今次適逢朋友生日所以提早book定呢間一上到餐廳就望到個景好靚，好有feel，waiter仲幫我地點埋蠟燭，即刻勁high class!!!首先是日餐湯係南瓜湯，平時朋友都唔食南瓜，但呢個南瓜湯好creamy得黎又唔會冇左陣南瓜味，但最重要係冇南瓜蓉，所以唔鍾意南瓜口感既朋友都好啱！牛排係超超超juicy!!!咬落口就有好多汁標出黎！就咁食有好新鮮既牛肉味，但我個人就建議一定要點個芥末黎食，一開始唔知個味會咁夾，但原來個芥末可以襯托出個牛排令佢個層次更豐富而且又唔會搶左個牛既鮮味！ribs係煮得啱啱好，啲肉好嫩，而且骨同肉係分開，唔會食得好麻煩，個醬酸酸甜甜仲會令到個ribs更加開胃！呢個飯就真係我成餐飯最鍾意架啦！一食入口就有wow既感覺，成個口都係好鮮既海鮮味，鍾意食海鮮既人一定要叫呀欣賞個brownie，好香好香

行過油麻地見到呢個商場好似好多嘢食，上OpenRice search 下見到呢間幾吸引就入去試吓。佢位於高層，有景望晒成個旺角，都好少餐廳會係咁。裝修既燈飾都幾靚，氣氛浪漫，都幾啱慶祝食飯。前菜我哋叫咗鵝肝， 鵝肝煎到外脆內軟，配埋蘋果同黑醋汁沙律，yummy yummy!之後我地叫左蟹肉忌廉湯，個蟹肉非常足料，呢幾日天氣涼有個湯暖下胃真係好～主菜我地叫左安格斯牛漢堡包，個burger 黎到我面前真係覺得超大個！入面有煙肉，煎蛋，洋蔥，菜，蕃茄，仲有好多薯條，好豐富～安格斯牛煎到大約8成熟，對於唔食生肉既朋友岩哂。另一個主菜係意大利飯，紅色應該係因為紅菜頭，甜甜的，而鴨腿都好入味，同個意大利飯好match！

今日男朋友帶左我去左旺角呢間餐廳到慶祝生日 位置唔算難搵，好近油麻地地鐵站～ 去到大廈要上到23樓，即係最高個層～ staff安排左我地坐窗口位，俯視到成個旺角街頭一坐低，職員就話我哋想飲普通水定係sparkling water~ 我哋就揀咗要sparkling water 啦～叫咗一份蟹肉周打湯，店員好貼心將佢分成兩份俾我哋兩個，有啲黑椒碎同埋炸麵包粒～ 咁落去淡淡蟹肉仲有蟹膏，但係又不失creamy嘅感覺雖然分咗做兩份，但係其實份量都唔算少呢個係墨西哥脆片上面加左三種醬汁，包括芝士，蕃茄，同埋牛油果汁～ 好香口！不過食到底有啲脆片冇汁，如果醬汁多啲就好啦Burger份量適中，angus beef好有牛味！麵包皮又輕輕烘過，亦都有適量調味 好食得來唔會膩再來我最愛的燒春雞肉質好嫩滑，同埋調味好好～ 好滿足呀呢杯係有orange juice, lemon juice & yakult 等mix出來嘅mocktail, 酸酸甜甜好開胃男朋友就點左杯cocktail~ 酒味ok, 女仔都入到口背邊痴左啲鹽，幾特別

同女朋友嘅紀念日搵左呢一間比較有情調嘅餐廳食飯，喺旺角嘅高位俯瞰好多嘅街景，都幾有情調。呢間餐廳嘅裝飾同擺設都好靚，成個格調係比較高級嘅，比較適合一啲特別節日嘅慶祝，因為佢個價錢都唔算話好平。講返佢嘅食物，如果一人叫一個dinner set ,個價錢就人均大概$600左右。我同女朋友見到人哋嗰個set好大份，就散叫咗。我同女朋友就分別叫咗一份海鮮意大利飯，黑松露薯條，同埋一份肉眼扒，意大利飯軟硬適中，份量亦算多，夠兩個人食，而且都幾足料，見到有唔少海鮮鋪左喺上面。肉眼扒我哋揀咗5成熟,出嚟個效果都相當唔錯，食落去唔會好生，肉嘅質感唔錯至於甜品方面選擇比較少，但係水準都OK，而且擺盤精緻，都可以算係賞心悅目。

旺角真係有好多唔同既餐廳選擇，今晚就黎到Bellevue~入到去見到D燈飾都覺得好Relax~店員有度體溫，枱與枱之間有一定距離，總知成個感覺都好舒服！我地叫左薯角做小食送mocktail~杯mocktail就叫左Santorini~ 薯角份量超多，岩岩炸起，勁脆勁熱！配上茄汁食真係岩岩好，唔會太乾！飲埋杯Mocktail 就夠哂Refresh!!!! 正！唔記得講落完單店員就送左餐包俾我地～我地都冇特別話叫set,反而係散叫D自己想食既野！Main course就叫左半份Ribs,牛扒同埋risotto! Ribs煮得岩岩好，骨同肉輕易分離，配埋個汁夠哂正！！ 伴碟既蔬菜同薯蓉都好好食，夠哂Creamy 同解滯～牛扒叫左t bone 5成熟～好香牛味！ grill 完D格格好正～生熟程度都係我地想要既5成！Risotto 軟硬程度一流！個汁勁香勁Creamy!!!個鴨脾夠哂油份同真係煮到岩岩熟！唔會好老，仲有超多肉汁！ 必點之選～最後以驚喜甜品拼盤作結，店員搵槍燒中間既朱古力等作融左再同雪糕一齊食，每樣野都好好食！非常之完美～

呢間餐廳嘅裝修其實好靚好浪漫💕🌹，去拍拖或者食過拍拖紀念日嘅飯都係一個唔錯嘅選擇。呢度做一個好出色嘅酒吧櫃，雖然我哋呢一晚冇嗌酒🍾🍸🍹🥂🥃，但可以搵一日上嚟chill下。.餐包🍞🥖🥖 (推薦指數:😋😋😋😋)呢個餐包出乎意料之外好食。一般西餐廳大家都唔會太着重餐包嘅質素，當醫下肚就算。但呢個餐包除咗熱辣辣之外，仲好鬆軟，真係想食多個嘅感覺。.忌廉粟米餐湯 (推薦指數:😋😋😋).西冷牛扒 (推薦指數:😋😋😋😋😋)主菜絕對不失色，呢塊扒第一樣要讚嘅地方就係上色好均勻，表面啡啡地，而且仲有網紋tim。佢真係可以做到七成熟，切開嗰陣中間仲係粉紅色😋。牛扒本身都係幾靚嘅，冇乜根，好嫩。.朱古力撻 (推薦指數:😋😋😋😋😋)外邊有一層脆嘅撻皮，中間係朱古力海綿蛋糕，上面係朱古力慕絲。好重朱古力味，鍾意食朱古力嘅朋友真係唔可以錯過！.

雖則我平時分享嘅都係平價、抵食之選，但係偶然要放多啲財力比自己品嘗另一個層次嘅美食😊今次去到旺角唔係掃街，係喺23樓嘅Bellevue Bar and Grill 享受彌敦道街景同西餐😋《如果夏天嚟應該望到更靚嘅街景😣》《旺角鬧市的燭光晚餐》食物價格：Set dinner 價錢由450 至 550 都有，包含前菜、餐湯、main course同甜品，差別在main course選擇不過我喺嚟之前有揀過食物，所以我之後介紹嘅都係單點😜1. 是日餐湯本身我好怕令南瓜湯，因為啲渣唔討好😖但係呢碗忌廉南瓜湯唔單止冇渣，而且好creamy，南瓜嘅甜味值得比個讚👍🏻👍🏻有餐湯又點少得餐包呢！2.安格斯西冷牛扒就咁睇相應該望到牛扒有燒烤過，而且厚度十足，食落首先有烤熟嘅味道，繼而再有牛扒嘅肉汁，加上少少鹽分，味覺享受非常好😋😋3. 海鮮意大利飯睇圖可能覺得佢好膩，但係當你拌勻飯汁，意大利飯嘅粗糙口感中和咗原本好膩嘅汁，所以反而越食越開胃😯😯4. 朱古力布朗尼配雪糕一口雲尼拿雪糕搭上外脆內軟嘅brownie，朱古力半溶嘅形態令人想一試再試；仲有brownie個芯係暖嘅，同冰涼嘅雪糕形成對比！😍

我記得我小學雞果陣係好怕黑，就算自己一間房我都唔敢，一定要有人陪我先訓得到，就算開住燈我都好驚。但人大左就發現原來恐懼呢樣野係無形，就好似畏高咁，當你企係20層樓上面望落去，你都會腳軟一樣。不過要你坐係20層樓高既餐廳一邊食野一邊望住景，你又會發覺有D咩好驚？今晚就黎到呢間係旺角鬧市中23樓既扒房「Bellevue Bar and Grill」，飽覽180度成個九龍景色、成條彌敦道，所有煩囂自然一掃而空啦！👇📌S T A R T E R S -♦Traditional Caesar Salad - $118▪ 24 Month Parma Ham Topping - (+$40) ▫ 簡單一個「凱撒沙律 · 24個月帕爾馬火腿」開下胃先，餐廳用上既沙律菜非常新鮮，食落爽脆清甜，水份好足。加上一塊塊薄身既芝士片，芝香味濃郁，配搭烘乾既法包粒，增強口感；另一重點加左$40有三大塊以玫瑰圖案砌成既帕爾馬火腿，色澤粉嫩光澤，入口鹹香唔油膩，香味唔會停留於表面，而且口感腍身，整體唔錯。▪ Grilled Sea Scallops w/ Roasted Herbed Asparagus - $18

前一晚喺openrice度book左食晚餐餐廳喺當日中午打黎confirm booking去到餐廳發現因為疫情嘅關係得我地一檯客人而因為兩個人食都唔係叫得太多野（講起上黎都有點唔好意思）好，入正題！當晚我地冇叫set dinner因為驚食唔晒叫左一個burger, 半份ribs同埋一份rib eye steak加一杯mocktail 一支still一支sparkling一個brownie with ice cream首先黎到嘅有ribs肉質好，又夠入味配埋側邊嘅薯蓉真係正之後就有burgerburger就一般般去到rib eye steak其實我已經飽🤣我地叫嘅係medium但係切開就發現...Well黎嘅？😂😂不過唔緊要啦，味道同肉質都okmocktail就點左summer味道係passion fruit因為知自己食量細想開胃啲😆😆😆不過不失啦！mocktail好少特別好飲或者特別難飲嘅最後個甜品，唔記得影相brownie嘅朱古力味好香好濃加上vanilla雪糕，呢個配搭真係令人覺得好正🥰可能因為我對朱古力一直都有偏愛所以我都幾鍾意個甜品埋單嘅時候，仲有七折！總括黎講，中上，性價比高

朋友推介嚟呢度食飯，因為有落地大窗可以睇景，裝修都有格調，最重要係半fine dine，即係食物高級但係價錢又唔貴！叫咗個set dinner，首先令我驚喜嘅係餐湯，係南瓜湯！我嘅最愛！濃稠係啱啱好，唔會飲完飽到食唔到野。勁濃南瓜味！又滑又香又甜。然後慢煮豬腩肉伴西梅燒汁，慢煮過嘅肉的確好軟熟，加埋酸酸甜甜嘅西梅汁，食完唔會覺得油膩/濟，唔錯嘅配搭。另外叫咗個帶子rissoto，飯偏軟，不過都有rissoto應有嘅口感，除咗大大粒帶子，飯中仲有蟹肉碎！好抵食！最後嘅甜品比較特別嘅係蜜柑mousse cake，少少清新酸味作完結，唔會濟😀

由於困係屋企太耐, 上星期忍唔住出咗街搵嘢食 ，喺openrice搵咗幾搵，試左呢一間樓上嘅西餐廳。好多人都話佢有靚景睇。我喺六點嘅時候上去，餐廳好好人，畀咗一個靚位我。座位景觀開揚，當時天仲光，已經好好feel。 落完order等多一陣, 個天開始橙橙地色，原來已經開始日落啦，好靚呀！！😍😍再過多陣食物到嘅時候，天就已經晚啦，望出去就係好浪漫嘅夜景。我覺得絕對一班 閨蜜嚟影相呃like, 或者情侶嚟浪漫談心😂😂😂景觀開揚，好好feel。我地叫左set dinner, 性價比幾高。5百幾蚊有前菜，湯，主菜，甜品加飲品。加埋個靚景同good service, 我會再幫襯嫁😊😊😊個甜品令我好驚喜，係伯爵茶朱古力撻，唔係求其畀個啫喱，唔會太甜，真心好食。