반찬앤쿡 Banchan and Cook (時代廣場) (已結業)

.呢間係富臨集團旗下嘅韓國野。.海鮮蛋包飯 $198隻蛋本來係一舊包好嘅蛋，要慢慢切開佢，嫩滑嘅滑蛋就會湧出黎~飯本身係炒飯底，加上蛋同醬汁幾好食.火山韓式炸雞 無骨半份 $108店員已經有提我係辣，但冇諗過係堅辣唔係甜辣🤣🤣🤣唔係超食得辣都唔好嗌🤣.慢煮雞胸沙律 $92雞胸真係慢煮！好嫩滑，用上羅勒調味，又健康又好味.烤朱古力棉花糖 $78偏甜，好似bbq嘅棉花糖，多啲人share會好啲.荔枝檸檬沙冰 $48藍色好啱打卡！打碎左檸檬混入沙冰好fresh.提子梳打 $42有一片片迷你提子喺入面

今日特登想用咗優惠券所以喺時代廣場揀咗間餐廳，呢間餐廳都幾多人排隊，排咗大概20分鐘先至有枱，睇相見到好多嘢都好吸引所以就決定試佢嘅韓式甜辣無骨炸雞，部隊鍋，五花肉同埋提子梳打。餐廳提供免費嘅前菜，蘿蔔同埋青瓜入口酸酸地都幾好食㗎。提子梳打入口都唔錯，仲有新鮮嘅提子添。不過之後啲菜式就有少少強差人意啦，首先部隊鍋完全同張相係兩回事，開頭以為係有個一人鍋上枱 ，點知原來只係一碗普通嘅公仔麵，配料唔多性價比仲要好低，而且湯底根本就唔係部隊鍋而係普通一個即食麵嘅湯底，真係有啲失望。至於炸雞嘅甜辣醬都唔錯，不過雞肉裏便冇乜味道，要靠返個甜辣醬只可以食得出味道。燒豬肉嘅味道其實都唔錯，佢有燒香過嘅醬油味道，不過豬肉嘅味道就冇乜，略嫌記憶點有啲低。本身其實想試吓佢嘅蛋包飯，不過食完呢餐飯之後搞到個期望值低咗好多，整體來講其實餐廳唔係唔好食，不過比較平淡亦都冇記憶點，希望佢哋之後會做改善啦

伯爵茶鮮奶咖啡 本身好鍾意伯爵茶嘅香味同埋咖啡嘅香味，估唔到呢度有呢兩款飲品嘅配搭，出嚟嘅效果好match!荔枝檸檬沙冰清新！夏天消暑佳品！海鮮蛋包飯高技巧煎成嘅香濃幼嫩蛋包加上材料十足嘅炒飯，再配以大蝦、帶子同青口，真係食到停唔到口！唔講唔知原來食蛋包飯都要有技巧，首先要刀尖係蛋包既尖端開始一路切到尾，然後就可以睇住雞蛋從中間到左右咁滑落嚟，非常療癒！蜜糖炸雞炸雞係即刻叫即炸，外脆內軟，非常Juicy！有非常多嘅後尾選擇，鍾意食甜嘅就必定要試呢個蜜糖炸雞口味。而且份量十足，啱晒一大班人一齊分享！慢煮雞胸沙律慢煮嘅雞胸又嫩又多汁，配以青醬去作調味，感覺清新又特別。烤朱古力棉花糖有冇掛住燒嘢時食嘅燒棉花糖呢？而家唔使去燒嘢食都可以食得到啦！焦脆既表皮加上又甜又軟綿綿嘅棉花糖，非常吸引！棉花糖底下仲好有心思咁鋪左一層脆脆餅碎，食起上嚟就唔會太膩。

餐廳環境舒適，裝修不算很韓風，但配合柔和嘅燈光，有種置身小咖啡廳嘅感覺，店員服務態度親切有禮，用餐期間有咩需要，都好快可以安排到，整體食物很有水準，很滿意👍慢煮雞胸沙律 $92 8/10雞胸肉質鮮嫩，伴碟嘅沙律菜好新鮮，配有色彩豐富嘅水果如蘋果、西柚等，賣相吸引之餘，亦十分適合想輕食嘅客人泡菜燉五花肉蛋包飯 $105 8.5/10泡菜嘅韓國風味濃厚，食落微辣，十分開胃，夾埋舊五花肉食，口感飽滿，回味無窮，特別一提，用刀係蛋包尖端開始切開一路到尾，雞蛋會從中間到左右滑下來，好流心嘅感覺，配飯食口感十分滑嫩醬油蒜頭無骨炸雞 $108 8.5/10無骨炸雞堆疊成一座小金字塔般，份量足夠，醬油及蒜頭味均勻，食落甜甜地，底部放左粗薯條，雖然口感偏淋，但沾有炸雞嘅醬油味，夠惹味，茄汁都慳番，岩哂一班人食烤朱古力棉花糖 $78 9/10烤過嘅棉花糖一食有爆漿同拉絲嘅效果，連埋消化餅一齊食，中和左棉花糖嘅甜膩感，呢個甜品絕對能為成餐畫上完美嘅句號伯爵茶鮮奶咖啡 $48 7.5/10咖啡中嘅伯爵茶味不算濃郁，但勝在飲落唔會好甜，由於加左鮮奶，口感算滑，冰量適中，飲落有少許冰涼感

時代廣場同其他商場一樣，購物滿額可以換現金券，咁岩朋友送左2張美食現金券俾我，於是就去搵下有咩好食。見到呢間韓式餐廳個menu 都幾吸引，格局又寬躺，於是決定入去試下。第一次見到韓國菜係主打蛋包飯🤩仲有意粉同其他韓國菜。我地見個蛋包飯賣相又幾吸引，決定叫來一試一坐低，店員已經送上細細碟既酸蘿蔔我叫咗 燉牛肋骨蛋包飯，朋友就叫咗 油漬番茄未來牛肉蛋包飯🥄 燉牛肋骨蛋包飯（$112）一上枱😍即刻嘩左出黎，個蛋勁飽滿👍🏻👍🏻👍🏻店員會幫你係蛋既中間𠝹開🍴等中間既蛋液流落來🤤 個蛋勁滑，雖然蛋係冇調味過，但勝在個飯係用牛肉汁燉過，有小小似蕃茄既微酸甜，連埋個蛋食岩岩好，好好味😽 牛肋骨有2大舊，唔算太淋，唔係一入口即化嗰種，但都唔係硬，算ok，但對我來講咸左少少（朋友試左話唔咸）最驚喜係佢既配菜有冬菇❤️好入味整體來講好味既👍🏻推🥄 油漬番茄未來牛肉蛋包飯（$98）我試左少少，佢個味好特別，似係蕃茄肉醬，但又有一陣香料既味，好食但唔識形容🤔未來牛肉食落似豬肉多d，而個飯就係普通白飯我地1:15pm去到，唔洗等位，如果多人要排隊就唔值得等啦

最近看到了這家韓式蛋包飯，而且不但有蛋包飯還有韓式炸雞，這樣可以一次雙重體驗，蛋包飯我要的五花肉的，味道ok，沒有特別驚艷，但是拍照真的一流！半份醬油炸雞份量也很足，味道還不錯，滑滑嫩

今日想食蛋包飯，見到這間餐廳好多人食就入去試下。點左烤牛肉蛋包飯，升級鰻魚蛋包飯，韓式芝士炸雞半份，一杯伯爵茶鮮奶咖啡。所有蛋包飯上檯的時候，店員都會用刀界開蛋包，見到入邊的蛋很嫩滑且有少許蛋漿流出來，賣相很吸引。烤牛肉蛋包飯：牛肉是全熟的，有好多醬汁，拌入洋蔥絲好野味。側邊有沙律菜加入沙律醋，酸酸啲好開胃。蛋包入口嫩滑，夠蛋味，蛋包下面是一個飯，飯撈埋蛋汁同牛肉汁一齊食簡直一流。升級鰻魚蛋包飯：呢個飯配上完整一條鰻魚，鰻魚肉好淋好滑，蛋包也是很嫩滑且蛋味十足，配上飯一齊食，每一啖都好滿足。三個番茄仔是點睛之作，配上醬汁味道出乎意料的夾。韓式芝士炸雞：炸雞外脆內嫩多汁，表面撒上略帶甜味的芝士粉，好香芝士味，食到停唔到口。下層是我最喜歡的粗薯條外脆外軟，點上芝士醬好正。伯爵茶鮮奶咖啡：有茶味，亦有咖啡味，好特別的配搭，食完蛋包飯同炸雞，飲返呢杯苦苦地的飲品，清新解膩，圓滿的一餐。

環境唔錯，野食唔錯，但係二人枱食二人餐係一大惡夢，枱細放唔晒，帶位職員仲一臉夾硬黎既衰樣明明張枱爆左仲要放落黎，態度唔係差但平均分以下，下次有機會會揀四人枱試下蛋包飯因為今次冇叫到。

我哋坐低咗登記埋安心出行然後落咗單等咗30分鐘啲嘢食都未到齊。最慘係態度非常惡劣嘢食方面我哋order左兩杯嘢飲一杯係熱朱古力另一杯係無花果梳打，兩杯嘢飲唔係特別好飲。然後我哋再嗌左個慢煮雞胸沙律，啲雞胸非常乾，啲沙律係用醋嘅，非常酸。最後就係等咗30分鐘嘅海鮮薄餅，味道正常。最大問題係侍應態度極度惡劣！因為要用商場優惠攞現金卷，所以需要void咗張單重新碌卡(要同一個人簽帳)返去問門口那位叔叔黑面到痴線,仲話好麻煩要等20分鐘跟住就頭也不回走咗去................

住附近成日見佢排長龍，今日早啲同阿仔撐枱腳食個午餐😌好彩12:30之前都唔使排隊，餐廳屬於半自助形式，排隊拎位，出去點餐，再等取餐及送餐😙我地叫咗呢啲👇🏻是日二人午餐松露野菌蛋包飯$88火山炸雞(半份)$108烤朱古力棉花糖$78提子梳打$42 & 伯爵茶鮮奶咖啡$48松露野菌蛋包飯：好香蛋味，帶住口罩都聞到😆用白汁配野菌食落好creamy, 香滑。餐牌上仲教點樣切開蛋包飯😙中間一刀切開，蛋皮就會左右反開，有得食有得玩👍🏻火山炸雞：甜甜辣辣，仲配有年糕同薯條，雞沾上甜辣惹味又香又脆，薯條外脆內軟，而年糕夠煙韌，我地兩個人食半份，多啲人可以食一份仲可以叫兩款吾同口味添，炸雞真係好岩一大班人一齊食👍🏻烤朱古力棉花糖：好有BBQ時燒棉花糖外脆內軟，加上朱古力醬同埋朱古力碎碎，超滿足呀!

聽講時代廣場又開始新一輪嘅優惠卷推廣🙆🏻‍♀️可能大家仲煩緊啲美食coupon要點用🤔就小編等介紹吓位於時代廣場9樓嘅Banchan and Cook啦！餐廳走韓風小清新風格🌿用餐環境舒適 加上燈光柔和，都幾有文青feel~ 蛋包飯一上枱 店員會即場切開一半🍴個蛋生熟程度拿捏得幾好，見到啲蛋漿慢慢流出黎 依家睇番都覺得好心動💕味道方面 餐廳有增添少少韓式元素，烤牛肉醬汁偏甜 加咗洋蔥同大蒜，加上奄列幼滑口感🥰唔經唔覺就會KO曬成碟嘢😋！部隊拉麵賣相就普通咗啲，有香腸、餐肉、五花腩、翠肉瓜等配料，拉麵麵質ok 湯底唔辣😗整體味道一般 無嗌嘅必要。朱古力棉花糖先唔講味道，齋睇賣相已經心心眼📸😍小編知道呢個已經興咗好耐，但就係唔知香港邊到有得食🥺既然係menu見到 幾歹都要嗌‼️出到黎果然無令我失望，棉花糖表面焦黃酥脆 咬落去綿軟蓬鬆🤩底層係餅乾 另外有多兩塊類似消化餅黎配住食🤤不過大家要有心理準備會好甜，小編建議3-4人分就最合適！🌟 烤牛肉蛋包飯 ($88)🌟 部隊鍋拉麵($82)🌟 烤朱古力棉花糖($69)味道：🌕🌕🌕🌗🌑環境：🌕🌕🌕🌕🌑價錢：🌕🌕🌗🌑🌑

好耐無去銅鑼灣，都唔知有咩好嘢食，唯有去時代廣場睇下水牌，一下就spot 到呢間韓國餐廳，相入面嘅蛋包飯好吸引！入面裝修好靚好乾淨，一坐低就有泡菜食，醃蘿蔔青瓜。雖然係比蛋包飯嘅相吸引入嚟，但我地無叫蛋包飯食，反而食咗部隊鍋賣相同餐牌上嘅相有啲出入，但味道唔錯，麵質煙韌質牙，湯底唔辣但好好味，有香腸，午餐肉，五花腩，芽菜，洋蔥，翠肉瓜，芝士，都算幾豐富。呢個慢煮牛肋條雖然唔平，但絕對物超所值，雖然話慢煮但唔洗等好耐，啲牛肉上碟嗰陣好貼心已經切好一片片，中間見到好靚嘅五成熟粉紅色。肉質好腍，連住少少脂肪有啲甘香，外面煎得夠香口，配埋佢嘅韓燒汁一流。配菜仲有薯條同沙律都唔錯，不過個焗蒜未夠火喉，仲有半舊係爽口的，一定要粉哂先好食架嘛不過總括嚟講都好滿意，讚好

今日去左時代廣場既呢間韓國餐廳佢啲嘢食係幾靚～我比較將注意力放咗係佢嘅嘢食賣相1:不過意粉好似乾咗少少2:士多啤梨牛奶嘅牛奶味十足3:泡菜煎餅味道還好啦，軟硬適中。唯一服務員有少少惡既感覺定唔知自己諗多咗🥺讓我回頭率：🌟🌟🌟

Photos might be misleading - while very accurate that the scrambled-egg is runny and made just right, the overall gravy overpowers any other flavours that should be present.   Eatery atmosphere is quite nice and reminds you of the youthful k-drama scenes with well dressed couples staring lovingly into each other's eyes.Service is interesting in this place - where you need to bring the bill to the counter to pay, we had a mishap where we had no bill left on our table and was told "can you please

知道依間店韓國過江龍蛋包飯，近排開新店喺太古，我本身對蛋包飯失控既我，今次就試吓韓式蛋包飯😍❤️嚟到呢度見到個環境比較清新，走上韓式風格，柔和燈光，坐喺度都覺得好舒服😌✨烤牛肉蛋包飯先講蛋包飯先用刀切開成個蛋包飯既蛋汁慢慢流出🤭鋪滿晒下面茄汁炒白飯，每一啖蛋同飯中間酸酸地幾開胃✨流心蛋漿口感好滑配蓮藕、牛肉，烤過牛肉都依然保持鮮嫩，食晒成碟飯覺得好滿足😍❤️✨醬油蒜頭無骨炸雞Order半份醬油味蒜頭無骨炸雞🍗勁香蒜蓉味道🤩醬汁帶有少少甜味包住左炸雞，粉漿唔會太厚✨雞肉好滑滲出雞油好Juicy😋側邊伴年糕口感好煙韌仲有即炸薯條🍟原來炸雞拼年糕都幾夾😬仲有去晒骨啱晒我比較懶嘅人🤭😁✨烤朱古力棉花糖以前成日都好鐘意食棉花糖，見到新推出焗製朱古力棉花糖，心心出現😍😍鋪滿棉花糖面層有朱古力醬，一啖咬落去嘅時候棉花糖熱辣辣軟綿綿 🍡食埋底層餅乾軟滑鬆脆，鍾意食甜品必食❤️❤️❤️✨香蕉鮮奶咖啡鮮奶濃郁配合咖啡甘香，香蕉味唔會搶咗咖啡嘅味道，重點牛奶更加香滑，真係意外驚喜🤭下次要試吓凍飲😍