반찬앤쿡 Banchan and Cook (時代廣場) (已結業)

到食飯時間啦！睇完電影之後剛巧肚餓了～見到新派韓國餐廳好似幾特別就決定一試，因為時間比較早所以唔需要等位，我們被安排卡位座位都算舒服，我們當然點餐廳必點嘅招牌牛肉汁蛋包飯🥚，焗芝士年糕青口意粉🍝，兩款味道都唔錯喎！還有跟飲品都幾好呀👍🏻誤打誤撞這個蛋包飯好好味👍🏻

服務態度差！以後都唔會幫襯！2020年8月27日4:30pm，我企響門口，準備比佢地測體溫。一個女侍應用好差態度問我：「做咩呀？」咁嘅態度我當堂眼都突埋！然後有個年紀大d嘅女侍應見佢態度咁差，立即好禮貌咁話:「唔好意思，我地閂5pm，可能明天再黎」呢間餐廳唔係第一次比人話態度差。請埋第一個d咁嘅女侍應，我都未入去就對d客咁，完全冇態度可言，等收工都唔係咁！我過黎幫襯仲要受你地氣？咁差市道都咁，可想而知平日會點？未食都知唔惦！

疫情下好耐冇出街食飯，出到黎就自然想搵啲非中菜啦～見到新開既韓式小清新餐廳就冇諗咁多拎飛等位。1點鐘去等左5分鐘左右就有位啦😇兩個人叫左牛肋骨飯、牛肉漢堡、泡菜煎餅、焦糖咖啡同草莓茶。先講飲品：焦糖咖啡不過不失，冇乜驚喜， 反而熱草莓茶就有好香好新鮮既草莓味，除咗草莓果肉之外仲有草莓果醬係底，攪勻後飲就甜味適中，非常清新主食方面：牛肋骨飯濃淡口味恰到好處，唔會太咸，伴碟既蔬菜都吸收晒啲牛肉汁💕牛肉漢堡既牛肉非常有咬口，我本人就唔太喜歡，因為有嚼膠粒既感覺，但朋友就十分喜歡尼種口感🤡但大家都認為漢堡包既包皮冇烘熱係美中不足嘅。伴碟既薯條超好食😋仲有兩款醬汁點薯條小食：泡菜煎餅唔好食，雖然係即煎，但粉漿太厚，調味又太咸

平日2pm 左右到，有好多位，企係門口想入座，明明有員工見到我，都扮睇唔到，唔黎帶我入座想飲伯爵茶，職員話冇晒，轉嗌水果茶，又落錯單變左荔枝茶野食到左，問職員拎兩隻碟，最後都冇拎比我地好彩食物質素正常，先冇咁嬲，但係都唔會再黎幫襯

時代廣場一直是我這個港島人常去的地方，這家韓式餐廳剛開了不久，經過9樓見到環境不錯便決定去賞一賞。😃😃🙈我們點了烤牛肉蛋包飯，焗芝士年糕靑口意粉，及草莓🍓西多士。前菜是涼浸蘿蔔，酸酸的很開胃。三種美食最好吃😋當然是招牌烤牛肉蛋包飯，這家店的蛋包飯的確無得頂🤗，炒飯底帶有牛肉、牛肉汁及雜菜，有如紅蘿白等爽脆口感，烤牛肉份量亦不少，有烤香的焦味，加上獨特的牛肉汁，真的推薦喜歡吃蛋包飯的人去試下。焗芝士年糕青口意粉🍝，嘗了一口，居然是辣的🙈，完全不想再吃，不明白為何待應不提醒一下。草莓🍓西多士，完全和茶記一樣，是香脆及有唔少草莓🍓，但草莓果醬不夠，沒有cream 及雪糕，在經濟不景氣的情況下，不值得花$68吃。此外，跟餐咖啡☕️為何不能提供奶及糖？從事服務業有時候還是要學會轉彎😅😅😅

Korean fusion cuisine is nothing new to many, but what about one that specializes in Omurice? That we don't see everyday. Located just above Times Square and Citygate, Tung Chung, Banchan & Cook incorporates Korean ingredients such as Kimchi in the Japanese street food - Omurice as well as other sumptuous dishes. This Christmas, they've introduced a colorful festive menu that could convince you to never go traditional again. Their Christmas Lobster Omurice boasts a beautiful red and green color

本人絕少比差評，但今次真係不吐不快。話說下午見到時代廣場有新派韓國餐廳，所以和友人前來一試。當叫到我籌號既時候，個恤衫男侍應（疑似餐廳incharge) 叫我坐門口位，因為衛生問題，而個位置係出入口最多人經過，我嘗試問能否安排坐入面位置?但個男侍應竟然悔氣話我眼見入面還有空枱，亦有客人離開餐廳，我唔明白點解無位。試問我幾時得罪左你，要受你脾氣，令我極度憤怒！最後我選擇唔同佢爭論，忍耐照坐門口位。當我食飯途中，門外有一名正在等位既女仕問該名男侍應，該男侍應立即不禮貌地回答：然後不斷重覆講以上說話。該名女仕聽到後，位都唔排嬲到走左！呢間餐廳請到呢個"咁有禮貌"既侍應，真係有（腹）氣。食完餐飯搞到成肚氣，絕對唔會幫襯第二次！

《唔食就BAN CHAN🐷》———————————————-#반찬앤쿡 BANCHAN and COOK🇰🇷Time Square 最近做緊Promotion，咁啱我地之前消費有coupon，可以每$100減$50，所以就久違咁出左銅鑼灣試下呢間韓國菜！佢個名真心好笑，BAN CHAN ，但唔食就真係笨啦😆-佢裝修得好靚，係韓式乾花既style，坐得好舒服，好適合同朋友傾下計。今次我地無點到蛋包飯，叫左韓式炖牛肋骨飯同炸雞。同一般韓國餐廳一樣，上餐前都會有小菜，今日我地食到既係醃漬青瓜，酸酸甜甜，都幾開胃。-炖牛肋骨好軟淋，用匙羹輕輕一拉就做到骨肉分離，認真嫩口。而且醬汁十分濃郁，撈上珍珠飯底，值得一讚！焦糖炸雞係即炸，哎落去超脆同香口，配搭埋年糕同薯條，簡直就係一流！野飲方面我地另外加配左濟洲綠茶鮮奶咖啡，非常香甜，而且相當igable～佢既份量都幾足，我地啱啱好用到兩張coupon減左成百蚊，真心抵！🤩-⭐ 參考價錢︰（已折扣，未包加一）韓式炖牛肋骨飯（另加配濟洲綠茶鮮奶咖啡）︰$60焦糖炸雞配年糕薯條︰$48-🍌 抵deal 指數：8/10💰人均消費：$65

話說今日要清假，同母親大人去食lunch，順便週圍行下因為落大雨，咁就去times sq食嘢啦韓式西餐，應該穩陣 gogo go!去到先知，原來係之前同朋友黎過；唔洗排隊，直接入我叫左個pesto shrimp pasta, 我媽叫左個avocado shrimp sandwich要左2杯咖啡由於餐廳做緊promotion，外賣自取半價，好多人排隊我個意粉到左先，唔熱， room temperature, 意粉唔林同埋好乾身，但因為沙拉放在同一隻碟，d醋同pesto醬有d溝埋左，個味怪怪的。。同埋偏油媽個三明治（though I prefer calling it toast), 等左好耐，應該係因為太多外賣單，但好在侍應都肯幫我地追，雖然話要等耐d，但我食完意粉都未上就。。。。呢個time mgmt 真係要改善味道方面 母親大人話完全唔得最後 咖啡。。無要求到。。但熱奶on the side 還是有意外驚喜，不過咖啡偏淡。。。如果兩個熟嘅女仔要傾計，d嘢又sharing，又唔趕時間。。呢間都係一個好選擇。。附上上次食嘢d相個青口年糕意粉，唔夠熱，creamy，一次過滿足幾個願望蛋包飯

Lovely new Korean restaurant found in Times Square Causeway Bay. Korean style egg sandwich, a sweet thick egg served with soft white bread. The bread was not toasted but was for sure instaworthy! Other dishes were generally good too! This dinner set costs HKD$528 (10% service charge). It is more than enough for 2 persons!

因為有Times Square嘅coupon所以今次試左呢一間韓式蛋包飯。我哋叫咗兩個main course:1) 炙燒豬肉蛋包飯上碟時小姐會刀為你介開你隻雞蛋包。炙燒豬肉好香好好味。嗰個感覺完全唔肥膩。超贊👍🏻但蛋包飯都好淡口。雞蛋完全冇蛋味。點解呢🧐係咪因為想平衡燒豬肉呢？🤨會唔會係因為想整感覺唔會覺得好油膩。但係好飽肚。2）卡幫尼意粉上菜時小姐會問你要唔要芝士。我好鍾意食芝士所以要求大量。份量又好似唔大。有D乾。都係偏向淡口。但都ok gei.對女士來講都會鍾意因為比較清淡一啲感覺好似健康啲。因為用咗time square coupon呢一餐好抵

Seasonal Dinner Set ($528)呢個set好豐富，3個人share啱啱好！韓式卡邦尼意粉入口芝士味好濃，仲有滿滿嘅奶油香，而且煙肉唔會好乾身，好味！安格斯牛肩肉配炸薯條安格斯牛肩肉顏色粉嫩，肉味濃郁有脂香，但略嫌有少少韌。薯條熱辣辣，脆卜卜。鰻魚蛋包飯店員擺低蛋包飯之後會比客人手機食先，等到客人話ok就會切開個蛋皮。一切開，滑溜嘅雞蛋就會傾瀉而出，驚喜又吸引！蛋嫩滑，飯係炒飯底，仲有牛肉粒同蘿蔔粒，一啲都唔dry！士多啤梨限定盛合焦糖布甸甜度適中唔會覺得好甜膩，口感幼滑細緻，滑不留口，有Q彈感覺，令人大飽口福！

6⃣️個妹子夾好時間去考公司例行測驗，考完試又難得聚首一堂緊係直落食個飯喇。📌落到銅鑼灣，午飯時段又要坐得好傾到計，時代廣場一定係不錯的選擇。熊妹就推介下呢間位於8樓食韓國fusion菜的《banchan & cook》。📌午飯時段都人頭湧湧，可想而知都幾出名，好彩咁岩唔洗等有張大枱。📌午餐menu都好多選擇，有招牌菜蛋包飯、沙律、三文治、咖哩飯、鰻魚飯、意粉、漢堡包、仲有小食料理，話明fusion菜真係包羅萬有。📌飲品方面都有提供沖調咖啡、水果茶、特飲，都幾切合香港人口味。📌妹子們有大食有細食，每人點一份再開心share ，多人聚餐最好就係咁喇。安格斯牛肉漢堡配炸薯條，$82📌熊妹首當其衝揀左心頭好先，其實熊妹不嬲都喜好漢堡包唔好飯，所以有得揀一定會試下漢堡包。賣相好似幾掂，好大一個，好厚一塊牛肉漢堡，有芝士片，蕃茄片，洋蔥圈同生菜做配料。配撘正常，就要睇主角味道喇。見佢咁厚一塊，份量分攞足喇，急不及待試下肉質如何，确實有點失望，肉質比較鞋口，漢堡的靈魂就係塊牛肉排鬆軟的滋味，應該係煎得過度，令牛肉有點硬實，所以係比較難入口，今次呢個漢堡就麻麻喇。薯條係粗身，炸得熱辣辣，配兩款點醬，茄汁

今日由灣仔行過去銅鑼灣行街同食lunch，因為好耐冇去過Times Square，所以就揀響嗰度食。上網見到好多人都話9樓韓國餐廳嘅蛋包飯好正，所以同左阿妹一齊去試吓。我哋大約12:45去到都唔需要等位就入得，見到個餐牌都有好多唔同嘅set lunch揀，我特別鍾意食鰻魚，所以我哋叫咗一個招牌牛肉汁蛋包飯，同一個鰻魚蛋包飯。個前菜嘅醃蘿蔔都非常之好味，酸酸地好開胃👍🏻當個蛋包飯嚟嘅時候，見到個蛋包真係煎得好靚，好似一個銀包咁，個侍應會帶埋一把刀仔過嚟，當住面切開個蛋包，然後蛋汁就流出嚟😋但個牛肉就唔係太淋，個汁都濃而個飯都炒得好入味質地亦都唔硬。而個鰻魚飯就超好味啦，個鰻魚一啲都唔肥、啖啖肉，上面仲有啲芝麻襯托着，好大條！整體來講，好過個招牌牛肉汁蛋包飯😌極力推介👍🏻飯嘅份量亦啱啱好，清左碟😅🤪杯凍水果茶就淡淡地，叫左少冰都仲有好多冰🥴

It was my BIGGEST mistake to visit Banchan & Cook this month, the service are impressively bad, even in a city like HK, the waiters tend to ignore you even you waved several times; They did not serve you water unless you asked the fifth time, ready to be served after 45 minutes; waiters may be too busy to serve customers or they simply need more "staff training" Food are just so so, the salad aside taste like the opposite of fresh, the pasta is quite oily yet tasteless, hugely disappointing dish