Bella Shine (已結業)

有同事lunch time 黎食過話唔錯，今次就約友人食晚餐，約好係餐廳等，上2樓出lift左邊就見到了，唔難搵。坐底望下個餐牌見到有兩個新張優惠，點都要叫下，雖然好少係香港食生蠔，但見10蚊一隻咁抵唔係唔叫隻掛蠔身有光澤，味道鮮甜，無海水嘅鹹味啊。之後第二個抵叫之選，只要叫一個set就可以加一蚊選擇下邊其中一個小食。炭燒餃子釀雞翼，去晒骨，啖啖肉，表皮香脆。當然就叫咗個set dinner， appetizer 1)👍🏻火焰海膽醬赤蝦沙律。2)左下野菜冷盤，應該係啲菜雪凍左，味道怪怪的，有啲似凍左嘅蘿蔔3)右下蟹肉salsa 成個set仲包括兩個蒜蓉包同埋日本南瓜蟹肉忌廉湯。最期待嘅主角Beef Wellington一切開啲酥皮鬆化但唔散，有少少牛油香，肉質柔嫩😋，啲肉一啲都不韌，配搭上黑松露燒汁同烤蒜頭，同埋隻老虎蝦，足夠兩個人食。

約了朋友食晚飯，他們推薦官塘工廈內的餐廳，我在官塘工作也不知道在巧明街迅達工廈2樓有間 Bella Shine,入門口右手邊有2個鉄甲人感覺非常有氣勢，全餐廳坐滿人，如果沒有預先訂枱一定無位，菜單也有很多選擇，每款也很吸引，款款也想品嚐一下，於是決定分享形式便點了3個主菜，有頂級美國肉眼扒配牛肝菌燒汁、法式香草寶雲酥焗紐西蘭羊架配紅酒燒汁、慢煮63度半熟蛋意大利煙肉卡邦尼闊條麵再加汁燒一口牛小食及生蠔﹐而所有主菜/意大利粉/意大利飯加$88可成套餐（頭盤、餐湯、甜品、飲品）所以我們決定要3個套餐。頭盤是蝦刺生沙拉菜、三文魚子蕃茄及蘋果，這個配搭很特別，令胃口大增。餐湯是蟹肉南瓜湯，當南瓜茸遇上蟹肉，清甜加多一點鮮味，原來可以這樣的搭配。小食一口牛肉肉質軟腍味道也不錯，算是主菜的前奏，引起食慾大增不少。生蠔雖然比較細小，但肥美鮮味十足，每隻只是$10合理價。主菜上桌了，賣相已經很吸引，美國肉眼扒﹐肉厚無筋煎至5成熟肉汁豐富,。紐西蘭羊架也是以5成熟烹調，半肥瘦比例，所以口感香滑不油膩。慢煮63度半熟蛋意大利煙肉卡邦尼闊條麵, 闊條麵水準也不錯，半熟蛋令麵食感更 creamy。甜品是草苺慕

Lunch Time同朋友黎到Bella Shine 聚會，呢到係觀塘區，位置方便，環境舒服，服務亦不錯。Menu 有不少選擇，可以選擇不同餐加配salad 或者餐湯，亦有餐飲的。隨餐送蒜蓉包，味道亦不錯，很香濃的牛油蒜蓉。沙律配搭亦很特別，面頭有d 粒粒，醬亦不錯。甘荀薯仔湯，湯底很濃郁，甘荀味十足。叫了日式滑蛋吉列豬扒飯$92滑蛋頗流心的，豬扒亦幾香口，炸得不錯，飯量亦足夠。還有甜品呢，puff 同慕絲凍餅味道亦ok

反咗一日工想搵間坐得舒服既餐廳同朋友仔食住傾下計，放鬆下。觀塘有好多工廈餐廳，想食咩菜都有，真係花多眼亂，從中揀一間又要好又要性價比高既真係要親身去過先知。今日小妹揀咗Bella shine 西餐廳，裝修十分獨特，一入門口有兩個人咁大既士兵，木枱配上黑色椅子，有一個英倫風的書櫃，牆上有相畫裝飾，全餐廳以黃燈為主，而環境都很寧靜，感覺好舒服。有一點必要提的是，工廈餐廳大多好早關門，Bella shine 開到夜晚11點，太棒了。而食物餐飲方面有一人既set Dinner或主食另加$88轉成套餐外，還有家庭餐適合2至4人,當然可以散叫！食物選擇都算多，頭盤有沙律，湯類，而燒物以串燒為主，仲有炸物。小妹今次沒有點set dinner ，散點食物，這可點選配合自己鐘意的食物。點菜後餐廳會先每人送上蒜蓉包作餐前小食，脆卜卜熱騰騰，新鮮岀爈。頭盤西班牙八爪魚柚子沙津 $118選用大八爪魚切片配上柚子果肉的柚子醬。食時記住把醬與沙律配菜拌混，濃郁柚子味夾著蔬菜，甜甜的清新的味道，非常開胃，點作頭盤最好不過。燒物焦糖燒菠蘿 4件 $38燒物中小妹必選燒菠蘿，今次見到不是單單燒菠蘿而是加上焦糖，小妹一於

最近工作有點忙，所以決定跟同事中午吃好一點（藉口XD )於是我們來到環境很不錯的Bella Shine，這天我們差不多一開門就到了，所以還沒有什麼人，大概過了半個小時就坐滿了＠＠＂紫薯濃湯／藜麥沙律這個濃湯真的很濃，有點接近紫薯蓉的感覺，一上菜就聞到香香的紫薯味，但還好沒有太甜，不然會很膩～而藜麥雖然沒什麼味道，但是對身體很喔～注重養生的同事非常喜歡，哈哈！蒜蓉包看似很普通的蒜蓉包，但吃下去意外的香脆！！很久沒吃到這麼好吃的蒜蓉包了！！感覺我可以吃一整條XD燒西班牙黑豚肩扒配干邑黑椒汁黑豚肩本來就是我蠻喜歡吃的部位，油脂分佈比較平均，肉質細緻彈牙，再加上用干邑調味過的黑椒汁，更加突出它的香味！日式西京燒比目魚定食份量意外的多！！兩大塊厚厚的魚肉！！外皮燒得香脆，肉質超級鮮甜嫩滑，每一口都好像會直接滑到喉嚨，哈哈！飯完還有可愛的小甜點，為這豐富的一餐劃上完滿的句號！然後...又要回公司繼續努力了T.T

係開飯喇apps搵到呢間餐廳 一家大細同朋友去試下， 第一啖湯 味怪怪地 咁就算啦~之後食沙律啲菜苦的~ 咁都冇所謂啦~之後試一個西冷牛扒 我話5成熟點知嚟到都差不多熟曬了勁難咬， 又試咗一個飯啲飯粒入面未熟透，呢間餐廳真係有少少失望，食完走喇 問啲朋友啲食物得唔得，個個都話唔掂， 食呢餐有成十個人食我只想講一句， 啲食物對唔住啲價錢。唔會有下次再去食

314白色情人節同男朋友食好少少 去食西餐～係觀塘工廈搵好野食😍今日嗌咗...🌟餐湯 南瓜湯 配蒜蓉包好香濃 因為我超鐘意食南瓜！鐘意南瓜既一定要試 真係超濃🤤 仲有啲蟹肉係底 唔知點解好似有咸蛋黃味 成個湯都好正❤️ 蒜蓉包正常發揮～冇乜特別🌟慢燉美國安格斯肉眼露筍野菌意大利飯個名好長好霸氣所以想試試佢！有幾塊肉眼 慢燉口感真係幾稔 一啲都唔韌😋意大利飯口感啱啱好～加埋個汁 唔會太重口味 幾好！🌟脆焗德國咸豬手配黑椒蜜糖燒汁男朋友嘈咗勁多人話要食咸豬手 終於食到😂 個皮真係好脆 味道適中 豬手份量幾多 旁邊有沙律菜 中和返冇咁膩 仲有啲薯條 食到好飽🤣🌟飲品凍朱古力 都係咁啦 中規中矩～杞子桂圓紅棗茶 呢個反而有驚喜 佢唔係好似平時出面飲個啲勁甜 仲加咗菊花玫瑰花etc 淡淡花香 感覺好養生❤️ 🌟甜品係我最愛既曲奇雪糕 正😋最後埋單都係四百幾～地方舒適 食物質素好 性價比幾高！

今天到觀塘買一些烘焙材料，在網上看到Bella Shine這裡環境好像很舒適, 所以和朋友前來試試。來到的時候，已經過了繁忙時段，環境舒適，讚！這裏的午餐款式很多，一共有八款選擇，基本上素菜、魚肉丶豬肉丶牛肉丶羊肉丶雞肉都有齊，很厲害！今天我點了澳洲黑安格斯肉眼牛扒，而朋友則點了燒春雞。每個午餐也有餐湯，是日是龍蝦湯。肉眼牛扒點了7成熟，牛扒來到樣子很美，牛扒外面金香丶內𥚃肉嫩多汁，牛扒脂肪恰到好處。今天為了美食豁出去，吃了不少牛＂油＂脂肪，十分美味！還有邪惡的薯條也很不錯！至於燒春雞，香草的香味撲鼻，Rosemary 配雞真是絶配。而雞燒得剛好，雞皮是脆口的，雞肉不會老，雞的size也不少，加上春雞伴有香滑薯蓉，份量真不少，最後我和好友也吃不下所有東西哦！最後，來個滿足熱飮，由於早上已喝了咖啡，要控制一下，再加上查問餐廳職員後，知道這裡的奶茶是港式茶膽奶茶，而不是茶包，當然要試試。茶味香濃，唯一略嫌奶的分量有點不夠。最後驚喜的是，午餐伴送甜品呢！黃色的百香果慕絲蛋糕，竟然有酒店水準哦！完美的一個午餐！

餐牌種類選擇非常之多，有特別啲嘅食物選擇。 今日餐湯是龍蝦湯，龍龍嘅龍蝦味打得又滑，有少量龍蝦肉。蒜蓉包非常之香，不太油膩，烘得香脆。 主菜方面叫咗春雞同埋軟殻蟹鹹蛋扁意粉。 軟殻蟹天富羅鹹蛋黃扁意粉$118呢個意粉我期待左好耐。軟殻蟹天富羅有原只，切開一半，入面滿滿嘅蟹膏，炸得好香脆。鹹蛋黃， 軟殻蟹同扁意粉配合得好好食，非常之唔錯春雞質素唔差，肉質鮮嫩多汁，可惜並唔系期待嘅一整隻雞，適合一人份量。小小鹽調味不太鹹。最後嘅tiramisu配曲奇雪糕非常之有驚喜。芝士味好突出好好味，沒有酒味，整體軟滑。再配上曲奇雪糕，大滿足。

越來越難得找到機會同閨蜜出來吃喝談歡, 一於去我們熟悉的東九龍, 時下潮流興起一些樓上店餐廳, 一流師傅拿手小菜給我們吃個夠😋😋潮流興十蚊一隻蠔, 這裏也有, 我們叫了半打, 一向食蠔不加調味料而只需少許檸檬汁來吊出原有鮮味, 生蠔鮮甜带有海水味, 十蚊真係超值!蟹肉南瓜湯，金黃色， 南瓜茸香甜，蟹肉足料，令湯好鮮味。三文魚子配蕃茄加上大蝦 刺身 + 沙律菜 ~ 青檸汁令沙律菜調出味道來, 令人胃口大開，食慾大增。自家製栗子 ~ 清爽惹味，入口鬆化，配上新鮮自製獨特醬汁, 好夾👍, 大蝦鮮甜夠厚肉 , 正! 😋😋😋燒西班牙豬鞍配玉桂蘋果燒汁這個要推介，因為一直鍾情於做牛魔王的我竟然被這塊厚切豬鞍吸引著， 肉軟腍之餘煎至皮脆焦香入味，內𥚃油脂平均分佈，肉汁豐盈， 入口嫩滑， 配上他們特製的玉桂蘋果燒汁, 十分匹配, 下次我打算不用切並徒手吃掉整塊厚扒!對女士甜品一樣重要，好滿足，滿意

難得爸爸放早，可以近近地係觀塘食好西。觀塘有好多工廈，當中隱藏咗好多特式小店架，今次我地就同爸爸去咗食Bella Shine！一入門口，小JM就被兩副鎧甲所吸引，不停問係咩來咩來。。。店內有BB High Chair及小童餐具提供。剛好我地有牆邊嘅大枱，所以我地就無用到High Chair。不過係嘢食來到都發生咗件小插曲，就係小JM打瀉咗水呀。好彩店員都好快手幫忙抹乾枱面又提供餐紙巾俾我抹乾衣衫嘅水。講返今晚呢餐先，我地分別叫咗一個Set Dinner再單點一個意粉轉餐。Set Dinner我地揀咗Set C:前菜:法式野菜凍批、蟹肉沙沙、火灸海膽醬赤蝦沙律湯:日本南瓜蟹肉忌廉湯主菜:酥皮焗牛柳伴老虎蝦配黑松露燒汁今日嘅餐湯係日本南瓜蟹肉忌廉湯，完全啱晒為食嘅小JM。整個湯都充滿南瓜嘅香氣，滿口南瓜蓉嘅感覺，而且湯中仲有啖啖蟹肉，更覺鮮味！店內亦有蒜蓉包提供，亦可以配埋一齊，味道唔錯架。蒜蓉包做到外脆內軟，而且香氣十足，連平時少食蒜蓉包嘅我都忍唔住要試。前菜中嘅法式野菜凍批帶少許微辣，口感似蛋糕，幾特別。蟹肉沙沙同火灸海膽醬赤蝦沙律都係我喜歡嘅，蟹肉沙沙口感清甜，仲有啖啖蟹肉，加埋飛魚

Bella Shine是一間很有特式的西餐廳，我很欣賞這裡的set lunch水準很高。跟餐菠菜忌廉湯非常細滑的口感，令人一試難忘。蟹子沙律沙律十分清新，加埋黑醋十分開胃。特式蒜蓉包蒜蓉包夠脆，仲有好香蒜蓉味，令人咬一啖便愛上。西冷牛扒大大塊西冷牛扒，肉咪極濃。唯一美中不足是煎得有點燶，影響了賣相。由於叫左Medium well，所以入邊肉汁有些少乾，但整體尚可接受！下次可以叫Medium試下。三文魚扒來自挪威的三文魚扒煎到恰度好處，非常滑。魚皮煎得香脆，配合埋個祕制白汁將魚鮮味再昇華至另一境界。德國咸豬手超巨型德國咸豬手，一個人真係食唔曬。豬手肉咸咸香香，可惜皮唔夠脆，有點韌，很難咬得開，最後唯有放棄。

之前睇IG見到有人話呢觀塘工廈cafe正，book位試下先，地點唔難搵，入到去cafe燈光比較暗，7:30左右到達唔算多人，坐得舒服唔會趕你走，員工都有禮貌嘅。睇到廚師推介黑毛豬肩乜乜，賣相都幾好喎，但件豬一切落去已經覺得唔會juicy，比較乾身，單食豬扒冇乜驚喜，加左蒜一齊食感覺好D，下面薯蓉同蔬菜都一般，南瓜好爽口 (*๓´)咸蛋黃天婦羅軟殼蟹意粉，滿心歡喜的等待著濃郁嘅蛋黃香，以為個sauce有起沙咸蛋黃，原來冇嘅，轉移到軟穀蟹到啦，都係冇，天婦羅粉好厚同埋硬喔！6粒裝田螺焗薯蓉，冇咩特別，亦唔係特別好食。小食係雞泡魚乾，第一次食到咁稔身冇乜咬口嘅質地，覺得阿婆都可輕鬆食到，唔洗擔心。最好食個蒜蓉包，推薦(笑)

約左朋友喺觀塘食lunch，想搵個啱傾計又好食嘅餐廳真係唔容易！apm大商場嘅餐廳又貴又多人，所以去左巧明街嘅樓上餐廳搵食。我同朋友每人嗌一個lunch set，包餐湯/salad。我嗌左個羊膝配薯蓉，個羊煮得好好味！同薯蓉好夾～朋友嗌左burger & chips，我試左啖，塊burger好有份量又煎得啱啱好🤤 食飽飽嗌埋餐飲，原來仲有甜品呀😍 好彩佢細細件，食埋都唔怕肥。埋單每人一百頭，但坐左咁耐都抵返啦～ 會再黎👍🏻👍🏻👍🏻

因為見隔離app有折，就訂檯食生日飯。叫左個62℃ Cabonara，超咸。安格牛柳飯，咸。燒西京銀雪魚，無噤咸，但完全唔值$198！生日壽星叫個7成熟羊架，等左成粒鐘，幾經催促，上左個11成熟的羊架，成晚什麼心情都無曬。好後悔為左個9折，山長水遠試新餐廳。相都費事影😰