Bellevue Bar and Grill (已結業)

朋友仔都知道我除咗對食物質素有要求外，餐廳嘅環境我都好重視下，咁今日喺旺角放咗工，就帶我去到Bellevue Bar and Grill.  一上到去，我就被餐廳嘅擺設、環境、和格調吸引了，由於佢位於大廈嘅頂層，整個旺角嘅美景盡入眼簾。我同朋友仔一人叫咗個套餐，首先上場嘅係比較有特色嘅黑水橄欖麵包和粟米味餐包，呢兩個都唔係一般喺街食到嘅麵包，可以見到大廚嘅心思，上枱熱辣辣配上牛油溶化，好好味。跟住今晚嘅餐湯係大蒜薯仔湯，好creamy  ，分量剛剛好，跟住就上埋開胃嘅沙律，為主菜作好準備。主菜方面，我哋分別點左一個法式海皇鍋和肉眼扒，牛扒我要叫七成熟，係傳統嘅燒烤紋上碟，肉質嫩滑，口感豐富，配上芥辣，剛剛好。海皇鍋包括有大蝦、香煎魚、青口和帶子粒，醬汁有濃濃嘅蝦味，配上海鮮清新，中和得你啱啱好。食咗咁豐富嘅食物，之後當然仲要食返份甜品啦，套餐包括了一件自家製白桃乳酪慕絲蛋糕，食到咁飽，最後再叫番杯熱檸茶消化下，今晚真係大滿足了。

老婆生日諗住同佢去一間高水準的餐廳, 朋友推介呢間, 話食過好好食, 環境唔錯, 所以就book 左位.西餐廳點會唔叫牛呢, 我地叫左一牛一豬, 不過一開始睇menu 時, 完全唔明, 因為佢有2款牛, 一款係乾式熟牛肉, 另一款係安格斯牛扒, 乾式果款係貴少少, 我地就問waiter, 佢好細心咁解答話乾式肉味係重少少, 如果平日食開7成熟, 可以試下5成, 食靚牛最重要係肉味, 加上老婆生日, 就叫貴嘢試下, 牛上枱後, waiter 好細心咁叫我地可以切開睇下o 唔ok, 唔ok 可以再搵佢地整過! 我地切開後真係冇血水, 牛真係好重肉味, 好juicy, 同靚牛比, 更重肉味. 配菜方面用左新鮮的沙律菜, 好fresh. 到豬架方面, 雖然得6 件唔係太多, 但又真係好好味, 重質不重量, 肉汁鎖住晒, 細細口品嚐, 冇得頂, 配菜方面與牛扒唔同, 用左新鮮的瓜菜加薯蓉, 可以食多d 唔同的款式, 更顯餐廳的廚藝精湛.待應們好細心, 可能知道我同老婆share 食物, 所以佢係見你食完一道菜再另一道菜上, 但食物又唔會凍晒, 應該係見你食到差唔多至整, 雖然如此, 但又唔覺佢m

今次揀嘅呢間餐廳都幾高下，喺23樓🤣，如果夜晚食飯坐窗邊一定好有feel！餐包（連套餐）我覺得一定要食呢個餐包😆，好少餐包咁好食！佢有啲種子係入面，好有咬口，而且佢外皮脆脆地😍，入面超鬆軟，唔使搽野都已經好好食，估唔到餐包都咁有驚喜！餐湯連甜品（$3️⃣2️⃣）今日個湯係甘筍湯，打得超滑，冇渣🥰，入口好creamy，同埋上枱嗰陣時都夠熱！蕃茄水牛芝士配香草醬（$4️⃣4️⃣）好鍾意水牛芝士個質地，同埋佢個香草醬甜甜地，配沙律食都幾夾。青蘋果羽衣甘藍沙律（$3️⃣6️⃣）加咗青蘋果唔單止口感好咗，而且仲有啲甜味，食落去冇咁寡，係一度幾開胃嘅沙律。蟹肉粟米燴意大利飯（$9️⃣8️⃣)侍應姐姐好細心同我哋講個意大利飯會跟傳統做法比較硬，如果有需要係可以幫我哋煮得淋啲😌，我哋揀咗軟身啲嘅。啲意大利飯索晒啲味，仲食到黑松露味😋，上面仲有芝士碎，真係忍唔住一啖接一啖。香煎三文魚扒配香草蕃茄汁（$1️⃣9️⃣8️⃣）有兩大塊三文魚，層皮煎得好脆，佢個香草蕃茄汁偏甜少少，我幾鍾意😝！佢伴碟嗰啲薯蓉好好食🥺，好滑好有牛油香，好想再食多啲！成餐嘅服務都非常好👍🏻，侍應都好細心同埋好有禮貌。同埋我覺得啲坐位好闊落，我覺得好適合一大班朋友聚會😌，尤其坐

今次去咗油麻地食一間樓上西餐廳😋 呢度食物種類多選擇 叫咗個超清新嘅牛油果沙律🥗 裏面仲有菠蘿、車厘茄同埋醋 相當開胃😍炸田螺 ($128) 大家又試過未? 佢熱辣辣之餘一咬落去好多汁 裏面除咗有田螺之外仲有蘑菇喺度所以特別juicy🤩 Seabass fillet ($208) 好亂滑好欣賞個汁同鱸魚好夾🐟 全晚最鍾意嘅就係個Scallops Aglio Olio佢有蒜香味之餘仲有少少辣辣地好惹味🍝 粒帶子超大粒剪得好香口又唔會過熟👍🏻甜品食咗Opera Cake ($78) 唔會太甜太膩 而且好欣賞呢度有好多款Cocktail同Mocktail Mango Paradise好fresh 另外一杯Choco’s Party都係朱古力愛好者必做嘅飲品🍹

23樓既高質西餐呢度室內室外既景觀都係咁吸引室外室內都有大形壁畫，很吸引。室內有一邊是一整排落地玻璃窗，從23樓望著旺角景色，加上點點燭光，好有氣氛，有另一種味道。呢度有加一服務，但環境和服務一流，換碟加水都好快手。又會主動提供新碟比你share main course，值得。黑水橄欖麵包、粟米麵包粟米包甜甜的，還有粒粒松子。黑水橄欖麵包屬咸包，味道清新。吃起來口感溫暖，外脆內鬆軟，塗上牛油吃更可口。吞拿魚他他+紅菜頭蓉伴牛油果醬多士吞拿魚切粒，伴青瓜粒，蕃茄粒和少量沙律菜，好清新，很突出原材料的味道，吃得出吞拿魚的鮮。多士也鬆脆好味。是日精選餐湯係忌廉湯，很濃郁又creamy，仲有粒粒麵包粒，增加口感。主菜香煎法國鴨胸伴香燈燒汁 $458鴨胸切片連皮，不覺油膩。一條條香橙絲，讓鴨肉也滲滿香橙味，慢慢細味會吃到淡淡的橙香。伴碟既柚子粒，紅椒黃椒，珠豆，剛好可以中和鴨胸既油脂。黃色薯蓉，有牛油香味，很飽肚。法式海皇鍋 $488材料豐富，有大蝦，魚，貝類和魷魚，底部還有薯蓉。份量足夠share食。醬汁帶有鮮蝦味，整體味道不濃烈。自家製白桃乳酪慕絲蛋糕甜品控一定要試。外貌精緻，口感幼滑清新，

今日同朋友敘舊，想靜靜地又坐得舒服所以揀咗去油麻地一間樓上西餐廳。一上到去，已經覺得好有聖誕氣氛😂因為餐廳已經有好多嘅佈置。其實依度都好多選擇，除咗set dinner，散叫都有唔少選擇，但由於我哋想食意粉，而今日set dinner就無意粉，所以最後就散叫。講下個餐包先，分別有粟米味既包同埋橄欖包，兩種味道都唔算好突出，但軟硬程度係我鐘意既。之後就上左南瓜湯， 好creamy之餘仲有南瓜粒喺湯裏面，口感上會豐富好多👍🏻 跟住就黎左個熱辣辣既脆薯角，炸到好香脆，一口接一口，未上主食已經差唔多比我哋食哂😂主菜我就選擇左龍蝦尾伴龍蝦汁扁意粉，依個真係好推薦。 首先佢食落唔會覺得好膩，會係想keep住食， 龍蝦味好重，每一條麵都掛哂汁👍🏻 龍蝦肉份量都好夠，又爽口。 總括嚟講，環境舒服，食物質素中上，價錢ok,一定會再嚟幫襯😃

難得有一日假期，就去咗旺角嘅呢間樓上餐廳食午餐🙈休息一下之餘仲可以欣賞一下城市美景😝餐廳佈置好grand，亦都設有一個酒吧位，就好似酒店內的西餐廳一樣🥰是日餐湯~南瓜湯好creamy濃郁，陣陣南瓜香甜味在口腔內揮發，配搭啱啱烘烤的餐包，香脆的餐包吸收了餐湯的精華~炭燒美國安格斯西冷牛扒伴燒汁~主菜好驚喜，首先賣相好靚，牛扒燒得剛剛好，肉質厚實，富油香而不膩，容易咬開，一切開就見到滿滿的肉汁流出來，不需要調味味道已經十分濃郁，配搭綿密的薯蓉，爽脆的四季豆，整體層次豐富☺️是日甜品~怎可以少了飯後甜品，朱古力蛋糕味道濃郁而不膩，朱古力在口腔內溶化，甜甜的味道令人心境開朗🤣最後以一杯熱檸水作結，為豐富嘅午餐畫上完美句號😊

今晚朋友約咗嚟食飯 一入到嚟估唔到呢間餐廳已經提早整左聖誕佈置 非常之有氣氛 未食已經覺得好開心坐低睇餐牌店員都好有禮貌咁講解 我覺得呢度嘅服務質素非常之好點完餐之後就已經送上麵包 我鐘意隻黑橄欖麵包 麵包厚實得嚟又夠鬆軟 配埋個南瓜湯飲 好味跟住就再要咗Nachos,分量都唔少而且啲粟米片好夠香脆,個人略嫌唔夠多牛油果同埋蕃茄,整體味道都好好味，滿意跟住就點咗份牛扒配洋蔥圈，另外叫多一份薯角。牛扒上的非常之大份，上面嘅洋蔥煎炸得好香脆。 牛扒雖然叫咗七成但食起嚟都係好嫩好有牛肉味唔會覺得好韌 ，正（題外話，店員幫我哋加芥末都好靚咁樣拉一拉碟，讚）加薯角估唔到份量係咁多，不過熱辣辣又脆身，裏面滿滿嘅薯仔好夠香。仲叫咗呢杯mango paradise，覺得好好味因為好多芒果嘅味道 而且有粒粒嘅芒果肉夠滋味整體呢餐飯係非常滿意服務態度同埋食物質素，佢仲咁有聖誕氣氛，實在值得一讚！

今日老婆帶我去一間非常浪漫嘅餐廳食飯，Bellevue Bar and Grill 係彌敦道558號，油麻地地鐵站A2 一出地鐵站就到，好方便.搭電梯上去23樓，一出電梯餐廳比我嘅感覺好浪漫，一大片落地玻璃，彌敦道嘅景色盡入眼簾，窗邊有啲小燈泡，燈光柔和，枱面仲要點上蠟燭，令到成個感覺都好舒服，好浪漫。prime angus sirloin 328 元牛扒點咗七成熟，原來份量都幾多，牛扒賣相十分之好，入口牛肉味香濃，肉質非常鮮嫩，每食一口都食到香濃嘅牛肉味，牛扒上面有一層醬汁，醬汁味道香濃，令到牛肉味道更加突出，另外配菜都相當豐富，呢個牛扒真係非常好味。絕對有驚喜。Lamb Loin Risotto 238 元香噴噴，而且賣相10分靚仔，羊柳用炭火燒增添一層味道，而且肉質非常嫩滑多汁，意大利飯硬度適中，而且每粒飯都沾滿南瓜味，食落口煙煙韌韌，每食一口都覺得非常好味。Foie Gras 178 元 鵝肝係我嘅最愛,雖然份量唔算多,但係都算幾厚，入口感覺細膩絲滑，入口溶化嘅感覺，伴隨淡淡唇齒生香，口感層次非常豐富，每食一口都覺得非常幸福。真係好好食 味道同埋環境都令我好滿意，而呢度嘅店員都

星期日嘅午餐去左間位於旺角嘅西餐廳食brunch, brunch menu有rissoto,意粉扒類，仲有炸魚薯條，同burger。店員話是日餐湯係甘荀薑湯。主餐我就叫左安格斯牛肉漢堡伴香辣薯角，配左1+2+3，姐係1）是日餐湯及甜品，2）青蘋果羽衣甘藍沙律同埋3）蕃茄水牛芝士配香草醬。飲品就叫左杯凍咖啡少冰，奶同糖水都係另上。咖啡味道正常。落單店員仲問左即刻上定晏少少先上。順次序先上嘅係青蘋果羽衣甘藍沙律，非常清新，青蘋果清甜，唔會只有酸味，羽衣甘藍沙律菜冇澀味，夠新鮮，配上帶少少蜜糖甜味嘅沙律醋，開胃清新。然後就係蕃茄水牛芝士配香草醬。香草醬恰到好處，唔會太搶味。蕃茄水牛芝士，水牛芝士軟綿綿，微微嘅酸甜同奶香，同蕃茄片一齊食，配埋淡淡香草醬，好好食。餐包夠暖，摵開香綿綿，搽上牛油，好味！餐湯甘荀薑湯唔會太濃稠，啱啱好薑味唔算濃，冬天飲落好暖胃，好舒服，質地好滑身，係出色嘅餐湯。主菜方面，安格斯牛肉漢堡伴香辣薯角，一上枱已經聞到陣香味，即刻試一條薯角，外脆內軟，炸起熱到差d辣親，表面嘅辣椒粉分佈平均，超級香口，茄醬比得勁足，啱哂我呢d超鐘意茄醬嘅人！安格斯牛肉漢堡好大份，一開頭用手拎

Bellevue Bar坐落於油麻地的鬧市，餐廳空間感寬闊，配上色彩繽紛的聖誕裝飾，氣氛格外浪漫。落地大玻璃，看到街上熙來攘往，夕陽時分透入金黃的陽光，🎉令人沉醉在寧靜的時光。周打海鮮濃湯呷一口濃湯，濃稠鮮香，啖啖八爪魚粒、蜆肉、薯仔和洋蔥粒，口感豐富，把麵包沾上熱湯，滋味開端。青蘋果羽衣甘蘭沙律嫩綠沙律菜上鋪滿羽衣甘蘭，口感爽脆，青蘋果酸甜清新，十分開胃。蕃茄水牛芝士伴香草醬水牛芝士入口軟滑香醇，跟配羅勒香草醬，配合多汁蕃茄佐食，流露出淡淡乳香，十分美味。蟹肉栗米燴意大利飯$98意大利飯口感濃稠，如需要較軟身質感，可以在點餐時告知服務員，安排貼心。每粒飯都柔滑忌廉包裹著，😘連同一絲絲蟹肉享用，綿密鮮味，滋味吸引。炭燒美國安格斯西冷牛扒伴燒汁 $238厚切的西冷牛扒，表面褐色網紋， 😋微微炭燒香氣，邊緣位置焦香。內裡豐腴肉汁，牛味香濃，跟配奶滑的薯蓉，和爽脆的蘆筍，💜越吃越滋味。荔枝慕絲杯慕絲綿滑順口，清香柔美的荔枝香，吃起來不甜不膩，🌸十分窩心。

一間好適合慶祝 有情調嘅餐廳🍴 入到去有大片落地玻璃 可以望到夜景🌃換上Christmas裝飾 有節日氣氛 燈光適宜 見到dinner set嘅選擇唔錯 同朋友叫左個set share然後再單嗌其他嘢試下🤪落完order後就會上餐包 有兩款 分別係粟米包同黑水橄欖包 兩款都幾特別 較少見到 個人比更喜歡前者 唔會好濃粟米味但係食落軟熟 兩款加牛油🧈都好味😋精緻小食 係一塊ham 小鹹 有埋蜜瓜就perfect😋燒鳳梨伴海蝦雜菜沙律🥗鳳梨好甜 海蝦好爽口 鳳梨同海蝦都有輕輕煎過 香甜 調味開胃 份量都好足餐湯 南瓜湯 飲到淡淡的南瓜味🎃 都唔錯Main course揀左炭燒特級安格斯熟成肉眼扒 熟成牛扒係經長時間風乾 可以鎖住肉汁 比較少機會食 見到都即刻試下 口感比較特別 有牛味 亦都多肉汁 甜品揀左草莓乳酪凍餅 擺盤唔馬虎 味道正常另外我地都單點左個意粉同小食 質素都非常唔錯煎香北海道帶子伴蒜香意粉🍝呢個意粉頗高質 意粉軟硬適中 辣辣地 撈埋橄欖油同蒜香味 好開胃😆帶子煎得好香 成碟都好高質🥳野味脆炸雞粒🍗意外地 呢個小食好好食 炸粉薄 肉質嫩滑juicy🤤熱辣辣 香口 真係幾惹

今日去彌敦道探朋友探完朋友就喺附近搵嘢食，平時食開的餐廳都食到厭經過彌敦道一座都是餐廳今日就決定在這裏搵東西進餐這問西餐廳出名環境一流，這裏的裝修別有一格，證明這裏的老闆很有風格，餐廳地方簡潔乾淨適合三五知己來聚一聚而且店員也很有禮貌，餐牌上的美食很多，每一樣我都很想食一坐低職員就放下兩杯熱水同兩個餐包餐包仲熱辣辣餐包嘅質地唔會太硬，非常軟熟，身加上牛油嘅香味好快我就已經食晒這個特級安格斯西冷牛扒$328一食入口，牛扒肉質非常嫩，而且牛肉味濃口感豐富，肉質厚實，肉味較一般牛隻部分濃郁，味道香濃肉色呈現一種櫻桃般的色澤，聞起來，已經肉香撲鼻，完美脂肪比例，牛味香濃這個香煎鵝肝伴焦糖蘋果配黑醋燒汁$178， 鵝肝表面煎到微焦一入口口感細膩爽滑然後有淡淡的油脂香味加上焦糖蘋果酸酸甜甜的味道，互相配合很好味這個炭燒羊柳伴南瓜意大利飯，一食入口，羊柳口感細嫩，肉質非常好，意大利飯有口感，而且帶有南瓜甜味這個脆炸雞粒$88一食入口表面金黃香脆中間肉質細嫩，好味喺旺角鬧市中享受呢度嘅一片寧靜又可以喺高處180度飽覽九龍一帶真係好舒服呢一間西餐廳又浪漫又Grand真係可以好好咁享受一個盛宴

自從上次喺元朗食咗西餐後，就好想搵多啲好食又有好環境嘅西餐嚟食，所以今次嚟到旺角呢一間23樓高樓西餐廳，黎試一試😏呢間餐廳有180度飽覽夜景，座位舒服，餐廳寧靜👍🏻好岩同另一半黎，可惜我係同同性黎🥲首先，餐廳一坐低就提供麵包，一款係粟米麵包，另一款係黑水欖麵包，前者有香濃嘅粟米味，後者鬆軟，兩者熱辣辣，配埋牛油好好味👍🏻煎北海道帶子伴蒜香意粉 意粉有兩粒大大粒又新鮮嘅北海道帶子，經煎香後，外皮香脆，但內裏有保持到juice🤤🤤意粉極濃蒜香味，而且帶有少少辣勁，但完全係可接受範圍👍🏻👍🏻👍🏻Dry aged rib eye 熟成牛勁長期風乾，肉汁被鎖實，所以叫熟度時，要注意！ 平時食開五成熟，但如果叫熟成牛就要叫返七成熟，就岩岩好👍🏻👍🏻牛肉入口好嫩，有一股牛油味，配埋醬汁就整個牛都昇華哂~~士多啤梨乳酪凍餅甜度適中，細細件嘅啱晒我哋食到咁飽嘅女士😂😂不錯

1128係我同老公的結婚周年日, 老公一早就book定餐廳同我慶祝. 一開始佢帶我上樓, 我有少少唔開心, 因為唔係酒店, 感覺唔太高檔. 誰不知入到餐廳係有另一番景象. 一入去待應就殷勤地帶位, 講解今日的餐湯係咩, 我地靜靜地聽着開心的聖誔歌揀嘢食. 我地揀主食加飲品都揀左超過20分鐘, 但待應唔會迫你快揀, 唔會比一種似普通餐廳無形的壓力比你. 好好. 點了主菜後, 隨即上了2個酸種麵包, 麵包係焗過, 熱熱地, 外脆內軟, 配上香滑的牛油, 已經感覺好幸福.烤豬架提一提前提, 待應係我地點餐時介紹豬係用黑毛豬, 慢煮, 豬架可能會有少少血色, 正常的. 豬架係我食過最好味的豬架, 佢肉質的非常juicy , 真係未食過咁好味, 唔係誇大, 每一啖都有肉汁, 同平時係餐廳食的慢煮好唔同.  我平時食嘢好快, 但今次我閉上眼慢慢品嚐, 每一啖都好好味. 比起五星級酒店更好味. 伴碟的薯蓉蔬菜都好新鮮, 薯蓉非常滑.煎帶子伴蒜香意粉帶子亦係我食過的最好味的帶子, 佢的鮮甜味無得輸, 大大粒, 超厚身, 雖然得2粒, 但我地都好满足, 因為真係好好味, 蒜片係薄切, 辣辣地, 蒜味好突