반찬앤쿡 Banchan and Cook (屯門市廣場1期) (已結業)

之前bookmark咗間餐廳一段時間，終於可以試試，大概等咗三張枱就可入座，位置唔算太多，都等咗15-20分鐘左右。入到去先再點餐，我地就叫左炸雞牛角包窩夫🧇、泡菜五花肉蛋包飯、海鮮煎餅。因為呢排都好hit食牛角包窩夫，見佢呢度有得食，然後又想食炸雞，所以就揀咗呢個，因為佢都有另一個係甜品嘅，好似係雜莓牛角包窩夫。不過我哋最後先食呢個，所以都有啲滯。不過炸雞真係好食嘅，牛角包窩夫就比想像中普通，覺得只係一個壓扁咗嘅牛角包🥐泡菜五花肉蛋包飯，職員送餐送來，會幫你切開個蛋，佢會問你使唔使影相先，然後再幫你切開。原本諗住韓國啲豬肉好食，所以嚟到韓國餐廳就叫五花肉，但佢冇韓國嗰啲五花肉咁好食😂見到其他評論都recommend牛肉，可能下次嗌牛肉會開心啲，個蛋係好味都唔會老～最後個海鮮煎餅就真係麻麻，個煎餅係冇味嘅，如果你唔點汁係好似食緊一個煎咗嘅面包⋯唔太建議嗌呢個😅總括而言，如果再俾我揀嘅話，我諗我會揀蛋包飯，同牛角包窩夫但係會揀個雜苺食，因為雜苺嗰個會有返啲cream，令到個窩夫唔會咁乾咁dry，得炸雞同窩夫。炸雞窩夫又冇cream令到個窩夫好乾，覺得兩件事唔係好夾。炸雞係recommen

屯門開左好多新餐廳，之前經過已經比佢吸引左，望落店內環境又靚又大又舒服，今次終於約到朋友試下呢間！.好肚餓，嗌左好多野食🤣最先上左個蓮藕小菜，鹹鹹甜甜，好開胃，眨吓眼就食哂。.睇圖見 #泡菜芝士紫菜包飯 好靚，就嗌左黎試下。果然冇令我失望，啲芝士多到包得住舊飯，泡菜辣辣地好好味。.跟住就介紹下 #牛肝菌蛋包飯 ，擺盤好靚，waiter仲會比我地影左相先再幫我地切開個蛋，岩哂黎打卡🤩啲蛋好嫩滑，流哂出黎，配埋新鮮既牛肝菌同汁，好滿足。.餐廳好快手就上埋 #清爽番茜無骨炸雞 同 #烤雞卡邦尼年糕 。炸雞先係一間韓國餐廳既靈魂，佢地既炸雞做得非常出色，好脆又嫩滑，自從食完呢間既炸雞，成日都心思思想再食番🤣配埋啲薯條，好似去左韓國咁！卡邦尼年糕煙煙韌韌，好有嚼口，份量都多😋.仲嗌左兩杯野飲，#清新香橙綠茶沙冰 同 #玫瑰鮮奶咖啡 ，前者果杯好fresh，食完炸野飲啖好爽，仲有清香既綠茶味。咖啡都好香，係用半自動咖啡機沖出黎。.呢間性價比超高，一定會再回頭😍

初次到訪呢間以蕃茜做主題嘅韓式餐廳 食好西，好滿意喔!【banchan& cook】總共有4間分店~ 屯門店簡約的裝潢，加上大量木色設計,好有田園氣息~ 坐位亦好寬敞舒適食韓國菜點少得泡菜同炸雞呢~必點【無骨炸雞】半份都已經足夠2人食用，份量十足，炸雞皮脆肉juicy,油份唔多，沾蕃茜醬一齊食，陣陣香草香，感覺很清新，不自覺地會多吃兩件~佢仲會配埋泡菜呢個【韓式前菜】呢~【芝士泡菜紫菜包飯】估唔到芝士同泡菜都幾夾，邪惡嘅芝加加上爽口香辣嘅泡菜，仲有紫菜，多重口感刺激我地味蕾~【牛肝菌蛋包飯】店員好細心，上菜時幫我地輕輕開左蛋皮，啲蛋汁馬上好似瀑布咁流出，啲蛋仲超級滑，加埋牛肝菌特別健康~【烤雞卡邦尼年糕】年糕香軟Q彈好惹味，烤雞皮脆嫩滑唔油膩~【香橙綠茶沙冰】沙冰透心涼，香橙綠茶味道唔會太甜~【士多啤梨鮮奶咖啡】又香又甜，鮮奶咖啡好滑，飲到停唔到口~食埋甜品【士多啤梨蛋卷】就圓滿喇~呢間餐廳食物質素不錯，價錢每碟都係幾十到一百蚊左右，幾抵食，見佢有其他甜品和主菜都好吸引，下次會再來試試~

下雨天去左屯門巿廣場食晚餐，呢間餐廳食新派韓式料理，裝修好特式好靚，打卡cafe 咁，座位都幾多，而且空間好闊落，好好坐！！雖然店員唔多，但服務都唔錯，好有禮貌同好主動👍👍點了牛肝菌蛋包飯$102～餐廳主打菜式之一就係呢個打卡蛋包飯系列，蛋包飯賣相非常治癒，個表面煎得厚厚滑滑的，店員會係你面前幫手切開中間半熟流心。份量好多，一個人應該食唔晒泡菜豬肉煎餅$78一共三塊，紅色好吸睛醒胃，裝飾左d 泡菜係面，味道少少似酒樓咸薄罉，不過係厚版泡菜味，有啲豬肉碎，另外有醬油可以沾。烤雞卡邦尼年糕$92呢個大推！！必食！！年糕幼身，好彈牙煙韌，因為我係白汁芝士控，呢個醬汁真係啱我口味，濃而不膩，雞扒都好皮脆肉嫩滑。清爽蕃茜無骨炸雞 $108炸雞無骨，大大件，即叫即炸，外脆內軟，又唔會有好厚炸粉。蕃茜醬好清新，減少油膩感，特喜歡除左炸雞仲有啲炸薯條同炸粗年糕，yummy。清新香橙綠茶沙冰(凍）$48呢杯好創新，好summer，香橙味沙冰好香甜清新mix濃郁的綠茶，甜中帶澀，又幾好飲，消暑解渴！伯爵茶鮮奶咖啡(熱） $48我覺得佢係泡沫earl grey 奶茶而不是咖啡，濃濃的泡沫，一口喝下幸福的感覺

屯市food court隔離開咗間新韓國餐廳，裝修好靚，以花草設計，仲有好特別的粉色芒草，感覺好優雅，打卡好地方，座位亦都坐得舒服。士多啤梨鮮奶咖啡 $48呢度嘅咖啡係用半自動咖啡機沖出來，咖啡味好香濃，先飲到咖啡味，再有淡淡的士多啤梨奶出來，少女味。濟州綠茶咖啡 $48揀咗熱飲，抹茶味好濃郁，有回甘味，唔太甜，味道唔錯。韓式豬手沙律 $92先來前菜豬手沙律，賣相已經好吸引，豬手肥瘦均勻，食落有Q彈煙靭感，味道唔會過鹹，加埋仲切碎左的沙律菜一齊食爽脆軟Q，正。清爽番茜有骨炸雞 $118即叫即炸熱辣辣上枱勁香，雞肉外脆內裏好Juice，靈魂伴侶香草醬同個炸雞好夾，解除油膩感。番茜海鮮蛋包飯 $138半熟蛋中間切開，兩邊滑蛋慢慢滑落，畫面好療癒。雞蛋好滑溜，炒飯內有牛肉粒同蔬菜粒。魷魚同大蝦都超正，口感彈牙鮮甜。牛肝菌蛋包飯$102香煎香過嘅金菇同秀珍菇，雞髀菇口感爽，牛肝菌醬好香，如果再多啲就仲正。甜品有個朱古力卷蛋最後甜品作總結，朱古力味香濃，唔會太甜，好好味。

屯市food court隔離開咗間新韓國餐廳，裝修好靚，以花草設計，仲有好特別的粉色芒草，感覺好優雅，打卡好地方，座位亦都坐得舒服。士多啤梨鮮奶咖啡 $48呢度嘅咖啡係用半自動咖啡機沖出來，咖啡味好香濃，先飲到咖啡味，再有淡淡的士多啤梨奶出來，少女味。濟州綠茶咖啡 $48揀咗熱飲，抹茶味好濃郁，有回甘味，唔太甜，味道唔錯。韓式豬手沙律 $92先來前菜豬手沙律，賣相已經好吸引，豬手肥瘦均勻，食落有Q彈煙靭感，味道唔會過鹹，加埋仲切碎左的沙律菜一齊食爽脆軟Q，正。清爽番茜有骨炸雞 $118即叫即炸熱辣辣上枱勁香，雞肉外脆內裏好Juice，靈魂伴侶香草醬同個炸雞好夾，解除油膩感。番茜海鮮蛋包飯 $138半熟蛋中間切開，兩邊滑蛋慢慢滑落，畫面好療癒。雞蛋好滑溜，炒飯內有牛肉粒同蔬菜粒。魷魚同大蝦都超正，口感彈牙鮮甜。牛肝菌蛋包飯$102香煎香過嘅金菇同秀珍菇，雞髀菇口感爽，牛肝菌醬好香，如果再多啲就仲正。甜品有個朱古力卷蛋最後甜品作總結，朱古力味香濃，唔會太甜，好好味。

烤牛肉蛋包飯 $98⭐️⭐️⭐️⭐️蛋包飯簡直係世界級，除咗打卡一流之外，口感滑溜，味道香濃。烤牛肉份量好多！但比較重口味，偏鹹，少許扣分，要撈埋蛋包飯一齊食，但仍然會返去食佢嘅蛋包飯，下次想試佢個泡菜潡五花肉蛋包飯。甜辣無骨炸雞半份 $108⭐️⭐️⭐️⭐️⭐️甜辣炸雞根本冇得輸，味道香甜、不太辣，口感雖然沾滿醬汁，但仍然酥脆，而且炸雞唔會太厚粉，雞肉炸完之後都嫩滑多汁，配上葵花籽南瓜子，脆脆口感更豐富，仲要唔使㖮骨啖啖肉，大推！薯條炸得都好乾身香脆，唔會油笠笠，唔錯唔錯～回頭率🤡🤡🤡🤡🤡性價比🤰🏻🤰🏻🤰🏻🤰🏻

呢間餐廳喺早排疫情嚴重嗰陣做緊外賣半價，屋企人食過推介😗· 韓式豬手沙律豬手醬油味道，入味，肉質夠腍。· 烤牛肉蛋包飯鋪喺飯上面嘅蛋好吸引，店員會幫手切開，切開之後好澎湃，裡面保持到半熟滑蛋質感，烤牛肉連汁好啱撈飯，一啖飯，一啖炒蛋，一啖牛肉，好快已經清咗碟🤫· 青口海鮮炒年糕年糕係用雪人年糕，好qq，食得出用大蝦汁炒，不過相對淡味咗小小，海鮮份量同圖片相符，有蝦、帶子同青口。· 蜜糖炸雞今次叫咗無骨炸雞，對蜜糖/焦糖類食物零抵抗力，炸雞肉質夠滑，伴碟薯條好好食，夠熱，做到外脆內軟。· 朱古力蛋捲唔錯，蛋糕有濕潤感，唔會太甜。· 濟洲綠茶鮮奶 / 士多啤梨紅桑子梳打士多啤梨紅桑子梳打外表好galaxy feel，以為蝶豆花先會藍紫色😮本身見到餐牌有croffle，不過當日冇供應，可惜😖

屯門市廣場嘅食肆可以話係大執位，多咗好多新開嘅餐廳，呢間嘅位置原來就係Log-On隔離!! 🔘烤雞卡邦尼年糕 $92醬汁好有芝士味同黑椒味，年糕比平時食到嘅幼身少少，煙煙韌韌好掛汁，雞扒煎香咗雞肉食落幾嫩!! 🔘松露野菌蛋包飯 $102俾你影完相之後店員會幫手切開蛋包飯，蛋煮到半生熟非常之滑，有動L感，松露味濃郁，仲有幾片松露點綴下，食完發現呢個汁同年糕嘅卡邦尼汁有少少似，可能叫另一個汁會冇咁膩!! 😂🔘芝士有骨炸雞半份 $118炸雞上枱嘅時候熱辣辣應該剛炸好，撒上芝士粉糖霜同香草碎，非常重口味，份量好足有大約七至八件，下面仲有薯條，雖然係連骨嘅雞件但大部份都係雞髀位，食起上嚟唔會太麻煩，咁啱坐喺出菜位， 最常出現嘅係炸雞同蛋包飯，order呢兩樣實冇死!! 🔘溶化朱古力 $42🔘濟州鮮奶綠茶 $42兩杯飲品賣相幾靚，望落以為會好甜，但飲落比想像中冇咁甜，個人比較推介綠茶鮮奶!!

BanChan & Cook💜是新派的韓國餐廳，佈置木系純白，配上迷人的紅葉🍁，很適合打卡，加上韓式風味炸雞，十分滋味。烤牛肉蛋包飯 98金黃的蛋包飯，🍳切開柔嫩滑蛋，蛋汁緩緩流瀉，令人胃口大開。牛肉軟嫩可口，加上洋蔥絲，香甜惹味，牛肉沾上蛋汁後更細滑，跟配香噴噴的炒飯，💋十分窩心。青口海鮮炒年糕 108海蝦鮮味彈牙，青口挺身滑嫰，👅年糕煙韌帶嚼勁，連海鮮湯呷入口，香味四溢，啖啖滋味。泡菜芝士紫菜包飯 78清脆紫菜飯卷，表面舖滿半溶芝士，可以拉起長長芝士拉絲，包裹泡菜，口感清爽，🎉入口微辣吸引。柑橘有骨炸雞 118雞皮酥脆，外皮沾滿清新的柑橘醬，大口咬下去，肉汁熱燙燙，十分嫰滑，酸甜果醬，越食越開胃。伴以炸年糕、炸薯條，香口而不油膩，邪惡指數爆燈。濟州鮮奶綠茶 42品嚐到抹茶的幽香，拌勻柔順忌廉，💚口感細滑。溶化朱古力 42朱古力味入口濃厚順滑，呷一口奶泡，🤣還有朱古力碎片，雙倍香濃。

屯市韓系文青cafe 松露野菌蛋包飯 $102自己切開嗰一下 滿滿嘅蛋汁包圍着啲白飯 睇見都賞心悅目配埋白汁 松露一齊食個層次就非常豐富烤雞卡邦尼年糕 $92冇諗過年糕可以襯卡邦尼 配搭係幾新鮮不過識落會有啲滯 所以佢啲年糕都揀返好細條海鮮煎蔥餅 $89材料用咗蜆肉魷魚洋蔥等等 配埋個泡菜醬汁一齊食一流甜辣無骨炸雞半份 $108炸雞嘅外皮香脆再加埋酸酸甜甜韓式醬 10分惹味濟州綠茶鮮奶 $42荔枝梳打 $42兩杯嘢飲都唔會太甜 吾會有種好假嘅味道 梳打可以消滯+1服務費반찬앤쿡 Banchan and Cook (屯門市廣場) (屯門)屯門屯順街1號屯門市廣場一期2樓2253A,2253B,2255及2256A號舖

屯市開咗間幾靚嘅韓式餐廳，新開當然要試試佢環境新淨，裝飾都唔錯🍳松露野菌蛋包飯 $102-蛋香撲鼻 野菌白忌廉汁出色-店員會在客人面前將蛋包𠝹開 令蛋漿燦爛地盛開得像花朵🌼🐓烤雞卡邦尼年糕 $92-帶芝士味道的滑忌廉配上煙韌彈牙的韓式年糕 口感及味道都出色-雞扒底面煎香 肉嫩有汁🐖韓式豬手沙律 $92-豬手份量多且肉質嫩口-大醬味道不錯 豬皮富彈性🍗初雪芝士炸雞（半份） $118-一款以甜味為主的炸雞 加入芝士粉-炸雞嫩口 有肉汁 外皮夠脆-配有薯條及焦糖年糕🍵濟州綠茶鮮奶 $42-香濃綠茶味道加上鮮奶-甜甜地再回甘綠茶香🍫溶化朱古力 $42-面前有朱古力碎及薄荷葉-味道較多層次總括而言，呢間韓式餐廳真係又睇得又食得👍🏻 絕對可以book mark

一解禁晚市堂食，大家去左邊到食好野呀？我就約左好友去屯門食新派韓國野☺️☺️☺️盡情傾盡情食。Ban Chan&Cook 環境舒服我地早來到坐2人卡位幾舒服😊。 食物方面呢到都幾多新穎配搭快d來睇下我地叫左咩食🔽🔽🔽⚛ 松露野菌蛋包飯 ～ 蛋包飯煎到脹卜卜， 一刀切落去時蛋汁慢慢分開， 滑溜的蛋配上松露野菌又唔錯喎。⚛ 烤雞卡邦尼年糕 ～ 喜歡年糕的人絕對唔好錯過， 佢地選用幼身的年糕條加卡邦尼汁去煮， 每條年糕入味又掛汁，烤雞鮮嫩。⚛ 海鮮煎蔥餅 ～ 細圓形的海鮮煎蔥餅煎得夠香脆。⚛ 甜辣無骨炸雞 ～ 必點之選，甜中帶一小微辣點， 炸雞外脆內嫩夠juicy， 呢到粉漿唔厚所以炸得外皮好脆口 😍🥤濟州鮮奶綠茶🥤士多啤梨紅桑子梳打

屯門市廣場有好多美食，今日就嚟到 Banchan & Cook韓式餐廳，呢間店舖地方闊落，食物又美味，而且服務質素又好好，好貼心💕 烤雞卡邦尼年糕 🐤炸雞年糕保持水準，味道惹味 好吸引😊 松露野菌蛋包飯 🍛蛋包飯蛋味好濃, 野菌加上忌廉汁，春季首選😍 海鮮煎蔥餅 🦑海鮮餅入面海鮮同蔥嘅比例啱啱好🥰 甜辣無骨炸雞🐥炸雞配年糕係好味配搭，甜辣醬汁好吸引😋 士多啤梨紅桑子梳打🍹好靚又好飲嘅梳打飲品，士多啤梨配紅桑子顏色鮮艷，像一幅畫般😊 濟州鮮奶綠茶🍸綠茶鮮奶比例做得好好，又香又滑

朋友話屯市開了新韓國菜餐廳，就約埋一齊去試下，地點在食物謎宮旁，呢個位置最近多了好多新餐廳呢。餐廳名叫Banchan & cook，似乎同花無乜關係？但店內放滿人造花草，餐牌亦以花草設計，看起來優雅漂亮，係打卡的好地方。天氣熱了好多，先來杯凍飲解解渴，朋友叫了凍的濟州綠茶鮮奶，自己就點左士多啤梨紅桑子疏打，兩杯都好靚呀！先講講朋友個杯，奶味勁重喎，重到蓋過綠茶味，味道係少甜唔錯呀。自己杯紫紅色好夢幻，藍色部份相信是蝶豆花，加了士多啤梨果醬，仲有已攪碎的紅桑莓同半個青檸，味道偏酸，正適合熱天喝嘅特飲。呢份韓式豬手沙律賣相好正喎，厚切豬手片加上大量菜沙律，啲沙律菜看似旁邊一排咁，但其實卷實晒好多㗎，菜中仲加左啲切碎的九層塔，帶來香味同苦澀咁，正好去掉豬手嘅油膩。再講下啲豬手片，無骨又厚切口感勁正，入晒美鹹香軟嫩，啖啖肉大滿足。跟住有呢碟烤牛肉蛋包飯，圓圓鼓鼓的蛋十分吸引，一刀切下即刻見到啲蛋有幾嫩滑，仲有蛋汁添㗎，好完美的蛋包飯。嫩蛋加上已調味炒香的米飯已經好好味，旁邊仲有大量甜美的肥牛，同埋紅紅綠綠的沙律，真係好睇又好味，讚呀！再黎係朋友點的蜂蜜無骨炸雞半份，佢話食韓國野唔少得食炸雞嘛。