Barg (已結業)

好朋友有心事，特登選呢間環境安靜嘅餐廳食飯傾心事。當晚星期一，店內客人唔算多，而且我哋六點半就到，所以好有包場嘅感覺🤣第一個菜係香煎鵝肝配焦糖蘋果🍎我好鍾意鵝肝上面嘅蘋果醬，酸酸甜甜，好開胃。鵝肝外層煎得香脆，但係入口即溶，配合埋香脆嘅麵包同酸酸甜甜嘅蘋果醬，非常好味！不得不提嘅係佢附送嘅沙律菜非常新鮮，配合埋甜甜哋嘅汁，非常開胃。第二道菜係法式蟹肉虎蝦多士，多士烤得好香脆，上面嘅蝦雖然烤過，但唔會乾，依然juicy，夾埋蟹肉一齊食，成個口都係鮮味👍🏻第三道菜係美國安格斯牛柳。牛柳煎得剛剛好，多肉汁，正！佢嘅配菜都好好食，俾我食曬哈哈！

今日放假，去銅鑼灣找朋友吃lunch, 朋友帶我去位於百樂中心的Barg。我們過了lunch高峰時間才去，所以人不太多。餐廳裝潢走年輕輕鬆路線，雖然不太大，但環境舒適，座位亦闊絡。每張椅背上的圖案都各有不同，很有心思。我們點了兩份set, 牛扒另加二十元配餐湯。餐湯濃稠適中，啖啖紅菜頭，高效抗氧化，如果有其他雜菜會更好餐包軟糯，蘸上特製牛油，好味意粉硬度，份量適中，醬汁creamy，能掛在意粉上，加上咸咸的碎煙肉片，增添味道層次。雖然牛扒接近 well done, 但牛扒本身質素不錯，肉質軟腍不帶韌，牛味濃郁，肉汁豐富，蘆筍新鮮爽口又健康。薯條炸得金黃，外脆內粉，我至愛侍應笑容親切有禮貌，食物質素好，下次會再幫襯。

今日午飯到耀華街百樂商場一樓的Barg試一試。餐廳裝修雅致，别具風格，座位闊落舒適，可以慢慢坐下來，好好享受一頓美饍。每個午餐都配有精緻小巧的餐包，剛剛焗好的餐包，外脆内軟，配上加了番紅花粉的牛油，美味可口。我挑了主廚招牌的羊仔柳配露筍，脆炸薯條配薄荷酸忌廉汁 ($108)。賣相吸引，羊柳軟熟不羶，配上薄荷酸忌廉汁，别具風味。脆炸薯條美味異常，值得一讚。同事話要食得清清地，選的是焗鱈魚柳配菠菜苗薯蓉 ($108)。魚柳添上乾蒜，提升了滋味 ; 清新的菠菜苗配上薯蓉，口感豐富，意想不到的好配搭。餐飲分别挑了咖啡和熱檸水，咖啡香濃幼滑，提神之選。

差唔多一年幾前黎嘅時候覺得呢到幾好. 嘢食唔錯，好足料，座位又舒服，仲有個好似調酒嘅area。唔知係咪多咗人黎，啲質數有啲下降，差唔多碟碟嘢出黎都唔夠熱 😔其實我覺得熱係好basic, 出黎嘅嘢唔夠熱，幾好食都會discount 咗. 另外就係個日本身想叫海膽意大利飯，咁岩又無返貨 😔大蝦意大利飯算係最好食，不過個2碟意粉就.... 一碟又乾得濟，一碟又濕得濟 🙈，想點先. 好彩啲蜆都大隻，算係補返數啦! 我地另外都叫咗2個甜品，creme brulee 同 tiramisu. 都正常啦～

午餐都幾多選擇，廚師精選是蜆肉意粉。還是試下主廚招牌，更吸引，沒有湯或沙律，要另外加錢。薯仔大蒜湯，有薯仔的嚡口的口感，偏淡，喝完後自我感覺良好，夠健康。焗得暖呼呼的麵包，很軟熟。焗鱈魚柳配菠菜苗，薯蓉及蒜蓉牛油汁鱈魚柳的表面的蒜味很香，有脆口的炸蒜，又有蒜蓉汁。魚肉幾嫩。薯蓉似乎不是新鮮製的，但又未至於有開粉的怪味，都可以。是日甜品是藍莓芝士蛋糕，興趣不大就算了。以熱檸水會午餐作結。份量不多，不過吃完又夠飽。

和太太食飯，當然要揀間不錯既西餐廳，見到呢到好高評價，所以黎試下呢間餐廳每張椅子都好有特色，好有歐洲feel，裝修好有格調Starter 點左個法式蟹肉虎蝦多士，呢個真係超正，好有口感，多士夠脆，虎蝦又彈牙！之後仲叫左香煎鵝肝配焦糖蘋果鵝肝煎得好香口，入口即溶，好食到主菜點左羊排同煎牛排羊排份量夠，有三塊，好抵食肉質又鮮嫩，唔會膻！安格斯牛柳，肉質夠淋，不過略厭熟左DD，因為我鍾意血腥D可以坐低慢慢傾下計，環境清幽

Happy Friday特意選這間評分極高的Barg，餐廳裝修富特色，燈光昏暗很有情調，每張枱之間都有適當距離，坐得相當舒適。咸香火腿配新鮮蜜瓜羽衣甘藍牛油果沙律賣相美觀，份量十足，羽衣甘藍新鮮爽脆，牛油果軟稔香滑，口感層次豐富，健康醒胃之選。紐西蘭托托蜆，蜆好大隻，比湯匙還要大，加入白酒烹調，鮮甜肥美！安格斯牛肉非常厚身，外層焦香，入面保持5成熟度，肉滑溜醇香！帶子Risotto同樣出色，忌廉汁口感順滑細膩，完全裹著每粒飯，帶子煎得香口！

每月一度朋友聚會食好啲。是次選了銅鑼灣的意大利菜。先送上餐包。烘得香脆，先打打底。紐西蘭托托蜆第一次吃這種顯，肉質肥厚，非常鮮甜，配上白酒烹調，相當好吃，連湯也喝掉。要了一個羽衣甘藍牛油果沙律從沒吃過羽衣甘藍的我覺得相當新鮮，羽衣甘藍的質地有點咬勁不像一般蔬菜爽脆，配上牛油果，相當配合。帶子意大利飯意大利飯不會太濃芝士味，帶子煎得外脆內嫩，很好吃。美國穀飼肉眼牛扒要了五成熟，生熟程度剛好，肉質柔軟，肉味香濃。

今次閏蜜選了評價不俗的耀華街樓上西餐。餐廳裝修華麗精緻，光線暗暗的，很有情調。餐牌的選擇很多，而且有特色。羽衣甘藍牛油果沙律屬健康之選，沙律菜新鮮爽脆，酸酸甜甜的沙律汁很醒胃。帕爾馬火腿配蜜瓜，蜜瓜新鮮，火腿入口濃香回甘。白酒煮青口味道芳香，口感適中，不會過韌。松露惹菌薄餅味道濃郁，而且配搭芝士，令香氣更昇華，薄餅口感鬆脆。美國安格斯牛柳肉味香濃，肉質入口鬆化，外層煎得夠香口。帶子意大利飯配藏紅花忌廉汁，配搭新穎，藏紅花的淡香為忌廉汁添上特色。

今日約左朋友係銅鑼灣附近食嘢，就上黎試下依個餐廳。餐廳裝修都唔錯，幾有格調，幾有英倫風格。座位都幾寬闊舒適。我地叫左兩個lunch set share黎食。餐湯係椰菜花湯，清清地，唔算太濃味。海鮮墨汁意大利飯：意大利飯賣相唔錯，亦都有好多海鮮，味道適中。海鮮都食到鮮味，但係有啲貝殻類海鮮就食到有沙。西班牙黑毛豬胺：豬胺煎到啱啱好，好香，食落好好juicy, 肉質好彈牙，不錯！配埋露荀食，好fesh。依個主菜都幾出色👍🏻總括黎講，依個西餐廳環境、環境都唔錯，係銅鑼灣一個大家聚腳傾計嘅好地方。

以前office在Times Square，都大約知道附近有什麼餐廳，但畢竟已多年沒在此，今次相約舊同事在附近午餐，就由他決定到那裡吃。這間餐廳第一次來，環境氣氛也不錯，set lunch價錢以這質素也合理。我點了一個紙包焗比目魚配薯蓉露筍$118，看到菜名已感到很特別，令我回想起兒時吃的紙包雞😬另加了餐湯$20，今天的湯是番茄🍅湯，味道香濃，跟湯的麵包香脆可口，牛油也很特別，似是加了一些香料在內，但味道恰到好處。主菜來的時候更是一大驚喜，像極一件精美藝術品。比目魚肥美得來又不會膩，今餐簡直是視覺及味覺的享受。

星期五又係收工輕輕鬆鬆嘅日子，呢間係聽朋友講黑毛豬好得，所以約埋佢一齊撐枱腳。餐包拎上手個刻仲係燙手，哈哈好難得！包係熱點醬先好食架嘛😛仲有原個烤熟嘅蒜頭，第一次食有蒜甜味嘅包，非常之得。羽衣甘藍牛油果沙津羽衣甘藍係香港最近大行其道嘅健康食品，口感爽脆，配合香滑嘅牛油果，清爽可口。黑松露蟹肉醬配粟米片粟米片唔係坊間超市買到個種，呢種油分極少，但一樣非常脆身，濃郁嘅蟹醬有一絲一絲嘅口感，係食到停不了😍龍蝦汁蟹肉天使麵天使麵掛汁能力強，龍蝦汁配蟹肉更為鮮味。慢煮黑毛豬鞍配芥末籽忌廉汁切出來仍保留玫瑰色嘅鮮嫩度，肉汁四溢。露荀又鮮嫩，整個主菜水準高。Tiramisu 女仔當然要食甜品先滿足，食落似Mousse嘅口感咁滑順😛百利甜酒焦糖燉蛋燉蛋時間控制得剛好，十分滑溜

之前去百樂中心等lift時見到喱間義式餐廳，果時都心郁郁想試。今次食完果然無令我失望內裹環境微暗而富情調，不過就無叫紅酒飲啦座位闊落。前菜叫咗羽衣甘藍牛油果沙拉配honey lime dressing. 本身都鍾意食羽衣甘藍因為營養價值高而且低卡路里，仲話可以抗癌😀用lime酸酸味味，好開胃。慢煮豬鞍骨配忌廉汁，豬肉好嫩滑，色澤吸引之外，肉質煮得夠腍，底下蘆筍烤得好爽口。蟹肉天使面，份量很足，吃的時候啖啖蟹鮮味，天使麵麵質較幼，感覺啲麵吸到好多汁法式焦糖燉蛋，即燒的焦糖燉蛋，表面有香脆的焦糖糖衣，配上低下軟滑的custard 仲加咗兩粒士多啤梨，真叫人回味。整體食物水準高質，價錢合理，份量尤其充足。

舊同學今天放假過來找我吹水，就約了她在公司對面的一間餐廳食lunch敍舊。這間食肆佈置優雅舒適，再加埋柔和的燈光使整個環境格調提升不少。餐廳午市有 set lunch 提供，平時我喜愛食沙律；所以就選了一個凱撒沙律配雞胸套餐。D沙律菜選用了新鮮的羅馬生菜和車厘茄，雞胸食落唔鞋口；最重要是有一隻流心蛋，令整個菜式既健康又豐富很多。還有是日精選餐湯係薯蓉湯，味道濃郁。再食埋已精緻的芝麻餐包已非常滿足。 

銅鑼灣耀華街百樂中心逢到午飯時間就會排晒長龍等𨋢，原因就是這幢商業大廈上面有很多食肆。剛巧我做facial的地方也在這幢大廈其中一層，每次做完Facial都好想喺度搵吓有乜啱食。今天趁未到午飯時間已經做完facial,所以就去咗這裏的一樓餐廳試吓。Barg 係一間意大利餐廳，地方雖然不大，但裝修格調給人有種熱鬧開心嘅感覺。座位安排在兩旁，以方枱為主一排過，兩人座位又得，擺放成長枱供大夥兒一齊坐也可以，非常有彈性。入邊是沙發座，外邊則是有靠背的木椅，而這些木椅好有特色，每張椅的靠背圖案均是不同，有人物、雀鳥、動物、國旗..... 繪畫細緻、顏色鮮艷，使人目不暇給，猶如置身畫廊般。午餐時段有set lunch選擇，價錢合理。薯仔蓉湯味道不會太濃，飲落舒服。餐包精緻嬌小，微暖兼軟熟。跟餐沙律顏色鮮艷，香醋伴食，份外開胃。其一主菜是凱撒沙律伴雞胸，羅馬生菜新鮮爽口，雞胸肉份量多及有口感。最喜歡的是這個沙律菜有隻流心蛋在內，咁就唔使驚淨食沙律唔夠飽啦！今天的廚師精選是蘑菇千層麵。以為這個千層麵是有蘑菇片在每層麵的中間，但食落又唔多覺，只食到有好香嘅蘑菇味，原來這個麵是用蘑菇打成茸再混入麵粉一齊搓