반찬앤쿡 Banchan and Cook (時代廣場) (已結業)

時代廣場又有新餐廳，韓國輕食西餐廳比較少食，所以今晚的體驗好新鮮。餐廳的裝修佈置好清新，大自然顏色，綠色、木材色為主色，感覺舒適自在。一家三口前來，大家都食得開心，食物岩食。先來小食醃蘿蔔，喜歡它的酸甜開胃。飲品點了香濃朱古力同水蜜桃沙冰。韓式厚蛋三文治幾吋厚，平時蛋治係熱食，但呢個入面的蛋係雪到冰咁，配芥末醬有幾得意。煙三文魚沙律的麻醬好香，煙三文魚份量多，砌成玫瑰花好有心思。蛋包飯好岩小朋友食，蛋超滑溜，忌廉汁香濃，美味又健康的菜式。烤牛肋骨連爐上桌，伴以薯條，炸年糕，芝士漢堡扒，十分豐富。最後來個忌廉紅豆蛋卷，蛋卷好鬆軟，忌廉柔滑，十分美味。