반찬앤쿡 Banchan and Cook (時代廣場) (已結業)

拎住時代嘅飲食卷嚟。咁啱有下午茶餐。叫咗個牛三文治，配earl grey latte。見menu上嘅青陽辣炸雞好吸引，又叫咗半份。Tea set 價錢唔貴，牛治雖然薄薄地但對得起價錢。Earl grey latte作為其中一個推薦飲品有點令人失望，係有earl grey味，有奶，唔多甜，但係加埋一齊又唔多好飲，可能唔對我個人口味吧。炸雞製作要點時間，上菜一刻係賣相很好，不過完全唔辣，我要另外問佢哋攞辣醬，都係有點失望。整體嚟講，環境舒適，食物普通吧。和想像中嘅韓系cafe唔同，還是有點港味。

返工經過時代廣場，順便四處覓食知道時代廣場9樓開了新韓國菜，立即去試食！餐廳在9樓的角落。挺難找到。不知是不是因為新店和位置隱蔽的關係，12:00不用等位，直接入坐。店舖裏只有寥寥可數的顧客。裝修格局以韓國風小清新加工業風點綴。應該是不錯的打卡熱點！點了這裏的主打菜，牛肋骨蛋包飯店員上菜後，慢慢的切開，看見流心蛋漿緩緩流出即刻好開胃！蛋煮得很懶滑。撈飯一流！牛肋骨很入味也很軟熟，加上酸蘿蔔酸青瓜配菜。特別開胃！另外在點了蒜香蜜糖有骨雞，雞肉方便可選有骨或者冇骨。個人比較喜歡吃雞鎚，要有骨的。雞鎚香甜亦香脆！再配上芝士粉很惹味。跟餐還配上蛋黃醬和辣醬，個人覺得雞鎚本身已經很入味，醬汁反而蓋過了本身雞肉的味道。低層的除了薯條還有年糕，跟蒜香蜜糖汁混合很好吃！以女生來說份量很多。午市加$12就能點特色飲品，我在掙扎着點杏仁咖啡還是 Earl gray 咖啡，最後覺得熱飲的話還是Earl Gray 比較香。賣相不錯，但以平常飲開無糖咖啡的我，實在太甜。打個卡之後飲了半杯便放棄了。另外朋友點了凍香蕉咖啡，賣相很好看。這裏的冬飲應該比較出色，但最近天氣太寒冷了，只能在暖和一點再來吧。個人覺得整體

蛋包飯果然是這家必點的項目肉很好吃，不過有點鹹了。炸雞等了超級久因為不能吃辣所以吃蜜糖味道的喜歡裡面有的年糕蜜糖很多，料感覺很足說實在的那杯蘇打青檸係打卡靚⋯⋯味道完全唔值呢個價錢。兩個人點兩樣東西剛剛好

食到一肚氣，落單落左超過一個鐘都上唔到菜，不停催經理，經理又催廚房，沒完沒完了，只係話做唔切，做唔切就請多d人啦！等到上菜時已經唔想食，味道雖可以，但服務極差！！一定不再幫襯！😡😡

餐廳匿埋喺時代廣場嘅一角，但係木色清新嘅裝修營造左舒服嘅環境，好適合同朋友嚟傾偈食飯。唯一係呢個時間，枱與枱嘅距離如果再遠啲就更加好啦。今日就同朋友一行三人嚟咗試食，我哋叫咗兩杯特飲，再叫咗牛油果薯條，蛋包飯同炸雞。我最鍾意嘅都係炸牛油果，炸完嘅牛油果好滑配上薯條加埋茄汁，最適合一路傾偈一路食嘅小食。炸雞再配埋芝麻醬沙律，清新嘅沙律平衡左炸雞，炸雞比我想像中出色。嘢飲方面朱古力特飲配上Oreo都係幾適合打卡嘅。前菜小食青瓜蘿蔔就一般啦可以食可以唔食。侍應服務方面都好快手，要求公叉嘅時候都好爽手! 食物都上得好快。呢間餐廳同傳統韓國嘢有啲唔同，加入左西式嘅煮法，但亦都值得一試嘅。

I am Korean and very disappointed.. tteokboki has no taste but full of weird fake butter smell. Cannot call it tteokboki. Chips seems to be fried mutiple times before coming to me because it was very hard and empty inside. Even ketchup tastes nothing... Fried sweet spicy chicken has subtle sweetness only but same again, sauce has weird butter flavor. I do not know how these appeal to local people but if you are korean, never try.

韓式餐廳你會食到中式味道 令你充滿晒驚喜 蛋包飯下面所謂嘅牛肉粒炒飯令你O哂咀 令你完全吾知食緊咩 炸雞睇落去好大舊 其實入面得小小肉 服務吾洗講系「0」可以稱讚下 裝修唔差 坐又唔係坐得舒服 食完上網check下呢間韓國餐廳 原來系香港一個好出名嘅集團「富臨」旗下 睇完 明白哂唔怪之食到咁中式嘅味道 有興趣嘅朋友不妨可以試下

安格斯牛肉蛋包飯 $198去食之前已經睇過好多相 睇到我流晒口水🤤個日去食睇住店員切開非常治療 個蛋又好流汁😚 啲牛肉食落都好淋 調味都好夠仲要個飯係牛肉雜菜粒炒飯 食落都唔會單調 唯一係當日既牛有啲肥膏扣咗少少分咁🤧但整體都係出色的！評分: 9/10🌟焗芝士年糕藍青口意粉 $102首先青口都幾大隻同新鮮😆 芝士年糕就好正宗好有韓國既味道🇰🇷 而意粉吸引哂年糕既辣汁 食落好夠味同埋整體都偏辣 好彩有芝士中和返個辣度 所以食食下都會有嘅膩 不過唔食得辣既朋友都係唔好叫呢款比較好🥲評分: 8/10🌟焦糖炸雞配水牛芝士沙律 $158焦糖炸雞🍗即叫即炸 上枱既時候熱辣辣 而且啲雞肉好嫩滑好多肉汁 炸粉都做得好好 唔會好厚 食落個味甜甜地好開胃🥰 配埋沙律🥗食平冇平時配薯條咁油膩 感覺健康少少 嘿嘿🤣評分: 9/10🌟——————————————————————반찬앤쿡 BANCHAN and COOK (銅鑼灣)銅鑼灣勿地臣街1號時代廣場9樓922-923號舖

點解會選擇嚟呢間餐廳其實係因為有Times Square嘅coupon，又加上見到呢一間餐廳好多好評，所以就決定試一試佢。Menu上面有幾款蛋包飯，揀咗最普通嘅招牌牛肉汁蛋包飯，$88。有得揀番茄汁炒飯，或者牛肉炒飯，今次就揀咗牛肉炒飯。開頭都有啲擔心揀最普通果款會唔會冇乜肉，唔夠飽。但係個飯嚟到之後簡直眼前一亮。首先隻蛋一切開入邊啲蛋漿就流出嚟，蛋嘅生熟度係完美。然後分量係非常之多，有炆得好淋嘅牛肋條，係非常非常之好食，大力推介！！！

係時代行街，未餓又想食下午茶，咁岩見到呢間韓國餐廳1700仲有下午茶餐，但入座後兩個人淨係叫左半份有骨甜辣炸雞等左十分鐘，店員通知炸錯左無骨雞，要再炸過　😂但店員都有講唔好意思，我接受，起碼佢肯主動講，唔係等我問🙈炸雞-外脆內軟，熱辣辣好好味，睇完食評比預期中好味好多👍🏾👍🏾係好好味，炸雞上既年糕都好正，唯獨薯條🍟好硬🤣

呢間餐廳個位置好隱蔽，如果唔係朋友介紹真係未必揾到😅門面乾淨企理，入面嘅空間好充足，成個環境都好舒服，適合啲想慢慢食，坐耐少少嘅客人～食韓國菜點少得炸雞架，叫左半份『蜜糖炸雞（無骨）』喜歡甜食嘅不能錯過！炸雞同年糕外層熱辣香脆，入面就多汁嫩滑，軟糯綿密👏🏼👏🏼👏🏼加上清甜嘅蜜糖真係食唔停口❤️半份絕對夠二人分享，記得要趁熱食！另外叫左一份『泡菜五花腩蛋包飯』大份到有啲嚇親一大包蛋下面係好大堆炒飯炒飯好足料，但係味道就偏淡旁邊就有一堆泡菜兩大塊泡菜包住兩三件五花腩唯一嘅缺點係啲泡菜勁大塊食起上黎有難道喔🙊

發覺原來此店堅是用優質日本蛋，又唔錯喎。 蛋包飯嘅蛋好滑，韓式牛肉醬汁略厭過濃，可惜這個季節無賣無花果梳打，只叫了青檸梳打和荔枝梳打。最攪笑有個譚仔呀姐口音嘅侍應，感覺略失韓風感覺。

🥪韓式厚蛋三文治配八爪魚沙律($78) (🍚6.5/10) 超厚蛋三文治加左少少似蜜糖芥末醬既味道，八爪魚幾好味，但可能因為期待好大，食落有少少失望原因係味道加起來比較普通。包身好軟熟，蛋好厚好滑身超級鬆化似日本玉子厚身版，但覺得蛋味可以再重d，配蜜糖芥末醬係幾清新但一食無好驚訝既感覺，覺得洪瑞珍既滿漢驚喜d！🥘韓式炖牛肋骨飯($108) (🍚7/10) 牛肋骨好出色！入味得黎味道調到岩岩好，肉質好淋肥瘦剛好吾會太膩，係就咁用匙就可以將骨分開既程度，份量都好多！珍珠米都煮得軟硬幾好，可惜成個飯略嫌汁吾夠，食到尾會比較乾，如果多少少汁或者配菜會好d。🍛招牌牛肉汁蛋包飯($88) (🍚7/10) 飯一黎到待應係我地面前切開個蛋，之後蛋汁就流出黎，睇住呢個過程真係好治癒同會覺得個飯好味左，蛋入面係牛肉雜菜粒炒飯並吾係白飯好有誠意。牛肉炆到好入味好淋但份量比較少，味道不及牛肋骨出色，流心蛋就超juicy同好滑但略覺得吾多蛋味，整體好味！🍟焦糖炸雞配年糕薯條($98) (🍚6/10) 所有野新鮮炸起熱辣辣，炸雞炸粉吾會好厚都算juicy，年糕偏硬，薯條🍟就無咩特別，性價較低，建議呢個價錢可以叫其

因為有半價coupon所以揀咗呢間食晚飯。首先叫咗個牛肋骨蛋包飯，牛肉韌如湯渣，出面層脂肪又有牛羶味。講咗加錢轉紅菜頭蛋，佢冇加到...到泡菜五花腩蛋包飯，今次佢有加紅菜頭俾我，好嘅五花腩塊皮爽而不膩，可惜呢碟泡菜、五花腩嘅皮同脂肪都軟腍腍，舊蛋又軟腍腍，撈埋一齊唔知食咗啲乜，口感似肥膏撈飯...卡邦尼意粉似落太多忌廉，調味一般。最搞笑係個韓式炸雞，個炸漿同調味食落竟然似咕嚕雞肉。咕嚕皮唔係特別脆，而且雞肉削而乾，有好幾塊根本得炸粉而冇雞肉；薯條都一般，偏幼而冇薯味。服務方面，侍應態度ok但人手明顯不足，落單收碟都好難搵人，明明全場已經唔算多客。結論係下次不了。

依家係時代廣場買野有美食卷，當然要去使用下啦今次就選擇咗係9樓既韓式西餐店，由於係平日下午去所以無需等位，侍應安排咗兩人位俾我，店舖裝修幾靚，坐位坐得幾舒服，一黎就上咗個小食俾我，係D醃製品，味道唔錯可惜無得refill菜單做的幾靚似D刊物咁～菜式唔算多但都好精緻，我地就點咗兩款蛋包飯，侍應送到上枱，嘩～個賣相就已經無得頂，佢仲好貼心咁幫我地切開個蛋。蛋包飯好吃，D泡菜五花肉唔錯，D牛肋骨好諗好入味，估唔到D傳統韓國食物配搭蛋白飯係可以咁好食，真心推薦大家黎試下～