Bella Shine (已結業)

網上見幾多好評就同朋友來試試，點知失望啊～一坐低位置近廚房，好大油煙味，朋友忍唔住要求調位。生蠔$15/隻，唔肥美有雪味。沙律菜唔爽、核桃軟身、醬唔得。免費送的蒜蓉包普通，唔夠脆。算唯一覺得ok既，紫薯甘栗幾夾，不過朋友話有點油炸味。寬條麵食落乾爭爭朋友話無咩味道，如果有配檸檬或醬汁會挽回少少。仲叫左個炸雞軟骨唔記得影相，但係係最最失望的，味道淡、粉多，而且份量少、底下全係絲狀既蝦片果類，超唔抵食！！

今日中午去左觀塘食飯，一早想去食觀塘工廈Bella shine食飯啦。朋友之前介紹我去食dinner，一直未有機會食，結果去左食lunch。lunch set選擇好多好吸引，價錢唔貴，有麵有飯有排食，大眾化口味。我叫左燒春雞！店員先送上沙律，雞肉絲沙律，酸醋汁，沙律菜好爽甜，醋汁好開胃！雞肉絲好嫩滑。之後有蒜蓉麵包，蒜蓉味好香脆，蒜味好濃郁。主菜春雞，雞皮燒到卜卜脆，雞肉非常滑溜，醬汁濃郁，意粉用欖油炒香，入口彈牙。甜品好精美架！

每次到官塘都有回家的感覺, 我間中就回到我以前工作的官塘工商區行行逛逛和揾食！今次也是上了巧明街一座工商大厦的楼上舖吃晚飯,門口招牌很標緻,己經話你聽,內有餐廳！門關位置放了两個着上盔甲的戰士,很有特色！是日餐廳提供$10/隻任叫生蠔（4隻起）大大隻,頗新鮮,還有淡淡的海水味！鹽燒油甘魚鮫,魚鮫size都幾大件,很香口,外脆,魚帶骨肉的位置有豐富膠質,食得健康！蟹肉蟹膏意大利飯,有㸃日式煮法的感覺,不濃烈,温和的調味,蟹肉拆碎和蟹膏混和在意飯再配上少許芝士碎,好满足！今天吃了幾款海鮮覺得好滿意也能給我對觀塘在生活上多些㸃滴！

經朋友介紹既一家餐廳，因為聽講有咸蛋味既意粉，作為咸蛋既愛好者就去了🤣🤣餐廳位於工廈入面，客人唔算多，但餐廳幾有格調，情侶黎撐枱腳都幾唔錯。後面仲有個包廂，如果一大班人黎應該可以book間房，就唔使嘈親其他客人啦🤣首先上左個頭盤 有大蝦 吞拿魚配三文魚籽 同他他。頭盤黎講算多花樣，大蝦配左個酸酸地個汁，食落會比較開胃。吞拿魚應該就罐頭出，無乜特別。個他他就食落酸酸地，成個頭盤都做到開胃功效。出面既南瓜湯普遍會重口味d，呢個相對就淡口，不過就會令人越飲越想加重個味覺。個人覺得蒜蓉包配呢個湯底相當出色呢個蜂蜜花茶，唔知係咪重手落太多蜂蜜，好甜黎到主角，炸軟殼蟹鹹蛋意粉 軟殼蟹炸到個殻都食得架，脆到好似食緊炸薯條咁入面蟹肉都好軟冧冧！但最期待既咸蛋意粉，反而最遜色 食唔出有咸蛋味，而且非常油，食到最後，係仲會有油可以用匙羹撓得起呢個鰻魚海膽汁意粉，非常出色！鰻魚好冧，好好食。而個意粉汁我非常喜歡，雖然食唔出係海膽味，但係我就不斷將碗入面既汁冧上意粉度食 下次黎都會再叫呢個🤣🤣個套餐仲有甜品送，其實其中一個意粉加套餐已經好夠，因為份量都非常之多，有齊頭盤、麵包、湯、飲品，甜品。個雪糕球好落好似

非常抵食，價錢親民！大部分食物都幾好味..特別係串燒類最為出色（燒菠蘿同雞翼串：唔乾juicy），朋友食雞腎都覺得ok!蒜蓉包蒜味夠重唔會勁硬身，而且一份6件，好味又抵食，正天婦羅軟殼蟹意粉就差啲啲啦，軟殼蟹無咩味，炸醬較重，而意粉都只有蛋黃味，整碟意粉味記偏淡朱古力窩夫 即叫即做 所以都要等下～但等得有價值士多啤梨夠甜，連雪糕都好味，皮不會太厚，剛剛好～不錯不錯～～胡麻蟹肉沙律都係大大份，但味道落手比較重，食到底果時就覺得咸左啲啦！整體黎講，食左咁多野 埋單先8百幾蚊，性價比高

要搵一家新食店同朋友慶祝生日。上Open Rice 找找新意思。結果搵到 Bella Shine，綱上人氣頗盛。食評多是好評。可以試試。Open rice 食評中有關Bella Shine 嘅相片中，常常見到就喺呢對人咁高嘅盔甲武士擺設。我都影返張先。室內有點昏暗，可能是配合那工業風裝修吧。看見其中一份食評，介紹秘制火焰啤酒燒雞，好想試。可惜今天沒有供應。唯有改汁燒牛小排。薄切牛小排，咪道很不錯。鹽燒牛舌，厚切牛舌，非常美味。燒鰻魚海膽忌廉汁扁意粉，鰻魚啖啖肉，燒至脆囗，非常美味，特別是那海膽忌廉汁,令此佳餚更出色。燒有機茄子，清清地，可化解之前肉類口感。下次再嚟試火焰啤酒燒雞。

今日約左朋友食午餐，就返朋友返工所以選擇左係觀塘區食。自己其實好小係觀塘區「搵食」，工廠大廈內餐廳選擇衆多，雲雲選擇中就入左呢間。餐廳本身位於巧明街某工廠大廈既二樓，唔算係好起眼，不過入到去見到既漂亮既裝潢同工廠環境形成左強烈既對比，侍應見到我地入去都熱情既立刻招待我地係適當既位置坐低。餐廳內既座位一啲都唔逼，十分舒適。餐廳由外到內都比我一種西餐廳既感覺，我同朋友同時點左lunch set D ,頭盤係湯或沙律二選一，我地各選了一種，先講個沙律菜非常新鮮，食落去實在有田園風味；餐湯係粟米湯，但比較似中式既羹，再每Set 配一片蒜蓉包，確實係唔錯。主菜我地叫既係雞肶肉，雖然係法式但配上白飯有中式風味，雞肉咬落好咬口，質地嫩滑，個汁味道較濃，適合送飯。

第一次光顧的時候是假日午餐，那時人少、服務正常，雖然食食下見到出菜的bar檯上有「不速之客」路過，但女侍應都很有效率地用托盤將之撥到地上一腳了結，再迅速地瞄了一下食客（她認為沒人發現）。當時被食物的質素和味道吸引住，所以不太在意。其後朋友生日，想起這間餐廳，於是在生日前幾天經app訂了八時的座。訂座後隨即致電餐廳，告知朋友生日，並請侍應在order甜品時寫上祝福字句。當晚六時半再主動致電confirm booking，並提醒侍應多一次寫上生日字句，當時侍應可說出壽星名字，那我便放心赴會了。原本以為工廠區的餐廳晚市必定「拍烏蠅」, 不過Bella Shine卻坐無虛席(可能是happy Friday吧)!  入座時跟侍應交待用App訂座(因為有折扣), 不過他好像不以為然... Anyway...  因我倆都不太餓, 所以散叫了幾款菜色share便可(而且重頭戲在甜品嘛!)蒜蓉法包多士每位客人都附送一片蒜蓉多士, 蒜味香濃惹味, 如果多士熱上及脆一點更好。凱撒沙律 ($65)份量不算太大, 羅馬生菜新鮮，調製的凱撒汁沒其他餐廳好味, 而且只有上面幾塊菜葉有, 要自行撈勻雞泡魚乾 ($56

今日上網查一下觀塘有什麼好吃，找到一間全好評的餐廳，決定和老公來試一下。因為鰻魚和海膽是我的最愛，所以我點了一個燒鰻魚海膽忌廉扁意粉，老公就點了一個安格斯肉眼蘆筍野菌意大利飯。至於飲品，每一樣都好像很吸引的，最後點了一個荔枝綠茶奶蓋和洛神花金桔茶。兩個主菜同時間上枱，意大利粉和意大利飯都很夠熱。鰻魚很大塊，而且很厚，很有口感，海膽的香氣撲鼻，吃一口，海膽的味道完全和意粉合二為一。這個菜式有日本和意大利的煮法，感到很創新而且味道都很獨特。安格斯牛也是很大件，肉質鮮美，意大利飯煮得剛剛好，不會太硬。安格斯牛配意大利飯的感覺也不錯。荔枝綠茶奶蓋喝一口，那層奶蓋很軟滑，很好渴。餐廳的座位很舒服，因為枱面和座位比較大，沒有壓迫感，而且餐廳內的裝修都是工業風的味道，很有性格。在這裏慢慢吃一個晚餐，是一種享受。

朋友生日揀左去觀塘工廈慶祝，係觀塘云云眾多既工廈餐廳裡，呢間都算係幾有名氣的一入門口就見到兩個西方勇士盔甲，卑我感覺似係風水陣，好有氣勢呀頭盤來碟生蠔刺激下食慾先，再來就係蟹肉南瓜湯，南瓜茸香甜同真係食到蟹肉，好好飲，前菜擺碟好靚，味道不錯我地仲點左薯條同腸作小食多人食就可以試多d，所以主菜我地都點左好幾款帶子黑松露意大利飯：比較多汁既意大利飯，黑松露不算太濃，我鍾意軟殼蟹鹹蛋黃扁意粉：呢個配搭原來幾夾，鹹蛋黃好香好惹味啤酒燒雞：肉質鮮嫩，食落真係有陣啤酒味，相當出色頂級美國肉眼扒：煎得岩岩5成熟，仲保留到肉汁，啖啖肉好好味德國咸豬手：皮脆肉嫩，工廈黎講真係超水準跟餐仲有甜品，3款甜品細細件，幾精緻幾好食Bella Shine 4年前幫襯過，今次再食，覺得真係有過之而無不及

琴日同埋同事中午食lunch 咁有個同事推介左呢間叫bella shine既西餐廳咁由於我地係apm返工  所以去呢間餐廳係極近 原來間餐廳係直頭係apm格離一入到間餐廳覺得d裝修好靚 佈置得好優雅 岩晒追求格調既人d waiter服務態度都好好  好主動提供服務佢lunch set就包埋餐湯野飲蒜容包同甜品咁我就叫左個砵酒燴牛肋條配闊條面一黎到果陣我食d牛肋條已經覺得好正完全係入口即溶 而個砵酒汁配返個闊條面都好岩味最後 我地食埋甜品 當中有泡FU同芝士蛋糕都好好味 總體黎講 野食方面好好食 價錢都合理

觀塘工廠大廈內西餐廳很多，Bella Shine 都係一間我和同事常去的餐廳！Set Lunch 選擇不少，還有湯/沙律，主食，飲品及甜品，每次都吃得很飽！今次我地選擇了砵酒燴牛肋條配闊蛋麵及美式烤雞扒伴燒薯仔配蒜子煙肉汁！前菜有沙律跟是日餐湯可選, 最近天氣咁熱, 我地都選擇了沙律啦!清新一點嘛!套餐還附上蒜蓉包, 熱辣辣我最愛!今日叫的美式烤雞扒伴燒薯仔配蒜子煙肉汁, 雞扒烤得剛好, 面帶微焦, 咬落有點脆口, 內裡肉汁還在, 非常嫩滑!伴菜的薯仔加上煙肉汁同吃非常撘配!另外的----砵酒燴牛肋條配闊蛋麵, 牛肋條煮得十分入味淋身, 入口即溶! 牛味濃但又不會過咸! 蛋麵也煮得剛好, 軟硬適中,有點點咬口, 我喜歡!SET LUNCH 除了飲品外還包括甜點哦!  所以每次都會吃得很飽。每次送上的甜點都少少不同, 像這天的是泡夫及朱古力蛋糕!每次都很滿足地離開!

Bella Shine係觀塘既工廈入面，如果唔係朋友帶我去都唔知入面有野食😁😂入到去就見到兩個盔甲人裝飾，都幾型😎Lunch 有好多set可以揀，我就揀左黑毛豬肩扒，未上主菜之前有餐湯/沙律加餐包，餐湯個日係甘筍湯，沙律放左個好甜既橙仔😋好加分食完前菜冇耐主菜就上喇，佢配左d蔬菜薯蓉，佢擺碟好令，個黑毛豬d脂肪同肉既比例啱啱好，有少少脂肪真係滋味好多😋另一個主菜叫左三文魚親子飯，原來係一個湯飯黎，佢放左滿滿既三文魚，魚子，紫菜係面😋見到都食指大動食完上左餐飲咖啡，之後再上甜品，甜品仲要有個3個唔同款架😊最後埋單每人都係一百零蚊，但有前菜，主菜，甜品同餐飲咁豐富真係好高cp值😊係觀塘附近番工可以試下佢

觀塘工廈食肆林立，由於競爭激烈，食肆紛紛各出其謀，爭奪市場的佔有率，Bella Shine位於巧明街迅達工業大廈，鄰近APM商場，主理fusion菜，除了佔了地利，為了招徠，定時都會更新午市套餐。今天和朋友來到此店午膳。此店環境舒適，枱椅安排整齊潔淨，我們選了兩款套餐，分別是鹽燒虎蝦龍蝦汁天使麵和德國黑啤燒雞配栗子燒汁。先來蒜蓉包配忌亷甘筍湯，包香脆、湯濃郁芬香。大隻的虎蝦灑上海鹽，燒得入味，天使麵加了龍蝦汁泡製，鮮甜彈牙。雞加入黑啤燒煑配以板栗燒汁，令嫩滑的雞肉十分入味。最後還有甜點和咖啡，人均消費祇是$96。

在觀塘番工常常都會找新餐廳，而前幾日就找到這間很不錯的bella shine!法式慢煮鴨胸野菌意大利飯risotto 口感creamy, 米中間還有少少硬，是正宗的做法！野菌香突出，鴨胸也不錯好吃！脆焗德國咸豬手在觀塘工廈吃到這個質素的豬手很驚喜！豬皮很脆，咬開之後是滿滿的肥肉，豬肉不乾而一點不韌，好吃！星咖坡喇沙拼泰式魚餅拼鳳尾蝦喇沙味濃郁，而且椰奶味非常香濃！配菜份量挺多，蛋麵的蛋香味越嚼越濃郁！泰式冬陰公燒春雞呢款fushion春雞味道好新鮮，雞腿部分啖啖肉好滿足！送的餐湯和蒜包味道也很好！