반찬앤쿡 Banchan and Cook (時代廣場) (已結業)

呢到個個店員都好有效率同埋唔會扮見你唔到唔理你而且非常有服務態度🥰🥰👍🏻店鋪設計好舒服雅致坐位都一樣一坐低就上小菜～ 碟酸蘿蔔醃得好入味酸度岩岩好愈食愈流口水夠曬開胃點左馳名泡菜豬腩肉蛋包飯😍😍第一次食到超滑既蛋包飯餡料豐富一啲都唔係飯多料少餐廳好捨得！絕無偷工減料份量仲樣樣咁大碟要左半份炸雞🍗 真係雞味重唔係冰鮮剩係得雪味炸得好香口又唔覺粉厚沙律用料新鮮食肉獸既我就當作清下油感再點多杯伯爵咖啡嘆下☕️最後甜品烤棉花糖 甜到入心😍😍夠曬邪惡就唔食唔完美咁真的have a nice day

身邊嘅朋友都知我好掛住韓國，有朋友介紹係銅鑼灣有間韓國餐廳好有韓國cafe feel，推薦我去。想止吓韓國癮嘅我，當然要去！依間「Banchan and Cook」真係好韓風，好文青！🇰🇷-餐廳主打韓國輕食為主，必叫嘅係蛋包飯，上菜個陣店員會示範用刀切開個蛋包飯，啲半熟蛋汁流出黎再mix埋啲松露野菌白汁，好開胃。另外主菜叫咗份韓式炸雞，有埋炸年糕同炸薯條做伴碟，好豐富。炸雞都係無骨，食落好方便，一咬落口外脆內軟，好滋味。😋-前菜有慢煮雞胸肉沙律，會加少少生果，感覺好健康。甜品揀咗烤朱古力棉花糖，烤過嘅棉花糖有拉絲效果，再加上香脆美味嘅餅乾，口感層次好豐富，好邪惡，大滿足！🤩-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 반찬앤쿡 Banchan and Cook (時代廣場) (銅鑼灣)📍 銅鑼灣勿地臣街1號時代廣場9樓922-923號舖-

一路掛住食，食到甜品先至記得要影相🤣🤣本身我都好鍾意食韓國嘢，特別係韓國燒烤，泡菜😋😋呢間嘅菜式有少少fusion嘅感覺～會有Burrata沙律~今次同朋友兩個人，變身食肉獸，嗌咗三碟都係唔同嘅肉～我最鍾意嘅就係黑毛豬生菜包，佢嘅韓式醬加埋黑毛豬五花腩真係絕配，但係略嫌佢比嘅山菜唔太夠😢😢😢唔足夠一條菜包一舊五花腩🥴另外叫咗慢煮牛肋骨😍真係好好味，用咗慢煮一啲都唔un💓仲有蜜糖味炸雞，成舊雞都包到蜜糖，甜甜蜜蜜☺️☺️☺️最後仲叫咗一個棉花糖瑪莉餅，好甜，但係我好鍾意棉花糖嘅脆脆感覺🤗

晏晝兩個人食呢間韓國特色餐廳裝修氣氛好好 都有啲人等位 不過好快入得餐牌嘅煮食好多都係蛋包飯所以揀咗燉牛骨蛋包飯 同埋烤牛肉蛋包飯啲汁好濃味 隻蛋會係你面前切開絕對係打卡嘅地方😎🙈蛋下面絕對唔係白飯 有洋蔥 好香口 絕對有驚喜燉牛骨好淋 一切就開 啲汁好juicy 唔漏啲汁索晒入去烤牛肉蛋包飯就不過不失 一人一個會好夠飽🙈都幾大碟下下次會再嚟食

凍冰冰的食物，今晚點了蛋包飯同炸雞，唔好話好食，就連可以接受都稱不上，埋單248，價錢唔係平，好食都話，事實上是難食，我唔會再幫親，女店員廣東話都講唔正。又多收錢，要我走左之後發現，佢地先話找錯錢。仲要尊登過來食，好好好失望。

今日大食妹同朋友去咗睇複製人徐福, 搞到晚飯好想食韓國菜咁啱朋友攞到好多時代廣場嘅優惠券, 我哋就去咗encore Banchan<泡菜燉五花肉蛋包飯>Banchan係少數大食妹一食再食嘅餐廳, 其中最吸引嘅地方就係佢嘅蛋包飯泡菜燉五花肉蛋包飯嘅五花肉用泡菜捲起黎, 食落入味又唔肥膩蛋包飯嘅米飯已經預先調味, 配上上面又香又滑嘅雞蛋, 令人一試難忘<醬油蒜頭無骨炸雞(半份)>Banchan嘅另一樣一定要試嘅就係佢嘅醬油蒜頭無骨炸雞食量大嘅朋友可以嗌一份, 但大食妹因為想食甜品, 所以只嗌左半份無骨炸雞又熱又脆, 食落仲有滿滿嘅肉汁醬油蒜頭口味甜甜地, 好開胃, 仲配有少量炸薯條同年糕<烤朱古力棉花糖>甜品方面, 大食妹又再次嗌咗呢份烤朱古力棉花糖烤得金黃嘅棉花糖外脆內軟, 入口即溶, 混合少少嘅消化餅碎, 味道更佳<荔枝檸檬沙冰>食到好飽, 飲埋呢杯酸酸甜甜嘅荔枝檸檬沙冰, 瞬間清涼解渴

今晚來到潮流之選的韓國餐廳，入座前門口已有人龍等候。 餐廳走韓風簡約式的小清新裝修佈置，走文青路線間隔分明，座位闊落舒適。慢煮雞胸沙律低卡健康人氣之選，選用雞胸的脂肪比雞扒少中，肉質嫩滑美味又飽足。 沙律菜新鮮帶有咬口，加上小蕃茄、蘋果及西柚，酸酸甜甜而解膩，點綴顏色之餘又更健康！海鮮蛋包飯韓式的餐廳用上日式的煮法，綿綿的黃金蛋包鋪在飯上，店員會趁熱辣辣為我們慢慢切開流沙蛋槳，視覺效果不錯一流。 還有香煎的破邊大蝦、 青口及帶子， 伴有淋上海鮮龍蝦味醬，胃口大開。粒粒分明的炒飯帶有牛肉，惹味飽足。韓式炸雞（無骨半份）咬一口滑嫩的雞塊就知是用上雞腿肉，所以無骨啖啖肉口感好好，香甜多汁，加上炸得金黃酥脆，卻沒有討人厭的油膩感。外層裹著酸甜微辣的蒜頭醬汁，雞塊堆砌在厚粗的薯條上，沾上還有年糕煙煙韌韌，口感豐富特別。烤朱古力棉花糖大大盤的棉花糖經過焗烤之後，外層薄脆內裏軟綿綿，纏綿著底層碎的消化餅，還有上層有朱古力的碎塊，三種口味結合，甜入心暖流。荔枝檸檬沙冰藍藍的海洋冰粒有點夏日透心涼的快感， 荔枝帶點甜味， 夾帶檸檬的酸性，酸酸甜甜，解渴生津。伯爵茶鮮奶咖啡伯爵茶的幽香，配上濃郁咖啡，兩者

▶️拎住啲時代廣場現金券，行過見到呢間餐廳，因為掛住韓國🇰🇷所以一試， 又係旅行病發作😆燉牛肋骨蛋包飯🥩🥚🍛蛋🥚幾滑，不過無乜蛋香味；飯🍚係用汁同雜豆燴過，酸酸地有啲似茄汁🍅燴飯；牛肋骨🥩份量好多，啖啖肉，但係肉質有啲柴；燉牛肋骨嘅汁甜甜地幾好食，不過個人覺得配埋個燴飯太鹹太重口味，如果配白飯🍚應該會好食啲⚛️環境幾靚，但唔係特別好食，我估烤牛肉會比較配蛋包飯，未試過都可以試下嘅

We went at 6:15pm on a Saturday. The waitress at the door told us there was a 90 min dining period. Yet, we were continually interrupted by waiters coming over to rush our food and tell us to pay even though we were well UNDER 90 mins. This is even though they could see us STILL eating. The waiters do not care about your dining experience, just want to get you in and out of there as fast as possible—which is okay for a cheap HK restaurant, but not worth it for the price you are paying here. Ther

星期六下晝度度食嘢都等位，難得呢間唔洗等(可能因為裏面面積都大，檯算多啩🧐）。本身就唔太肚餓，只係未食中午，而且一向又唔係飯控，見到成個餐牌都係飯，所以本來少少hesitate 。但見松露係我至愛，而且見有杯飲品用濟州綠茶，想試吓濟州綠茶乜嘢特別之處，所以叫咗。結果我叫了兩樣野：松露野菌蛋包飯、濟州綠茶鮮奶。有碟酸蘿蔔青瓜前菜送，幾好食幾開胃。本身未餓都開始餓。松露野菌比到驚喜！d白汁好好味。野菌香甜也似係煎過下。最開心係飯煙靭似risotto 口感，配埋佢啲白汁同香噴噴的菇好一流。食食下咬啖蕃茄仔，令成碟野d味唔會越食越沉悶。而且又幾大碟。濟州綠茶基本上同其他綠茶有乜分別，不過味算濃幾啱我心水。加埋一143，就食物好味程度而言，算係比得過的。

週末去銅鑼灣時代廣場行街，經過見到呢間韓式料理嘅菜式幾吸引而且幾多人光顧，就排隊試一試～ 見到餐廳環境佈置好清新，地方亦好寬敞，一步入感覺幾舒適🌿 我地兩個人一共叫咗一個前菜、兩個主菜、兩杯飲品同一個甜品分享～-海鮮蛋包飯蛋包飯一切開就有蛋漿流心效果好滂湃，望落已經好吸引🤩 原來切開蛋包飯都有技巧架，首先用刀在蛋包飯上瞄準中間位置，再從蛋包尖端開始切開一路切到尾就得架啦😌回到正題，底下嘅炒飯亦夠曬惹味，配埋蛋同海鮮醬汁一齊食味道好夾，口感十足😋 海鮮份量都幾足料，包括有帶子、大蝦、青口等，味道都幾新鮮👍🏻-醬油蒜頭韓式炸雞（無骨半份）雖然只有半份但感覺份量對2個人都已經足夠～ 炸雞肉質嫩滑，醬汁好惹味同時又唔會太鹹🍗最驚喜係除咗炸雞之外竟然仲有年糕同薯條，食落更加滋味呀🤤-慢煮雞胸肉沙律平時食嗰啲雞胸肉通常都好鞋，但係呢個雞胸肉好嫩滑，份量又夠足料大件👍🏻 旁邊仲有沙律菜同埋蘋果片，沙律醬汁酸酸甜甜咁幾開胃，作為前菜真係唔錯😋-飲品方面我地叫咗凍飲同熱飲各一杯，分別係荔枝檸檬沙冰🍹同伯爵茶鮮奶咖啡☕️ 沙冰飲落好清爽，味道唔會太甜平衡得好好，荔枝味好香😋 咖啡亦味道剛剛好，而且夠曬大杯，

除左係日本食過哩種蛋包飯,我係香港都未食過😎同朋友傾開蛋包飯既話題,佢就話哩邊有得食哩種蛋包飯,而今日去開時代廣場買野,所以就約左朋友諗住LUNCH試下!食物方面:⚪️慢煮雞胸沙律賣相好令,雞胸因為係慢煮,超嫩滑,沙律好新鮮加上蘋果.西柚配上芝麻醬好開胃🤪⚪️海鮮蛋包飯上枱後店員會即刻係你面前切開隻蛋,滑蛋慢慢流出黎,就可以見到超級滑既蛋包住哂D飯😬蛋好香好滑配上龍蝦味好惹味,而飯係用牛肉,瓜炒過,加上青口,大蝦,口感好豐富,必食推介!!⚪醬油蒜頭無骨炸雞食過好多間無骨炸雞都比較乾同唔入味🤔哩間唔會,雞仲保持好多汁好滑夠味,醬汁岩岩好包住炸雞,粉漿唔會好厚😋加埋薯條同年糕點上醬汁真係停唔到口!⚪️手工巴斯克芝士蛋糕係焗既芝士蛋糕,好重芝士味,但唔甜所以唔會好濟!🙊⚪️凍焦糖脆脆鮮奶咖啡 咖啡味好濃但少少苦,加上焦糖既甜味中和返⭐️奶泡打得好滑,溝埋味道岩岩好,好好飲!⚪️凍濟州綠茶鮮奶朋友點左哩杯綠茶鮮奶,味道保留到綠茶既苦澀味,唔甜,加上鮮奶中和返,好解渴好飲!整體方面:餐廳裝修得好令,店鋪都好大,座位好多,食物款式都好多,全部都係即叫即整夠新鮮,唔單止食物好食,賣相全部都好

早排約咗朋友嚟銅鑼灣行街，朋友晚餐就話好想食韓國嘢，所以就嚟左位於時代廣場嘅呢間韓式餐廳，環境走文青風格位置舒適，嘢食擺盆亦有心思，適合打卡😋可以好舒服咁同朋友傾吓計食下野 _海鮮蛋包飯 $198網上見到餐廳嘅招牌係蛋包飯，餐廳有提供多款口味選擇，小編就喺中間切一刀滑蛋汁流晒出嚟，亦有多款海鮮包括帶子、蝦、青口等等，配上龍蝦汁幾正慢煮雞胸肉沙律 $92同朋友諗住食番多啲菜，配上西柚同蘋果更清新，雞胸肉不唔會過鞋，配上沙律一齊食層次感更加豐富火山無骨炸雞 （半份） $108今次選擇左無骨炸雞食落更方便，火山其實即係香辣炸雞，寫落去雞肉嫩滑幾惹味，仲有薯條同年糕，啱晒一大班人一齊食烤朱古力棉花糖 $78食到最後我哋都叫咗份甜品試吓，烤過嘅棉花糖配上朱古力同馬利餅碎很滿足，同朋友都覺得唔錯伯爵茶鮮奶咖啡 $38 荔枝檸檬沙冰$48飲品方面兩杯都幾清新，另外仲有新產品無花果梳打，檸檬沙冰飲落去帶清甜，有助解膩

上次喺太古城食完Banchan，對佢地的炸雞念念不忘，原來銅鑼灣都有分店今日去開時代廣場咁岩見到，一齊回味下炸雞嘅味道<海鮮蛋包飯$198>海鮮蛋包飯海鮮汁濃傑惹味，配海鮮食一流呀<慢煮雞胸沙律$92>又食炸雞又食棉花糖，想食返個清淡啲嘅沙律清下腸胃雞胸肉勁嫩，淡淡的調味更加可以帶出雞胸嘅鮮味<醬油蒜頭炸雞$108>醬油蒜頭係我最鍾意嘅口味半份炸雞份量已經極多，仲有薯條同埋年榚，食完之後都好飽醬油味甜甜地，有啲似BBQ味好正<烤朱古力棉花糖$78>平時燒烤最鍾意就攞啲棉花糖去燒下，鍾意燒棉花糖嘅朋友可以叫呢個試試棉花糖下面鋪滿消化餅碎，口感豐富，層次分明

炸雞高質 烤朱古力棉花糖更係怕肥都一定要食～～～最近時代廣場有好多優惠 所以星期六就同朋友一齊過嚟買嘢 買嘢之前我哋就嚟咗呢一間韓式餐廳度食午飯 餐廳雖然面積幾大但係都非常多人 繁忙時間冇預約嘅話可能要等一陣位 但係我哋都唔係好介意 因為美食總係令人感到值得等待嘅 最緊要一定要好食就得😁～～～海鮮蛋包飯：🦐大大隻虎蝦爽口彈牙 而且燒到表面有種好特別嘅香氣 青口雖然細細粒但係味道都幾濃 加埋龍蝦汁 同超級大個嘅半熟蛋包 撈落蕃茄汁牛肉雜菜炒飯度 嗰種美味簡直言語難以形容 好驚喜 雖然人多但係質素都好好 另外店員仲幫我地切開個蛋包 非常好人 望住個蛋包中間啲蛋緩緩流到兩邊嘅感覺 特別開心～～～慢煮雞胸沙律：🥗同行嘅朋友玩生酮減肥 所以佢就唔食澱粉食沙律 我夾咗一舊黎食 本來諗住沙律應該一般 點知竟然出乎意料地好食 雞胸好濕潤juicy 沙律菜好清新 加埋獨特嘅青醬調味 食沙律都完全唔會覺得dry～～～火山無骨炸雞:🍗香辣辣嘅火山炸雞 辣度都幾足 對於我呢啲鍾意辣嘅人黎講 簡直完全係食唔停口 雞件嫩 加埋四條勁似韓國當地食到嘅水準的年糕 完全冇後悔叫咗 而且好啱一大班人一齊食 配埋清新解辣