Barg (已結業)

朋友生日簡左呢間餐廳，用app訂位好方便。燈光憂暗，好有氣氛~係摸杯底好地方，但我地都唔飲酒order 完即刻上面包同焗蒜， 配以香草牛油，但我地都偏向鐘意普通牛油~水牛城雞翼 酸酸辣辣，但愈細愈辣~好幾惹味~蜆肉意粉olive oil炒， 隻蜆好大隻，有5隻，好足料味道同意粉質感岩岩好乳豬配蘋果醬乳豬比我想像中好味，脆卜卜， 蘋果醬又解油膩，配搭得岩岩好。好有驚喜其實食完意粉已經好飽喇，食唔落甜品tim...整體都好唔錯~值得一試不過價錢偏貴一般情況下個環境都靜既，不過我地去果晚有大枱，一班人好嘈，扣下分。

今日同朋友慶祝生日，揀左呢度試下，今次係第一次黎環境唔嘈，好舒服，呢到嘅服務都好好，由於有朋友遲到，我地坐左幾個字都未點野食，服務生都冇催我地落單。我地點左白酒煮硯，燒豬手，龍蝦汁蟹肉天使麵，水牛城雞翼，，肉醬焗薯皮同心太軟食。另外仲點左支汽酒。所有野食都好好味，係水牛城雞翼辣左少少，但味道都好正平時都麻麻地飲酒，竟然今次的汽酒都入到口，Good!期間本小妹流鼻血，怕朋友見到，避走左去廁所門口止血，服務生見到問我需唔需要椅，仲特登幫我裝下廁所有冇人，好貼心！一路食野，服務生都會好自動幫我地換碟倒酒，超貼心！見我地食完正餐，都會自動幫我地上甜品咁優質的服務要加美味的食物，仲要開埋酒，埋單四個人都唔係貴，好值得再食！純粹一提的係佢有happy hour，都幾抵，去到十點鐘，同朋友傾計一流

是日自製左一日假期, 可惜老婆攞唔到假, 唔可以同我一齊輕輕鬆鬆抖返一日。😎 我一起身就落去Time Square買定飛睇戲, 由於距離13:15開場仲有一個多小時, 有足夠時間去附近嘆返個Early Lunch先入場。👍由Time Square轉出去耀華街, 果邊比較多餐廳, 由於今日比較早, 而且我一個人, 所以可以任揀食邊間都可以。😁係其中一幢商業大廈地下我見到Barg嘅Lunch Menu, 價錢唔貴, 而且款式都幾適合我, 有我喜愛嘅慢煮豬扒同安格斯肉眼, 所以決定行上位於1樓嘅Barg睇睇咩環境先。😆我去到時12:00餐廳剛開門, 我係第一位客人, 餐廳裝修好有格調, 而且每一張椅子都有唔同款色, 我揀左同夢露撐枱腳。😍原本我打算點安格斯肉眼, 不過聽到店員話是日廚師推介係白酒煮蜆意大利粉, 好吸引, 所以最後都揀左呢款。餐湯係粟米濃湯, 粟米味濃, 入口香甜又唔會太稠, 餐包幾脆口, 唔錯。👍白酒煮蜆意大利粉份量好多, 蜆超級大隻, 鮮味好濃郁, 爽口又彈牙, 配合濃郁嘅白酒汁, 唔太咸又夠鮮味, 非常配。😋Lunch Set加$15就可以加配是日甜品, 我當時唔會放過

My wife and i are on leave today as we planned to shop for some stuffs at Causeway Bay area. After we were done shopping, it was already lunch time and she suggested that we go to Barg for lunch. Barg was located at Yiu Wa street, walking distance from Times Square. It was a restaurant with relaxing ambience and soothing music.  Considering the location and decor of the restaurant, their lunch set was quite affordable, ranging from $88 to $158. The set consisted of a main, soup of the day and co

與好友相約銅鑼灣晚飯聊天， 在時代廣場旁 的 耀華街晚上比日間清靜，再去之前吃過Lunch的樓上餐廳"barg"這有酒飲食物美味。 到步内進~很有氣氛，餐廳陳設漂亮 ！ 員工奉上鬆軟麵包， 更有我喜愛的 焗原個蒜頭。朋友愛素食，Order了一個 Rpasted Vegetables $ 128烤什蔬菜，很有香草和欖油味，蔬菜十分鲜甜清爽。我是食肉獸，Order了……Slow Cook Short Rib $ 258慢煮牛小扒、肉質淋和滑，香味濃郁，有如燉肉一樣，很入味！下層的薯蓉也很香滑~有餚要有酒 ,Order了两杯Fox Creek Chardonnay @ $ 65静静的環境吃着談着愉快輕鬆的一晚！

公司嘅為食兵團介紹銅鑼灣嘅 Barg, 一間陸菜餐廳。兵團話佢地去左餐廳 lunch。 佢地話個蝦多士好正，回味無窮。我就約朋友去吃 dinner 先。地點喺耀華街樓上鋪，地點沒有大街咁繁忙。餐廳裝潢古典而簡潔，很喜歡呢度的特式椅子。餐廳提供烤蒜頭 及牛油 搽麵包吃。肥美焗𧐢，面上鋪上芝士菠菜。Main course 之一 鴕鳥扒。之前食過中菜炒鴕鳥肉。第一次食鴕鳥扒。鴕鳥肉非常健康，因為三低及含多元不飽和脂肪酸的特性，適合高血壓、肥胖人士食用。肉質口感類似牛肉、纖維細長、沒有腥味。鴕鳥本身脂肪很少，沒有其他肉類油膩的感覺，所以喺健康紅肉。慢煑小牛排，肉質騂嫩。食了這麼多肉類, 來一個roasted vegetables 很不錯。這麼多佳餚，當然有美洒多謝為食兵團好介紹👍

同個由細識到大的朋友慶祝生日，佢話想食呢間銅鑼灣嘅西餐，咁我放工當然馬上趕過去會合佢同佢食餐好啦！羽衣甘藍牛油果沙律 $98雨衣甘藍可能唔係個個都喜歡的菜（可能別人都食慣咗爽口的生菜），其實菜葉葉肉幾厚，食落去都都算係另一種爽口，仲有柔軟嘅牛油果同埋甜甜酸酸的草莓肉配襯，其實我都幾鍾意呢個沙律。野菌蘑菇湯- $68蘑菇打好細，令到湯的質地好滑溜，個湯味道幾濃郁，我好喜歡。香辣肉腸煮青口 $168青口肉把汁料都吸得好入味，食落味道都好濃郁，有少少辣配原來的鮮味，好惹味。意大利海鮮湯 $88 龍蝦湯海鮮意大利飯 $178Risotto 都煮得幾al Dente，而且加埋個海鮮湯汁好sticky，每啖都好香濃的龍蝦湯味，仲有隻彈牙大蝦，好正。烤乳豬配蘋果醬 $218外皮燒到脆卜卜，肉味香濃，皮下脂層好香溜又軟，上面的燒豬皮口感成對比，有趣。蘋果醬甜甜的，同豬肉一起食，味道更豐富。

今日與同事到銅鑼灣Time Square附近工作，無意比我地發现這間意大利餐廳-Barg，適逢又到我地食lunch時間(我地因工作關係，一般lunch time是2:00p.m.後😆），於是乎二話不說,就决定食這間。這裡環境比較幽暗，氣氛浪漫，佈置一流。每張座椅各有不同的織布圖畫，充滿摩登感覺。在咁幽雅環境下，一邊聽着舒適音樂，一邊享受美味午餐，確係幾咁賞心樂事。餐牌set lunch有很多選擇,價錢又大眾化， 咁嘅環境，咁嘅價錢，絕對超值。👍👍我們order了兩款不同set lunch，分別是美國安格斯US穀飼肉眼扒和廚師精選即白酒蜆煮意粉,而餐湯是番茄湯。湯味極香濃，如重蕃茄味撲鼻而來，味道又唔太鹹， 熱辣辣飲落極之滑口，加上香濃牛油又鬆脆的蒜茸包，配搭完美。白酒蜆煮意粉，蜆超級巨大,而蜆肉煮到剛剛熟，所以好鮮嫩。而且勁爽彈, 味道鮮美。意粉用扁扁的，好彈身，加上白酒清香，令意粉食落更入味。美國安格斯穀飼肉眼扒,要5成熟，貪其肉質更嫩滑。牛扒份量好超大、肉質果然幼嫩。肉味濃郁, 脂肪分佈均勻，肉汁勁多, 肉汁緊緊鎖住扒內，5成熟果然食牛最佳享受，牛肉雖血紅，但不致有血水，配上芥末醬

沒想到由頭盤到甜品嘟係咁咁咁好味！ 而安格斯牛就係今次嘅主角🐮🤤肉汁鮮味回味無窮！薄薄的🍕雞肉pizza 醬汁口感一流，而蟹肉意粉有意想不到的驚喜，最後嘅甜品心太軟必定要試.....👍🏻😋服務人員態度很好,亦都會前來問候我們覺得食物質素好嗎？而且環境燈光舒適約三五好友聚會這裡確是一個很好的地方👫👭❤️ （原來逢星期一至星期四晚上10:00前結賬用citi bank card 簽賬還會有10%優惠㗎😍）

放工放得夜，最苦惱就係諗食乜好！心血來潮想食意粉就搵下銅鑼灣仲有邊間餐廳10點都未收最後揀左試下呢間餐廳！一入到餐廳有一種好適合三五知己傾計飲嘢嘅感覺，環境好舒服。因為放工好肚餓，所以即刻叫左幾款食物。頭盤美國安格斯牛柳叫左5成熟，肉質好鬆軟，好味！水牛城雞肉薄餅雖然配料不多，但簡簡單單可以食到雞肉同芝士味，yummy!龍蝦汁蟹肉天使麵味道OK！份量亦夠2-3人share心太軟朱古力配雲呢拿雪糕幾時都係絕配！ 呢個心太軟朱古力濃度剛好，流心度亦不錯！如果可以不用梳乎厘杯上就更好了！最後要讚下餐廳的服務態度非常好！一定會介紹比身邊朋友今次選擇正確！下一次再食過

我非常之鍾意餐廳佈置，尤其是佢哋嘅櫈，每張都有不同的特色。餐包~原粒蒜頭經過烤焗， 味道比我想像中好食，淋淋地又唔有太大蒜頭味。 麵包係餐廳每日新鮮自家製的，有芝麻包，麥包， 香草包。 香草牛油都係自家製，仲有非常濃嘅香草味，配上熱辣辣麵包，好味道。羽衣甘藍牛油果沙律~ 羽衣甘藍，葉身比較硬身，但新鮮爽口。因為第一次食， 所以感覺特別。 我知羽衣甘藍是非常有益嘅蔬菜， 唔係普通餐廳可以食得到的沙律菜，所以我慢慢品嚐，配料有士多啤梨粒，牛油果片，紫洋蔥絲， 松子及檸檬汁，食落有檸檬的酸酸味與士多啤梨的甜甜地，非常開胃。蘑菇湯~用咗大量蘑菇攪碎來煮，所以食時蘑菇味香濃，再加了少許香草。海膽蘑菇燴意大利~剛剛新推出，連menu 都未有顯示。是服務員特別推介的，材料有洋蔥粒， 好幾款嘅蘑菇粒，香草，芝士，一大份海膽，同少少火箭菜。飯粒煙煙韌韌配上大量芝士，味道非常之香濃，用匙羹食飯時，仲睇到芝士絲， 食完碟飯已經好飽。海膽味道非常之新鮮，食落香濃細爽，口食完口內仲有香濃海膽味。

銅鑼灣這間Barg的氣氛不錯，意大利餐廳，一列列的懷舊烏絲燈泡，一行行並列的木刻餐桌和背面印制各種圖案相片的椅子，並列的牆上横木，還有装在窗上的百葉簾，全横線的伸延擴闊了空間並帶出一點㸃古樸的懷舊北歐風格，令人放鬆享受用餐。燭光影照着小籃子上的餐包也顯得夢幻了，當中有香草包、麥包、芝麻包等;  配着香草牛油，微温香軟的餐包帶來好的開始，也只有在這種餐廳才能吃得到，再高級的麵包店也難以買到。沙律有羽衣甘藍、牛油果、士多啤梨、洋蔥和松子等等..檸檬汁帶出蔬果的清新開胃口感 。海鮮湯青口墨魚車尼茄湯，鮮味十足，墨魚都幾彈牙。慢煮 Short ribs每粒差不多有2立方寸咁厚，用刀一切，豆腐般冧，進食時卻仍有像牛腩般的啃口和味道，這個牛小排的位置是近腩部的地方，也是最有牛味的位置，慢煮自然最能保存牠的美味。

今日放假諗住去美食博覽，去之前食返個LUNCH先。餐廳近住時代廣場既一幢商業大廈，💡燈光昏暗，都幾有調情。😎裝修幾型格，每張凳圖案都唔同，花過心思，老闆應該係幾細心既人，哈。🥄餐湯：充滿薯仔味，質感較稀，但清清地味道唔錯。🍞餐包：蒜蓉包鬆脆、美味。🍝廚師精選：白酒煮硯意大利麵 HK$158蜆肉彈牙鮮甜，微微白酒香味。意大利麵用既係闊麵，幾有口感，不過我鐘意食再稔身一d。🐂美國安格斯穀飼肉眼扒 $158嘩！好大塊～叫左五成熟，最滿意係肉既熟度真係medium，唔似有d餐廳叫5成最後出黎變7成。牛扒好高質，食落肉味濃、肉質鮮嫩，唔洗點醬汁都夠味，但本身個醬汁都幾好食，點埋芥末就更好食。伴碟既薯條都唔錯，炸得香脆，好香口。🍨豆腐奶凍 +$15淡淡豆腐味道，口感幾滑，奶凍上面舖上一層朱古力醬增添口感甜味。🍹餐飲叫左凍檸水、凍檸茶，檸檬切左花邊幾得意，花過心思既，飲都好飲d😄。整體環境、食物不俗；職員有禮、服務周到。

趁暑假相約好朋友食個午餐聚舊 喺銅鑼灣過百樂中心 下面有唔少人派餐廳傳單 記得有親友話過barg唔錯就即管試試 呢棟樓平時晚餐好多人 估唔到原來晏晝搵位幾容易.餐廳嘅裝修行歐陸式風格 柔和嘅光線俾人一種好浪漫嘅感覺 每一張凳背都有唔同嘅圖案 好似博物館展覽藝術品一樣 .先來嘅係餐湯 今日係紅菜頭湯 味道比較清淡 唔會太heavy 睇嚟係用新鮮紅菜頭整嘅 有啲紅菜頭絲真材實料 有別於平時嘅忌廉湯或者羅宋湯 比較特別 蒜蓉包鬆脆.我揀嘅係西班牙黑毛豬牛肝菌意大利飯 $128 飯唔會煮得太淋 軟硬適中有咬口 黑毛豬嘅鹹香同埋芝士加埋味道香濃吸引.朋友揀咗美國安格斯肉眼扒 $158 好大塊 叫左medium rare 唔會過熟好嫩口 唔洗點醬汁都夠味 薯條同豆伴碟 薯條脆身唔會太油.最後餐飲系熱檸水 好得意啊 檸檬切左花邊

BFF由澳洲回港短聚，我忙到甩轆，收工拿拿林上開飯搵地方。原本灣仔il Bel Paese係我會友首選，但舊年兩度失望於新意大利大廚對pasta嘅自我風格下，已經將佢打左入冷宮。咁就比我發現到新歡 - Barg。用開飯訂位快、靚、正！按幾下，10秒鐘搞掂。去到餐廳樓下見到條長人龍等𨋢嚇左一跳！再睇下地址係1樓，唔使搭𨋢嘅，嚇得我吖～店員引領入座，望下個環境，YES! 無揀錯，perfect place for dine and chat.坐低後，店員會問我要無汽定有汽嘅水(不另收費)；之後我地睇緊menu未叫菜，店員已經送上麵包(不另收費)，那怕你會淨食麵包飲水就走？可惜我帶病上陣，肚肚唔舒服，唔敢食得太油，其實好想試下具人氣嘅烤德國鹹豬手同烤乳豬配蘋果醬，唯有留待下次。另外亦好想試下個個都讚嘅羽衣甘藍牛油果沙律，但不過朋友喺澳洲日日都食牛油果，所以揀左芒果龍蝦沙律。全部菜式都比想像中嘅好食更好味，so impressive。店員又有禮貌，服務又周到，一定要再嚟。