반찬앤쿡 Banchan and Cook (東薈城名店倉)

营业中

休息中

韓式Cafe Banchan & Cook，最出名可能係蛋包飯！但佢最吸引我係牛角包窩夫！🧇 韓式雜莓牛角包窩夫：最初以為係一件、原來有兩件🤤🤤 、外脆內軟！表面仲有玉桂粉增添香味、可惜可能想增加口感 有少少砂糖係面、加埋糖醬真在太甜！如果糖醬另上由客人選擇甜度會更好！芝士泡菜紫菜飯：面層鋪滿芝士、芝士仲有拉絲效果、泡菜飯唔算太辣！不過記得要熱食、放凍左口感冇咁好！士多啤梨紅莓梳打：士多啤梨味欠缺、反而多左青檸味！好在紅莓唔太酸！整體黎講：可能唔算係招牌菜、冇好特別好好食既感覺、同空間感唔太好、後面枱超嘈勁大聲☹️

朋友介紹話外賣自取半價附近食店已經食到悶晒難得朋友話好食同埋抵食就一於試下由朋友幫手打電話叫定, 然後去攞原來打去叫定真係好好你去到佢地已經準備好晒人都唔係好多所以你一到一攞就可以返去食最重要係有半價!!!一打開個盒, 賣相真係唔錯都有D沙律菜, 但沙律菜同熱食放左一起仲要係個盒仔入面到你食得個時候個半涼半暖個感覺唔太好對於蛋包飯個蛋 其實大家心中有數真係唔會抱有太大個期望但係!!!!!!!呢個絕對係出奇地好!!!!!!仲要係外賣, 攞到返公司已經都有一段少少時間個蛋煮得剛剛好切開就會見到蛋漿慢慢流出黎仲要唔係生過頭係岩岩好!!!!!!飯底都係有炒飯黎都好夠味同埋有料今次我點係烤牛肉蛋包飯講講個烤牛肉啦牛肉係淋既, 唔會好鞋係食得過, 但係就覺得個汁有點咸咸到要搵汽水飲個感覺就算撈左落飯到食都係有點咸所以美中不足就係呢一到但整體來講佢係值得俾高分要做外賣, 仲要做到個蛋係咁高質的確好少有令到客人食外賣都可以食到咁高水準好難得!

免費前菜，酸蘿蔔青瓜奄列煎得好靚！ 賣相十分吸引！ 會比時間你打卡影相！店員會同你切開流心蛋奄列，奄列下面係牛肉炒飯，左上角有韓式青瓜泡菜同蘿蔔泡菜，下面是兩大舊泡菜五花腩！份量十足！一舊泡菜有兩大舊五花腩！即總共有四大舊！炒飯是珍珠米，但可能煮時太少水比較硬身乾了點！其他都幾充滿韓式味道！ 有機會會再食。

和男朋友去東涌 Shopping ，大鄉里嘅我真係大開眼界，原來有咁多 outlets 有機會等我大出血。男友話想試吓 BanChan & Cook , 我話：Times 嗰間我哋都食過兩次囉⋯⋯我即刻反晒眼。平日六點晚飯時段，客人已經座滿左一半，座位都吾少，以四人卡位為主，裝備和銅鑼灣店差唔多，冇什麼特定主題，總之坐得幾舒服，店員亦十大主動、友善，未食已加分。選擇困難症嘅我倆，楝「二人套餐」最抵，因為有八折 $390先上枱是前菜「慢煮雞胸沙律」十足十健身餐，不過我喜歡。雖然是鷄胸肉但吃下去亦不會太鞋口，配上大量沙律菜，食光也無罪惡感，肯定超健康。喜歡韓國菜嘅朋友一定試過「海鮮煎蔥餅」海鮮有八爪魚和蝦仁，加上大蔥、青椒等令到煎餅超香口，而且口感煙靭，男友超鍾意。這裡最出名是蛋包飯，肯定是以吃美食，套餐有兩款蛋包飯選擇，我們的一致決定是「烤牛肉蛋包飯」店員奉上時會為客人切開蛋包飯，一於相機食先。橄欖型的巨蛋被輕輕切開後，剛好將茄汁炒飯包著，造成所謂的 「蛋包飯」。蛋色鮮黃吸睛，嫩滑如棉的口感，加上圓潤的茄汁飯同送入口，絕對是值得令吃過返尋味。烤牛肉用上肥牛，最美味是其豐富的醬汁，甜甜地

黎到東涌行outlet順便試下呢間韓國野啦😎以韓國嘅傳統食物配以新式嘅煮法，食物嘅賣相令人相當有食欲🤤🤤😋◾️泡菜燉五花肉蛋包飯 • $105一向有蛋嘅食物我都唔會錯過！呢款蛋包飯嘅欖形嫩蛋製作得接近滿分，將蛋切開，嫩蛋兩邊流瀉將炒飯覆蓋，畫面非常治癒🥰大片泡菜卷上五花肉燉味道好夾。◾️火山無骨炸雞 • $108無骨炸雞切成一口size✨方便懶人進食😂甜辣炸雞調味適中，炸年糕好煙韌！蜂蜜牛油醬蘸炸雞層次會更加豐富🤤◾️韓式豬手沙律 • $92豬手凍食完全唔覺得油膩，加埋沙律菜仲有種清新嘅感覺😄◾️烤朱古力棉花糖 • $78烤棉花糖加朱古力醬再加朱古力碎🤭咁邪惡得唔得㗎？呢款甜品對我來講有啲太甜了～只可以食到少少，多人一齊開心share會好啲😬◾️玫瑰紅桑子沙冰 • $48 呢款沙冰玫瑰味都幾突出，質感幼滑◾️士多啤梨紅桑子梳打 • $42

Banchan & cook @ 東涌推介⭐️⭐️⭐️⭐️⭐️/5星滿分烤牛肉蛋包飯👍🏻🤤🤤好有驚喜蛋好好味 同佢d炒飯完美結合好中意食芝士泡菜紫菜包飯👍🏻重芝士味道入面既泡菜飯辣辣地好正 呢個要襯熱食韓式辣炒年糕👍🏻呢個無得頂 係我食過最好味既炒年糕佢隻年糕吾同平時街邊食個隻係好幼身既年糕 所以特別有味而且佢隻辣汁 岩岩好 唔算勁辣士多啤梨紅桑子梳打👍🏻咩料 連野飲都OK上網搵一搵原來cwb都有呢間絕對會再幫襯❤️❤️

上桌時是脹卜卜的蛋包飯，震騰騰好cute😍然後店員在我面前用餐刀輕輕𠝹了一刀，澎湃的流心滑蛋隨即分開兩邊，貼服地包裹著飯粒，非常治癒💓而且散發著濃郁蛋香，真係急不及待要咬佢一口！原來可愛的滑蛋蓋著是醬油飯，每口飯都很香濃美味😋蛋包飯旁邊有兩大舊泡菜燉五花肉，是一整片泡菜包裹好的五花肉呢！吃起來肉感十足，口感先是脆脆的然後是彈牙的，感覺很新奇😆韓式豬手沙律🥗惹味豬手配新鮮沙律菜和血橙，一濃一淡的味道在口腔內得到平衡，感覺清新不會太膩，作為前菜或side dish也很不錯啊！醬油蒜頭炸雞 是甜的！無骨炸雞啖啖肉吃得方便，還有煙韌的年糕條和炸薯條，2人吃半份就夠了~烤朱古力棉花糖香噴噴的，表面焦脆，肉裏軟綿綿，配兩塊餅乾剛好可以塗上滿滿的朱古力棉花糖醬🍫😍伯爵茶鮮奶咖啡 幼滑的奶泡很好喝🥰 伯爵茶令濃郁的鮮奶咖啡多了點芳香，味道獨特。玫瑰紅桑子沙冰 顏色太令人心動💗😍飲落好清新又有果香，沙冰口感幼滑得來帶有奶香。

🔎見到餐廳logo就知道主打食蛋包飯🍳！風格帶點韓系文青風🌿，內在裝修主要喺木色系🪵，感覺舒適😌。入座後，職員會先上前菜(醃蘿蔔粒+醃青瓜)，枱面亦有放置餐具及濕紙巾。卡位的枱與枱間設有垂直大塊的膠隔板👍🏻。🔸烤牛肉蛋包飯 $98  (7.5/10)蛋包飯到嘅時候，💁🏻‍♀️職員會先詢問”要唔要影相？“，之後先會幫手𠝹開蛋🔪。啲蛋真喺好嫰滑！🤩😍烤牛肉汁偏甜🙈，夾埋蛋同飯一齊食會冇咁膩😋。炒飯有幾粒未炒勻，見到白飯粒。🔸卡邦尼年糕$92  (8/10)卡邦尼醬喺較杰身嗰種，年糕可以完全掛滿啲醬🤤年糕超好味！勁軟糯！🥰有幾舊仲痴住啲帶焦的芝士，正！❤️👛埋單時，只需要去門口cashier 俾錢就可以～

我們試了泡菜燉五花肉蛋包飯、豬手沙律、火山炸雞、紅桑子沙冰、韓國士多啤梨奶沙冰、韓式雜莓牛角包窩夫，另收加一服務費。▫️泡菜燉五花肉蛋包飯 $105 🍳蛋包飯賣相十分吸引，煎得金黃的蛋皮鎖住細滑綿密的流心蛋漿，只要用刀瞄準中間位置，從蛋包尖端開始切開，一路輕輕切到尾，雞蛋就會從中間到左右滑下來，流入鹹香的泡菜炒飯之中，更添濃郁滋味！濕潤微暖的泡菜辣度十足，卷住燉五花肉，伴以酸酸的醃蘿蔔絲，特別開胃。推介程度：🐰🐰🐰🐰/5▫️韓式豬手沙律 $92 🍖🥗由於其他菜式都比較辣，這道豬手沙律是一道非常開胃的前菜，正正可以吃來解辣。豬手片切得厚身，冰冰涼涼的，口感爽口彈牙，配以清新的沙律，裡面還有西柚肉呢！推介程度：🐰🐰🐰🐰/5▫️韓式火山炸雞（無骨半份）$108 🍗每塊炸雞都好像紅寶石一樣，外皮被一層晶瑩剔透的褐紅色醬汁包裹住。第一口吃到的是炸雞肉質細嫩，肉汁十分juicy。之後便會感覺到火山醬汁的辛辣在口腔中爆炸一下，接著慢慢散開，然後蔓延至喉嚨深處，辣到我們每吃一塊都要歇一歇、要不停喝飲料才能繼續吃下去。墊著炸雞的是粗身酥脆的炸薯條和煙煙韌韌的韓式年糕，沾到香辣惹味的火山醬汁，十分邪惡。推介程度

店內環境好有韓式小清新嘅感覺，令人好relax~試咗最出名嘅蛋包飯，呢個係泡菜燉五花肉蛋包飯，開頭以為係泡菜炒五花肉咁，原來係大大卷泡菜包住大大嚿五花肉，份量十足！輕輕切開塊蛋，仲有半熟蛋汁流出，好惹味，飯就係炒飯底，有驚喜！韓式豬手沙律，好fresh 嘅豬手，軟林林幾好味！韓式炸雞，香蒜醬油味，好香脆，雞肉都幾嫩滑～甜品試咗烤朱古力棉花糖，好香棉花糖味，唔怕甜可以試試！撈消化餅碎食都幾正！飲品叫咗玫瑰紅桑子沙冰同士多啤梨紅桑子梳打，幾鍾意呢度啲嘢飲冇乜甜味，夠凍好解渴！

今日lunch特登約左同事黎食韓式蛋包飯，我地好早到，唔算多人，店員安排左我地坐卡位，坐得好舒服。蛋包飯泡菜五花肉蛋包飯，平時我就驚食五花腩，因為會覺得好肥膩，但呢個加咗泡就完全冇晒嗰種肥膩嘅感覺，啲泡菜又唔係好辣，啱啱好。炸雞半份無骨韓式炸雞，半份既份量就岩哂當小食，一人都分到三四件，炸雞新鮮炸好，咬落去好juice，配合埋佢哋個兩隻醬汁好開胃。豬手沙律韓式豬手我都係第一次食，仲要係冷盤配埋沙律一齊，感覺好新鮮，豬手睇相以為好肥膩，識落原來好爽口，充滿膠質。朱古力棉花糖最後我哋從來咗個甜品，個甜品係新鮮整好嘅，啲棉花糖焗到軟林林，啲朱古力半溶咁，真係要趁熱食。

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻 /5🛋 環境：👍🏻👍🏻👍🏻👍🏻 /5平時較少到訪東涌，藉著到廸士尼Staycation的關係，順道一試to-eat-list裡的韓風餐廳반찬앤쿡 𝔹𝕒𝕟𝕔𝕙𝕒𝕟 𝕒𝕟𝕕 ℂ𝕠𝕠𝕜 🇰🇷風格非常新派，主打提供韓式輕食的 𝔹𝕒𝕟𝕔𝕙𝕒𝕟 𝕒𝕟𝕕 ℂ𝕠𝕠𝕜，我們點了特色蛋包飯、炸雞、小食和特飲，食品上檯速度不算快，特別是我一開始就點了的甜品烤朱古力棉花糖，等了半小時、經過重複三次追問，仍然不知去向，最終選擇放棄，對於員工的辦事和服務態度非常有保留～💋 烤牛肉蛋包飯 ($98)員工把蛋包飯上檯後，先問客人要不要拍照，拍照後他就拿起小刀幫忙切開蛋包飯；裡面果然是嫩滑的雞蛋和蛋汁，與蕃汁炒飯同吃，味道一流 👍🏻 旁邊的洋蔥烤牛肉也同樣鮮嫩多汁，肉質軟腍，好吃 😋💋 蜜糖炸雞(無骨)半份 ($108)份量不算太多的炸雞，夾雜著一些年糕，炸雞肉質很不錯，很幼嫩，外皮炸得酥脆，炸雞本身已帶有蜜糖味，但配上蜜糖沙律醬和芝士醬，同樣味美 😋💋 炸蜜糖午餐肉條 ($52)小食來說份量未免真的太少了吧！4條炸午餐肉、幾塊無味

入得嚟東涌除咗可以去outlet shopping之外，仲有好多好嘢食等着大家去發掘，今次就帶大家去食下韓國嘢啦！🐷泡菜燉五花肉蛋包飯 $105蛋包飯最吸引嘅就係切開嘅一剎那，當職員會幫手切開嘅時候滿滿嘅蛋汁包圍着炒飯，睇見都賞心悅目，再加埋泡菜燉五花肉，小小嘅辣味令你越食越開胃，再加埋入味嘅肉汁每一層嘅口感都十分豐富。🍗韓式炸雞無骨 半份 $108炸雞嘅外皮香脆再加埋韓式嘅風味，酸酸甜甜嘅味道去轟炸你哋味蕾，最重要嘅係冇骨嘅炸雞啖啖肉咬落去係最高嘅享受！🍙芝士泡菜紫菜包飯 $78滿滿嘅芝士鋪喺紫菜包飯面真係好震撼，每一嚿拎上嚟芝士嘅拉絲簡直吸引你嘅眼球，濃郁嘅芝士味入口加埋泡菜嘅少少辣味真係生色不少，紫菜包飯細細舊啱啱好一啖一舊完全衝擊你嘅口感！🌹玫瑰紅桑子沙冰 $48粉紅色嘅沙冰真係打卡嘅焦點，每啖飲落去有一粒粒嘅紅桑子加埋淡淡清香嘅玫瑰味，有口感得來又夠晒舒暢！☕️伯爵茶鮮奶咖啡 $48伯爵茶味夠晒濃郁香氣，再加埋鮮奶咖啡不但冇比較啡嘅濃味搶走反而喺咖啡入面一絲絲咁滲出伯爵嘅茶香！🍫烤朱古力棉花糖 $78燒棉花糖真係食得好多㗎喇係BBQ嘅時候，但係呢個甜品真係一定要叫，佢烤出嚟嘅棉

今日黎到東薈城血拼🛒 ，買到咁上下準備食晚飯，行到三樓隱晦位置，見到一間主打蛋包飯韓國🇰🇷Fusion 菜的韓式餐廳🍴，餐廳裝潢走簡約木系路線「반찬앤쿡 Banchan and Cook」，記得係銅鑼灣同太古都有分店。🇰🇷門口對出有已規劃嘅開放式座位，奈何因疫情關係未能開放，所以主要坐回室內。餐廳格調高雅，配上大量乾花💐作裝飾，又掛上畫作，典雅大方，而且設有卡位雅座，坐得舒適。泡菜燉五花肉蛋包飯（HKD 105):好吸睛👀，賣相吸引，份量十足，店員仲好細心係你面前幫你切開流心蛋，滑捋捋的蛋從中間流出，質感滑溜，底部是牛肉粒炒飯帶點乾身，配合蛋包飯一齊食一流。開頭望落以為係普通泡菜卷，點知別有洞天，泡菜卷中包着兩塊軟身五花腩，五花腩表皮軟糯，充滿骨膠原，而泡菜辣到比較高，食落泡菜清爽清甜，味道正宗。韓式豬手沙律🥗（HKD 92):毫不吝嗇五花腩肉片，擺放得如藝術品，呈一把風扇形狀，賞心悅目，而且豬皮富有彈性 咬落充滿骨膠原，煙燻豬手味道，適量咸味🧂，新鮮爽脆沙律🥗茶中和左豬手咸味，仲有車厘茄同新鮮西柚好清新開胃。醬油蒜頭無骨炸雞🍗（HKD 108):可謂懶人必食，無骨炸雞炸粉唔厚，醬油蒜

今日突然之間好想去食韓國嘢 朋友介紹左一間炸雞超級超級正既韓國餐廳 入到去環境好舒服 啲卡位空間好大 好適合同朋友一齊傾偈 聚一聚✨柚子韓式炸雞有出乎意料嘅驚喜 未到甚至比連鎖嘅韓式炸雞店更加好味 炸雞肉Juicy多汁 十分出色✨慢煮雞胸肉沙律我哋三個男仔都係做開尖 見到呢個雞胸肉沙律 梗係要嗌啦 有蛋白質呀嘛雞胸肉係慢煮非常嫩滑，調味亦都唔會好重，啱晒健康人士！✨泡菜五花肉蛋包飯呢間餐廳另一個特色菜式就係蛋包飯，有好多好多唔同款式嘅蛋包飯包括鰻魚，牛肉等。我哋就選擇咗比較有韓國風味嘅泡菜五花肉蛋包飯。蛋包飯就彈一切開，就好似熔岩咁樣包住碗飯，賣相非常吸引，個蛋都夠晒滑！✨玫瑰紅桑子沙冰，士多啤梨紅桑子梳打兩杯都係好靚嘅紅桑子特色飲品，味道酸酸甜甜非常解渴，超級醒神✨朱古力棉花糖最尾甜品仲有一個朱古力棉花糖，軟綿綿咁超級好食