Bella Shine (已結業)

觀塘工廈實在太多好野食，今日同同事去了巧明街迅達工業大廈-Bella Shine, 見到環境裝修不錯，裝修有啲英式風格，還有一對西方門神，一對盔甲士兵，午餐都有好多選擇，選了兩個餐，先來蒜蓉包配紫薯忌廉湯，餐湯又滑又甜。午餐叫了滑蛋吉列豬扒飯$92，這款較日式，豬扒厚身大塊，還有大量洋蔥，令飯味更甜。另一款係野菌龍脷魚卷配蕃茄羅勒汁$98，有心機的菜色，用椰菜片包住魚柳，中間還有野菌，好多層次的口感，點上清新的蕃茄汁，健康之選。最後有甜品奉送，仲有兩款味，一件檸檸cheese cake,另一件係朱古力味蛋糕。還有餐茶添。

閨中密友快將生日，需要找地方開生日派對，今天上網找到一家位於觀塘，設有包房的西餐廳，剛好中午工作會在觀塘，特意前來吃午餐看看地點是否合適，地點位於觀塘地鐵站附近，步行前往只需要4分鐘，可以方便所有朋友前來或離開，獨立房間設計座位舒適，桌子擺放可以依據客人要求改動，閏密看相後亦都非常喜歡選擇了鹽燒鯖魚牛蒡沙律定食Starter: 是日沙律蔬菜新鮮，蒜蓉多士香脆鹽燒鯖魚牛蒡沙律好長好厚的鯖魚，外皮煎得香脆，一翻轉魚肉依然保留肉汁，肉質結實不會鬆散，雖說是鹽燒但不會很鹹，加上檸檬汁完全帶出鮮魚味午餐附送甜品午餐過後，另一位朋友前來敲定生日派對當天的食物，我想這裏將會變成我們各人的生日派對地點。

同同事繼續午餐時間係觀塘覓食，又返到來呢間餐廳，佢地間中都會換餐牌，菜式種類又多，每次都有驚喜喔！輕煎吞拿魚柚子啫喱梅子冷麵 |今次最驚喜的係呢個梅子冷麵酸酸甜甜的梅子麵掛滿柚子汁十分開胃，口感又滑又爽。吞拿魚咁樣輕煎幾特別，加埋上面的三文魚籽好滿足～澳洲和牛芝士竹炭漢堡 |和牛好Juicy，漢堡烤得微脆但不乾，裡面的洋蔥蕃茄都好新鮮，好食！朱古力鮮果窩夫伴雪糕 |窩夫烤得剛好，加上雪糕和朱古力醬令佢又脆又軟，仲有好多水果係上面，賣相又靚，超推介！

從來不寫食評，一直好支持本地食市，不過服務員(比較年長的)態度好差。年輕的服務員都係很好的。我們一坐下，因為有小孩子，不小心將碟子跌在地上，他竟然將它放回桌上。 我們叫另一個服務員換過，他竟然說只係碟底惦到地下喳嘛。這個回覆，我完全無諗過，我確實難以接受。在家吃飯弄掉碟子也會換吧。食物好不好吃，我也無心情品嚐。香港政局都不太好，近來也少咗出去吃飯。 原本想出來輕鬆一下，估不到一開始就那麼糟糕，心情也沒有了。

去Bella Shine 食lunch 通常都不會失望，今日選了朝鮮醬黑豚腩配日本珍珠飯及紅酒燴牛面頰配黑松露薯蓉。朝鮮醬黑豚腩配日本珍珠飯 $92 ( Kim子推介指數4/5)朝鮮醬帶少少辣，黑豚腩配洋蔥炒很香，更有矮瓜及蓮藕作伴碟，整個餐很豐富。不過如果怕油膩的，可能未必適合你，因為黑豚腩比較肥，會出油；而日本珍珠飯是很不錯的。紅酒燴牛面頰配黑松露薯蓉$98 ( Kim子推介指數4/5)牛面頰以紅酒燴成，，味道與紅酒燴牛尾差不多，本身厚實的牛面頰被燜得軟腍，同時口感豐富彈牙。牛面頰含有豐富骨膠原，入口又富有些黏稠質感，口感絕不單調。薯蓉有淡淡的黑松露香，入口即溶且味道濃郁。是日甜品有一口泡芙及一口檸檬蛋糕，泡芙鬆軟，入口即溶；檸檬蛋糕好香檸檬味，口感好實，很不錯。

掛念Bella shine了，剛剛轉了工作的地區，已經找不到好似呢一種商廈嘅食店。是日去食餐晚飯，親切的感覺。餐廳入面行燈光柔弱配襯埋木嘅傢俬給予一種好舒服嘅感覺。Order 了兩份晚餐，前菜salad 好精神，而餐湯係紫色好colorful，係用紫薯自製的非常之特別，呢間餐廳係定時用唔同嘅蔬菜餚成唔同嘅餐湯有時係南瓜湯系非常之獨特。 是日餐廳有個特別嘅優惠就係可以用優惠價去享用生蠔。都唔錯都幾新鮮。之後先嚟睇睇呢個煎鱸魚與嘅質地非常之滑溜唔會太過火硬身。下面係一層嘅薯蓉去襯托着，加埋嘅調味非常之配合。重頭戲就係牛扒加薯條牛扒非常之有口感而薯條係非常乾身脆口好好食。相比之下我覺得薯條比較出眾(因我係薯條控)，牛扒方面可以煎得個顏色再靚啲就更好。

慶祝父親大人既生日，特登揀左Bella Shine試下！餐廳佈置充滿格調，最啱歎番個西式晚餐！餐牌上食物種類多得黎樣樣都好吸引。叫咗好多嘢食！！！脆德國咸豬手配蜜糖黑椒燒汁($228)賣相唔錯，豬手皮燒得香脆可口，肉質唔會太硬又好入味。串燒分別叫左燒雞軟骨串($28)同燒活鰻($88)一食落口就感受到真係活鰻，食得出既鮮味。串燒既醬汁配上食物真係好惹味，又唔會燒得太乾。仲叫左個Set Dinner，包括Appetizer: 法式野菜凍肶， 蟹肉沙沙，火炙海膽醬赤蝦沙律最令我難忘既就係火炙赤蝦，蝦味十足而且啖啖肉Soup: 日本南瓜蟹肉忌廉顏色吸引，好Creamy又濃蟹味Main Course: 燒西班牙豬鞍配玉桂蘋果燒汁($268)加分位係呢個菜有唔同顏色，令人食慾大增。豬鞍燒到鎖住肉汁又林身，加埋少少酸既玉桂蘋果燒汁，好食！Daily Dessert可惜甜品就有啲失望，比較一般既芝士蛋糕同糯米糍咁。總括，呢度環境服務都唔錯，價錢就見仁見智啦！係幾適合同人慶祝既地方！

昨天和朋友午餐吃了Bella shine ，叫了每個set 配salad / daily Soup, 我們選了一個湯，一個黃金沙律。沙律配上黑醋，十分開胃。我們點了兩個Set 分享。日式親子雞丼飯$92這個飯的賣相很好，份量亦很多。炒好了的滑蛋，加了鹽，咸咸的十分入味。雞肉預先經過了調味，不會很淡。匈牙利牛肉配酥油餅$96很久沒吃到牛腩，牛肉經過燉煮，口感很鬆軟，醬汁十分入味。加上酥油餅，口感很好。餅亦煙韌，即叫即做，十分推介。甜品有泡芙配芝士蛋糕/朱古力蛋糕，味道亦唔錯，不會太甜。

餐廳在做生蠔優惠，$10一隻，每人叫了兩隻。以價錢來說，size算是大，不馬虎清洗得很乾淨，又用冰墊著，蠔肉很甜，帶點海水味，很清新，cp值高。吉列南瓜芝士飯是即炸，南瓜肉很多很豐富，芝士溶在裡頭，味道濃郁。帶子黑松露意大利飯好多忌廉，每口都吃列忌廉，芝士和黑松露香味。帶子超級大，輕煎話剛剛好，外香內軟，整個飯的味道帶點甜味，好喜歡💕餐廳的食物種束類頗多，連串燒都有，我點了雞翼，外表看上去看到不乾身，確實咬下去是有汁的，肉很嫰。

🚩觀塘工業區餐廳林立，今次朋友🎂生日就揀咗巧明街的Bella Shine環境燈光💑非常有mood，而一入門口就見到一對大大的盔甲，好有中世紀氣派⚜️，非常特別💖💖最可惜我地🌃比較夜去到🕘，生蠔已經沽清了🤷🏻‍♀️✨我們點了✔️Set Dinner，前菜的胡麻蟹肉沙律味道非常濃烈，厚厚的🐷豬扒煎得岩岩好又香口😋，而點了抹茶窩夫作為👑慶生甜品🎂🍾非常抵食🉐，價錢親民💰💰，整體來說性價比高🤩

一直都想試試觀塘巧明街 BellaShine 的午餐，但這一次的經驗就是... 午餐不似預期，但不想浪費，總要食。在未搬之前，曾經幫襯過晚餐，經驗不錯。但這一次午餐，點了一份美式烤豬肋骨配秘製薯條，質素跟預期有很大落差。外觀看來不錯，問題出在那裏呢？當吃第一口秘製薯條時，腦海中即時出現了麥記的薯條，很相似的味道，好像就是剛剛炸好的麥記薯條。難道秘密就在這裏？令人失望的，就是這一份 Ribs，吃得比較辛苦，因為肋骨肉本身很硬，沒有一般香濃的豬肉香味，並且燒得更硬。質素在水準以下。相反餐包和沙律都有水準。沙律菜吃得清爽，蒜蓉包香脆兼夾香甜。那餐甜品又如何呢？ Size 很細，但這個Cheese cake 帶着奇怪的檸檬香味。連加一，大概百一元，以這價錢和質素來說，性價比很低。這個午餐不似預期。

難得放下大假，相約朋友到觀塘apm睇好戲兼食lunch，閒日返工時間當然要避開lunch hour,所以約朋友2點lunch就啱啱好，為方便睇戲就到附近既餐廳食lunch,揀選了位於某工廈既Bella shine, 呢個時間餐廳客人唔太多，要返工既人都走了，所以唔需要等位，就揀選了面對著水吧位置坐下，睇睇餐牌與朋友各自揀選自己喜愛既lunch set~主菜前先來個沙律及蒜容飽我點了這款~輕煎吞拿魚柚子啫喱伴梅子冷麵，柚子啫喱味道酸酸地的，撈埋啲冷麵一起食，清新開胃，吞拿魚輕輕煎過，落口柔軟，配以蛋絲，整碟給我食晒，呢款冷麵好適合夏天食，好正朋友點了這款~香煎紅魚配茴香酒忌廉汁，唔好以為呢碟係飯，其實係薯蓉，煎過既魚頗香口，濃濃既忌廉汁滲入薯蓉，食起上來更滋味，整碟薯蓉食完也十分飽肚甜品係迷你既一口cheese cake，真係好好味啊這裡環境唔錯，若然唔係趕住去睇戲，真係要多坐一會慢慢嘆下咖啡☕😊

已經來了幾次了 這天兩個人吃叫了豬手 生蠔和一個帶子resorto 豬手很大份 兩個人吃不完 外脆內軟 不錯 生蠔也很新鮮 不錯 不過現在加價到15一隻 risotto不錯 整體不錯 服務也不錯 不過價格在觀塘區比起其他工廈西餐高了點

身為觀塘的上班族👩🏻‍💼這間餐廳之前也有吃過幾次，而每次來都不會令我失望😎品質一如既往的好👍🏻而我喜歡這裏的午餐原因是這裏經常換午餐餐牌，所以每次都可以吃到新的菜式！加上菜式的種類也很多元化🍣🍜🍝🥘🥪🍔輕煎吞拿魚柚子啫喱伴梅子冷麵 $88這道菜是超級適合夏天的，好清爽喔賣相又美!吞拿魚夠新鮮，肉質也挺不錯，醬汁也好夠味.澳洲和牛芝士竹炭漢堡 $108這個餐份量很足，薯條還是熱辣辣的外脆內軟😙和牛漢堡扒肉汁超多的，完全不會乾！麵包部份也夠鬆軟🍔朱古力餅鮮果窩夫伴雪糕 $68超推薦喔！不論是賣相或是味道也很好👍🏻窩夫烘得剛剛好外脆內軟！

之前食過晚市覺得唔錯，今日同事問起去邊食好，就黎試試呢間lunch menu，佢地成日轉menu，希望俾到客人更多味道，呢點做得幾唔錯！每個set會跟有沙律／湯、蒜蓉包同是日甜品1. 香煎紅𩶘魚配茴香酒忌廉汁（＄98)🐟呢個魚睇落好普通，但魚肉超嫩滑，外皮微微香脆，配少少茴香酒忌廉汁食好夾彤樂評分：9/102.輕煎吞拿魚柚子啫喱伴梅子冷麵（＄92）記得要搞雲佢食，就食到麵有啖啖清新柚子味，而吞拿魚厚身又肥美，減肥嘅女士們食就最岩啦彤樂評分：8/103. 澳洲和牛芝士竹炭漢堡（＄108）🍔和牛厚實又有肉汁，連同竹炭漢堡同配濕潤嘅配料，互相中和彤樂評分：7/104. Oreo Waffle with Grape（＄68）同行同事太想食甜品啦，所以我地叫多個Waffle，佢地即叫即整，新鮮熱辣，外面香脆，連Oreo雪糕一齊食真係好正！彤樂評分：8.5/10